Isaya 22
22
Amakhuwa amasiro khwibanda lielibisulo
1Amakhuwa amasiro khwibanda lielibisulo.
Kabeele karie nineenywe bulaano,
mbu muniinile mwesi khubilama bietsinzu?
2E, iwe owitsuulemwo liboyochi,
litookho liobuyoka, litaala litsatsahafu,
abeerwabo shibeerwa nolukanga,
kata okhufwila mwihe ta.
3Abaruchibo bosi beelushila halala;
babohwa aharali obuyingo ta;
abobo bosi abanyoolekha babohwa halala,
kata olwa beelukha nibatsia ehale.
4Khulwako ndasunga mbu
Mundeshe embe,
endile obululu;
muranyakhana okhunemia omwoyo khulwa okhwonoonibwa khwomukhaana wabandu banje ta.
5Shichila neinduukho yeindiri,
khandi eya abandu okhuseenelwa hasi, khandi eyobukoyaani,
eyirula ewOmwami, OMWAMI omwene mahe, mwibanda lielibisulo;
eyokhulikulula olukoba,
khandi eyokhuhaaba okhuhuliliishila mubikulu.
6AbaElamu bachinga imotia,
nibali nende amakaari nende abachendela khufarasi;
ne abaKiri bafuunula ingabo.
7Amabandako akashila obulayi keetsulamwo amakaari,
ne abachendela khufarasi beeyanza hashilibwa.
8Ne eshifuunikho shiaYuda shiayinibwaho.
Ne khunyanga yeneyo mwahenga ebilasaanilo munzu eyomumutsuru. 9Khandi mwalola ebibanga ebielitookho liaDaudi, shinga olwa biali ebinji; ne mweekalila amatsi kosi akelitiba liemwalo. 10Khandi mwabasia tsinzu tsieYerusalemu, nimulikula tsinzu okhutinyisia olukoba. 11Khandi mwakhola litiba hakari wetsingoba tsibili khulwa amatsi kelitiba liakhale; ne shimwamuhenga omwenoyo owalikhola, kata shimwamupaarakhwo owalikasia khale tawe.
12Khunyanga eyo Omwami, OMWAMI omwene mahe,
yamulanjila khumalilo, nende khukhwikhuula,
nende khulubeko, nende khukhwifwala amakunia;
13ne lole, okhutsatsahala nende okhusangaala,
okhusinza tsing'ombe nende okhwira amakondi,
nende okhulia nende okhunywa, khwokhwo.
Khulie nikhunywa,
shichila mukamba nakhufwe.
14Ne OMWAMI yeebisulila mumarwi kanje, ari Toto bwene, shimulatisilwa obumayaanu buno okhuula olwa mulafwa;
nolwa Omwami aboola, OMWAMI omwene mahe.
Eliakimu okhukalusibwa mushilenje shiaShebina
15 16Omwami, OMWAMI omwene mahe, aboola mbu Tsia, omutsiile omusinjilili weinzu yomuruchi uno, niye Shebina, ouraakanga inzu, owiyabilanga omwene eshilindwa ahachinguukhu, nende okhwibaatsila eshimenyo mulwanda, nomusunjila mbu Wikholanga orie hano? Khandi niwina owa oli ninaye hano, mbu wiyabiile hano eshilindwa? 17Lola, okhufuuba OMWAMI alakhufuuba ehale, iwe omundu wamaani. Toto, okhuhamba alakhuhamba; 18okhukhuyunga alakhukhuyunga shinga obukhuyo, nakhusukuna mushialo eshieyanga; ebweneyo olafwilayo, khandi ebweneyo amakaari koluyalilwo kalabayo, iwe tsisoni tsieinzu yomwamiwo. 19Ndalakhusindikha orule mubwikhalobwo, khandi olakhweselwa hasi orule habunduwo. 20Ne munduukho eyo ndalalanga omusumba wanje Eliakimu waHilikia; 21ne ndalamufwala ingubo yiyo, nimubohakhwo omushiipikwo, nihaana oburuchibwo mumakhonoke; naye alaba khubamenyanga eYerusalemu shinga saabwe, khandi khubeinzu yaYuda. 22Ne olufungwo Iweinzu yaDaudi, ndalalura khwibekalie; naye aleekula, ne alahumaho ouleekala; aleekala, ne alahumaho ouleekula. 23Ne ndalamukhoma shinga omusumari habundu hatinyu; ne ye alaba eshifumbi shioburuchi shioluyali munzu yasamwana. 24Ne balaachikha khuye oluyali lwosi Iweinzu yasamwana, abaana babwe nende abeshilibwashie, shinga tsindaabo tsinduutu, okhurula khubikombe okhuula khutsinzikha. 25OMWAMI omwene mahe aboola mbu Khunduukho eyo, omusumari okwakhomwa habundu hatinyu kulatsomokha; kulatsomolwa nikuhangulukha, omusiiko okubeelekhwo nikwatishila elala; okhuba OMWAMI niye owaliboolile.
Currently Selected:
Isaya 22: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 22
22
Amakhuwa amasiro khwibanda lielibisulo
1Amakhuwa amasiro khwibanda lielibisulo.
Kabeele karie nineenywe bulaano,
mbu muniinile mwesi khubilama bietsinzu?
2E, iwe owitsuulemwo liboyochi,
litookho liobuyoka, litaala litsatsahafu,
abeerwabo shibeerwa nolukanga,
kata okhufwila mwihe ta.
3Abaruchibo bosi beelushila halala;
babohwa aharali obuyingo ta;
abobo bosi abanyoolekha babohwa halala,
kata olwa beelukha nibatsia ehale.
4Khulwako ndasunga mbu
Mundeshe embe,
endile obululu;
muranyakhana okhunemia omwoyo khulwa okhwonoonibwa khwomukhaana wabandu banje ta.
5Shichila neinduukho yeindiri,
khandi eya abandu okhuseenelwa hasi, khandi eyobukoyaani,
eyirula ewOmwami, OMWAMI omwene mahe, mwibanda lielibisulo;
eyokhulikulula olukoba,
khandi eyokhuhaaba okhuhuliliishila mubikulu.
6AbaElamu bachinga imotia,
nibali nende amakaari nende abachendela khufarasi;
ne abaKiri bafuunula ingabo.
7Amabandako akashila obulayi keetsulamwo amakaari,
ne abachendela khufarasi beeyanza hashilibwa.
8Ne eshifuunikho shiaYuda shiayinibwaho.
Ne khunyanga yeneyo mwahenga ebilasaanilo munzu eyomumutsuru. 9Khandi mwalola ebibanga ebielitookho liaDaudi, shinga olwa biali ebinji; ne mweekalila amatsi kosi akelitiba liemwalo. 10Khandi mwabasia tsinzu tsieYerusalemu, nimulikula tsinzu okhutinyisia olukoba. 11Khandi mwakhola litiba hakari wetsingoba tsibili khulwa amatsi kelitiba liakhale; ne shimwamuhenga omwenoyo owalikhola, kata shimwamupaarakhwo owalikasia khale tawe.
12Khunyanga eyo Omwami, OMWAMI omwene mahe,
yamulanjila khumalilo, nende khukhwikhuula,
nende khulubeko, nende khukhwifwala amakunia;
13ne lole, okhutsatsahala nende okhusangaala,
okhusinza tsing'ombe nende okhwira amakondi,
nende okhulia nende okhunywa, khwokhwo.
Khulie nikhunywa,
shichila mukamba nakhufwe.
14Ne OMWAMI yeebisulila mumarwi kanje, ari Toto bwene, shimulatisilwa obumayaanu buno okhuula olwa mulafwa;
nolwa Omwami aboola, OMWAMI omwene mahe.
Eliakimu okhukalusibwa mushilenje shiaShebina
15 16Omwami, OMWAMI omwene mahe, aboola mbu Tsia, omutsiile omusinjilili weinzu yomuruchi uno, niye Shebina, ouraakanga inzu, owiyabilanga omwene eshilindwa ahachinguukhu, nende okhwibaatsila eshimenyo mulwanda, nomusunjila mbu Wikholanga orie hano? Khandi niwina owa oli ninaye hano, mbu wiyabiile hano eshilindwa? 17Lola, okhufuuba OMWAMI alakhufuuba ehale, iwe omundu wamaani. Toto, okhuhamba alakhuhamba; 18okhukhuyunga alakhukhuyunga shinga obukhuyo, nakhusukuna mushialo eshieyanga; ebweneyo olafwilayo, khandi ebweneyo amakaari koluyalilwo kalabayo, iwe tsisoni tsieinzu yomwamiwo. 19Ndalakhusindikha orule mubwikhalobwo, khandi olakhweselwa hasi orule habunduwo. 20Ne munduukho eyo ndalalanga omusumba wanje Eliakimu waHilikia; 21ne ndalamufwala ingubo yiyo, nimubohakhwo omushiipikwo, nihaana oburuchibwo mumakhonoke; naye alaba khubamenyanga eYerusalemu shinga saabwe, khandi khubeinzu yaYuda. 22Ne olufungwo Iweinzu yaDaudi, ndalalura khwibekalie; naye aleekula, ne alahumaho ouleekala; aleekala, ne alahumaho ouleekula. 23Ne ndalamukhoma shinga omusumari habundu hatinyu; ne ye alaba eshifumbi shioburuchi shioluyali munzu yasamwana. 24Ne balaachikha khuye oluyali lwosi Iweinzu yasamwana, abaana babwe nende abeshilibwashie, shinga tsindaabo tsinduutu, okhurula khubikombe okhuula khutsinzikha. 25OMWAMI omwene mahe aboola mbu Khunduukho eyo, omusumari okwakhomwa habundu hatinyu kulatsomokha; kulatsomolwa nikuhangulukha, omusiiko okubeelekhwo nikwatishila elala; okhuba OMWAMI niye owaliboolile.
Oluluyia Union Version © Bible Society of Kenya 1975