Popular Bible Verses from Abaheburania 4

Share

Okhuba likhuwa liaNyasaye lili mwoyo, nilikholanga, nilili eliuchi okhushila olukanga olwamema tsimbeka tsiombi, nilifumira okhuula khumukabukhano kwomwoyo naroho, kata okwobuunjilo nobutunduli obulimwo; khandi linyala okhwahukhasia amapaaro akomumwoyo, kata nende tsiyemi tsiakwo.

Ne khulwako khuume ikholo okhusitilanga ahambi khushifumbi; shioburuchi shiobukoosia, mbu khubeelwe tsimbabasi, nikhunyoola obukoosia obukhuhabina nikhuli mubutambi.

Shichila omukuhani omukhuhmdu owa khuli ninaye shiali ouranyala okhutsuunwa nineefwe halala mubuteshele bweefwe ta; ne nowateemwa shingana ifwe mumakhuwa kosi, aharali okhwonoona khwosi tawe.

Kata shibulaho eshilonje shiosi eshilibiswa; nebutswa biosi bili eshihechenye nibibakalwa ebulafu imbeli wetsimoni tsia oyo ouli omusinjilili wamakhuwa keefwe.

Kho bulaano, olwa khuli nende omukuhani omukhulundu omukhongo owabirila mwikulu mwosi, niye Yesu Omwana waNyasaye, khutinye khukobusuubili ako aka khwiyamanga.

Khulwako khurekhwo omwoyo okhwinjila mubuhuluushi tsana, mbu omundu yesi aleshe okhukwa khulwa okhulonda eshilolelo shiabwe shiobukhayi tsana.