Ɛsta 4
4
Ɛsta Naŋ Sage Ka O Soŋ A Gyuumine
1A Mɔdikaaya naŋ da woŋ lɛ a yɛlɛ zaa naŋ da e, o da tage la o bonsuuri kyeɛre, a de boɔraa kparoo su kyɛ zɛ o meŋɛ tampɛloŋ. O da yi yoɔrɔ la a teŋkpoŋ poɔ a ŋmeɛrɛ kpɛlle lag lag lag; 2o da do gaa la a naayiri dendɔ-kpoŋ noɔre kyɛ ba kpɛ a naayiri poɔ, bonso, sori kyebe ka neɛ su boɔraa kparoo kpɛ ne a naayiri. 3A paaloŋ zie zaa a naa noɔre naŋ wa ta, konni yaga da be la a Gyuumine poɔ. Ba da leŋ la noɔre a kono, a ŋmaara nentaŋ, ka ba yaga zie su boɔre kparre kyɛ zɛ tampɛloŋ a gaŋ teŋɛ.
4A Ɛsta tontombi-pɔgeba ane o dɔɔ-vare naŋ da wa yeli a yɛlɛ ko o, a pɔg-naa Ɛsta poɔ da sããɛ la yaga; ka o da tere bonsuuri ka ba te su a Mɔdikaaya, ka o na yage a o boɔraa kparoo bare, kyɛ ka a Mɔdikaaya da zagre ka o de a boma su. 5Lɛ la ka Ɛsta toŋ boɔle Hatak, a naa dɔɔ-varaa kaŋ, ba naŋ da iri ka o tonɔ korɔ a Ɛsta. A Ɛsta da toŋ o la ka o gaa a Mɔdikaaya zie te nyɛ bon naŋ erɛ o ane bon naŋ so. 6A Hatak da yi gaa la a Mɔdikaaya zie a teŋkpoŋ yeŋe poɔ, a naayiri dendɔ-kpoŋ noɔreŋ, 7#Ɛst 3:9 ka Mɔdikaaya da yeli ko o bonzaa naŋ e ane a libie a Hɛman naŋ eŋ noɔre ka o na yɔɔ eŋ la a naayiri libie poɔ kyɛ ka ba na sãã a Gyuumine bare. 8A Mɔdikaaya da ko o la a lɛtɛ na kaŋ a naa naŋ sɛge a tere noɔre a Suza poɔ ka ba sãã a Gyuumine, ka a Hatak na te ko a Ɛsta. A Mɔdikaaya da yeli ka o te manne ko a Ɛsta kyɛ yeli ka o gaa a naa zie a te sɔre o kyaare ne a o noba.
9A Hatak da te yeli ko la a Ɛsta bon a Mɔdikaaya naŋ yeli. 10Lɛ la ka a Ɛsta pãã da yeli ko a Hatak ka o te yeli ko a Mɔdikaaya, 11#Ɛst 5:2; 8:4 “A naa tontonema zaa ane a naa paaloŋ noba zaa baŋ ka dɔɔ bee pɔge zaa a naa naŋ da ba boɔle ba taa sori ka o kpɛ a naa die poɔ ka o te nyɛ o. Beg-yeni la bebe kyaare ne a lɛ; neɛzaa naŋ e a lɛ, ba na ko o la. Yeli yoŋ naŋ na faa o soba nyɔvore la, ka a naa wa teɛ̃ o salema daŋgbale tɔgle o soba. Maa meŋɛ, a beri lezare ne pie la ŋaa ka a naa ba toŋ boɔle ma ka n kpɛ wa o zie.” 12Ba naŋ da wa yeli ko Mɔdikaaya lɛ a Ɛsta naŋ yeli, 13a Mɔdikaaya da yeli ko ba la ka ba leɛ gaa te yeli ko a Ɛsta, “Ta teɛre ka a Gyuumine poɔ fo yoŋ na yi a yɛlɛ poɔ, fo naŋ be a naayiri poɔ zuiŋ. 14#Piil 45:7 Ka fõõ wa e gbili a yɛlɛ ŋa poɔ, a Gyuumine sommo ane faabo na yi la ziyuo wa, kyɛ ka fõõ ne fo saa yideme wɛ. Aŋ la baŋ ka a yeli ŋa eŋɛ naane ka fo leɛ a pɔg-naa a saŋ ŋa poɔ?” 15Lɛ la ka a Ɛsta leɛ yelsɔge a Mɔdikaaya, 16#2 Nam 7:4 “Gaa te boɔle a Gyuumine zaa naŋ kpeɛrɛ a Suza teŋɛ poɔ lantaa, ka yɛ leŋ noɔre n eŋɛ. Yɛ tɔɔ wa dire bee a nyuuro bonzaa beri ata, ŋmenaa bee tensogɔ. Maa ne n tontombi-pɔgeba meŋ na leŋ la noɔre aŋa yɛ naŋ leŋ lɛ. A lɛ puoriŋ, N na gaa la a naa zie, aneazaa ka a ba tu sori ne a teŋɛ bege; ka maa na kpi, ka N kpi.” 17A Mɔdikaaya pãã da leɛ gaa te e la lɛ zaa a Ɛsta naŋ yeli ka o te e.
Currently Selected:
Ɛsta 4: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.