Okhukalushila 34
34
Okhufwa khwaMusa
1Mana Musa natikulukha okhurula mumuhololookhwe kwaMoabu, okhuula khushikulu shiaNebo, khubutenje bwaPisiga, ahahe-ngana nende Yeriko. OMWAMI namumanyia eshialo shiosi; mbu Gileadi, okhuula eDani; 2nende Nafutali shiosi, neshialo shiaEfuraimu, naManase, neshialo shiosi shiaYuda, okhuula khunyanza yaMumbo; 3nende Negebu, nomuhololookhwe kwelibanda liaYeriko, litookho liemisaala chiamashindu, okhuula eZoari. 4OMWAMI namuboolela ari Shino nishio eshialo eshia ndeetsubila Aburahamu naIsaka naYakobo, ndi Ndalaheelesia olwibulolwo. Eshikhulolosiye mumonitsio; ne shiolaambukha okhutsiayo ta 5Kho Musa omusumba wOMWAMI yafwilayo mushialo shiaMoabu, shinga OMWAMI olwa yaboola; 6naye namuyabilayo mwibanda eliomushialo shiaMoabu, ahahengana naBetsi-peori; ne abulaho oumanyile eshilindwashie kata okhuula olwa leelo. 7Musa yali owemiyika eshikhumi namakhumi kabili olwa yafwa; tsimonitsie shi-tsiali nitsimaliihe, kata shiyali niyanialakhwo ta. 8Abaana baIsiraeli nibamwikhuula Musa mumuhololookhwe kwaMoabu tsindaalo amakhumi kataru; mana tsindaalo tsiamasika etsiokhumwikhuula Musa nikeeya.
9Ne Yoswa waNuni yali niyeetsulamwo roho yobuchesi, okhuba Musa yali niyamurakhwo amakhonoabaana baIsiraeli nibamuhulila, nibakhola shinga OMWAMI olwa yamulaka Musa. 10Kata omunabii oufwanana nende Musa shiyabuukhakhwo muIsiraeli khandi ta, owamanyana nOMWAMI, mumoni khumoni; 11kata oufwanana ninaye mubilolelo namangaliimwa ebia OMWAMI yamuruma okhukholela mushialo shiaMisiri, okhukholela Farao nabasumbabe bosi neshialoshie shiosi; 12kata mumukhono kwobunyali nomumariisia amakhongo aka Musa ya-khola imbeli waIsiraeli yosi, ta.
Currently Selected:
Okhukalushila 34: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
