Abagalatia 5
5
Simbiile mubulekhule
1Mubulekhuule Kristo wakhulekhuula; kho musimbiile, nimurabohwa khandi mwikokolo liobusumba ta.
2Lole, isie Paulo emuboolela mbu nimuba nimufuchiilila okhushebwa, Kristo shialabakhwo neinganga yosi khwinywe ta. 3Toto mwene, ne khandi emurumbulila buli mundu oufuchiilila okhushebwa, mbu khatimba akhole kosi akamalako. 4Mwakabukhasibwa nende Kristo, inywe abeenya okhubasilibwa obulunjishi khulwa amalako; mubeetsanga nimwakuushe okhurula khubukoosia. 5Okhuba ifwe, khulwa Roho, mubusuubili khulindiilila obulunjishi obwa khunaayanga. 6Okhuba muKristo Yesu eshishebo shishili neinganga yosi ta, kata obusinde burio; habula obusuubili, obukholanga mubuheeli.
7Mwali nimwilukhanga bulayi; niwina owamuyinjila oburahulila obwatoto ta? 8Obutsuubwi obwo shibwarula khumwenoyo oumulanga ta. 9Amamela amatuutu kafwimbia omuhayila kwosi. 10Emwisiikanga muMwami, mbu shimulabakhwo namapaaro kandi lukano ta; ne oyo oumunyasinjia, kata naba wina, aleetuukha eshiinashie. 11Nasi, baana beefwe, nimba nishiilwatsanga akeshishebo, mbushiina eshisandibungwa? Yaho eshiisichirasio shiomusalaba shiakhaba nishiakaame. 12Shiakhuha abeenabo abamukoyaasinjia beelata abeene bwilata!
13Shichila inywe, baana beefwe, mwalanjilwa mwalanjilwa obulekhuule; ne obulekhuule bweenywe obwo buleshe okhukwa obwiyangu bwomubili ta; habula mbu mukhalabanilanenje mubuheeli. 14Okhuba amalako kosi koosilibwa mwikhuwa elala; ndielino, mbu Omuheelenje owashio shinga olwa wiheela omwene. 15Ne nimuba nimulumananga nimuliana abeene khubeene, mubeetsenje meeso muleshe okhumalana.
Ebiamo biaRoho, nende ebikhole biomubili
16Nasi emboola mbu mwichendelesie muRoho, kho shimulakholanga akobwikombi bwomubili ta. 17Shichila omubili kwikomba nikufukula Roho, naye Roho afukula omubili; shichila ebio biombi bifukulananga; mbu mana mukhaywe okhukhola aka mwenya. 18Ne nimuba nimwimililungwa nende Roho, shimuba abasumba bamalako ta. 19Ne ebikhole biomubili biibakalanga ebulafu; biene mbiebino, mbu obuheyi, akeshifwabwi, obwilaasi, 20obwinamili bwebifwanani biabutswa, obufila, obusuku, obusoolo, okhukhalikha omukongo, oburima, obuyingani, obukabukhani, emiahukho, 21imbalikha, obumeesi, obulangu, nende akafwana kario; akeenako eranjilila okhumuboolela khale, shinga olwa ndamuboolela khale olwambeli, mbu abakholanga akafwana kario shibalilia obulaame bwobwami bwaNyasaye ta.
22Ne ebiamo biaRoho mbiebino; mbu obuheeli, obusangaafu, omulembe, obwifwili, eshisa, obulayi, obwisiikwa, 23obuholo, obwiruchi; libulaho lilako elikaania akafwana kario ta. 24Nabo abali baKristo Yesu babambile imela yomubili khumusalaba, halala nobwilaasi nobwikombi bwayo.
25Nikhuba nikhubeetsanga mwoyo khulwa Roho, khulondanenje khurio nende Roho. 26Khuleshenje okhwichinjimisia butswa, nikhutsuubana, nikhutiililanwa imbalikha.
Currently Selected:
Abagalatia 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abagalatia 5
5
Simbiile mubulekhule
1Mubulekhuule Kristo wakhulekhuula; kho musimbiile, nimurabohwa khandi mwikokolo liobusumba ta.
2Lole, isie Paulo emuboolela mbu nimuba nimufuchiilila okhushebwa, Kristo shialabakhwo neinganga yosi khwinywe ta. 3Toto mwene, ne khandi emurumbulila buli mundu oufuchiilila okhushebwa, mbu khatimba akhole kosi akamalako. 4Mwakabukhasibwa nende Kristo, inywe abeenya okhubasilibwa obulunjishi khulwa amalako; mubeetsanga nimwakuushe okhurula khubukoosia. 5Okhuba ifwe, khulwa Roho, mubusuubili khulindiilila obulunjishi obwa khunaayanga. 6Okhuba muKristo Yesu eshishebo shishili neinganga yosi ta, kata obusinde burio; habula obusuubili, obukholanga mubuheeli.
7Mwali nimwilukhanga bulayi; niwina owamuyinjila oburahulila obwatoto ta? 8Obutsuubwi obwo shibwarula khumwenoyo oumulanga ta. 9Amamela amatuutu kafwimbia omuhayila kwosi. 10Emwisiikanga muMwami, mbu shimulabakhwo namapaaro kandi lukano ta; ne oyo oumunyasinjia, kata naba wina, aleetuukha eshiinashie. 11Nasi, baana beefwe, nimba nishiilwatsanga akeshishebo, mbushiina eshisandibungwa? Yaho eshiisichirasio shiomusalaba shiakhaba nishiakaame. 12Shiakhuha abeenabo abamukoyaasinjia beelata abeene bwilata!
13Shichila inywe, baana beefwe, mwalanjilwa mwalanjilwa obulekhuule; ne obulekhuule bweenywe obwo buleshe okhukwa obwiyangu bwomubili ta; habula mbu mukhalabanilanenje mubuheeli. 14Okhuba amalako kosi koosilibwa mwikhuwa elala; ndielino, mbu Omuheelenje owashio shinga olwa wiheela omwene. 15Ne nimuba nimulumananga nimuliana abeene khubeene, mubeetsenje meeso muleshe okhumalana.
Ebiamo biaRoho, nende ebikhole biomubili
16Nasi emboola mbu mwichendelesie muRoho, kho shimulakholanga akobwikombi bwomubili ta. 17Shichila omubili kwikomba nikufukula Roho, naye Roho afukula omubili; shichila ebio biombi bifukulananga; mbu mana mukhaywe okhukhola aka mwenya. 18Ne nimuba nimwimililungwa nende Roho, shimuba abasumba bamalako ta. 19Ne ebikhole biomubili biibakalanga ebulafu; biene mbiebino, mbu obuheyi, akeshifwabwi, obwilaasi, 20obwinamili bwebifwanani biabutswa, obufila, obusuku, obusoolo, okhukhalikha omukongo, oburima, obuyingani, obukabukhani, emiahukho, 21imbalikha, obumeesi, obulangu, nende akafwana kario; akeenako eranjilila okhumuboolela khale, shinga olwa ndamuboolela khale olwambeli, mbu abakholanga akafwana kario shibalilia obulaame bwobwami bwaNyasaye ta.
22Ne ebiamo biaRoho mbiebino; mbu obuheeli, obusangaafu, omulembe, obwifwili, eshisa, obulayi, obwisiikwa, 23obuholo, obwiruchi; libulaho lilako elikaania akafwana kario ta. 24Nabo abali baKristo Yesu babambile imela yomubili khumusalaba, halala nobwilaasi nobwikombi bwayo.
25Nikhuba nikhubeetsanga mwoyo khulwa Roho, khulondanenje khurio nende Roho. 26Khuleshenje okhwichinjimisia butswa, nikhutsuubana, nikhutiililanwa imbalikha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975