Okhukalushila 20
20
Amalako khukokhuseera lihe
1Olwa oba norula okhuseera abasukubo lihe, nolola tsifarasi, namakaari, noluyia lwabandu olukhushila, orabaria tawe; okhuba OMWAMI Nyasayewo ali ninawe, oyo owakhutikulusia nakhurusia mushibala shiaMisiri. 2Ne olwa muba nimusita ahambi khwihe, omukuhani asite imbeli, nasungana nabandu, 3nababoolela mbu Iwe Isiraeli, hulila; inyanga yino musita ahambi okhulasana nabasuku beenywe; murafwa omwoyo ta; muraria ta, kata okhutechela, kata ikholo yileshe okhumurimukha khulwabo tawe. 4Okhuba OMWAMI Nyasaye weenywe niye outsia nineenyu, okhumulwanila abasuku beenywe, mbu mubahule. 5Abasinjilili nabo basunjile abandu bari Ali heena owumbashile inzu imbia, ne nashili okhuchiahula? Atsie akalushe ebunanzuwe, aleshe okhufwila mwihe, mana oundi nachiahula. 6Kata ali heena owaraachile omukunda kwemitsabibu, ne nashili okhuliakhwo khubiamo biakwo? Atsie akalushe ebunanzuwe, aleshe okhufwila mwihe, mana oundi alia khubiamo biakwo. 7Kata ali heena omundu oukhweele omukhasi, ne nashili okhumuleera? Atsie akalushe ebunanzuwe, aleshe okhufwila mwihe, mana oundi amuleera. 8Khandi abasinjilili abo bameete okhusunjila abandu, nibabareeba bari Ali heena omundu ouli noburii, owenya okhufwa omwoyo? Atsie akalushe ebunanzuwe, emioyo chiabaana babwe chileshe okhuyengukha shinga okukwe. 9Ne olwa abasinjilili balaba nibamalile okhusungana nabandu, abaseesia bamahe bareebweho, beemilile abandu.
10Olwa oba nosita ahambi nelitaala okhuliseera, olirumbulile amakhuwa komulembe. 11Ne niliba nilikhukalusia likhuwa liomulembe, nilikhwikulila, kho abandu bosi ababa nibanyoolekhamwo bakwe abakholibo, nibakhukhalabanila. 12Ne niliba nililoba okhukasia akomulembe ninawe, nebutswa nilienya okhukhuseera lihe, kho oliikalile; 13mana olwa OMWAMI Nyasayewo alihaana mumukhonokwo, okhupe buli mundu weshisaatsa nolukanga; 14nebutswa abakhasi, nabaana abatiiti, nemiruko, nabiosi ebili mwitaala, nibio ebiyaayo ebiamwo biosi, obibukule bibe ebioluyiitsilwo; olie ebiyaayo biabasukubo, ebia OMWAMI Nyasayewo akhuheele. 15Nilwo olwa olakholelanga amataala ako kosi akali ehale muno ninawe, akarali akomumataala kamahanga kano ta. 16Nebutswa mumataala ketsimbia tsino, aka OMWAMI Nyasayewo akhuheelesia kabe obulaame, orahonokosia eshindu shiosi eshiheelanga omuuya, shibe mwoyo, ta; 17ne obatibilie elala; mbu abaHiti, nabaAmori, nabaKanaani, nabaPerizi, nabaHiwi, nabaYebusi; shinga OMWAMI Nyasayewo olwa yakhulaka; 18baleshe okhukhwechesia okhukhola akebisinyo biabwe ebia bakholelanga abanyasaye babwe; murio mwakhoonoonela OMWAMI Nyasaye weenywe.
19Olwa oba nobotokhana litaala okhuliikalila eshise eshirambi, noliseeranga okhulibukula, orasishia emisaala chialio nochirakhwo ihaywa ta; okhuba ochiliekhwo, ne orachirema ta; shichila omusaala okwomubulimo, kukhali omundu okwikalilwa ninawe, noho? 20Habula emisaala echia omanyile mbu shichili emisaala chiebiliibwa ta, nichio echia ochireme, mbu ochiumbashilenje emishingachi echiokhuyinga litaala eliseerana ninawe, okhuula olwaIilakwa.
Currently Selected:
Okhukalushila 20: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
