Isaya 31
31
AbaMisiri nibo abalzdu nabandu; shibali Nyasaye ta.
1Woowe khubo abakholomoshela eMisiri okhukhoonywa,
nibasuubilila tsifarasi,
nibeesiika ainakaari, shichila namanji,
khandi nende abachendela tsifarasi, shichila nabamaani muno;
ne shibahenga Omutakatifu waIsiraeli, kata shibakhaaba OMWAMI ta!
2Ne khane yesi nomuchesi, ne alaleera amabii,
kata shialarusiaho amakhuwake ta;
ne alarulila ikhunzu yabakholi betsimbii,
khandi khubakhoonyi ba abo abakholanga akobumayaanu.
3Mbula, abaMisiri nabandu, shibali Nyasaye ta;
khandi tsifarasi tsiabwe netsiemibili, shitsili roho tawe;
ne olwa OMWAMI alakololosia omukhonokwe,
omwenoyo oukhoonya aleesichirala, khandi omwenoyo oukhoonywa yesi alakwa,
nibatiba bosi halala.
4Okhuba kano niko aka OMWAMI yamboolela,
mbu Shinga olwa italanyi yibuluulila eshioluyiitsi shiayo,
nende omwana weitalanyi ario,
olwa omukanda omukhongo kwabaayi balangwa bachilwane,
niyirariisibwa nende oluyoka lwabwe,
kata okhutechela khulwa obuyoka obwa bakhola ta;
nolwa OMWAMI omwene mahe aleekha okhuseera khushikulu shiaSayuni, khandi khulukulu lwalio.
5Shinga amanyonyi olwa kabemba, nolwa OMWAMI omwene mahe
alashinga Yerusalemu;
alalishinga, nalihonia;
alalihonokosia nalilinda.
6Muunushiukhanile omwenoyo owa mwamukholela akeinumba muno muno, inywe abaana baIsiraeli. 7Okhuba khunyanga eyo buli mundu khwinywe alasukuna ebiabutswabie bieifeetsa, nende ebiabutswabie bieitsahaabu, ebia mweekholela namakhono keenywe abeene, khulwa ebionoono.
8Mana omuAshuru alakwa khulwa olukanga olurali lwomundu ta;
khandi olukanga olurali lwomundu ta lulamumala;
naye aleelukha olukanga,
abasooliilibe nabo balakwa abakholi ababohe.
9Ne olwandalwe lulahwaho khulwa oburii,
khandi abakhulundube balafwa omwoyo nibalekha eshilolelo shieneshio;
nolwa OMWAMI aboola, owa omulilokwe kuli eSayuni,
khandi omulilokwe omululumu eYerusalemu.
Currently Selected:
Isaya 31: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
