Okhukalushila 33
33
Musa yasabila tsimbia tsiaIsiraeli ikhabi
1Ne kano niko akeikhabi aka Musa omundu waNyasaye yaboola, nasabila abaana baIsiraeli ikhabi olwa yali nali okhufwa; 2nasunga mbu
OMWAMI yarula eSinai,
okhurula eSeiri yabashieela;
okhurula mushikulu shiaParani yabaashila;
yarula mubatakatifu ebikhumila ekhumi;
yali nomulilo okwakha muno hamukhonokwe musaatsa.
3Toto, oheelanga tsimbia tsiabandubo;
abo bosi abakhwahulilwa bali mumukhonokwo;
beekhaale hamakuluko,
nibanyoola amakhuwako.
4Musa yakhulachilisia amalako,
kabe akelibukaana liaYakobo.
5Kho omuruchi nabaho muYeshuruni,
olwa abeemilisi babandu bali nibakhung'aanile,
tsimbia tsiosi tsiaIsiraeli halala.
6Reubeni abe mwoyo, aleshe okhufwa;
kata abandube okhuba abaleemu ta.
7Kano niko aka yaboola khuYuda; mbu E OMWAMI, ohulile omwoyo kwaYuda,
omuusie ewa abandube bali;
yabalwanila namakhonoke;
olaba omuhabiniwe okhuyinga abafukulibe.
8KhukaLawi yaboola mbu Heelesia Lawi Tsumimuyo,
Urimuyo nayo yibe nomundu weshisa,
owa wateema eMasa;
owa wasoolana ninaye hamatsi kaMeriba;
9owasunga khukasamwana nende khukanyina ari Shimbaluutsikhwo;
kata shiyafuchiilila abaana babwe,
kata okhumanya abaana beebe onmwene ta;
okhuba beetsulilanga likhuwalio nibalinda indakanoyo.
10Baleechesinjia Yakobo obukhalachibwo,
nende Isiraeli amalakoko;
balareetsanga amalesi kelibuuliesi imbeliwo,
omusango omusambe omulamba khushimaliloshio.
11E OMWAMI, oheelesie emianduchie ikhabi,
nofuchiilila emilimo chiamakhonoke;
obatubule ebishienje abamubuushilakhwo,
nende abo abamukiya,
baleshe okhubuukha khandi.
12KhukaBenyamini yaboola mbu Owa OMWAMI aheela alamenya shisale ewa ali;
amufumbilanga eshiteere tulu;
amenyanga hakari wamabekake.
13Ne khukaYusufu yaboola mbu Eshialoshie shiheebwe ikhabi yOMWAMI,
mumikabo chiolukoosi echiomwikulu, nomwime,
nomulusiba olwikhuuna emwalo,
14nomumikabo chiolukoosi chieliuba,
nomumikabo chiolukoosi echirula mumiesi,
15nomumikabo emikhulundu chietsingulu tsiakhale,
nomumikabo chiolukoosi chiebikulu ebiyindifu,
16nomumikabo chiolukoosi chieshialo nomwitsulu kwashio,
nomubukoosia bwa Oyo owamenya mushitsakha.
Yitse khumurwe kwaYusufu
khandi khulwotoosi Iwomurwe kwa oyo ouli omukhulundu mubaana babwe.
17Ing'ombeye eyiibulwa yambeli neyobukhuIundu;
tsinzikatsie netsinzika tsieimboko;
alatsiluumila tsimbia tsiosi tsiabandu,
okhuula khundulo weshialo.
Nolwa bali abebikhumila amakhumi baEfuraimu,
khandi nolwa bali abebikhumila baManase.
18Ne khukaZabuloni yaboola mbu Iwe Zabuloni, wikhoye mukhusamulakhwo;
ninawe, Isakhari, mumaheemako.
19Balalanga tsimbia tsiabandu mushikulu;
mubwenomwo balamala emisango chiobulunjishi;
okhuba balanuuna obuyinda oburula munyanza,
nebiobuyinda ebiabiswa mumuyeshe.
20Ne khukaGadi yaboola mbu Aheebwe ikhabi oukaliyia Gadi.
Akonangayo shinga italanyi ikhasi,
narandula omukhono, nende olwotoosi lwomurwe.
21Yeenyoolela omwene omukabo kwambeli;
shichila ebweneyo omukabo kwomuruchi kwabiikhwa.
Yeetsela abeemilisi babandu;
yoosinjia obukhalachi obulunjishi bwOMWAMI namakhuwa aka yakhalachila Isiraeli.
22Ne khukaDani yaboola mbu Dani nomwana weitalanyi oupububukha okhurula eBashani.
23Ne khukaNafutali yaboola mbu E iwe Nafutali, owikuure obukoosibwi,
niwitsuule ikhabi yOMWAMI;
obukule inyanza neshialo shiaSautsi.
24Khandi khuAsheri yaboola mbu Asheri aheebwe ikhabi okhushila abaana babandu;
abe omukoosi wabaana babwe;
yeene eshilenjeshie mumafura.
25Ebirindilo biemiliangochio bibe bieshibia nomukasa;
tsindaalotsio shinga olwa tsili, nolwa tsingufutsio tsilaba tsirio.
26Iwe Yeshuruni, abulaho oufwanana nende Nyasaye,
ouchendelanga khwikulu okhukhuhabina,
nomubukhulundubwe khumaleesi.
27Nyasaye wobumeli niye eshimenyoshio,
nako amakhono kobumeli kali hasiwo.
Yeelusia abasuku imbeliwo nasunga mbu Mulula.
28Naye Isiraeli amenyanga shisale,
isebele yaYakobo eyene yonyene,
mushialo shieimele neidivai;
toto, likululie liaminjia eliime.
29Oli oweikhabi, iwe Isiraeli;
ali heena oufwanana ninawe, oluyia olwahonibwa nOMWAMI,
ingabo yeihabiniyo khandi olukanga Iwobukhulundubwo!
Abasukubo baleetsa niboondile,
nawe olaseena habundu wabwe hachinguukhu.
Currently Selected:
Okhukalushila 33: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
