Isaya 24
24
OMWAMI nakhalachile eshialo eshiina
1Lole, OMWAMI akhola eshialo shibe eshikhaya, nashikwisia likunda,
nashifumamia, nasalaasia hosi hosi abamenyangamwo.
2Ne shinga olwa kali khubandu, nolwa kalaba khumukuhani;
shinga olwa kali khumusumba, nolwa kalaba khumwamiwe;
shinga olwa kali khumukholi omukhaana, nolwa kalaba khumukhaye mwene;
shinga olwa kali khumukuli, nolwa kalaba khu oyo oukusia;
shinga olwa kali khu oyo ouhosia, nolwa kalaba khumuholi;
shinga olwa kali khu oyo oubukula injelesio,
nolwa kalaba khu oyo oukalusia injelesio.
3Eshialo shilaba eshikhaya kuru, nishiyaayilwa elala;
okhuba OMWAMI niye owaboolile likhuwa lino.
4Eshialo shiikhuula nishihweleelela;
eshialo shitoreelela nishihweleelela,
ebichinguukhu bieshialo nabio nibitoreelela.
5Eshialo nashio shionooniibwe khulwabo abamenyangamwo;
okhuba babirile obwibaali,
baleshile lilako,
boonooniye indakano yobumeli.
6Khulwako eshilaka munwa shimuluule eshialo,
ne abamenyamwo, eshiina shibafwiliile;
kho abamenyilenje mushialo bayiile,
nibasikala abandu abatuutu butswa.
7Idivai yiikhuula,
omutsabibu kufululukha,
abemioyo emitsatsahafu babinda.
8Obusangaafu bwetsisukuti bwakama,
obuyoka bwa abo abeekhoya buhwa,
omwoyo kwokhwishia khwelichieng'i khwakama.
9Shibalanywa idivai nibeemba ta;
amalwa kalaba amalulu khubo abanyweetsanga.
10Litaala likoyaanile, lisasakuushe;
buli inzu yiikaalwe, mbu omundu yesi areenjilamwo ta.
11Amalilo kaliho khunjila tsiosi khulwa okhutakha idivai;
okhwikhoya khwosi khumaliihe,
obutsatsahafu bweshialo buhweeleho.
12Litaala litong'ile likunda,
khandi eshilibwa shikhupilwe nishitubulwa.
13Okhuba nolwa kalaba hakari weshialo, mubandu,
shinga okhubungulusia khwomutseituni,
shinga tsinzabibu tsiruluma, lichesa nilihweele.
14Bano balachinga emioyo, balakhupa tsinyami;
khulwa obukhulundu bwOMWAMI bakhupanga amakhu okhurula khunyanza.
15Khulwako mumuheelesie OMWAMI oluyali ebukwe,
kata eliira liOMWAMI, Nyasaye waIsiraeli, munguku tsieinyanza.
16Khwahuliile tsinyimbo nitsirula khundulo weshialo,
mbu oluyali khubalunjishi.
Ne ndasunga mbu Woowe! Endorile, endorile!
Abakhobani bakhobaane;
yee, abakhobani bakhobaane muno.
17Oburii, nende obuko, nende omubero,
bikhwitsiile, iwe oumenyanga mushialo.
18Ne owilukha oluyoka Iwoburii alakwa mubuko;
ne oyo ourula mubuko mukari alahambwa mumubero;
okhuba tsinzichi etsiomwikulu tsiikuushe,
khandi omuse kweshialo kurenga.
19Eshialo shiatishiile elala,
eshialo shisaluluushe pe,
eshialo shisikuushe muno.
20Eshialo shilayingoya shinga omundu oumeelile,
nishireesibwa eyi nende eyi shinga litili;
ne obusiro bweinduli yashio bulashisitohela;
nashio shilakwa, nishirabuukha khandi ta.
21Ne munduukho eyo OMWAMI alakuuma lihe liabali hekulu mwikulu,
nende abaruchi beshialo mushialo.
22Ne balakhung'aasibwa halala,
shinga ababohe olwa bakhung'aasibungwa mubuko,
nibeekalilwa mumbohe,
ne inyuma wetsindaalo tsinyinji balakuumwa.
23Mana omwesi kulafwimbwa omurwe,
eliuba nalio nilitiiklwa tsisoni;
okhuba OMWAMI omwene mahe alaruka mushikulu shiaSayuni, khandi muYerusalemu;
khandi imbeli wabakofube alalolosia oluyalilwe.
Currently Selected:
Isaya 24: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 24
24
OMWAMI nakhalachile eshialo eshiina
1Lole, OMWAMI akhola eshialo shibe eshikhaya, nashikwisia likunda,
nashifumamia, nasalaasia hosi hosi abamenyangamwo.
2Ne shinga olwa kali khubandu, nolwa kalaba khumukuhani;
shinga olwa kali khumusumba, nolwa kalaba khumwamiwe;
shinga olwa kali khumukholi omukhaana, nolwa kalaba khumukhaye mwene;
shinga olwa kali khumukuli, nolwa kalaba khu oyo oukusia;
shinga olwa kali khu oyo ouhosia, nolwa kalaba khumuholi;
shinga olwa kali khu oyo oubukula injelesio,
nolwa kalaba khu oyo oukalusia injelesio.
3Eshialo shilaba eshikhaya kuru, nishiyaayilwa elala;
okhuba OMWAMI niye owaboolile likhuwa lino.
4Eshialo shiikhuula nishihweleelela;
eshialo shitoreelela nishihweleelela,
ebichinguukhu bieshialo nabio nibitoreelela.
5Eshialo nashio shionooniibwe khulwabo abamenyangamwo;
okhuba babirile obwibaali,
baleshile lilako,
boonooniye indakano yobumeli.
6Khulwako eshilaka munwa shimuluule eshialo,
ne abamenyamwo, eshiina shibafwiliile;
kho abamenyilenje mushialo bayiile,
nibasikala abandu abatuutu butswa.
7Idivai yiikhuula,
omutsabibu kufululukha,
abemioyo emitsatsahafu babinda.
8Obusangaafu bwetsisukuti bwakama,
obuyoka bwa abo abeekhoya buhwa,
omwoyo kwokhwishia khwelichieng'i khwakama.
9Shibalanywa idivai nibeemba ta;
amalwa kalaba amalulu khubo abanyweetsanga.
10Litaala likoyaanile, lisasakuushe;
buli inzu yiikaalwe, mbu omundu yesi areenjilamwo ta.
11Amalilo kaliho khunjila tsiosi khulwa okhutakha idivai;
okhwikhoya khwosi khumaliihe,
obutsatsahafu bweshialo buhweeleho.
12Litaala litong'ile likunda,
khandi eshilibwa shikhupilwe nishitubulwa.
13Okhuba nolwa kalaba hakari weshialo, mubandu,
shinga okhubungulusia khwomutseituni,
shinga tsinzabibu tsiruluma, lichesa nilihweele.
14Bano balachinga emioyo, balakhupa tsinyami;
khulwa obukhulundu bwOMWAMI bakhupanga amakhu okhurula khunyanza.
15Khulwako mumuheelesie OMWAMI oluyali ebukwe,
kata eliira liOMWAMI, Nyasaye waIsiraeli, munguku tsieinyanza.
16Khwahuliile tsinyimbo nitsirula khundulo weshialo,
mbu oluyali khubalunjishi.
Ne ndasunga mbu Woowe! Endorile, endorile!
Abakhobani bakhobaane;
yee, abakhobani bakhobaane muno.
17Oburii, nende obuko, nende omubero,
bikhwitsiile, iwe oumenyanga mushialo.
18Ne owilukha oluyoka Iwoburii alakwa mubuko;
ne oyo ourula mubuko mukari alahambwa mumubero;
okhuba tsinzichi etsiomwikulu tsiikuushe,
khandi omuse kweshialo kurenga.
19Eshialo shiatishiile elala,
eshialo shisaluluushe pe,
eshialo shisikuushe muno.
20Eshialo shilayingoya shinga omundu oumeelile,
nishireesibwa eyi nende eyi shinga litili;
ne obusiro bweinduli yashio bulashisitohela;
nashio shilakwa, nishirabuukha khandi ta.
21Ne munduukho eyo OMWAMI alakuuma lihe liabali hekulu mwikulu,
nende abaruchi beshialo mushialo.
22Ne balakhung'aasibwa halala,
shinga ababohe olwa bakhung'aasibungwa mubuko,
nibeekalilwa mumbohe,
ne inyuma wetsindaalo tsinyinji balakuumwa.
23Mana omwesi kulafwimbwa omurwe,
eliuba nalio nilitiiklwa tsisoni;
okhuba OMWAMI omwene mahe alaruka mushikulu shiaSayuni, khandi muYerusalemu;
khandi imbeli wabakofube alalolosia oluyalilwe.
Oluluyia Union Version © Bible Society of Kenya 1975