Hosea 5
5
Obukuumwi bwalsiraeli olwa bakalukha inyuma
1Hulile kano inywe abakuhani!
Rechelesie, inywe abeinzu yaIsiraeli!
Reche amarwi, inywe abeinzu yomuruchi!
Okhuba eshiina shili khwinywe;
okhuba mwabeelenje eshikoye eMizipa,
nolurimba olwalilwe khuTabori.
2Bayabile hasi muno obuko bwaShitimu;
ne ndalabakuuma bosi.
3Emanyile Efuraimu, kata Isiraeli shiyambiswakhwo ta;
okhuba bulaano, iwe Efuraimu, okholile obuheyi;
Isiraeli yoonooneeshe.
4Ebikhole biabwe shibibafuchiilila okhukalushila Nyasaye wabwe ta;
okhuba roho yobuheyi yili mubo,
kata shibamumanya OMWAMI ta.
5Obwikhulumamii bwaIsiraeli bumubuula mumoni;
niko akachila Efuraimu aleesichirala mubumayaanubwe;
Yuda yesi aleesichirala halala ninabo.
6Balatsia nebiayo biabwe netsing'ombe okhukhaaba OMWAMI,
ne shibalamunyoola ta;
abarulilekhwo.
7BamUkhOIeele OMWAMI akobukaatii;
shichila bayeebuule abaana abali abarende;
ne bulaano omwesi okwitsanga kulabalia halala nemikunda chiabwe.
8Khupe olwika muGibea neitarumbeta muRama;
khupe tsimbungu eBetsi-aweni;
iwe Benyamini, techela!
9Efuraimu alakwa likunda khunyanga yobukuumwi;
mumbia tsiaIsiraeli ndarumbuule akeetsa okhubaho.
10Abakhulundu baYuda beenga shinga abarusiaho ebimanyilo bietsinzakho;
ndalabasundulila oburima bwanje shinga amatsi.
11Efuraimu asandibwa, namiinwa mubukhalachi,
shichila yarakhwo omwoyo okhulonda khukabutswa.
12Niko akachila endi shinga litsilili khuEfuraimu,
kata shinga olukukhu khunzu yaYuda.
13Olwa Efuraimu yalola obulwalebwe,
naye Yuda nalola lifumirelie,
habwenayo Efuraimu yatsia eAshuru,
naruma abarume khumuruchi omukhongo;
ne ye shianyala okhumuhonia,
kata okhusilikha lifumire lieenywe ta.
14Okhuba ndalaba shinga italanyi khuEfuraimu,
shinga italanyi imbuukha khubeinzu yaYuda;
isie nisie omwene oulamaanya nimbwaho;
ndalayila, kata shialabaho ouhonia ta.
Obwikalukhasii bwalsiraeli nobukaatii butswa
15Enzitsa okhukalukha ewanje okhuula olwa baleeyama eshikha shiabwe nibakhaaba okhundola mumoni;
mumatinyu kabwe balakhaaba muno; bari Chende khukalushe khuMWAMI.
Currently Selected:
Hosea 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
