Luk 16

Tontonema Zukaara Naŋ Ba Taa Yelmeŋɛ Sekpɔgre

1Lɛ la ka a Yeezu da yeli ko a O potuuribo, “Bondaana kaŋ la da bebe a taa o tontonema zukaara. Ka ba da wa yeli ko a bondaana ŋa ka a o tontonema zukaara saana la a o boma bara. 2Lɛ la ka o da boɔle o a soore o, ‘Boŋ la ka N wono kyaare ne fo? Wa tu a toma gbɛɛ zaa nɛnɛ ka N nyɛ, bonso, fo koŋ la baŋ kaara a n boma zu.’ 3Lɛ la ka a tontonema zukaara yeli o teɛroŋ poɔ, ‘Wola ka N na e, a n daana naŋ derɛ a toma yire n nuuriŋ? N ba taa faŋ a na kɔ, kyɛ ka vi meŋ koŋ sage ka N sɔrɔ. 4N baŋ la lɛ N naŋ na e, ka ba naŋ wa iri ma bare a toma poɔ, ka noba na maŋ sage de ma ba yie poɔ.’ 5Lɛ la ka o boɔle a o daana sandiribe zaa ka ba wa, ka o soore a dɛndɛŋ soba, ‘A N daana awola sane la ka fo di?’ 6Ka o yelsɔge, ‘Kãã dogre kɔɔ la.’ Ka a tontonema zukaara yeli ko o, ‘De a fo sane gane, a te zeŋ wieũ zaa kyɛ sɛge eŋ ka lezaayi ne pie la.’ 7Lɛ la ka o la soore kaŋ meŋ, ‘Kyɛ fo meŋ, awola sane la ka fo di?’ Ka o yeli, ‘Kyi boɔre kɔɔ la.’ Ka o yelsɔge, ‘Ŋmaa eŋ a fo sane gane poɔ ka lezaanaare la.’ 8#Efe 5:8; 1 Tɛs 5:5 A tontonɔ ŋa naŋ da ba taa yelmeŋɛ daana da puu o la, ne a nyaayɛlɛ o naŋ da e, bonso, a teŋɛ ŋa zu biiri nyaa gaŋ la a veɛloŋ biiri a ne lɛ ba naŋ maŋ e ko ba boorɔ noba. 9#Luk 14:14; Mat 6:20; 10:40; 19:21 Kyɛ maa yeli ko yɛ, yɛ de yɛ libi-finni a nyɔge ne baaloŋ, ka a daare na a naŋ na wa yi yɛ nuuri poɔ, ka ba sage tuori de yɛ kpɛ ne nyɔvore naŋ ba taa baaroo yie poɔ.”

10 # Luk 19:17 “Neɛ na zaa naŋ taa yelmennoŋ ne bonfẽẽ, na taa la yelmennoŋ ne bon-yaga meŋ. Kyɛ soba na zaa naŋ ba taa yelmennoŋ ne bonfẽẽ, o koŋ taa yelmennoŋ ne bon-yaga meŋ. 11Ka fõõ pãã ba taa yelmennoŋ a libi-finni eŋɛ, aŋ na sage de a yelmennoŋ bondãã-boma eŋ fo nuuriŋ? 12Ka fõõ ba taa yelmennoŋ ne fo tɔsoba bon eŋɛ, aŋ na ko fo a fo meŋɛ bon? 13#Mat 6:24 Gbaŋgbaa zaa kontoɔ̃ tonɔ korɔ nembɛrɛ bayi. O na kyiiri la kaŋ kyɛ nɔŋ kaŋ, bee ka o kpimare kaŋ kyɛ gyegri kaŋ. Yɛ kontoɔ̃ tonɔ korɔ Naaŋmen kyɛ naŋ kpimare libi-bɔ meŋ.”

A Naaŋmen Begɛ Ane O Naaloŋ Yɛlɛ

(Matio 11:12-13; 5:31-32; Mak 10:11-12)

14 # Mat 23:14 A Faraziimine naŋ da woŋ a yɛlɛ ama zaa, ba da erɛ la a Yeezu laara bonso, ba da nɔŋ la libie yaga zaa. 15#Luk 18:9-14; Yiel 7:9; Sek 6:16-17 A Yeezu pãã da yeli ko ba la, “Yɛ waa la banaŋ naŋ maŋ erɛ ka ka noba na nyɛ yɛ naŋ waa nemmenne lɛ, kyɛ Naaŋmen baŋ la a yɛ sukyie. Bonna nensaala naŋ maŋ nyɛ ka o e bon-yuori, Naaŋmen zie o maŋ waa la kyiiruŋ faa.”

16 # Mat 11:12-13 “A Naaŋmen begɛ ane a Ŋmen-yelmanneba sɛgre da bebe la te ta a Gyɔɔn Babtis waabo saŋ. A pãã yi a lɛ saŋ waana, ba moɔle la a Naaŋmen naaloŋ yelnoore yɛlɛ, ka neɛzaa moɔrɔ ka o fere kpɛ. 17#Mat 5:18 Kyɛ a na e la mɔlɔ ka ka sazu ne teŋɛ baare a gaŋ a Naaŋmen begɛ yelbi-bile kaŋ naŋ na iri bare.”

18 # Mat 5:32; 19:9 “Dɔɔ zaa naŋ bare o pɔge kyɛ de pɔge yuo, toŋ la moɔrɔ toma. Ka dɔɔ na meŋ naŋ de pɔge na o serɛ naŋ bare meŋ toŋ la moɔrɔ toma.”

A Bondaana Ane Lazaros Yɛlɛ

19“Bondaana kaŋ la da bebe a maŋ su kpar-veɛle, kyɛ dire bondi veɛle bebiri zaa. 20Dɔɔ baala kaŋ eŋɛ zaa naŋ da e felɛ ka o yuori di Lazaros da maŋ zeŋ la a bondaana ŋa yiri dendɔre noɔreŋ. 21A Lazaros da maŋ wa boɔrɔ la a bondi-purimo naŋ maŋ ŋmaara lere a bondaana diibu zie ka ka o maa ne o kɔŋ. Haali, baare da maŋ wa lɛnnɛ la a o felɛ. 22A nembaala ŋa da kpie la ka malekere da wa de o gaa ne ka o te be Aboraham zie. A bondaana na meŋ da kpie la ka ba ũũ o. 23A bondaana ŋa naŋ da be a dazugovũũ poɔ a nyɛrɛ dɔgɛɛ la ka o da gbole kaa nyɛ Aboraham tɔɔre zaa, ka a Lazaros are o lamboriŋ. 24Lɛ la ka o boɔle, ‘N saa Aboraham, zo N nembaaloŋ kyɛ e ka Lazaros de o nubiri toŋ koɔ̃ poɔ a wa tɔ ne n zele ka o yɛŋ buri belãã lɛ, bonso, N nyɛrɛ la woore yaga a vũũ zele ŋa poɔ.’ 25Ka Aboraham da yeli, ‘N bie, leɛ-teɛre nyɛ a fo nyɔvore saŋ, fo da nyɛ la a bonsonne na zaa fo naŋ da maŋ boɔrɔ, kyɛ ka Lazaros eŋ da nyɛrɛ woore yoŋ. Pampana ŋa, o dire la noɔ a kyɛ, kyɛ ka fo dire tuo. 26Kyɛ a lɛ meŋ yoŋ naane, te ne fo sogɔŋ, ba eŋ la bog-zuluŋ kaŋ ka neɛzaa koŋ baŋ yi te zie a gaŋ wa yɛ zie, bee a yi yɛ zie a gaŋ wa te zie.’ 27Ka a bondaana yeli, ‘N saa Aboraham, ka lɛ eŋ, N sɔrɔ fo la, toŋ a Lazaros ka o gaa n saa yiri, 28bonso, N taa la yɔɔmine banuu. E ka o te kpãã ba, ka ba meŋ ta wa kpɛ a woore ŋa poɔ.’ 29#2 Tim 3:16 Ka Aboraham yelsɔge, ‘Ba taa la Mooziz ane a Ŋmen-yelmanneba, ba kyɛllɛ a ba yɛlɛ.’ 30Ka a bondaana yeli, ‘Ai, n saa Aboraham, ka neɛŋ leɛ yi a kuuni poɔ a gaa te yeli ba, ba na leɛ la ba eebo.’ 31Ka a Aboraham yeli ko o, ‘Ka banaŋ koŋ kyɛlle a Mooziz ane a Ŋmen-yelmanneba yɛlɛ, ka neɛŋ yi a kuuni meŋ poɔ gba a gaa te yeli ko ba, kyɛ ba naŋ koŋ de.’ ”

Currently Selected:

Luk 16: DGA

Highlight

Copy