2 Timotseo 1
1
Lishiesio
1Eyirula khuPaulo, omurume waKristo Yesu khulwa okhwenya khwaNyasaye, amakhuwa kobusuubisie bwobulamu obuli muKristo Yesu shinga olwa kali; 2yule khuTimotseo, omwana wanje omuheelwa.
Obukoosia, netsimbabasi, nomulembe, ebirula khu Kristo Yesu Omwami weefwe, nende Nyasaye ouli Samwana.
Orafwimbwa omurwe ta
3Emuupila Nyasaye orio, oyo owa ekhalabanilanga okhurula khubakuuka banje nomwoyo omweleleshe, olwa ekhwitsulilanga mukhusaaya khwanje, eshiteere neshilo, oburakonelanga ta. 4Nditsulilanga khumasika aka walila, nindiibwa amahoofu okhukhulola, mbu enzitsule nobusangaali. 5Khandi nditsulilanga akobusuubili obuli mwiwe, obubula obubatsa; ne bwaranjilila bwaba munyakukhuluwo Loisi, khandi mumawo Eunike; khandi esuubila tieeli mbu buli mwiwe wesi.
6Ne niko akachila nikhwitsusia mbu osakasie eshihaanwa tsana shiaNyasaye eshili mwiwe khulwa okhureebwakhwo amakhono kanje. 7Okhuba Nyasaye shiyakhuheelesia roho yoburii ta, habula eyobunyali neyobuheeli neyobwiruchi. 8Kho orafwimbilwa amakhuwa akarumbulwa khuMwami weefwe omurwe, kata khukanje, isie omubohewe, tawe; ne osanjilane khumatinyu khulwa injiili, obunyali bwaNyasaye shinga olwa buli. 9Ye yakhuhonia, nakhulanga omulango omutakatifu; shikhwali khulwa ebikhole bieefwe shinga olwa bili ta, habula khulwa tsiyemitsie nende obukoosiabwe shinga olwa bili, ebia khwaheebwa muKristo Yesu okhurula khubumeli; 10ne bulaano bimanyishiile mukhulolekha khwOmuhonia weefwe Kristo Yesu, owatibia okhufwa nabisula obulamu nende oburabola ta khulwa injiili.
11Ne injiili eyo ndareebwaho embe omwilwatsi wayo, nomurume, nomwechesii. 12Ne niko akachila nisaalisibwa endio; nebutswa shifwimbwa omurwe ta, okhuba emumanyile omwenoyo owa esuubiliile, nindisiikanga mbu anayala okhulinda shieneshio eshia yambeelesia okhulinda, okhuula khunduukho eyo. 13Handa khwikondo liene liameechesio amalamu aka wahuliilila khwisie, mubusuubili nobuheeli obuli muKristo Yesu. 14Likhuwa lilayi elo elia waheebwa okhulinda, olilindenje khulwa Roho Omutakatifu oumenyanga mwifwe.
15Omanyile mbu abali muAsia bosi bahunzuushe bayandeshile; ne mubeenabo Figelo nende Heremogene balimwo. 16Omwami ababeele tsimbabasi abelitaala liaOnesiforo; shichila yambuluusia akhandi akhanji, kata shiyafwimbwa omurwe khulwa omunyololo kwanje ta; 17ne olwa yali nali muRoma yakhaaba obutinyu, niyanyoola. 18Omwami afuchiilile mbu anyoole tsimbabasi tsiOmwami khunduukho eyo. Nawe omanyile bulayi obunji bwamakhuwa aka yakhalabanilamwo eEfeso.
Currently Selected:
2 Timotseo 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
