Omwilwatsi 7
7
Obuchesi nobulayi okhushila kosi
1Eliira lilayi lishila amafura keshing'aari akolukoosi,
khandi inyanga yokhufwa yishila inyanga eya omundu yeebulilwakhwo.
2Okhutsia munzu yamasika khushila okhutsia munzu yamasabo;
okhuba okhwo nobumaliilishi bwabandu bosi;
ne ouli mwoyo alachesiha.
3Eshibeela shishila tsinzekho;
okhuba okhukhuunia mumoni khuleera obusangaafu mumwoyo.
4Omwoyo kwomuchesi kuli munzu yamasika;
ne emioyo chiabayingwa chili munzu yobutsatsahafu.
5Nobulayi khumundu okhuhulila obukondeshi bwabachesi,
okhushila okhuhulila olwimbo lwabayingwa.
6Okhuba okhutsekha khwabayingwa khwinga shinga okhurulikha khwebisisia hasi weinyungu;
ako nako namakhaya.
7Toto mwene, obusandii busiluhasia omuchesi;
khandi eshiomufuusi shionoonia omwoyo.
8Obumaliilishi bwelikhuwa bushila obuchaachilo bwalio;
owaroho yobwisimilisii ashila owaroho yobwichinjimisii.
9Oraanguha okhusinyikha ta,
okhuba obusinyishi bumenya mubilifu biabaymgwa.
10Orareeba mbu Nishiina eshiachila tsindaalo tsiakhale tsiashila tsino?
Okhuba okhureeba okhwo shikhurula mubuchesi ta.
11Obuchesi halala nende obulaame nobulayi;
nobulayi muno khubeenabo abalola eliuba.
12Okhuba obuchesi neshiitetselo,
shinga amapeesa olwa kali eshiitetselo;
ne obulayi bwobumanyi mbwobuno,
mbu bulindanga obulamu bwa oyo ouli ninabwo.
13Yililisia khumilimo chiaNyasaye;
ali heena owakhanyala okhukololosia eshieneshio eshia vakhola shibe eshiikotu?
14Khunyanga yobwale, wikhoye; ne khunyanga yamatinyu, oyililisie, mbu Nyasaye niye owakhola yaka khandi nende yaka, mbu mana omundu aleshe okhunoonelesia likhuwa liosi eliakhabaho inyumawe.
15Ako kosi ndakaluutsi mundaalo tsianje tsiobukhaya; mbu omundu omulunjishi ousishila mubululunjishibwe, nende omundu omubii ouyindila mububiibwe. 16Orashilaasia obulunjishibwo ta; kata orashilaasia obuchesibwo ta; wenya okhwitibia mbushi? 17Orashilaasia obubii ta; kata orasiluhala ta; wenya okhufwa induukho niyishili mbushi? 18Nobulayi okhuhanda khulino; toto, kata khu elo orarusiakhwo omukhono ta; okhuba ouria Nyasaye alarula muko kosi.
19Khumundu omuchesi, obuchesi bumumeetela tsingufu okhushila aboburuchi ekhumi abakhaba mwitookho.
20Nitoto, abulaho omundu omulunjishi khushialo oukholanga amalayi naroonoonakhwo ta.
21Orareka amarwi khumakhuwa kosi akaboolwa ta; wakhahulila omusumbawo nakhulaka eshilaka munwa; 22okhuba omanyile mumwoyokwo mbu akhandi akhanji nawe wesi walaka abashio ebilaka munwa.
Akokhukhaaba obuchesi
23Ako kosi ndateema nobuchesi; ndasunga mbu Ndalaba omuchesi; ne bwali ehale ninasi. 24Eshio eshibeetsangaho, shili ehale muno; khandi nihasi, hasi muno; ali heena owakhanyala okhwenelesia? 25Ndashiukhana nirakhwo omwoyo okhumanya nokhurunilisia nokhukhaaba obuchesi, nomukuuli kwamakhuwa, nokhumanya obumayaanu bweshiyingwa, khandi shinga obusilu olwa buli amalalu; 26ninyoola eshindu eshili eshilulu okhushila okhufwa; mbu omukhasi owa omwoyokwe nebireko netsirimba, amakhonoke nikali ebibohelo. Ouchamisia Nyasaye aleehonokokha khukeke; ne omwonooni alaha-mbwa ninaye. 27Lole, kano niko aka enyoolile, Omwilwatsi aboola, nimeetanga likhuwa khwikhuwa lindi, okhunyoola omukuuli, 28okwa omwoyo kwanje kushikhaaba, ne shinyoolile ta. Omusaatsa mulala mushikhumila ndanyoola; ne mu abo bosi shindanyoola omukhasi yesi ta. 29Lole, lino nilio elia ndanyoola; mbu Nyasaye yalonga abandu mbu babe abalunji; nebutswa bakhaaba ebikulukunzo ebinji.
Currently Selected:
Omwilwatsi 7: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Omwilwatsi 7
7
Obuchesi nobulayi okhushila kosi
1Eliira lilayi lishila amafura keshing'aari akolukoosi,
khandi inyanga yokhufwa yishila inyanga eya omundu yeebulilwakhwo.
2Okhutsia munzu yamasika khushila okhutsia munzu yamasabo;
okhuba okhwo nobumaliilishi bwabandu bosi;
ne ouli mwoyo alachesiha.
3Eshibeela shishila tsinzekho;
okhuba okhukhuunia mumoni khuleera obusangaafu mumwoyo.
4Omwoyo kwomuchesi kuli munzu yamasika;
ne emioyo chiabayingwa chili munzu yobutsatsahafu.
5Nobulayi khumundu okhuhulila obukondeshi bwabachesi,
okhushila okhuhulila olwimbo lwabayingwa.
6Okhuba okhutsekha khwabayingwa khwinga shinga okhurulikha khwebisisia hasi weinyungu;
ako nako namakhaya.
7Toto mwene, obusandii busiluhasia omuchesi;
khandi eshiomufuusi shionoonia omwoyo.
8Obumaliilishi bwelikhuwa bushila obuchaachilo bwalio;
owaroho yobwisimilisii ashila owaroho yobwichinjimisii.
9Oraanguha okhusinyikha ta,
okhuba obusinyishi bumenya mubilifu biabaymgwa.
10Orareeba mbu Nishiina eshiachila tsindaalo tsiakhale tsiashila tsino?
Okhuba okhureeba okhwo shikhurula mubuchesi ta.
11Obuchesi halala nende obulaame nobulayi;
nobulayi muno khubeenabo abalola eliuba.
12Okhuba obuchesi neshiitetselo,
shinga amapeesa olwa kali eshiitetselo;
ne obulayi bwobumanyi mbwobuno,
mbu bulindanga obulamu bwa oyo ouli ninabwo.
13Yililisia khumilimo chiaNyasaye;
ali heena owakhanyala okhukololosia eshieneshio eshia vakhola shibe eshiikotu?
14Khunyanga yobwale, wikhoye; ne khunyanga yamatinyu, oyililisie, mbu Nyasaye niye owakhola yaka khandi nende yaka, mbu mana omundu aleshe okhunoonelesia likhuwa liosi eliakhabaho inyumawe.
15Ako kosi ndakaluutsi mundaalo tsianje tsiobukhaya; mbu omundu omulunjishi ousishila mubululunjishibwe, nende omundu omubii ouyindila mububiibwe. 16Orashilaasia obulunjishibwo ta; kata orashilaasia obuchesibwo ta; wenya okhwitibia mbushi? 17Orashilaasia obubii ta; kata orasiluhala ta; wenya okhufwa induukho niyishili mbushi? 18Nobulayi okhuhanda khulino; toto, kata khu elo orarusiakhwo omukhono ta; okhuba ouria Nyasaye alarula muko kosi.
19Khumundu omuchesi, obuchesi bumumeetela tsingufu okhushila aboburuchi ekhumi abakhaba mwitookho.
20Nitoto, abulaho omundu omulunjishi khushialo oukholanga amalayi naroonoonakhwo ta.
21Orareka amarwi khumakhuwa kosi akaboolwa ta; wakhahulila omusumbawo nakhulaka eshilaka munwa; 22okhuba omanyile mumwoyokwo mbu akhandi akhanji nawe wesi walaka abashio ebilaka munwa.
Akokhukhaaba obuchesi
23Ako kosi ndateema nobuchesi; ndasunga mbu Ndalaba omuchesi; ne bwali ehale ninasi. 24Eshio eshibeetsangaho, shili ehale muno; khandi nihasi, hasi muno; ali heena owakhanyala okhwenelesia? 25Ndashiukhana nirakhwo omwoyo okhumanya nokhurunilisia nokhukhaaba obuchesi, nomukuuli kwamakhuwa, nokhumanya obumayaanu bweshiyingwa, khandi shinga obusilu olwa buli amalalu; 26ninyoola eshindu eshili eshilulu okhushila okhufwa; mbu omukhasi owa omwoyokwe nebireko netsirimba, amakhonoke nikali ebibohelo. Ouchamisia Nyasaye aleehonokokha khukeke; ne omwonooni alaha-mbwa ninaye. 27Lole, kano niko aka enyoolile, Omwilwatsi aboola, nimeetanga likhuwa khwikhuwa lindi, okhunyoola omukuuli, 28okwa omwoyo kwanje kushikhaaba, ne shinyoolile ta. Omusaatsa mulala mushikhumila ndanyoola; ne mu abo bosi shindanyoola omukhasi yesi ta. 29Lole, lino nilio elia ndanyoola; mbu Nyasaye yalonga abandu mbu babe abalunji; nebutswa bakhaaba ebikulukunzo ebinji.
Oluluyia Union Version © Bible Society of Kenya 1975