Hoziya 3
3
Naaŋmen Nɔmbayeɛraa
1 #
Hoz 1:2
A DAANA da laboreŋ yeli ko ma la, “Gaa te nɔŋ a pɔge na naŋ taa sɛne, a tonɔ peɛ̃mo toma, aŋa lɛ a DAANA naŋ nɔŋ a Izerayɛl biiri, aneazaa ka ba leɛ tuuro la ŋmen-yobo, kyɛ nɔŋ dããteɛ wɔmɔ ba naŋ gbuli.” 2Lɛnso, N da kyɛre o la ne salem-pelaa warebie pie ne anuu ane kazeɛ kilori kɔɔraata ane dãã. 3Ka N da yeli ko o, “A seŋ ka fo bebe a e N soobo bebie yaga; bare a fo gyɛnter-toma, ta gaŋ ne dɔɔ, bee ka N gaŋ ne fo.” 4#2 Teŋ 15:3 Bonso, a Izerayɛl biiri na bebe la beri yaga, a koŋ taa naa bee nabie, ka bagmaale bee kusi-teli ba naŋ ba teli koŋ kyebe, ka bagmaala kpar-lee bee teebo koŋ kyebe. 5#Gyɛ 30:9, 21, 22; Ezɛk 34:23-24 A lɛ puoriŋ, a Izerayɛl biiri na leɛ wa bɔ la a DAANA ba Naaŋmen ane o mennoŋ, ane Devid ba naa; ba na wa la a DAANA zie ne emmo ane o mennoŋ zie a bebi-baare poɔ.
Dagaare First Bible © The Bible Society of Ghana, 2025.