Abaheburania 4
4
1A Khulwako khuriitsenje, mbu haundi, kata olwa obusuubisie bushiliho obwokhwinjila mubuhuluushibwe, omundu yesi khwinywe aleshe okhulolekha shinga ouchweyile. 2Shichila toto mwene, ifwe khweelwatsilwa Amakhuwa amalayi shinga bo; ne likhuwa elia bahulila shiliabakaasila eshindu ta, shichila khubahulili beene shiliatsokana nobusuubili tawe. 3Ne ifwe abasuubila khwinjilanga mubuhuluushi tsana obusungwakhwo burio, mbu
Niye shiachila nindiitsuba muburima bwanje,
mbu Shibaleenjila mubuhuluushi bwanje ta.
Kata nikali mbu emilimo chiene chiahwa okhukholwa okhurula khumusuule. 4Okhuba yaboola habundu khukeinyanga yomusaafu ari nanwa, mbu
Ne Nyasaye yahuluushila khunyanga yomusaafu khumilimochie chiosi echia yali nakholile.
5Nahabwenaho khandi, ari
Shibaleenjila mubuhuluushi bwanje ta.
6Kho olwa kashili butswa kario, mbu abandi beenjilemwo; khandi mbu abo abeelwatsilwa Amakhuwa amalayi khale bachweya okhwinjilamwo khulwa obukhayi bwabwe; 7kho khandi yaraho inyanga nabulebe, mbu “Leelo,” naboola mumunwa kwaDaudi inyuma wetsindaalo tsinyinji, shinga olwa khuboolile yaho inyuma, mbu
Leelo nimuba nimuhulila omwoyokwe muratinyia emioyo chieenywe ta.
8Shichila Yoswa alaba yabaheelesia obuhuluushi, shiyakhaboolilekhwo olunyuma akeinyanga yindi ta. 9Kho Isabato yobuhuluushi yishibatong'ela abandu baNyasaye. 10Shichila ouba niyeenjiile mubuhuluushi bwaNyasaye, yesi ario aba nahuluushile khumilimochie, shinga Nyasaye olwa yahuluukha khuchichie. 11Khulwako khurekhwo omwoyo okhwinjila mubuhuluushi tsana, mbu omundu yesi aleshe okhukwa khulwa okhulonda eshilolelo shiabwe shiobukhayi tsana.
12Okhuba likhuwa liaNyasaye lili mwoyo, nilikholanga, nilili eliuchi okhushila olukanga olwamema tsimbeka tsiombi, nilifumira okhuula khumukabukhano kwomwoyo naroho, kata okwobuunjilo nobutunduli obulimwo; khandi linyala okhwahukhasia amapaaro akomumwoyo, kata nende tsiyemi tsiakwo. 13Kata shibulaho eshilonje shiosi eshilibiswa; nebutswa biosi bili eshihechenye nibibakalwa ebulafu imbeli wetsimoni tsia oyo ouli omusinjilili wamakhuwa keefwe.
Yesu, omukuhani omukhulundu omukhongo
14Kho bulaano, olwa khuli nende omukuhani omukhulundu omukhongo owabirila mwikulu mwosi, niye Yesu Omwana waNyasaye, khutinye khukobusuubili ako aka khwiyamanga. 15Shichila omukuhani omukhuhmdu owa khuli ninaye shiali ouranyala okhutsuunwa nineefwe halala mubuteshele bweefwe ta; ne nowateemwa shingana ifwe mumakhuwa kosi, aharali okhwonoona khwosi tawe. 16Ne khulwako khuume ikholo okhusitilanga ahambi khushifumbi; shioburuchi shiobukoosia, mbu khubeelwe tsimbabasi, nikhunyoola obukoosia obukhuhabina nikhuli mubutambi.
Currently Selected:
Abaheburania 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
