Hosea 4
4
Aka OMWAMl yafunaana nende Isiraeli
1Hulile likhuwa liOMWAMI, inywe abaana baIsiraeli;
okhuba OMWAMI ali neshifunaane nabamenyanga mushialo;
shichila mushialo shiosi obwatoto bubulamwo,
kata tsimbabasi, kata okhumanya Nyasaye ta.
2Akaliho nokhwitsuba, nokhufunaka eshiitsubo; nokhwira, nokhwiba, nokhuheya;
basilanga tsinzakho tsiosi, ne obwiri bulonda khubwiri bundi.
3Khulwako eshialo shilaba mushibeela;
buli mundu oumenyangamwo alootosheelela,
halala netsisolo tsiomubulimo namanyonyi akokhwikulu;
kata nende tsinyeeni etsiomunyanza tsiosi tsilabukulwa.
4Nebutswa omundu yesi aleshe okhuyingana,
kata omundu yesi aleshe okhukondekha;
shichila niwe, omukuhani, owa eyingana ninawe.
5Iwe oleesichirala mushiteere,
nomunabii yesi aleesichirala ninawe halala mushilo;
ne ndalatibia mawo.
6Abandu banje bamalilanwa khulwa okhutamba obumanyi;
okhuba waloba obumanyi,
nasi ekhulobile iwe, oleshe okhuba omukuhani wanje;
olwa weebilila amalako kaNyasayewo,
siesi nenzibilile abaanabo.
7Shinga olwa beenjihanga,
nolwa banzonoonelanga;
ndalakalula oluyali lwabwe lube tsisoni.
8Baliitsanga obwonooni bwabandu banje,
nibarakhwo omwoyo khubumayaanu bwabwe.
9Kalaba kari nanwa, mbu Shinga abandu olwa bali, nolwa omukuhani aba ario;
ne ndalabakuuma khulwa tsinjila tsiabwe,
nimbarunga khulwa ebikhole biabwe.
10Balaliitsanga, nibareekura ta;
balakholanga obuheyi, nibareenjiha ta;
shichila baleshile akOMWAMI
11mbu beehaane khubutamba.
Idivai, neidivai imbia,
bibukulanga amachesi.
12Abandu banje basaba obuchesiyii hashisaala shiabwe;
indabushi yabwe yibakalusia amakalusio;
okhuba roho yobuheyi yibashiamiye,
nibalekha Nyasaye wabwe okhulonda khubuheyi.
13Bamalilanga emisango khubutenje bwetsingulu nibasambila amalesi kelibuuliesi khubikulu,
mumiruba nemilibina nemialoni,
shichila eshiinikha shiachio neshilayi.
Niko akachila abakhaana beenywe nibakhola obutamba,
abeeha beenywe nabo nibakhola obuheyi.
14Shindalakuuma abakhaana beenywe olwa bakhola obutamba,
kata abeeha beenywe olwa bakhola obuheyi ta;
shichila abasaatsa nabo batsiitsanga khubatamba,
nibamala emisango nabaheyi abaahule;
noluyia lwabandu olubula obumanyilisii lulakwisibwa.
15Ne kata iwe nokhola obuheyi, Isiraeli,
Yuda aleshe okhwonoona;
oratsiakhwo eGiligali,
kata okhutikulukha okhutsia eBetsiaweni,
kata okhwitsuba mbu Shinga OMWAMI olwa aliho mwoyo, ta.
16Okhuba Isiraeli abeetsanga omukhayikhanu, shinga imoosi ikhayikhanu;
ne bulaano OMWAMI yakhanyala okhubaaya shinga likondi mubwayilo obubambalifu noho?
17Efuraimu yeeyunjile khubifwanani ebiinamilungwa;
muleshe abe.
18Neing'anda yabameesi, nibeehaana khubuheyi;
bakulaasia oluyali lwabwe tsisoni.
19Omuyeka kubakanyile mumbaha tsiakwo;
balafwimbwa omurwe khulwa ebimalilo biabwe biemisango.
Currently Selected:
Hosea 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
