Hoziya 2
2
1 #
Hoz 1:9; 1:6 Yɛ yeli ko a yɛ yɔɔ, Ami, ane yɛ yɔɔpuulee, Ruhama.
A Izerayɛl Moɔrɔ Toma, Dɔgroŋ Ane Faabo Yɛlɛ
2 #
Ezɛk 16; 23 Yɛ yeli yɛlɛ ko a yɛ ma, yɛ yeli yɛlɛ ko o;
bonso, o ba e N pɔge,
ka N ba waa o serɛ;
yɛ yeli ka o bare a o gyɛnter-nimie o naŋ eŋ,
ane o moɔrɔ toma a o berɛ kpakyagaŋ,
3ka lɛ naane, N na kyɛ o la kpoli,
a iri o pare aŋa a bebiri na daare ba naŋ dɔge o,
a e ka o waa ŋa wɛgyɛŋ,
a e ka o leɛ teŋkuoŋaa,
a ko o ne kɔnnyuuri.
4N koŋ zo a o bibiiri meŋ nyonono,
bonso, ba waa la gyɛnter-biiri.
5 #
Gyɛ 44:17
Bonso, a ba ma toŋ la gyɛnter-toma;
a pɔge na naŋ da taa ba poɔ da e la vi yɛlɛ.
O yelee la, “N na gaa la n sɛnemɛ zie;
bana la maŋ ko ma n bondirii ane n koɔ̃,
n pekɔɔloŋ ane n pɛn-veɛle, n kãã ane n dãã.”
6A lɛ zuiŋ, N na mele la a o sori ne goore;
a mɛ dankyini gɔlle o,
ka o na ta nyɛ o sori tu.
7O na digi tu la o sɛnemɛ,
kyɛ o koŋ page ba;
O na bɔ ba la,
kyɛ o koŋ nyɛ ba.
O pãã na yeli la, “N na gaa la
kyɛ leɛ wa a n dɛndɛŋ serɛ zie,
bonso, a lɛ da seɛ ko ma la gaŋ a pampana.”
8Aa! O da ba baŋ
ka maa la da korɔ o
a bombie, a dãã ane a kããpaala,
a korɔ o salem-pelaa
ane a salema ba naŋ da maŋ de puoro ne a Baal ŋmen.
9A lɛ zuiŋ, N na leɛ de la
N bombie a kyeɛbo saŋ,
ane N dãã, a dãã yiibu daare;
a de N pekɔɔloŋ ane n pɛn-veɛle,
naŋ da page o ollo.
10 #
Gyɛ 13:22, 26 Pampana, N na e la ka o pare yi sãã
o sɛnemɛ niŋeŋ
ka neɛzaa kontoɔ̃ faa o yi N nu poɔ.
11N na e la ka a noɔ o naŋ wono baare,
a o tige, o kyuu-paala tige, o pɛnnoo bebie tige,
ane o yuoni tige zaa ba naŋ biŋ.
12N na sãã la o dããteere ane o kaŋkanteere bare,
ana eŋɛ ka o yeli,
“A ama la N san-yɔɔ,
a N sɛnemɛ naŋ ko ma.”
N na e la ka a leɛ mɔweŋ,#2:12 Mɔweŋ: A noba mine maŋ boɔlɔ la a mɔweŋ ka Kɔɔyɛ bee Kɔŋkɔre
ka wɛdonfaare ɔɔ.
13N na dɔgre o la a Baal ŋmemɛ yuoni tige daare,
a saŋ o naŋ wa nyege ensɛnse ko a
kyɛ peɛ̃ o meŋɛ ne o fentere ane lɛɛ,
a te tuuro o sɛnemɛ,
kyɛ inni N yɛlɛ, a DAANA la yeli.
14 #
Ezɛk 20:35; Aza 40:2 A lɛ zuiŋ, pampana, N na te
bɛlle o la kpɛ ne a wɛgyɛŋ poɔ,
a yeli yɛlɛ ne kɔkɔ-baaloŋ ko o.
15 #
Gyos 7:24-26; Yiib 15:1 A yi be, N na ko o la o dããteere wɛre,
a e ka a Akɔ Bafoɔlaa leɛ teɛretɔroo dendɔre.
A be ka o na yelsɔge aŋa o pɔloŋ saŋ bebie,
a saŋ o naŋ da wa yi a Igyipiti teŋɛ poɔ.
16A lɛ daare, a DAANA la yeli, fo na boɔle ma la, “N serɛ,” fo koŋ la boɔle ma “N Baal.” 17Bonso, N iri la a Baal ŋmemɛ yoe yi fo noɔre poɔ, ka ba koŋ la porɔ a yoe zaa. 18#Ezɛk 34:25 A lɛ daare, N na eŋ la nɔ-eŋnaa ko yɛ ne wɛdonne, a sazu nuuli, ane a teŋɛzu bonvuuri; N na kare la a tammo, a zɔɔzɔɔ-soɔ kyɛ iri zɔɔre bare a teŋɛ poɔ; N na e la ka fo gaŋ ne emmaaroŋ. 19#Yuo 19:7 N na de fo la ka fo e N pɔge tegitegilɛ; N na de fo la ka fo e N pɔge mennoŋ ane sonnoŋ poɔ, nɔmbayeɛraa ane nembaaloŋ zoobu poɔ. 20#Yiel 146:6; Gyɛ 31:34 N na de fo la ka fo e N pɔge yelmennoŋ poɔ; lɛ ka fo pãã na baŋ a DAANA.
21A lɛ daare, N na yelsɔge la, a DAANA la yeli,
N na yelsɔge la a saluoni
ka ba yelsɔge a teŋɛ;
22ka a teŋɛ yelsɔge a bombie, a dãã ane a kããpaala,
ka ba yelsɔge a Gyezerɛl;
23 #
Hoz 1:6; 1:9; Rom 9:25; 1 Pit 2:10 N na bore o la ko N meŋɛ a teŋɛ poɔ.
N na zo la Lo-ruhama nyonono,
N na yeli ko la Lo-ammi, “Yɛ waa la N noba,”
ka ba meŋ yeli, “Fõõ la te Naaŋmen.”
Currently Selected:
Hoziya 2: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.