Rom-noba 11
11
Naaŋmen Ba Gyɛ A Izerayɛl Noba Bare Kpokpo
1 #
Yiel 94:14; Gyɛ 31:37; Fil 3:5 N pãã soorɔ la, Naaŋmen mɔɔ gyɛ la a O noba bare be? A koŋ baŋ waa lɛ togitogi! Maa meŋɛ waa la Izerayɛl bie, a yi Aboraham boorɔ poɔ, a waa Bɛngyamen bale neɛ. 2#1 Nam 19:10; 19:14 Naaŋmen ba gyɛ a O noba O naŋ da daŋ baŋ bare. Yɛ ba baŋ lɛ a gansoŋ naŋ da yeli a Elaagya yɛlɛ be, a lɛ o naŋ da sɔre ka Naaŋmen iri O nimiri eŋ a Izerayɛl biiri? 3“Daana, ba ko la a fo Ŋmen-yelmanneba, ba ŋmore la a fo bagmaalkubo bare; Maa yoŋ la kyɛre, kyɛ ka ba naŋ boɔrɔ ka ba iri n nyɔvore.” 4#1 Nam 19:18 Kyɛ wola ka a Naaŋmen da yelsɔge o? “N taa la noba turi ayopoĩ naŋ ba gbi dumo a Baal niŋesogɔ.” 5#Rom 9:27 A lɛ meŋ la ka a waa a zenɛ bebiri, a noba belãã naŋ bebe la ka Naaŋmen kaa-iri a O garaaseɛ zuiŋ. 6Kyɛ ka anaŋ wa e garaaseɛ zuiŋ la ka O kaa-iri ba, a koŋ la e ka ba toma zuiŋ la, ka lɛ naane, garaaseɛ koŋ la waa garaaseɛ.
7 #
Rom 9:31
Ka boŋ pãã la? A Izerayɛl biiri da kɔŋ la bonna ba naŋ da boɔrɔ. A Naaŋmen neŋkaa-irri da nyɛ a la, kyɛ banaŋ naŋ kyɛre na da darɛɛ la, 8#Aza 29:10; Begɛ 29:4 aŋa ba naŋ da sɛge lɛ:
“Naaŋmen da eɛɛ la ka ba waa maaroŋ ba teɛroŋ poɔ,
a ko ba nimie naŋ koŋ baŋ nyɛ
ane tobo naŋ ba wono,
a wa tɔ a zenɛ bebiri.”
9 #
Yiel 69:22-23
Ka Devid yeli:
“Vɛŋ ka ba diibu tabole leɛ bɛraa ane kyɛbaa,
a e ba gbɛŋmɛ-le bon ane ba dɔgroo zie.
10Vɛŋ ka ba nimie sɔɔ ka ba ta nyɛrɛ,
kyɛ ka ba woore dɔgle ba zu a e ka ba kɔɔ-guri tegitegilɛ.”
A Nemboore-yobo Faabo Yɛlɛ
11 #
Tom 13:46; Rom 10:19 Lɛnso N soorɔ la, ba mɔɔ ŋmɛ la gbɛre a na le be? A koŋ baŋ e a lɛ! Kyɛ a yi a ba gbɛŋmɛ eŋɛŋ la ka faabo wa a Nemboore-yobo zie, ka ka lɛ e ka nyuuri kpɛ a Izerayɛl biiri. 12Pampana ŋa, ka a ba gbɛre ŋmeɛbo wa ko a andonɛɛ bondaanoŋ, ka a ba leebu ko a Nemboore-yobo bondaanoŋ, wola ka a na waa ka ba zaa wa poɔ a faabo poɔ!
13Pampana ŋa, N yele la yɛlɛ korɔ yɛnee Nemboore-yobo. A naŋ pãã waa ka N waa la a yɛ Nemboore-yobo apostolii, N ire la a n tonnoɔre ŋa yuori, 14#1 Tim 4:16 ka ka N e ka n meŋɛ noba nyuuri iri, ka a lɛ e ka N toɔ̃ faa ba mine. 15Bonso, ka a ba gyɛbaroo wa e a andonɛɛ leɛ maale taa, boŋ ka a ba sagedeebo na waa ka kuuni poɔ leɛ-iruu naane! 16Ka a zɔŋ-buuri mine ba naŋ de tere kyɔɔtaa ka a waa wɔŋ dɛndɛŋ naŋ e soŋ, ka lɛ a zɔŋ-buuri zaa waa la soŋ; ka a teɛ nyagre wa soma, a lɛ eŋ, a ulli meŋ na soma la.
17 #
Efe 2:11-14; 2:19 Kyɛ ka ba naŋ da kɔɔre a teɛ ulli#11:17 Ulli: A Dagaaba mine maŋ boɔle la teɛ ulli ka Danuuri. mine bare kyɛ ka ba de yɛnee naŋ waa moɔ poɔ kããteere ulli naŋ tore yi wa tɔnne ne a zie, ka yɛ meŋ nyu a kããteɛ ŋa nyaga naŋ nyɛ maaloo koɔ̃, 18#Gyn 4:22 yɛ ta wullo yɛmenne aŋa yɛ seɛ la a ulli na ba naŋ kɔɔre bare. Ka yɛnee wa wullo yɛmenne, yɛ leɛ baŋ ka yɛnee naane nyɔge a nyagre taa, kyɛ a nyagre la nyɔge yɛ taa. 19Yɛ na yeli la, “Ba da kɔɔre la ulli bare kyɛ na de te tɔnne ne.” 20A lɛ waa la yelmeŋɛ. Ba da kɔɔre a la bare, ba naŋ da ba sage de zuiŋ, kyɛ yɛnee are la yeldeebo yoŋ zuiŋ. Azuiŋ yɛ ta wullo yɛmenne, kyɛ yɛ taa Naaŋmen dabeɛ̃ zoobu. 21Ka Naaŋmen da ba bare a teɛ meŋɛ ulli, kaapɔge O koŋ bare yɛ meŋ. 22#Gyn 15:2; 15:4; Hib 3:14 Yɛ pãã leɛ kaa a Naaŋmen nimimaaroŋ ane O nimitoloŋ yɛlɛ. Naaŋmen taa la nimitoloŋ kyaare ne a banaŋ naŋ e yelbieri, kyɛ leɛ O nimimaaroŋ kyaare yɛ, ka yɛnee naŋ wa kyɛnɛ be a O nimimaaroŋ poɔ; ka lɛ naane, O na kyɛ la yɛ meŋ ŋmaa bare. 23#Yiib 3:16 Haali a banaŋ naŋ waa a Izerayɛl noba, ka ba naŋ ba wa kpãã toori be a ba yeldeebo bataabo poɔ, ba na leɛ de ba la wa tɔnne eŋ. Bonso, Naaŋmen taa la a kpeɛ̃õ ka O la leɛ de ba tɔnne. 24Ka ba naŋ da kyɛ yɛ ŋmaa yi moɔ poɔ kããteɛ eŋɛ a taa yɛ wa tɔnne kããteɛ ba naŋ sɛle eŋɛ, wola ka a koŋ e mɔlɔ ka ba leɛ de a kããteɛ meŋɛ ulli a wa tɔnne a menne kããteɛ eŋɛ.
A Izerayɛl Noba Zaa Na Nyɛ La Faabo
25 #
Luk 21:24; Gyn 10:16 N yɔɔmine ane n yɔɔpuuli, ka yɛ ta wa yeli ka yɛ waa la yɛmbaŋnema gaŋ lɛ a naŋ da seŋ ka yɛ waa, N boɔrɔ la ka yɛ baŋ a Naaŋmen yelsɔglaa ŋa tɛgɛ. Sukyie daroo wa la a Izerayɛl biiri mine sukyie poɔ a na te ta saŋ na a Nemboore-yobo zaa naŋ na wa sage de. 26#Mat 23:39; Aza 59:20; 27:9; Yiel 14:7 A lɛ ka a Izerayɛl noba zaa na nyɛ faabo; aŋa ba naŋ da sɛge lɛ:
“A Zaayɔn teŋɛ poɔ la ka a Faara na yi wa;
O na wa digi la Naaŋmen ba-emmo yi a Gyekɔb bale poɔ.”
27 #
Gyɛ 31:33-34
“A N nɔ-eŋnaa N naŋ eŋ ne ba la ŋa,
ka maa wa de a ba yelbebe bare.”
28Ba e la Naaŋmen dɔndɔnne a yɛ zuiŋ, a kyaara ne a Ŋmen-yelnoore. Kyɛ a kyaare ne a neŋkaa-irri, ba waa la Naaŋmen poyɛŋ noba, a ba sããkommine zuiŋ; 29bonso, Naaŋmen kyɔɔtaare ane O boɔlaa ba taa leɛre-baroo. 30Aŋa lɛ yɛ naŋ da zagre Naaŋmen noɔre kyɛ ka pampana ka yɛ nyɛ a O nyonono a ba noɔre zagroo zuiŋ, 31lɛ la ka pampana ŋa ka ba waa nɔzagreba; ka ka aŋa ba naŋ da zo yɛ nyonono lɛ, ka ba na zo ba meŋ nyonono. 32#Gal 3:22; 1 Tim 2:4 Bonso, Naaŋmen nyɔge la nensaalba zaa pɔge noɔre zagroo poɔ ka ka O toɔ̃ zo ba zaa nyonono.
33 #
Rom 9:23; 10:12; Aza 45:15 Nyɛ a Naaŋmen bondaanoŋ, yɛŋ ane a O bammo naŋ waa zuluŋ seŋ lɛ! A O sɛrɛɛdiibu ba taa mannoo, ka a O sobie ba taa peɛroo!
34 #
Aza 40:13; Gyob 15:8; Gyɛ 23:18; 1 Kor 2:16 “Nembuo la baŋ a Daana poteɛrɛ?
Bee nembuo la yele yɛlɛ wullo a Daana?”
35“Bee nembuo la ko a Daana kyɔɔtaa,
a na la leɛ nyɛ kyɔɔtaa yi O zie?”
36Bonso, a O zie la ka boma zaa yi, a O zie la ka boma zaa tu kyɛ wa, a O zie la ka a boma zaa be. Ona la seŋ ne puubu tegitegilɛ. Ameena.
Currently Selected:
Rom-noba 11: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.