Isaya 25
25
Olwimbo lwobwitsoomii khulwa obukoosia bwOMWAMI
1E OMWAMI, niwe Nyasaye wanje;
ndalakhufumia, ndaleetsoomia eliiralio;
okhuba wakholile akamakana,
ameebaalo kakhale, mubwisiikwa nende obwatoto.
2Okhuba wakholile litaala eshituuli;
wakholile litaala eliali nolukoba amayindi;
litookho liabasuku, mbu lileshe okhuba litaala;
mbu shililiumbakhwakhwo ta.
3Niko akachila oluyia lwabandu olwamaani lulakhuheelesinjia oluyali,
amatookho kamahanga akariisinjia kalakhuriitsanga.
4Okhuba wabeelenje olukoba Iwomumanani,
olukoba lwomutakha mumatinyuke,
obwilushilo mumbumbuyeka,
eshiinikha muluuya,
olwa okhuhuutsa khwa abo abamariisia khufwana shinga imbumbuyeka olwa yikhupa khwisiisi.
5Shinga oluuya habundu ahoomu,
nolwa olakwisia obuyoka bwabnsuku;
shinga oluuya imbeli weshiiniini shielileesi,
nolwa olwimbo lwa abo abamariisia luleesibwa hasi.
6Khandi mushikulu muno OMWAMI omwene mahe alabakholela abetsimbia tsiosi lisabo liebinulu, lisabo lietsidivai tsindulu, liebinulu ebiitsuulemwo obutunduli, lietsidivai tsindulu tsinzeleleshe. 7Mushikulu muno alarusiaho eshifuunikho eshifuuniishe tsimbia tsiosi tsiabandu, nende olububi olufuumile amahanga kosi. 8Omwami NYASAYE aleeyanga amasika mumoni mwabandu bosi; khandi amanyeko kabandube alakayiniaho okhurula khushialo shiosi; okhuba OMWAMI niye owaliboolile.
9Ne kalasungungwa munduukho eyo, mbu
Lole, Nyasaye weefwe ngwowuno;
khwamulindiiliile, neniye oulakhuhonia;
OMWAMI ngwowuno, khwamulindiiliile;
khuleekhoya nikhusangaalila obuhoniabwe.
10Okhuba khushikulu shino omukhono kwOMWAMI kulahongakhwo, ne Moabu alaseenelwa hasi mubwikhalobwe, shinga obunyasi Olwa buseenelwa mwitikho liamasingo. 11Ne alabambula amakhonoke mubwenomwo, shinga omwelama olwa abaambulanga amakhonoke okhwelama; ne OMWAMI aleesia obwichinjimisiibwe halala nende obubatsa bwamakhonoke. 12Ne oluyinga olurambi Iwetsingobatsio alwinami, nalulechelesia, nalwisia okhuula khwiloba, khandi okhuula khulufu.
Currently Selected:
Isaya 25: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 25
25
Olwimbo lwobwitsoomii khulwa obukoosia bwOMWAMI
1E OMWAMI, niwe Nyasaye wanje;
ndalakhufumia, ndaleetsoomia eliiralio;
okhuba wakholile akamakana,
ameebaalo kakhale, mubwisiikwa nende obwatoto.
2Okhuba wakholile litaala eshituuli;
wakholile litaala eliali nolukoba amayindi;
litookho liabasuku, mbu lileshe okhuba litaala;
mbu shililiumbakhwakhwo ta.
3Niko akachila oluyia lwabandu olwamaani lulakhuheelesinjia oluyali,
amatookho kamahanga akariisinjia kalakhuriitsanga.
4Okhuba wabeelenje olukoba Iwomumanani,
olukoba lwomutakha mumatinyuke,
obwilushilo mumbumbuyeka,
eshiinikha muluuya,
olwa okhuhuutsa khwa abo abamariisia khufwana shinga imbumbuyeka olwa yikhupa khwisiisi.
5Shinga oluuya habundu ahoomu,
nolwa olakwisia obuyoka bwabnsuku;
shinga oluuya imbeli weshiiniini shielileesi,
nolwa olwimbo lwa abo abamariisia luleesibwa hasi.
6Khandi mushikulu muno OMWAMI omwene mahe alabakholela abetsimbia tsiosi lisabo liebinulu, lisabo lietsidivai tsindulu, liebinulu ebiitsuulemwo obutunduli, lietsidivai tsindulu tsinzeleleshe. 7Mushikulu muno alarusiaho eshifuunikho eshifuuniishe tsimbia tsiosi tsiabandu, nende olububi olufuumile amahanga kosi. 8Omwami NYASAYE aleeyanga amasika mumoni mwabandu bosi; khandi amanyeko kabandube alakayiniaho okhurula khushialo shiosi; okhuba OMWAMI niye owaliboolile.
9Ne kalasungungwa munduukho eyo, mbu
Lole, Nyasaye weefwe ngwowuno;
khwamulindiiliile, neniye oulakhuhonia;
OMWAMI ngwowuno, khwamulindiiliile;
khuleekhoya nikhusangaalila obuhoniabwe.
10Okhuba khushikulu shino omukhono kwOMWAMI kulahongakhwo, ne Moabu alaseenelwa hasi mubwikhalobwe, shinga obunyasi Olwa buseenelwa mwitikho liamasingo. 11Ne alabambula amakhonoke mubwenomwo, shinga omwelama olwa abaambulanga amakhonoke okhwelama; ne OMWAMI aleesia obwichinjimisiibwe halala nende obubatsa bwamakhonoke. 12Ne oluyinga olurambi Iwetsingobatsio alwinami, nalulechelesia, nalwisia okhuula khwiloba, khandi okhuula khulufu.
Oluluyia Union Version © Bible Society of Kenya 1975