Abagalatia 3
3
Amalako, nohomba obusuubili?
1Inywe abaGalatia abasilusilu, niwina owamulochile inywe aba Yesu Kristo yabakaliilwe habulafu imbeli weenywe, nabambilwe khumusalaba? 2Nelikhuwa lino elala lionyene elia enzenya okhumanyila khwinywe; mbu mwaheebwa Roho khulwa ebikhole biamalako, nohomba khulwa okhusuubilila aka mwahulila? 3Khane muli abasilu murio? Olwa mwachaachila muRoho, bulaano mwenya okhukholwa abalamba mukomubili? 4Mweefwila amakhuwa amanji kario butswa noho? Nikhuba nikhwali khurio butswa toto. 5Kho omwenoyo oumuheelesinjia Roho, nakhola mwinywe emilimo chiobunyali, amukholela ario khulwa ebikhole biamalako, nohomba khulwa okhusuubilila aka mwahulila? 6Kata shinga Aburahamu olwa yasuubila Nyasaye, obusuubilibwe nibumubasilibwa mbu nobulunjishi.
7Kho mumanye mbu abo abali abobusuubili nibo abali abaana baAburahamu. 8Nako amahandiikho, olwa kalola khale mbu Nyasaye yeetsa okhubasilia Abamahanga obulunjishi khulwa obusuubili, kamurumbulila Aburahamu amakhuwa amalayi khale, kari Mwiwe nimwo omwa amahanga kosi kalanyoolelangamwo ikhabi. 9Kho abo abali abobusuubili baheebwa ikhabi halala nende Aburahamu omusuubilwa.
10Okhuba bosi abali abebikhole biamalako bali mushilaamo shiobubii; shichila kahandiikwa, mbu Ali mushilaamo shiobubii omundu yesi ouraIumilila mukosi akahandiikwa mushitabu shiamalako, okhukakhola ta. 11Ne lino lilolekha ebulafu, mbu abulaho oubasilibwa obulunjishi imbeli waNyasaye khulwa amalako ta; shichila mbu Omulunjishi alabeetsanga mwoyo khulwa obusuubili. 12Ne amalako shikali akabusuubili ta; habula mbu Oukakhola alabeetsanga mwoyo muko 13Kristo yakhununula khurule mushilaamo shiobubii shiamalako, olwa omwene yakwa oweshilaamo shiobubiikhulweefwe; okhuba kahandiikwa mbu Ali mushilaamo shiobubii omundu yesi oufungwa khumusaala; 14mbu ikhabi yaAburahamu mana yule khuBamahanga muKristo Yesu, mbu if we khunyoole eshisuubisie shia Roho munjila yobusuubili.
Amaleko nende obusuubisie
15Baana beefwe, emboola shinga omundu namundu; mbu kata niyakhabaho indakano yabandu nabandu, ne olwa yiba niyitinyisiibwe, abulaho ouchileka, kata ouchimeetakhwo likhuwa tawe. 16Ne Aburahamu niye owasuubisibwa obusuubisie obwo, halala nende olwibulolwe. Shiyasunga mbu Nende tsinzibulotsio, shinga olwa tsiakhaba tsinyinji, ta; habula shinga lulala, mbu Nende olwibulolwo; ne nilwo Kristo. 17Nasi emboola endi nanwa; mbu indakano yatinyisibwa khale nende Nyasaye; ne amalako akeetsa olunyuma Iwemiyika ebikhumi bine namakhumi kataru shiyinyala okhuchila niyilekwa, kata obusuubisie okhufuba, tawe. 18Okhuba obulaame nibuba niburula khumalako, shibushili obwobusuubisie ta; nebutswa Nyasaye yamuheelesia Aburahamu khunjila yobusuubisie.
19Kho amalako kali kari? Kataswakhwo khulwa obukhayi, okhuula olwa owolwibulo olwo yakheetsa, owasuubisibwa obusuubisie bwene; khandi amalako ako kalachilisibwa nabamalaika, mumukhono kwawanjila. 20Ne wanjilal shiyeenyekha olwa omundu aliho mulala yenyene ta; ne Nyasaye niye mulala.
Aka Amalako kachoomakhwo
21Kho amalako kafukula obusuubisie bwaNyasaye? Nahatuutu ta; shichila amalako akahaanwa nikaba nikakhanyalile okhuleera obulamu toto mwene obulunjishi bwakharulile mumalako. 22Nebutswa amahandiiko keekaliile ebindu biosi mubusumba bwobwonooni, mbu abobusuubili baheebwe ako akasuubisibwa khulwa okhusuubilila Yesu Kristo.
23Ne obusuubili olwa bwali niburashieets a ta, ifwe khwabohwa mubusumba bwamalako, nikhwikalilwa okhuula obusuubili bwenobwo obwali nibwitsa okhufwimbulwa olunyumakhwo olwa bwakheetsa. 24Kho amalako kalinji omulindi weefwe, okhukhuleera khuKristo, mbu khubasilibwe obulunjishi khulwa obusuubili. 25Ne bulaano, obusuubili olwa bumalile okhwitsa, shikhushirukwa nomulindi ta. 26Okhuba mwesi muli abaana baNyasaye, khulwa obusuubili, muKristo Yesu. 27Okhuba abo bosi khwinywe ababatisibwa nimwinjisibwa muKristo, mwamwifwala Kristo. 28Shianyala okhubaho omuYahudi kata omuYunani; shianyala okhubaho omusumba kata omwibule; shianyala okhubaho oweshisaatsa kata oweshikhasi ta; shichila mwesi muli mulala muKristo Yesu. 29Ne nimuba nimuli baKristo, kho muli olwibulo lwaAburahamu, khandi abobulaame, obusuubisie shinga olwa buli.
Currently Selected:
Abagalatia 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abagalatia 3
3
Amalako, nohomba obusuubili?
1Inywe abaGalatia abasilusilu, niwina owamulochile inywe aba Yesu Kristo yabakaliilwe habulafu imbeli weenywe, nabambilwe khumusalaba? 2Nelikhuwa lino elala lionyene elia enzenya okhumanyila khwinywe; mbu mwaheebwa Roho khulwa ebikhole biamalako, nohomba khulwa okhusuubilila aka mwahulila? 3Khane muli abasilu murio? Olwa mwachaachila muRoho, bulaano mwenya okhukholwa abalamba mukomubili? 4Mweefwila amakhuwa amanji kario butswa noho? Nikhuba nikhwali khurio butswa toto. 5Kho omwenoyo oumuheelesinjia Roho, nakhola mwinywe emilimo chiobunyali, amukholela ario khulwa ebikhole biamalako, nohomba khulwa okhusuubilila aka mwahulila? 6Kata shinga Aburahamu olwa yasuubila Nyasaye, obusuubilibwe nibumubasilibwa mbu nobulunjishi.
7Kho mumanye mbu abo abali abobusuubili nibo abali abaana baAburahamu. 8Nako amahandiikho, olwa kalola khale mbu Nyasaye yeetsa okhubasilia Abamahanga obulunjishi khulwa obusuubili, kamurumbulila Aburahamu amakhuwa amalayi khale, kari Mwiwe nimwo omwa amahanga kosi kalanyoolelangamwo ikhabi. 9Kho abo abali abobusuubili baheebwa ikhabi halala nende Aburahamu omusuubilwa.
10Okhuba bosi abali abebikhole biamalako bali mushilaamo shiobubii; shichila kahandiikwa, mbu Ali mushilaamo shiobubii omundu yesi ouraIumilila mukosi akahandiikwa mushitabu shiamalako, okhukakhola ta. 11Ne lino lilolekha ebulafu, mbu abulaho oubasilibwa obulunjishi imbeli waNyasaye khulwa amalako ta; shichila mbu Omulunjishi alabeetsanga mwoyo khulwa obusuubili. 12Ne amalako shikali akabusuubili ta; habula mbu Oukakhola alabeetsanga mwoyo muko 13Kristo yakhununula khurule mushilaamo shiobubii shiamalako, olwa omwene yakwa oweshilaamo shiobubiikhulweefwe; okhuba kahandiikwa mbu Ali mushilaamo shiobubii omundu yesi oufungwa khumusaala; 14mbu ikhabi yaAburahamu mana yule khuBamahanga muKristo Yesu, mbu if we khunyoole eshisuubisie shia Roho munjila yobusuubili.
Amaleko nende obusuubisie
15Baana beefwe, emboola shinga omundu namundu; mbu kata niyakhabaho indakano yabandu nabandu, ne olwa yiba niyitinyisiibwe, abulaho ouchileka, kata ouchimeetakhwo likhuwa tawe. 16Ne Aburahamu niye owasuubisibwa obusuubisie obwo, halala nende olwibulolwe. Shiyasunga mbu Nende tsinzibulotsio, shinga olwa tsiakhaba tsinyinji, ta; habula shinga lulala, mbu Nende olwibulolwo; ne nilwo Kristo. 17Nasi emboola endi nanwa; mbu indakano yatinyisibwa khale nende Nyasaye; ne amalako akeetsa olunyuma Iwemiyika ebikhumi bine namakhumi kataru shiyinyala okhuchila niyilekwa, kata obusuubisie okhufuba, tawe. 18Okhuba obulaame nibuba niburula khumalako, shibushili obwobusuubisie ta; nebutswa Nyasaye yamuheelesia Aburahamu khunjila yobusuubisie.
19Kho amalako kali kari? Kataswakhwo khulwa obukhayi, okhuula olwa owolwibulo olwo yakheetsa, owasuubisibwa obusuubisie bwene; khandi amalako ako kalachilisibwa nabamalaika, mumukhono kwawanjila. 20Ne wanjilal shiyeenyekha olwa omundu aliho mulala yenyene ta; ne Nyasaye niye mulala.
Aka Amalako kachoomakhwo
21Kho amalako kafukula obusuubisie bwaNyasaye? Nahatuutu ta; shichila amalako akahaanwa nikaba nikakhanyalile okhuleera obulamu toto mwene obulunjishi bwakharulile mumalako. 22Nebutswa amahandiiko keekaliile ebindu biosi mubusumba bwobwonooni, mbu abobusuubili baheebwe ako akasuubisibwa khulwa okhusuubilila Yesu Kristo.
23Ne obusuubili olwa bwali niburashieets a ta, ifwe khwabohwa mubusumba bwamalako, nikhwikalilwa okhuula obusuubili bwenobwo obwali nibwitsa okhufwimbulwa olunyumakhwo olwa bwakheetsa. 24Kho amalako kalinji omulindi weefwe, okhukhuleera khuKristo, mbu khubasilibwe obulunjishi khulwa obusuubili. 25Ne bulaano, obusuubili olwa bumalile okhwitsa, shikhushirukwa nomulindi ta. 26Okhuba mwesi muli abaana baNyasaye, khulwa obusuubili, muKristo Yesu. 27Okhuba abo bosi khwinywe ababatisibwa nimwinjisibwa muKristo, mwamwifwala Kristo. 28Shianyala okhubaho omuYahudi kata omuYunani; shianyala okhubaho omusumba kata omwibule; shianyala okhubaho oweshisaatsa kata oweshikhasi ta; shichila mwesi muli mulala muKristo Yesu. 29Ne nimuba nimuli baKristo, kho muli olwibulo lwaAburahamu, khandi abobulaame, obusuubisie shinga olwa buli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975