Abagalatia 4
4
1Nebutswa emuboolela mbu owobulaame olwa aba nashili omwana, shiyahukhanakhwo nomusumba ta, kata nali omwene biosi; 2ne arukwa nende abamwola nabasinjilili okhuula khunduukho eya samwana yalaka. 3Neefu fwesi khurio, olwa khwali nikhushili abaana, khwali mubusumba khumakhuwa koburanjilili komushialo. 4Ne olwa induukho yali niyusiibwe Nyasaye yaruma Omwanawe, niyeebulwa nomukhasi, niyeebulilwa mubusmuba bwamalako, 5mbu abanunule abali mubusumba bwamalako, ifwe khunyoole okhukholwa abaana.
6Khandi olwa muli abaanabe, Nyasaye yaruma Roho wOmwanawe mumioyo chieefwe, nalanjisia ari Aba, Papa. 7Kho bulaano shioshili omusumba ta, habula omwana; ne noba noli omwana, kho oli owobulaame khulwa Nyasaye.
Oburii obwa Paulo yali ninabwo khulwa abasuubili
8Nebutswa mundaalo tsilia, nimuramumanyile Nyasaye ta, mwali abasumba babeenabo abaralikhwo abanyasaye mumela yabwe ta. 9Ne bulaano, olwa mumalile okhumumanya Nyasaye, kata khusunje mbu okhumumanyishila Nyasaye, munyala murie okhushiukhana nimukalushila akeenako akoburanjilili, amaleemu akabula amaani, nimwikomba okhuba abasumba bako khandi? 10Mulindanga aketsindaalo, nemiesi, netsinduukho, nemiyika. 11Endi noburii khulweenywe, mbu haundi ndakhaba ninyakhananga butswa.
12Emusaaya, baana beefwe, mube shingana isie, okhuba siesi endi shingana inywe. Shimwayakholela obubii bwosi ta. 13Ne mumanyile mbu obuteshele bwomubili kwanje nibwo obwachila nimwilwatsila injiili olwambeli; 14ne kata akomubili kwanje, akakhamuteemile, shimwaleka kata okhusinyishila ta; ne mwanzinjisia shinga malaika waNyasaye, kata shinga Kristo Yesu. 15Kho bulaano, okhwiyitsiala khweenywe khuli heena? Shichila endi omuloli weenywe mbu nikaba nikakhanyaliishe, mwakhatsomoole tsimoni tsieenywe nimumbeelesia. 16Khane bulaano engwile omusuku weenywe, shichila emuboolela akatoto?
17Bamukhaabanga neshinani, ne shikhuli munjila indayi ta; mbaa, beekomba okhumwikalila elwanyi, mbu mubakhaabe bo. 18Ne tsindaalo tsiosi nobulayi okhukhaabwa neshinani mwikhuwa lilayi, ne khubisie ebia endi nineenywe bionyene ta. 19Rwana rwanje, enumwa inzibula khandi khulweenywe, okhuula olwa Kristo alaba nalonjeeshe mwinywe. 20Toto mwene, ndakhanyala okhwikomba okhubaho nineenywe bulaano, engalukhasiekhwo omwoyo okwa emboola ninakwo; shichila erambilwe khulweenywe.
AkaHagari naSara kakwa oluchelo
21Mumboolele, inywe abeekomba okhuba abasumba bamalako, mbu shimuhulilanga amalako ta? 22Okhuba kahandiikwa mbu Aburahamu yali nende abaana babili, mulala owomukhasi omukholiomukule, oundi owomukhasi omulekhuule. 23Nebutswa oweebulwa nomukule oyo, yeebulwa khulwa omubili; ne owomukhasi omulekhuule, yeebulwa khulwa obusuubisie. 24Amakhuwa ako kalimwo oluchelo; mbu abakhasi abo nibo tsindakano tsibili; ndala yirula mushikulu shiaSinai, niyiibula abaana mubusumba, ne niye Hagari. 25Ne Hagari uno neshikulu shiaSinai, ebuArabu, ne neshifwanani shiaYerusalemu eliliho leelo; okhuba nomusumba, halala nabaanabe. 26Ne Yerusalemu elo elili hekulu nelilekhuule; ne nilio nyineefwe. 27Shichila kahandiikwa kari
Wikhoye iwe omukumba oureebulanga ta,
rundukha mukhuupa tsingalalaka, iwe ouraIumwa okhwibula ta,
okhuba abaana ba oyo owalekhwa nabanji okhushila aba oyo ouli nomusaatsawe.
Kho bulaano, baana beefwe, ifwe khuli abaana bobusuubisie, shinga Isaka olwa yali. 29Ne shinga oyo oweebulwa khulwa omubili olwa yamusandia oyo oweebulwa khulwa Roho mundaalo tsilia, nindio kali kata bulaano. 30Nebutswa amahandiiko kaboola karie? Mbu Yilusia omukholi uno nende omwanawe; okhuba omwana womukule shialilia obulaame halala nomwana womukhasi omulekhuule ta. 31Niko akachila, baana beefwe, shikhuli abaana bomukholi ta, habula abomukhasi omulekhuule.
Currently Selected:
Abagalatia 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abagalatia 4
4
1Nebutswa emuboolela mbu owobulaame olwa aba nashili omwana, shiyahukhanakhwo nomusumba ta, kata nali omwene biosi; 2ne arukwa nende abamwola nabasinjilili okhuula khunduukho eya samwana yalaka. 3Neefu fwesi khurio, olwa khwali nikhushili abaana, khwali mubusumba khumakhuwa koburanjilili komushialo. 4Ne olwa induukho yali niyusiibwe Nyasaye yaruma Omwanawe, niyeebulwa nomukhasi, niyeebulilwa mubusmuba bwamalako, 5mbu abanunule abali mubusumba bwamalako, ifwe khunyoole okhukholwa abaana.
6Khandi olwa muli abaanabe, Nyasaye yaruma Roho wOmwanawe mumioyo chieefwe, nalanjisia ari Aba, Papa. 7Kho bulaano shioshili omusumba ta, habula omwana; ne noba noli omwana, kho oli owobulaame khulwa Nyasaye.
Oburii obwa Paulo yali ninabwo khulwa abasuubili
8Nebutswa mundaalo tsilia, nimuramumanyile Nyasaye ta, mwali abasumba babeenabo abaralikhwo abanyasaye mumela yabwe ta. 9Ne bulaano, olwa mumalile okhumumanya Nyasaye, kata khusunje mbu okhumumanyishila Nyasaye, munyala murie okhushiukhana nimukalushila akeenako akoburanjilili, amaleemu akabula amaani, nimwikomba okhuba abasumba bako khandi? 10Mulindanga aketsindaalo, nemiesi, netsinduukho, nemiyika. 11Endi noburii khulweenywe, mbu haundi ndakhaba ninyakhananga butswa.
12Emusaaya, baana beefwe, mube shingana isie, okhuba siesi endi shingana inywe. Shimwayakholela obubii bwosi ta. 13Ne mumanyile mbu obuteshele bwomubili kwanje nibwo obwachila nimwilwatsila injiili olwambeli; 14ne kata akomubili kwanje, akakhamuteemile, shimwaleka kata okhusinyishila ta; ne mwanzinjisia shinga malaika waNyasaye, kata shinga Kristo Yesu. 15Kho bulaano, okhwiyitsiala khweenywe khuli heena? Shichila endi omuloli weenywe mbu nikaba nikakhanyaliishe, mwakhatsomoole tsimoni tsieenywe nimumbeelesia. 16Khane bulaano engwile omusuku weenywe, shichila emuboolela akatoto?
17Bamukhaabanga neshinani, ne shikhuli munjila indayi ta; mbaa, beekomba okhumwikalila elwanyi, mbu mubakhaabe bo. 18Ne tsindaalo tsiosi nobulayi okhukhaabwa neshinani mwikhuwa lilayi, ne khubisie ebia endi nineenywe bionyene ta. 19Rwana rwanje, enumwa inzibula khandi khulweenywe, okhuula olwa Kristo alaba nalonjeeshe mwinywe. 20Toto mwene, ndakhanyala okhwikomba okhubaho nineenywe bulaano, engalukhasiekhwo omwoyo okwa emboola ninakwo; shichila erambilwe khulweenywe.
AkaHagari naSara kakwa oluchelo
21Mumboolele, inywe abeekomba okhuba abasumba bamalako, mbu shimuhulilanga amalako ta? 22Okhuba kahandiikwa mbu Aburahamu yali nende abaana babili, mulala owomukhasi omukholiomukule, oundi owomukhasi omulekhuule. 23Nebutswa oweebulwa nomukule oyo, yeebulwa khulwa omubili; ne owomukhasi omulekhuule, yeebulwa khulwa obusuubisie. 24Amakhuwa ako kalimwo oluchelo; mbu abakhasi abo nibo tsindakano tsibili; ndala yirula mushikulu shiaSinai, niyiibula abaana mubusumba, ne niye Hagari. 25Ne Hagari uno neshikulu shiaSinai, ebuArabu, ne neshifwanani shiaYerusalemu eliliho leelo; okhuba nomusumba, halala nabaanabe. 26Ne Yerusalemu elo elili hekulu nelilekhuule; ne nilio nyineefwe. 27Shichila kahandiikwa kari
Wikhoye iwe omukumba oureebulanga ta,
rundukha mukhuupa tsingalalaka, iwe ouraIumwa okhwibula ta,
okhuba abaana ba oyo owalekhwa nabanji okhushila aba oyo ouli nomusaatsawe.
Kho bulaano, baana beefwe, ifwe khuli abaana bobusuubisie, shinga Isaka olwa yali. 29Ne shinga oyo oweebulwa khulwa omubili olwa yamusandia oyo oweebulwa khulwa Roho mundaalo tsilia, nindio kali kata bulaano. 30Nebutswa amahandiiko kaboola karie? Mbu Yilusia omukholi uno nende omwanawe; okhuba omwana womukule shialilia obulaame halala nomwana womukhasi omulekhuule ta. 31Niko akachila, baana beefwe, shikhuli abaana bomukholi ta, habula abomukhasi omulekhuule.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975