Omwilwatsi 9
9
Akomubulamu buno shikali amaleng'aanu ta
1Shichila ako kosi ndarakhwo omwoyo okhukarunilisia; mbu abalunjishi, nabachesi, nebikhole biabwe, bili mumukhono kwaNyasaye; kata nibuli obuheeli kata obukiyi, omundu shiamanyanga ta. Kosi akali imbeli wabwe namakhaya. 2Amakhuwa malala keetselanga bosi; buliho obumaliilishi bulala khubalunjishi khandi khubamayaanu; khubalayi nokhubabii; khubasiiye nokhubobukaali; khu oyo oumala omusango khandi khu oyo ouramala omusango ta; shinga omulayi olwa ali, nolwa omwonooni ali ario; khandi oyo owitsuba ali butswa shinga oyo ouriitsanga eshiitsubo. 3Lino nilio libii elinyoolekha mukosi akakholungwa hasi weliuba, mbu buliho obumaliilishi bulala khubosi; khandi mbu emioyo chiabandu chiitsulangamwo obubii, khandi amalalu kali mumioyo chiabwe olwa bashiliho mwoyo, kata nende olwa baliba nibatsiile mubafu. 4Okhuba ouba niyoongaane khubali mwoyo bosi, ali nobunaayi; shichila imbwa inamu yishila italanyi ifu. 5Okhuba abali mwoyo bamanyanga mbu balifwa; nebutswa abafu shibamanyanga likhuwa liosi ta, kata shibaba namatani khandi ta; okhuba obwitsulilwi bwabwe bweebililwa. 6Obuheeli bwabwe halala nobukiyi bwabwe nokhukhalikha omukongo, biosi biasikha. Kata shibalikhwo nomukabo inziayo, mwikhuwa liosi liosi elikholwa hasi weliuba ta.
7Tsia ewa otsia, oliitsenje ebiliibwabio nokhwikhoya, nonywa idivaiyo nomwoyo omutsatsahafu; okhuba Nyasaye wamala okhufuchiilila ebikholebio.
8Tsingubotsio tsibeetsenje tsindafu tsindaalo tsiosi; omurwekwo nakwo kuleshe okhutamba amafura.
9Menyanga mubutsatsahafu halala nomukhasiwo owa oheelanga tsindaalo tsiosi tsiobulamubwo bwobukhaya, etsia yakhuheelesia hasi weliuba; okhuba okwo nikwo omukabokwo mubulamu, khandi mumilimochio chiosi echia onyakhanilangakhwo hasi weliuba. 10Shiosi eshia omukhonokwo kunyoola okhukhola, oshikhole namaaniko; okhuba shibulaho eshikhole, kata eshikulukunzo, kata obumanyi, kata obuchesi, eMakombe ewa otsia ta.
11Khandi nindola, hasi weliuba, mbu omutiebano kwokhwilukhana shikukwa khuwetsimbilo, kata obusoolo okhukwa khuwamaani, kata ebiokhulia khumuchesi, kata emiandu khubandu abarechelefu, kata olukoosi khubasitsa ta; habula mbu induukho neikhabi bibakwilanga bosi. 12Kata omundu shiamanyanga induukhoye ta; shinga tsinyeeni olwa tsitiilungwa mulukhanda olubii, kata shinga amanyonyi olwa kahambungwa mushireko, nolwa abaana babandu barekungwa munduukho imbii, olwa yibakwila meetsukhana.
Obuchesi bushila amaani
13Khandi ndalola obuchesi obufwana buli nanwa hasi weliuba, nibundoleshela nibuli obukhongo; 14mbu lialiho litaala liNutu, elialimwo abandu abatmltu butswa; mana omuruchi omukhongo niyeetsa okhuliseera, naliikalila, nabunjikha ebituuli ebikhongo okhuliseerela. 15Ne mulio omundu yanyoolekha, omumanani omuchesi; ne yahonia litaala elo nobuchesibwe; nebutswa yabulaho oweetsulila omumanani tsana ta. 16Mana nimboola mbu Obuchesi bushila amaani; nebutswa obuchesi bwomumanani uno bulekwa, amakhuwake nikarahulilwa ta.
17Amakhuwa komuchesi akahulilwa mubuholeelefu kashila okhulanjisia khwomuruchi mubayingwa. 18Obuchesi bushila ebimanulwa lielihe; ne omwonooni mulala asishia obulayi obunji.
Currently Selected:
Omwilwatsi 9: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Omwilwatsi 9
9
Akomubulamu buno shikali amaleng'aanu ta
1Shichila ako kosi ndarakhwo omwoyo okhukarunilisia; mbu abalunjishi, nabachesi, nebikhole biabwe, bili mumukhono kwaNyasaye; kata nibuli obuheeli kata obukiyi, omundu shiamanyanga ta. Kosi akali imbeli wabwe namakhaya. 2Amakhuwa malala keetselanga bosi; buliho obumaliilishi bulala khubalunjishi khandi khubamayaanu; khubalayi nokhubabii; khubasiiye nokhubobukaali; khu oyo oumala omusango khandi khu oyo ouramala omusango ta; shinga omulayi olwa ali, nolwa omwonooni ali ario; khandi oyo owitsuba ali butswa shinga oyo ouriitsanga eshiitsubo. 3Lino nilio libii elinyoolekha mukosi akakholungwa hasi weliuba, mbu buliho obumaliilishi bulala khubosi; khandi mbu emioyo chiabandu chiitsulangamwo obubii, khandi amalalu kali mumioyo chiabwe olwa bashiliho mwoyo, kata nende olwa baliba nibatsiile mubafu. 4Okhuba ouba niyoongaane khubali mwoyo bosi, ali nobunaayi; shichila imbwa inamu yishila italanyi ifu. 5Okhuba abali mwoyo bamanyanga mbu balifwa; nebutswa abafu shibamanyanga likhuwa liosi ta, kata shibaba namatani khandi ta; okhuba obwitsulilwi bwabwe bweebililwa. 6Obuheeli bwabwe halala nobukiyi bwabwe nokhukhalikha omukongo, biosi biasikha. Kata shibalikhwo nomukabo inziayo, mwikhuwa liosi liosi elikholwa hasi weliuba ta.
7Tsia ewa otsia, oliitsenje ebiliibwabio nokhwikhoya, nonywa idivaiyo nomwoyo omutsatsahafu; okhuba Nyasaye wamala okhufuchiilila ebikholebio.
8Tsingubotsio tsibeetsenje tsindafu tsindaalo tsiosi; omurwekwo nakwo kuleshe okhutamba amafura.
9Menyanga mubutsatsahafu halala nomukhasiwo owa oheelanga tsindaalo tsiosi tsiobulamubwo bwobukhaya, etsia yakhuheelesia hasi weliuba; okhuba okwo nikwo omukabokwo mubulamu, khandi mumilimochio chiosi echia onyakhanilangakhwo hasi weliuba. 10Shiosi eshia omukhonokwo kunyoola okhukhola, oshikhole namaaniko; okhuba shibulaho eshikhole, kata eshikulukunzo, kata obumanyi, kata obuchesi, eMakombe ewa otsia ta.
11Khandi nindola, hasi weliuba, mbu omutiebano kwokhwilukhana shikukwa khuwetsimbilo, kata obusoolo okhukwa khuwamaani, kata ebiokhulia khumuchesi, kata emiandu khubandu abarechelefu, kata olukoosi khubasitsa ta; habula mbu induukho neikhabi bibakwilanga bosi. 12Kata omundu shiamanyanga induukhoye ta; shinga tsinyeeni olwa tsitiilungwa mulukhanda olubii, kata shinga amanyonyi olwa kahambungwa mushireko, nolwa abaana babandu barekungwa munduukho imbii, olwa yibakwila meetsukhana.
Obuchesi bushila amaani
13Khandi ndalola obuchesi obufwana buli nanwa hasi weliuba, nibundoleshela nibuli obukhongo; 14mbu lialiho litaala liNutu, elialimwo abandu abatmltu butswa; mana omuruchi omukhongo niyeetsa okhuliseera, naliikalila, nabunjikha ebituuli ebikhongo okhuliseerela. 15Ne mulio omundu yanyoolekha, omumanani omuchesi; ne yahonia litaala elo nobuchesibwe; nebutswa yabulaho oweetsulila omumanani tsana ta. 16Mana nimboola mbu Obuchesi bushila amaani; nebutswa obuchesi bwomumanani uno bulekwa, amakhuwake nikarahulilwa ta.
17Amakhuwa komuchesi akahulilwa mubuholeelefu kashila okhulanjisia khwomuruchi mubayingwa. 18Obuchesi bushila ebimanulwa lielihe; ne omwonooni mulala asishia obulayi obunji.
Oluluyia Union Version © Bible Society of Kenya 1975