Okhurula 8
8
Linyasio liamashele
1Mana OMWAMI namusunjila Musa ari Yinjila ewaFarao, omusunjile mbu Iiano niko aka OMWAMI asunga, mbu Lekhuula abandu banje batsie, mbu bakhalabanile. 2Ne noba noloba okhubalekhuula, lola, ndalasandia eshialoshio shiosi namashele; 3mumwalo kwaNaili nakwo mulaselaselamwo amashele, akalatikulukhanga nikeenjila munzuyo, nomushisikashio shiokhukona, nokhushitalishio, nomunzu tsiabasumbabo netsiabandubo, nomumayikako, kata munyungu tsieshinokho; 4nako amashele kalatikulukha nilkakhwitsila iwe, nende khubandubo, nende khubasumbabo bosi. 5Mana OMWAMI nasunjila Musa mbu Biila Haruni ori Nyiila omukhonokwo notiilile indabushiyo hekulu khumialo, nokhutsikhwaru, nokhumatiba, otikulusie amashele khushialo shiaMisiri. 6Kho Haruni nanyiila omukhonokwe khumatsi kosi kaMisiri; amashele nikatikulukha, nikamaamila eshialo shiaMisiri. 7Abafumu nabo nibakhola bari nanwa nende akamabiswi kabwe, nibatikulusia amashele khushialo shiaMisiri.
8Mana Farao yarumana nalanga Musa nende Haruni, nasunga mbu Saaye OMWAMI, yarusiekhwo amashele, nende khubandu banje; mana ndalalekhuula abandu batsie, bamumalile OMWAMI omusango. 9Naye Musa namusunjila Farao ari Chama undache mwikhuwa lino; mbu nesaaye khulwa eshise shiina, khululwo, nende khulwa abasumbabo, nende khulwa abandubo, mbu amashele kasisibwel okhurula khwinywe nende mutsinzu tsieenywe, kasikale mumwalo kwaNaili mwonyene? 10Naye nasunga ari Khulwa mukamba. Naye ari Kabe kario shinga olwa osunjile; mbu mana omanye shinga olwa abulaho oufwanana nende OMWAMI Nyasaye weefwe. 11Ne amashele kalahwaho nikakhurulakhwo, nikarula munzutsio, nende khubasumbabo, nende khubandubo; kalasikala mumwalo kwaNaili mwonyene. 12Mana Musa nende Haruni nibarula ewaFarao; Musa namuhaabila OMWAMI khumakhuwa kamashele aka yali niyamuleereele Farao. 13OMWAMI nakhola shinga Musa olwa yali nasunjile; amashele nikafwa okhurula munzu tsiosi, nende munyanyi, nende mumikunda. 14Mana bakabunjelesia ebituuli ebituuli; eshibala nishihunya obubolo. 15Nebutswa olwa Farao yalola shinga olwa obuhuluushi buliho, yoomia omwoyokwe, narabahulila tawe; shinga OMWAMI olwa yali naboolile.
Linyasio lietsindaha
16Mana OMWAMI namusunjila Musa mbu Biila Haruni ori Nyiila indabushioyo, okhupe olufu Iweshialo, lukwe tsindaha mushialo shiosi shiaMisiri. 17Nabo nibakhola bario; Haruni nanyiila omukhonokwe natiilile indabushiye, nakhupa olufu Iweshialo, nitsibaho tsindaha khubandu khandi nende khumiruko; olufu lwosi Iweshialo lwakwa tsindaha mushialo shiosi shiaMisiri. 18Nabo abafumu nibakhola bario nende akamabiswi kabwe, mbu baleere tsindaha, ne bakhaywa; tsindaha nitsibaho khubandu khandi nende khumiruko. 19Mana abafumu nibamusunjila Farao bari Luno nilwo olwala lwaNyasaye; ne omwoyo kwaFarao kwatinya, kata shiyabahulila ta; shinga OMWAMI olwa yali naboolile.
Linyasio liamabuko
20Mana OMWAMI nasunjila Musa mbu Huuna mumabwibwi, osinjile imbeli waFarao olwa arula natsia enamatsi; nomusunjila mbu Kano niko aka OMWAMI asunga; mbu Lekhuula abandu banje batsie, mbu bakhalabanile. 21Nebutswa, noba noralekhuula abandu banje ta, ndalakhuleerela amabuko shinga olucheka, nende khubasumbabo, nende khubandubo, nende mutsinzutsio; ne tsinzu tsiabaMisiri tsileetsulamwo amabuko shinga olucheka, khandi nende liloba elia balikhwo. 22Ne khunyanga eyo ndalakabukhania eshialo shiaGosheni, omwa abandu banje bamenyanga, mbu amabuko akeenga shinga olucheka kaleshe okhubayo; mana omanye mbu isie nisie OMWAMI weshialo shiosi. 23Ne ndalaraho olwakho hakari wabandu banje nende abandubo; nabushie mukamba eshilolelo shino nishiliho. 24OMWAMI nakhola ario; amabuko amabii muno keetsa munzu yaFarao, nende munzu tsiabasumbabe, ne mushialo shiosi shiaMisiri shioonoonekha khulwa amabuko yako.
25Kho Farao yarumana nalanga Musa nende Haruni, nasunga mbu Tsie, mumumalile Nyasaye weenywe emisango mushialo shino. 26Musa nasunga ari Shikakhoyeele mbu khukhole khurio tawe; shichila khwitsa okhubukula eshindu shiomusilo kwabaMisiri nikhumalila OMWAMI Nyasaye weefwe omusango; lola, nikhuba nikhubukula omusilo kwabaMisiri nikhukumala omusango nibalola, shibakhakhulasa namachina? 27Habula khulatsia oluchendo lwetsindaalo tsitaru mushitsiimi, nikhumalila OMWAMI Nyasaye weefwe omusango, shinga olwa alakhulaka. 28Farao naboola ari Ndalamulekhuula, mbu mumumalile OMWAMI Nyasaye weenywe omusango mushitsiimi; ne muratsia ehale muno ta; ne mukhusaayilekhwo. 29Musa nasunga mbu Lola, erula ewuwo yino, ne ndalasaaya OMWAMI mbu amabuko kano kahweho, karule ewaFarao, nende ewabasumbabe, nende ewabandube, mukamba; habula Farao aleshe okhukhola akobukaatii khandi, oburalekhuula abandu batsie okhumumalila OMWAMI omusango ta. 30Kho Musa y arula ewaFarao, nasaaya OMWAMI. 31OMWAMI nakhola shinga Musa olwa yasunga; narusiayo amabuko ewaFarao, nende ewabasumbabe, nende ewabandube; niliratong'ayo kata elala tawe. 32Khandi luno Farao yoomia omwoyokwe, kata shiyabalekhuula abandu ta.
Currently Selected:
Okhurula 8: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
