Omwilwatsi 8
8
1Niwina oufwanana nende omundu omuchesi?
Niwina oumanyile okhurimbulula likhuwa?
Obuchesi bwomundu bwakhanga mumonimwe,
obuumu bwomumonimwe nibukalukhasibwa.
Hulilanga omuruchi
2Ndi, Kholanga akelilako liomuruchi, kata khulwa eshiitsubo shiaNyasaye. 3Oratetekhana okhurula imbeliwe, kata oratsiililila mwikhuwa libii ta; okhuba akholanga aka yeenya. 4Shichila likhuwa liomuruchi neliobunyali; ali heena owakhamureeba mbu Okhola shiina? 5Oukhola akelilako shialalola libii liosi ta; ne omwoyo kwomuchesi kwahukhasinjia eshise nende injila yobukholi.
Tsinjila lsiaNyasaye tsishila obumanyi bwabandu
6Okhuba buli likhuwa lili neshise shialio, nende injila yalio; shichila amasila komundu kamusitohela. 7Okhuba shiamanyanga akeetsa okhubaho ta; ne ali heena owakhanyala okhumuboolela shinga olwa kaliba? 8Abulaho ouli nobunyali khuroho, okhwikalila iroho; kata omundu shialikhwo noburuchi khukeinyanga yokhufwa ta; mwihe obuseebulwi bubulaho; kata obubii shibulalekhuula oyo owahaanwa khubwo ta. 9Kano kosi ndakalola, nirakhwo omwoyo khubuli shikhole eshikholwa hasi weliuba, olwa omundu mulala yaamihanga khuwashie, namukhupia khushibii.
10Khandi ndalola ababii nibayabilwa; abalinji nibeenjila habundu ahatakatifu nibarulaho, nibeetsoomibwa mwitaala omwa bali nibakholeIanga bario. Ako nako namakhaya. 11Ne okhuba eshiina eshikhalachilwa eshikhole eshibii shishimalanga shiusibwe bwangu ta, abaana babandu batsaalikhanga muno okhukhola obubii. 12Ne kata olwa omwonooni akhola obubii akhandi eshikhumi, tsindaalotsie nitsimeetekhanga, emanyile tieeli mbu amalayi kalabeetsangaho khubeenabo abariitsanga Nyasaye, shichila bamuriitsanga; 13habula mbu amalayi shikalabeetsangaho khumubii, kata tsindaalotsie shitsilameetekha shinga eshiiniini ta; okhuba shiamuriitsanga Nyasaye tawe.
14Liliho likhuwa likhaya eliikholanga mushialo; mbu baliho abalunjishi aba amakhuwa kakwilanga akakhoyeele ebikhole biababii; khandi baliho ababii aba amakhuwa kakwilanga akakhoyeele ebikhole biabalunjishi; nisunga mbu ako nako namakhaya. 15Kho enjamanga emienya; shichila omundu shiaba nelilayi hasi welikulu elishila lino, mbu okhulia nokhunywa nokhutsatsahala, okhuba ako kalabeetsanga ninaye mubunyakhanibwe tsindaalo tsiosi tsiobulamubwe etsia Nyasaye yamuheelesia hasi weliuba.
16Olwa ndarakhwo omwoyo okhumanya akobuchesi, nokhulola okhutiika khwosi okhubeetsangaho khushialo, okhuba baliho aba tsimoni tsiabwe tsirakonangakhwo tsindoolo ta, eshiteere kata eshilo, 17nolwa ndalola ebikhole biosi biaNyasaye, mbu omundu shianyala okhunoonelesia ebikhole biosi ebikholungwa hasi weliuba ta; shichila kata omundu nanyakhana arie okhukhaaba, shialanyoola ta; ne kata olwa omundu omuchesi akaala mbu wabimanya, shianyala okhunyoolakhwo tawe.
Currently Selected:
Omwilwatsi 8: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Omwilwatsi 8
8
1Niwina oufwanana nende omundu omuchesi?
Niwina oumanyile okhurimbulula likhuwa?
Obuchesi bwomundu bwakhanga mumonimwe,
obuumu bwomumonimwe nibukalukhasibwa.
Hulilanga omuruchi
2Ndi, Kholanga akelilako liomuruchi, kata khulwa eshiitsubo shiaNyasaye. 3Oratetekhana okhurula imbeliwe, kata oratsiililila mwikhuwa libii ta; okhuba akholanga aka yeenya. 4Shichila likhuwa liomuruchi neliobunyali; ali heena owakhamureeba mbu Okhola shiina? 5Oukhola akelilako shialalola libii liosi ta; ne omwoyo kwomuchesi kwahukhasinjia eshise nende injila yobukholi.
Tsinjila lsiaNyasaye tsishila obumanyi bwabandu
6Okhuba buli likhuwa lili neshise shialio, nende injila yalio; shichila amasila komundu kamusitohela. 7Okhuba shiamanyanga akeetsa okhubaho ta; ne ali heena owakhanyala okhumuboolela shinga olwa kaliba? 8Abulaho ouli nobunyali khuroho, okhwikalila iroho; kata omundu shialikhwo noburuchi khukeinyanga yokhufwa ta; mwihe obuseebulwi bubulaho; kata obubii shibulalekhuula oyo owahaanwa khubwo ta. 9Kano kosi ndakalola, nirakhwo omwoyo khubuli shikhole eshikholwa hasi weliuba, olwa omundu mulala yaamihanga khuwashie, namukhupia khushibii.
10Khandi ndalola ababii nibayabilwa; abalinji nibeenjila habundu ahatakatifu nibarulaho, nibeetsoomibwa mwitaala omwa bali nibakholeIanga bario. Ako nako namakhaya. 11Ne okhuba eshiina eshikhalachilwa eshikhole eshibii shishimalanga shiusibwe bwangu ta, abaana babandu batsaalikhanga muno okhukhola obubii. 12Ne kata olwa omwonooni akhola obubii akhandi eshikhumi, tsindaalotsie nitsimeetekhanga, emanyile tieeli mbu amalayi kalabeetsangaho khubeenabo abariitsanga Nyasaye, shichila bamuriitsanga; 13habula mbu amalayi shikalabeetsangaho khumubii, kata tsindaalotsie shitsilameetekha shinga eshiiniini ta; okhuba shiamuriitsanga Nyasaye tawe.
14Liliho likhuwa likhaya eliikholanga mushialo; mbu baliho abalunjishi aba amakhuwa kakwilanga akakhoyeele ebikhole biababii; khandi baliho ababii aba amakhuwa kakwilanga akakhoyeele ebikhole biabalunjishi; nisunga mbu ako nako namakhaya. 15Kho enjamanga emienya; shichila omundu shiaba nelilayi hasi welikulu elishila lino, mbu okhulia nokhunywa nokhutsatsahala, okhuba ako kalabeetsanga ninaye mubunyakhanibwe tsindaalo tsiosi tsiobulamubwe etsia Nyasaye yamuheelesia hasi weliuba.
16Olwa ndarakhwo omwoyo okhumanya akobuchesi, nokhulola okhutiika khwosi okhubeetsangaho khushialo, okhuba baliho aba tsimoni tsiabwe tsirakonangakhwo tsindoolo ta, eshiteere kata eshilo, 17nolwa ndalola ebikhole biosi biaNyasaye, mbu omundu shianyala okhunoonelesia ebikhole biosi ebikholungwa hasi weliuba ta; shichila kata omundu nanyakhana arie okhukhaaba, shialanyoola ta; ne kata olwa omundu omuchesi akaala mbu wabimanya, shianyala okhunyoolakhwo tawe.
Oluluyia Union Version © Bible Society of Kenya 1975