Isaya 21
21
Amakhuwe amasiro khushitsiimi eshienanyanza
1Amakhuwa amasiro khushitsiimi eshienanyanza
Shinga tsimbumbuyeka tsiaNegebu olwa tsihutsutsanga,
nolwa keetsanga nikarula mushitsiimi, mushialo shiamariisia.
2Erumbuliilwe libisulo litinyu;
omukhobani akhobananga,
khandi omwonoonii yoonooninjia.
Rula, iwe Elamu;
botokhasia, iwe buMedi;
ndaakamiye okhushenya khwosi.
3Khulwako munda wanje mwitsuulemwo okhusaalila;
inumwa yimbambile,
shinga inumwa yomukhasi oulumwa okhwibula;
ndikotile khulwa okhutsuunwa,
nikhaywa okhuhulila;
efwile omwoyo, nikhaywa okhulola.
4Omwoyo kwanje kutuya, indenga yindiile;
eshiisiisiel eshia ndikombile shingalukhasiliibwe obutecheli.
5Baala imeesa,
baala emikeka,
balia, banywa.
Buushe, inywe abakhulundu,
mubashe ingabo.
6Okhuba kano niko aka Omwami yambooleele;
mbu Tsia, orekhwo omulindi;
arumbule aka alola;
7ne olwa alola omukanda kwabachendi, abachendela khufarasi nibalondana babili babili,
nende abachendela khusishili, nende abachendela khungamia,
kho arechelesie butinyu,
nareelekhwo omwoyo.
8Mana yalanjilisia, mbu
E Omwami, esinjilanga khushiru mushiteere,
khandi ereebungwa habulindi bwanje eshilo buli shilo;
9ne lola, omukanda kwabandu kwitsanga,
abachendela khufarasi nibalondana babili babili.
Naye nakalusia naboola mbu Babeli likwile, likwile;
khandi ebifwanani biosi ebibaatse biabanyasaye balio biatishiile hasi.
10E, inywe ebihuule bianje, khandi imele yolutse lwanje;
ako aka ndahuliile khuMWAMI omwene mahe,
Nyasaye waIsiraeli, ndakhurumbuliile.
Amakhuwa amasiro khuDuma
11Amakhuwa amasiro khuDuma.
Okhurula Seiri oundi yananga,
ari Omulindi, akeshilo?
Omulindi, akeshilo?
12Omulindi yaboola mbu Mutsuli kwitsanga, khandi nende eshilo;
nimuba nimwenya okhureeba, khareebe;
mukalushe, mwitse.
Amakhuwa amasiro khuArabia
13Amakhuwa amasiro khuArabia.
Namukone mubulimo muArabia,
inywe emikanda chiabachendi abaDedani.
14Mumuleerele amatsi omwenoyo owa obuloho bulia;
abamenyanga mushialo shiaTema,
muleerele abeelushi ebiliibwa.
15Okhuba beelukha tsinganga,
beelukha tsinganga etsitsomoolwe,
beelukha obuyingo oburecheekhwe,
khandi obusitohu bwelihe.
16Okhuba kano niko aka Omwami yambooleele; mbu Omuyika nikushili okhuhwa, emiyika chiomukholi womushaara shinga olwa chili, oluyali lwosi lwaKedari lulahwaho; 17ne abasikaale mubanji bwabalasi bobuyingo, abalulu babandu beKedari, balaba abatuutu; okhuba OMWAMI Nyasaye waIsiraeli, yaboolile ario.
Currently Selected:
Isaya 21: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 21
21
Amakhuwe amasiro khushitsiimi eshienanyanza
1Amakhuwa amasiro khushitsiimi eshienanyanza
Shinga tsimbumbuyeka tsiaNegebu olwa tsihutsutsanga,
nolwa keetsanga nikarula mushitsiimi, mushialo shiamariisia.
2Erumbuliilwe libisulo litinyu;
omukhobani akhobananga,
khandi omwonoonii yoonooninjia.
Rula, iwe Elamu;
botokhasia, iwe buMedi;
ndaakamiye okhushenya khwosi.
3Khulwako munda wanje mwitsuulemwo okhusaalila;
inumwa yimbambile,
shinga inumwa yomukhasi oulumwa okhwibula;
ndikotile khulwa okhutsuunwa,
nikhaywa okhuhulila;
efwile omwoyo, nikhaywa okhulola.
4Omwoyo kwanje kutuya, indenga yindiile;
eshiisiisiel eshia ndikombile shingalukhasiliibwe obutecheli.
5Baala imeesa,
baala emikeka,
balia, banywa.
Buushe, inywe abakhulundu,
mubashe ingabo.
6Okhuba kano niko aka Omwami yambooleele;
mbu Tsia, orekhwo omulindi;
arumbule aka alola;
7ne olwa alola omukanda kwabachendi, abachendela khufarasi nibalondana babili babili,
nende abachendela khusishili, nende abachendela khungamia,
kho arechelesie butinyu,
nareelekhwo omwoyo.
8Mana yalanjilisia, mbu
E Omwami, esinjilanga khushiru mushiteere,
khandi ereebungwa habulindi bwanje eshilo buli shilo;
9ne lola, omukanda kwabandu kwitsanga,
abachendela khufarasi nibalondana babili babili.
Naye nakalusia naboola mbu Babeli likwile, likwile;
khandi ebifwanani biosi ebibaatse biabanyasaye balio biatishiile hasi.
10E, inywe ebihuule bianje, khandi imele yolutse lwanje;
ako aka ndahuliile khuMWAMI omwene mahe,
Nyasaye waIsiraeli, ndakhurumbuliile.
Amakhuwa amasiro khuDuma
11Amakhuwa amasiro khuDuma.
Okhurula Seiri oundi yananga,
ari Omulindi, akeshilo?
Omulindi, akeshilo?
12Omulindi yaboola mbu Mutsuli kwitsanga, khandi nende eshilo;
nimuba nimwenya okhureeba, khareebe;
mukalushe, mwitse.
Amakhuwa amasiro khuArabia
13Amakhuwa amasiro khuArabia.
Namukone mubulimo muArabia,
inywe emikanda chiabachendi abaDedani.
14Mumuleerele amatsi omwenoyo owa obuloho bulia;
abamenyanga mushialo shiaTema,
muleerele abeelushi ebiliibwa.
15Okhuba beelukha tsinganga,
beelukha tsinganga etsitsomoolwe,
beelukha obuyingo oburecheekhwe,
khandi obusitohu bwelihe.
16Okhuba kano niko aka Omwami yambooleele; mbu Omuyika nikushili okhuhwa, emiyika chiomukholi womushaara shinga olwa chili, oluyali lwosi lwaKedari lulahwaho; 17ne abasikaale mubanji bwabalasi bobuyingo, abalulu babandu beKedari, balaba abatuutu; okhuba OMWAMI Nyasaye waIsiraeli, yaboolile ario.
Oluluyia Union Version © Bible Society of Kenya 1975