San Marcos 1
1
U Wan ajb'nal qasna' xub'ij utzij Dios chke mnaq
(Mt 3:1-12; Lc 3:1-9,15-17; Jn 1:19-28)
1Jare ri' jare jeqb'alre utzlaj taq rson chrij ri Jesucristo#1:1 Cristo kel kub'ij jun chaytajnaq rmal Dios. Un tzij Mesías xaq jnam kilwi. che uK'jol Dios. 2Jawa utz'ib'am kan jun ajb'il utzij Dios, Isaías ub'i'. Re xutz'ib'aj utzij Dios che xub'ij che uK'jol. Jawa xub'ij:
«¡Chtampe'!» xche che. «Kintaq nub'i jun ntaqo'n,
knab'aj chawuch rech kuyijb'a ab'e. (Mal 3:1)
3K'aljan uch'ab'al jun kusik'b'aj rib' chpam jun lyar che xa chqi'j ulew, kub'ij:
“China utz che ub'e jachi kb'in Qajaw;
chisuk'b'a', chinojsaj jumpa nk'aj jul o chpam ub'e Qajaw”», xcha'. (Is 40:3)
Jare utzij Dios utz'ib'am kan u Isaías.
4Xa jala' xpi nachi, Wan ub'i'. Re kitjin che u'anik qasna' chke mnaq chpam jun lyar che xa chqi'j ulew. Xyupixb'ej, xub'ij chke che nmister kikk'ex kchomnik chpam kanma', kikya kan u'anik kmak, y k'an qasna' chke rech kkuytaj kmak. 5Ik'i nk'aj mnaq xipitik, iy'o iyaj Jerusalén rich'il jumpa tinmit o pukwent Judea. Kunjel ke xiyo'pan ruk' u Wan che utatb'xik sutaq kub'ij. Echi' xb'itaj kmak kmal, x'an qasna' chke rmal u Wan chpam jun ja', Jordán ub'i'. 6Le ritz'yaq u Wan kukojo antajnaq ruk' rismal jun nim uy', camello ub'i'. Ni nuximb'al ukjom xa tz'um. Xa sak', xa u'al taq kab' kutij che uwa.
7Xub'ij utzij Dios chke mnaq, jawa xub'ij: «Kpi chna jun achi che mas nim u'ij chinwuch in. Tqal t chwe kinchke' qajoq rech kintur uwuch uxjab'. 8Qatz qtzij in ninom qasna' chiwe ruk' ja', per ni Re kuqasaj Tyoxlaj Uxlab'xel pijlom, peche qasna' ku'on che», xche chke.
X'an qasna' che Jesús
(Mt 3:13-17; Lc 3:21-22)
9Echi' jala kitjin u Wan che ub'ixik, xel b'i Jesús chpam un tinmit Nazaret ukwent Galilea, xo'pan ruk' u Wan. X'an qasna' che rmal u Wan chpam un ja' Jordán. 10Tik'ri', echi' kitjin Jesús kel loq chpam ja', xaq t'et xurilo kitjin kaj ktortjik, y kitjin Tyoxlaj Uxlab'xel kqaj loq pujlom peche unom jun tz'kin, paloma ub'i'. 11Tik'ri x'aljan jun ch'ab'al xch'aw loq chkaj che xub'ij: «At atWalk'al che mas katwaj. Mas kinki'kat chawe», xche che.
Un itzel xraj wet ku'on umak Qajaw Jesús
(Mt 4:1-11; Lc 4:1-13)
12Tik'ri', ri Tyoxlaj Uxlab'xel xutaq b'i Jesús chpam jun lyar che xa chqi'j ulew. 13Kawnaq (40) ij xu'on Jesús chla' chikxo'l nk'aj itzel taq awaj. Ni nitzel Satanás xraj kutaqch'ij Jesús che mak, per ni Jesús xtzaq taj chpam umak; tik'ri ri', xipi taq ángel, xikto'o.
Ri Jesús xumaj uchak chla' Galilea
(Mt 4:1-7; Lc 4:14-15)
14Ya kjom chik u Wan pkarsa, ti x'e Jesús chla' Galilea rech kub'ij utzlaj taq rson chrij utzlaj atb'altzij rech Dios. 15Jawa xub'ij chke: «Ya xo'pan tiempo; xa nqaj chik k'wi utzlaj atb'altzij rech Dios. Chik'xa ichomnik chpam iwanma', chiy'a kan u'anik imak; jare chikjo utzlaj tzij rech Dios», xche chke.
Ri Qajaw Jesús xyusk'ij kjeb' (4) ajchpal kar
(Mt 4:18-22; Lc 5:1-11)
16Xuriq jun ij, kwa'kat Jesús chuchi' jun u'ab' mar, Galilea ub'i'. Xuril pnoq jun achi, Simón ub'i', rich'il jun ucha', Trix ub'i'. Kiyitjin che uk'eqik jun ktaraya chpam ja', mal xa iyajchpal kar. 17Ena xub'ij Jesús chke:
—Kixjosaj wuk', kixok wuk' chpam uchak Dios. Kink'ut chiwuch su ki'an che ktzukxik mnaq rech kiyok ruk' Dios, peche ki'an che kchapik nk'aj kar, —xche chke.
18Ena chanim xikya kan nk'aj ktaraya, xib'e ruk'.
19Xb'in pno b'i chik Jesús, xuril jun chik achi, Santiago#1:19 U Santiago soq kb'ix Jacobo che. ub'i' rich'il jun rachlal, Wan ub'i'. Ke iralk'al u Zebedeo. Iy'o chpam jun barco, kiyitjinik kikyijb'a nk'aj ktaraya. 20Ena xyusk'ij Jesús. Ke chanim xikya kan kqaw chpam un barco kuk' nk'aj moso, xib'e ruk' Jesús.
Ri Jesús xuknaj jun achi o itzel espíritu che
(Lc 4:31-37)
21Xiyo'pan chpam jun tinmit Capernaúm. Echi' xuriq uxnb'al ij, xok Jesús chpam rchoch Dios. Ena xumaj ktojxik mnaq che utzij Dios chla'. 22Nk'aj mnaq mas xikmiyma' su xub'ij chke, mal jala xu'on che ktojxik peche ku'on jun achi che o mas rit'am y o uchu'ab' Dios ruk'; jnam taj ruk' peche kik'an nk'aj ajtojnel rech upxab' Dios. 23Xaq t'et x'aljan jun achi chpam rchoch Dios che o jun itzel espíritu che. Xusik'b'aj rib', xub'ij:
24—¿Su kawaj chqe, at, Jesús aj Nazaret? —xche che.
—¿Le xa atpitnaq che usachik qawuch? In kinch'ob' awuch. At ri', at Tyoxlaj Utaqo'n Dios. —Jala xub'ij che Jesús.
25Ri Jesús xuyaj nitzel, xub'ij che:
—¡Xa match'aw chik, chiy'a kan nachi ri'! —xche che.
26Ni nitzel espíritu ko xuyikya nachi; ko xusik'b'aj rib', xel che nachi. 27Kunjel nk'aj mnaq che xkilo, jwert xikmiyma', xikmaj utayik chikuch, xikb'ij: «¿Su chla'al lo ri'? Mere jun k'ak' k'utb'al ku'on chiquch. Nachi le' o uchu'ab' kikunik kyutaq b'i nk'aj itzel taq espíritu, ni ke kiyikjon che». Jala xikb'ij chikuch.
28Chanim xtix rson chrij sutaq kitjin Jesús che u'anik. Jumpa mnaq iy'o ptaq tinmit o pukwent Galilea, kunjel xo'pan rson kuk'.
Ri Jesús xuknaj uji' u Simón
(Mt 8:14-15; Lc 4:38-39)
29Echi' xel b'i Jesús chpam rchoch Dios, chanim x'e kuk' u Santiago rich'il u Wan; xib'e chikchoch keb' kich'il, jare u Simón rich'il u Trix. 30Ni nuji' ixoq u Simón o chu ch'at, o a' chrij. Echi' xo'pan Jesús, xikb'ij che che xa yab'. 31Ena xqib' koq Jesús ruk', xuchap che u'ab', xuwa'lsaj. Chanim xel a' chrij. Tik'ri xok nixoq che uya'ik kwa.
Ri Jesús xyuknaj nk'aj yab'
(Mt 8:16-17; Lc 4:40-41)
32Echi' xqaj ij,#1:32 Ya'tal taj chke nk'aj aj Israel kiyichkun chpam uxnb'al ij ast retal k'e ij chrij jyub'. Xa rmal che xki'ej ast retal xqaj ij, tik'ri xikk'am b'i nk'aj yab' ruk' Qajaw Jesús. ya koka'ab', xikk'am loq kunjel nk'aj yab' ruk' Jesús, rich'il nk'aj che iy'o itzel taq espíritu chke. 33Kunjel jumpa nk'aj mnaq che iy'o chpam un tinmit, xikmol kib' chuchi' nuchija. 34Ik'i nk'aj yab' xyuknaj Jesús, che jaljoj uwuch yab'il o chke. Soq ik'i nk'aj itzel taq espíritu o chke mnaq, xyuresaj b'ik. Per xuya taj chke nk'aj itzel taq espíritu kich'awik, mal kikch'ob' uwuch Re.
Ri Jesús xub'ij utzij Dios
(Lc 4:42-44)
35B'ajchi' chkab' ij, echi' mja kisqarik, xwa'laj Jesús, xel b'ik, x'e chpam jun lyar jachi ot mnaq. Xch'aw ruk' Dios chla'. 36Nu Simón rich'il nk'aj rich'il, xib'e che utzukxik Jesús. 37Echi' xikriqo, xikb'ij che:
—Kunjel jumpa mnaq, kiyitjin che tzukxik la, —xiche che.
38Ni Jesús xub'ij chke:
—Jo ptaq nk'aj chik tinmit o nqaj, rech soq kimb'ij utzij Dios chla', mal jare niptan npitnaq, —xche chke.
39Runjel un tinmit Galilea xb'in Jesús chpam; xub'ij utzij Dios chpam nk'aj rchoch Dios, soq xyuresaj itzel taq espíritu chke mnaq.
Ri Jesús xuknaj jun achi o jun yab'il che, awas ub'i'
(Mt 8:1-4; Lc 5:12-16)
40Chpam jun ij, o jun achi xok ruk' Jesús, che o jun uyab' peche ch'a'k, awas ub'i'. Xixke' chjuch Jesús, xub'och'ij ujlom, xub'ij che:
—We kaj la, o mow kinknaj la, —xche che.
41Ri Jesús xel uk'u'x che nachi. Xulik' u'ab', xuchap koq, xub'ij che:
—Kwaj katinknaj. ¡Chatik'chojoq! —xche che.
42Xaq ruk' jala xub'ij che, su chanim xel nk'aj awas chrij, xik'choj nachi. 43Ri Jesús xutaq b'i nachi, per mas xupixb'ej b'ik, xub'ij b'i che:
44—¡Chitampe'! Xaq o mab'ij wi che xatinknaj; xaw jat ruk' un rajchak Dios, jak'tu awib' chjuch, rech katurilo che ot chayab'. Chiy'a jun asipnik che, rech kuya re che Dios, jala peche ub'im kan u Moisés ujer. Jare k'utb'alre chikuch mnaq che xatik'chojik. —Jala xub'ij b'i che.
45Per echi' x'e nachi, chu'ab' xok che ub'ixik su x'an b'i che; mas x'e rson rmal. Xa rmal, otchich mow kok Jesús ptaq tinmit chikuch kunjel mnaq. Xaq chla' chik xikje wi ptaq nk'aj lyar jachi ot mas mnaq. Miskini' jala ku'on Jesús, ik'i mnaq xipi ptaq tinmit, xiyo'pan ruk'.
Currently Selected:
San Marcos 1: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Marcos 1
1
U Wan ajb'nal qasna' xub'ij utzij Dios chke mnaq
(Mt 3:1-12; Lc 3:1-9,15-17; Jn 1:19-28)
1Jare ri' jare jeqb'alre utzlaj taq rson chrij ri Jesucristo#1:1 Cristo kel kub'ij jun chaytajnaq rmal Dios. Un tzij Mesías xaq jnam kilwi. che uK'jol Dios. 2Jawa utz'ib'am kan jun ajb'il utzij Dios, Isaías ub'i'. Re xutz'ib'aj utzij Dios che xub'ij che uK'jol. Jawa xub'ij:
«¡Chtampe'!» xche che. «Kintaq nub'i jun ntaqo'n,
knab'aj chawuch rech kuyijb'a ab'e. (Mal 3:1)
3K'aljan uch'ab'al jun kusik'b'aj rib' chpam jun lyar che xa chqi'j ulew, kub'ij:
“China utz che ub'e jachi kb'in Qajaw;
chisuk'b'a', chinojsaj jumpa nk'aj jul o chpam ub'e Qajaw”», xcha'. (Is 40:3)
Jare utzij Dios utz'ib'am kan u Isaías.
4Xa jala' xpi nachi, Wan ub'i'. Re kitjin che u'anik qasna' chke mnaq chpam jun lyar che xa chqi'j ulew. Xyupixb'ej, xub'ij chke che nmister kikk'ex kchomnik chpam kanma', kikya kan u'anik kmak, y k'an qasna' chke rech kkuytaj kmak. 5Ik'i nk'aj mnaq xipitik, iy'o iyaj Jerusalén rich'il jumpa tinmit o pukwent Judea. Kunjel ke xiyo'pan ruk' u Wan che utatb'xik sutaq kub'ij. Echi' xb'itaj kmak kmal, x'an qasna' chke rmal u Wan chpam jun ja', Jordán ub'i'. 6Le ritz'yaq u Wan kukojo antajnaq ruk' rismal jun nim uy', camello ub'i'. Ni nuximb'al ukjom xa tz'um. Xa sak', xa u'al taq kab' kutij che uwa.
7Xub'ij utzij Dios chke mnaq, jawa xub'ij: «Kpi chna jun achi che mas nim u'ij chinwuch in. Tqal t chwe kinchke' qajoq rech kintur uwuch uxjab'. 8Qatz qtzij in ninom qasna' chiwe ruk' ja', per ni Re kuqasaj Tyoxlaj Uxlab'xel pijlom, peche qasna' ku'on che», xche chke.
X'an qasna' che Jesús
(Mt 3:13-17; Lc 3:21-22)
9Echi' jala kitjin u Wan che ub'ixik, xel b'i Jesús chpam un tinmit Nazaret ukwent Galilea, xo'pan ruk' u Wan. X'an qasna' che rmal u Wan chpam un ja' Jordán. 10Tik'ri', echi' kitjin Jesús kel loq chpam ja', xaq t'et xurilo kitjin kaj ktortjik, y kitjin Tyoxlaj Uxlab'xel kqaj loq pujlom peche unom jun tz'kin, paloma ub'i'. 11Tik'ri x'aljan jun ch'ab'al xch'aw loq chkaj che xub'ij: «At atWalk'al che mas katwaj. Mas kinki'kat chawe», xche che.
Un itzel xraj wet ku'on umak Qajaw Jesús
(Mt 4:1-11; Lc 4:1-13)
12Tik'ri', ri Tyoxlaj Uxlab'xel xutaq b'i Jesús chpam jun lyar che xa chqi'j ulew. 13Kawnaq (40) ij xu'on Jesús chla' chikxo'l nk'aj itzel taq awaj. Ni nitzel Satanás xraj kutaqch'ij Jesús che mak, per ni Jesús xtzaq taj chpam umak; tik'ri ri', xipi taq ángel, xikto'o.
Ri Jesús xumaj uchak chla' Galilea
(Mt 4:1-7; Lc 4:14-15)
14Ya kjom chik u Wan pkarsa, ti x'e Jesús chla' Galilea rech kub'ij utzlaj taq rson chrij utzlaj atb'altzij rech Dios. 15Jawa xub'ij chke: «Ya xo'pan tiempo; xa nqaj chik k'wi utzlaj atb'altzij rech Dios. Chik'xa ichomnik chpam iwanma', chiy'a kan u'anik imak; jare chikjo utzlaj tzij rech Dios», xche chke.
Ri Qajaw Jesús xyusk'ij kjeb' (4) ajchpal kar
(Mt 4:18-22; Lc 5:1-11)
16Xuriq jun ij, kwa'kat Jesús chuchi' jun u'ab' mar, Galilea ub'i'. Xuril pnoq jun achi, Simón ub'i', rich'il jun ucha', Trix ub'i'. Kiyitjin che uk'eqik jun ktaraya chpam ja', mal xa iyajchpal kar. 17Ena xub'ij Jesús chke:
—Kixjosaj wuk', kixok wuk' chpam uchak Dios. Kink'ut chiwuch su ki'an che ktzukxik mnaq rech kiyok ruk' Dios, peche ki'an che kchapik nk'aj kar, —xche chke.
18Ena chanim xikya kan nk'aj ktaraya, xib'e ruk'.
19Xb'in pno b'i chik Jesús, xuril jun chik achi, Santiago#1:19 U Santiago soq kb'ix Jacobo che. ub'i' rich'il jun rachlal, Wan ub'i'. Ke iralk'al u Zebedeo. Iy'o chpam jun barco, kiyitjinik kikyijb'a nk'aj ktaraya. 20Ena xyusk'ij Jesús. Ke chanim xikya kan kqaw chpam un barco kuk' nk'aj moso, xib'e ruk' Jesús.
Ri Jesús xuknaj jun achi o itzel espíritu che
(Lc 4:31-37)
21Xiyo'pan chpam jun tinmit Capernaúm. Echi' xuriq uxnb'al ij, xok Jesús chpam rchoch Dios. Ena xumaj ktojxik mnaq che utzij Dios chla'. 22Nk'aj mnaq mas xikmiyma' su xub'ij chke, mal jala xu'on che ktojxik peche ku'on jun achi che o mas rit'am y o uchu'ab' Dios ruk'; jnam taj ruk' peche kik'an nk'aj ajtojnel rech upxab' Dios. 23Xaq t'et x'aljan jun achi chpam rchoch Dios che o jun itzel espíritu che. Xusik'b'aj rib', xub'ij:
24—¿Su kawaj chqe, at, Jesús aj Nazaret? —xche che.
—¿Le xa atpitnaq che usachik qawuch? In kinch'ob' awuch. At ri', at Tyoxlaj Utaqo'n Dios. —Jala xub'ij che Jesús.
25Ri Jesús xuyaj nitzel, xub'ij che:
—¡Xa match'aw chik, chiy'a kan nachi ri'! —xche che.
26Ni nitzel espíritu ko xuyikya nachi; ko xusik'b'aj rib', xel che nachi. 27Kunjel nk'aj mnaq che xkilo, jwert xikmiyma', xikmaj utayik chikuch, xikb'ij: «¿Su chla'al lo ri'? Mere jun k'ak' k'utb'al ku'on chiquch. Nachi le' o uchu'ab' kikunik kyutaq b'i nk'aj itzel taq espíritu, ni ke kiyikjon che». Jala xikb'ij chikuch.
28Chanim xtix rson chrij sutaq kitjin Jesús che u'anik. Jumpa mnaq iy'o ptaq tinmit o pukwent Galilea, kunjel xo'pan rson kuk'.
Ri Jesús xuknaj uji' u Simón
(Mt 8:14-15; Lc 4:38-39)
29Echi' xel b'i Jesús chpam rchoch Dios, chanim x'e kuk' u Santiago rich'il u Wan; xib'e chikchoch keb' kich'il, jare u Simón rich'il u Trix. 30Ni nuji' ixoq u Simón o chu ch'at, o a' chrij. Echi' xo'pan Jesús, xikb'ij che che xa yab'. 31Ena xqib' koq Jesús ruk', xuchap che u'ab', xuwa'lsaj. Chanim xel a' chrij. Tik'ri xok nixoq che uya'ik kwa.
Ri Jesús xyuknaj nk'aj yab'
(Mt 8:16-17; Lc 4:40-41)
32Echi' xqaj ij,#1:32 Ya'tal taj chke nk'aj aj Israel kiyichkun chpam uxnb'al ij ast retal k'e ij chrij jyub'. Xa rmal che xki'ej ast retal xqaj ij, tik'ri xikk'am b'i nk'aj yab' ruk' Qajaw Jesús. ya koka'ab', xikk'am loq kunjel nk'aj yab' ruk' Jesús, rich'il nk'aj che iy'o itzel taq espíritu chke. 33Kunjel jumpa nk'aj mnaq che iy'o chpam un tinmit, xikmol kib' chuchi' nuchija. 34Ik'i nk'aj yab' xyuknaj Jesús, che jaljoj uwuch yab'il o chke. Soq ik'i nk'aj itzel taq espíritu o chke mnaq, xyuresaj b'ik. Per xuya taj chke nk'aj itzel taq espíritu kich'awik, mal kikch'ob' uwuch Re.
Ri Jesús xub'ij utzij Dios
(Lc 4:42-44)
35B'ajchi' chkab' ij, echi' mja kisqarik, xwa'laj Jesús, xel b'ik, x'e chpam jun lyar jachi ot mnaq. Xch'aw ruk' Dios chla'. 36Nu Simón rich'il nk'aj rich'il, xib'e che utzukxik Jesús. 37Echi' xikriqo, xikb'ij che:
—Kunjel jumpa mnaq, kiyitjin che tzukxik la, —xiche che.
38Ni Jesús xub'ij chke:
—Jo ptaq nk'aj chik tinmit o nqaj, rech soq kimb'ij utzij Dios chla', mal jare niptan npitnaq, —xche chke.
39Runjel un tinmit Galilea xb'in Jesús chpam; xub'ij utzij Dios chpam nk'aj rchoch Dios, soq xyuresaj itzel taq espíritu chke mnaq.
Ri Jesús xuknaj jun achi o jun yab'il che, awas ub'i'
(Mt 8:1-4; Lc 5:12-16)
40Chpam jun ij, o jun achi xok ruk' Jesús, che o jun uyab' peche ch'a'k, awas ub'i'. Xixke' chjuch Jesús, xub'och'ij ujlom, xub'ij che:
—We kaj la, o mow kinknaj la, —xche che.
41Ri Jesús xel uk'u'x che nachi. Xulik' u'ab', xuchap koq, xub'ij che:
—Kwaj katinknaj. ¡Chatik'chojoq! —xche che.
42Xaq ruk' jala xub'ij che, su chanim xel nk'aj awas chrij, xik'choj nachi. 43Ri Jesús xutaq b'i nachi, per mas xupixb'ej b'ik, xub'ij b'i che:
44—¡Chitampe'! Xaq o mab'ij wi che xatinknaj; xaw jat ruk' un rajchak Dios, jak'tu awib' chjuch, rech katurilo che ot chayab'. Chiy'a jun asipnik che, rech kuya re che Dios, jala peche ub'im kan u Moisés ujer. Jare k'utb'alre chikuch mnaq che xatik'chojik. —Jala xub'ij b'i che.
45Per echi' x'e nachi, chu'ab' xok che ub'ixik su x'an b'i che; mas x'e rson rmal. Xa rmal, otchich mow kok Jesús ptaq tinmit chikuch kunjel mnaq. Xaq chla' chik xikje wi ptaq nk'aj lyar jachi ot mas mnaq. Miskini' jala ku'on Jesús, ik'i mnaq xipi ptaq tinmit, xiyo'pan ruk'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global