Rom-noba 10
10
1N yɔɔmine ane n yɔɔpuuli, n poboɔbo ane puoruu N naŋ puoro korɔ Naaŋmen kyaare ne a Gyuumine la, ka ba nyɛ faabo. 2N na baŋ di la ba danseɛ ka ba sereŋ boɔrɔ la Naaŋmen ne ba poɔ zaa, kyɛ ba niŋe ba kyaane. 3#Rom 9:31-32 Bonso, ba naŋ da be babammo poɔ a kyaare ne a mennoŋ na naŋ yi Naaŋmen zie, a kyɛ da boɔrɔ ka ba biŋ bamenne mennoŋ, ba da ba sigri bamenne ko a Naaŋmen mennoŋ. 4#Mat 5:17; Hib 8:13; Gyn 3:18 Bonso, a Kirista la a bege baaroo zie ka ka mennoŋ na bebe ko neɛzaa naŋ sage de.
Faabo Waa La Nensaalba Zaa Soobo
5 #
Bag 18:5
Mooziz sɛgɛɛ la a kyaare ne a mennoŋ na naŋ yi a bege poɔ, ka, “a soba na naŋ erɛ a yɛlɛ na tuuro a la o nyɔvore poɔ.” 6#Begɛ 30:12-13 Kyɛ a mennoŋ na naŋ yi yeldeebo poɔ yelee la, “Ta yeli fo sukyiri poɔ, ‘Aŋ la na do tenvelaa#10:6 Tenvelaa: A Kiristabiiri mine maŋ boɔle la a yelbiri ŋa ka Dapare. poɔ?’ ” (A te taa a Kirista sigi wa ne). 7“Bee, ‘Aŋ la na sigi a bog-zuluŋ naŋ ba taa baaroo poɔ?’ ” (A te taa a Kirista wa yi ne a kuuni poɔ). 8#Begɛ 30:14 Kyɛ a bege yeli ka boŋ?
“A yelbiri peɛle fo la,
o be la fo nɔgbɛmɛŋ ane fo sukyiri poɔ”
(a lɛ tɛgɛ la, a yeldeebo yelbiri na te naŋ moɔlɔ); 9#Yiib 4:5 bonso, ka fõõ yeli ne fo noɔre ka Yeezu e la Daana kyɛ sage de ne fo sukyiri ka Naaŋmen da eɛɛ la ka O leɛ-iri kuuni poɔ, fo na nyɛ la faabo. 10Bonso, neɛ maŋ sage de la ne o sukyiri a leɛ nemmeŋɛ, ka neɛ meŋ yeli ne o noɔre a nyɛ faabo. 11#Aza 28:16 A gansoŋ yelee la, “Neɛzaa kyebe naŋ na sage de O yɛlɛ kyɛ ka vi di o.” 12#Tom 10:34; 15:9 Bonso, tɛɛtɛɛ ba kye Gyuumine ane a Girik noba sogɔŋ; a Daana ne O zu la e ba zaa Daana, a korɔ neɛzaa naŋ sɔre bon yi O zie. 13Bonso, “Soba na zaa naŋ boɔle a Daana yuori na nyɛ la faabo.”
14 #
1 Tim 4:16
Kyɛ wola ka ba na boɔle soba na ba naŋ ba sage de yuori? Ka wola ka ba na e sage de neɛ na ba naŋ daŋ ba woŋ O yɛlɛ? Ka wola ka ba na e woŋ O yɛlɛ ka neɛ ba kyebe a na moɔle a O yɛlɛ? 15#Aza 52:7 Kyɛ wola ka ba na moɔle O yɛlɛ ka ba naŋ ba toŋ ba? Aŋa ba naŋ da sɛge lɛ, “Nyɛ a noba naŋ moɔlɔ a Ŋmen-yelnoore waabo naŋ veɛlɛ lɛ!” 16#Aza 53:1 Kyɛ ba zaa naane da sage de a Ŋmen-yelnoore; bonso, Azaaya yelee la, “Daana, nembuo la da sage de a te duoro?” 17#Gyn 17:20 Azuiŋ, yeldeebo maŋ yi la bonna ba naŋ woŋ zie, ka bonna ba naŋ woŋ meŋ yi a Kirista yelbiri poɔ.
18 #
Yiel 19:4
Kyɛ N soorɔ la, ba mɔɔ ba woŋ a be? Serɛzaa ba woŋee la; bonso:
“A ba kɔkɔre yi ta la a tendaa zaa,
ka ba yelbie ta a teŋɛ lamboe zaa.”
19 #
Begɛ 32:21
N laboreŋ soorɔ la, a Izerayɛl biiri ba baŋ a tɛgɛ be? Mooziz da dɛndɛŋ yelee la:
“N na e la ka yɛ taa nyuuri ne a noba na naŋ ba e paaloŋ;
a paaloŋ na deme naŋ waa dambolo ka N na de e ka yɛ suuri iri.”
20 #
Aza 65:1
Lɛ la ka Azaaya da ba zo dabeɛ̃ kyɛ yeli:
“Banaŋ naŋ da ba bɔ ma la nyɛ ma;
N de la N meŋɛ wuli a banaŋ naŋ ba soore N yɛlɛ.”
21 #
Aza 65:2
Kyɛ a kyaare ne a Izerayɛl biiri yɛlɛ, O yelee la, “A bebi-gbuli zaa ka N teɛ N nuuri a kyaare ne noba naŋ zagre N yɛlɛ kyɛ leɛ ba kpaare ko ma.”
Currently Selected:
Rom-noba 10: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.