Ɛsta 7
7
1 #
Ɛst 5:8; 6:14 Lɛ la ka a naa ane Hɛman gaa a Pɔg-naa Ɛsta zie ka ba te laŋ ne o di a tigri. 2A beri ayi daare, ba naŋ da wa nyuuro dãã, a naa da laboreŋ soore la a Ɛsta, “Boŋ la ka fo boɔrɔ ka fo sɔre, Pɔg-naa Ɛsta? A na nyɛ la eebo ko fo. Boŋ mɔɔ la ka fo boɔrɔ? Haali ka a n naaloŋ kyɛlee la ka fo boɔrɔ, a na nyɛ la eebo.” 3Lɛ la ka a Pɔg-naa Ɛsta yelsɔge, “Naa woi, ka maa wa nyɛ nimimaaroŋ yi fo zie, ka fo poɔ koŋ sãã, bare ma ane a n noba ka te voorɔ. A bon N naŋ sɔrɔ la lɛ. 4Bonso, ba koɔre ma la ane n noba, ka ba na sãã te, a na ko te zaa page. Ka ba naŋ da koɔre te, ka te leɛ gbaŋgba-dɔbɔ ane gbaŋgba-pɔgeba, N da na nyɔge la n meŋɛ, kyɛ a dɔndɔma boɔrɔ la ka o ko te pare page.” 5Lɛ la ka a Naa Ahasurus soore a Pɔg-naa Ɛsta, “Nembuo la a soba ŋa, yeŋ ka o be a boɔrɔ ka o e a yeli ŋa?” 6Ka a Ɛsta yeli, “Neɛ naŋ kyiiri te, kyɛ e te dɔndɔma la a Hɛman, a potu-soba ŋa!” Lɛ la ka dabeɛ̃ da kpɛ a Hɛman a naa ane a pɔg-naa niŋesogɔ. 7A naa da vaa-iri la a tigri zie ne suuri a gaa a naayiri gaadin poɔ, kyɛ ka Hɛman be a be a na sɔre a Pɔg-naa Ɛsta ka o faa o nyɔvore, bonso, a Hɛman da baŋ ka a naa da boɔrɔ la o koobo. 8A naa naŋ da wa leɛ yi a o yiri gaadin poɔ wa a tigri die poɔ, o da nyɛ la a Hɛman ka o le zeŋ a kog-dɛlaa na zu a Pɔg-naa Ɛsta naŋ zeŋ-dɛlle. Lɛ la ka a naa soore, “O mɔɔ boɔrɔ la ka o fere gaŋ ne a pɔg-naa n niŋeŋ, n meŋɛ yiri poɔ be?” A naa yelbie naŋ wa yire o noɔreŋ la ka ba deɛ page a Hɛman niŋe. 9Lɛ la ka Habɔna, a naa dɔɔ-varaa kaŋ naŋ tonɔ a naa zie da yeli, “Nyɛ, a daare na a Hɛman naŋ da e ka ba ba ka ba na leŋ a Mɔdikaaya daseelɛ, a neɛ na naŋ da faa a naa nyɔvore, naŋ be la a Hɛman yiri poɔ ba are, ka a wogruŋ e mitare lezare ne ata.” Ka a naa da yeli, “Yɛ gaa te leŋ a Hɛman yagle o zu.” 10Ba da te leŋ la a Hɛman yagle a daare o meŋɛ naŋ da e ka ba ba a Mɔdikaaya eŋɛ. Lɛ la ka a naa suuri pãã da maa.
Currently Selected:
Ɛsta 7: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.