San Mateo 23
23
Ri Jesús xub'ij su kmak nk'aj fariseo rich'il nk'aj ajtojnel rech upxab' Dios
(Mr 12:38-40; Lc 11:37-52; 20:45-47)
1Tik'ri xumaj ub'ixik Jesús chke nk'aj mnaq rich'il nk'aj udiscípulo: 2«Nk'aj ajtojnel rech upxab' Dios rich'il nk'aj fariseo, jare kchak ke kikb'ij chiwe su kilwi ri pxab' utz'ib'am kan qari'jal u Moisés. 3Xa rmal, nmister kikojo y ki'ano runjel sutaq kikb'ij chiwe. Per xa mi'an iwe peche kik'an ke, mal ke kik'an taj su kikb'ij. 4Jumpa utzij Dios kikb'ij che nmister k'anik mal jala kub'ij Dios, mas nim uwi' kikkojo. K'ax u'anik runjel jumpa kkitjoj mnaq che, peche mow jun eqa'n mas al ruk'xik, ot jun mnaq kikunik kuruk'aj. Ni ke mowni ch'in kitob' ruk'.
5»Runjel jumpa sutaq'ik kik'ano, xa jare kkaj ke che kikkil mnaq.#Mt 6:1. Ke utz kikkilo kikkoj ritz'b'a'l chrij kkursal rich'il chrij taq k'ab' tz'um amb'alre che tz'ib'tal utzij Dios chjuch, soq utz kikkilo che nma'q utza'm kitz'yaq kikkojo.#Nm 15:38-41; Dt 6:8; 11:18. 6Ke utz kikkilo kiyikb'e' chpam kk'olb'al mnaq che nmaq keqle'n echi' kib'e che utijwik kwa chpam nim'ij. Soq utz kikkilo kiyikb'e' chpam nk'aj nab'e taq tem kech mnaq che nmaq keqle'n chpam rchoch Dios. 7Ke utz kikkilo che kya rtzil kwuch kmal mnaq ptaq k'iyb'al, soq utz kikta' che kb'ix ajtojnel chke.
8»Per ni ix ot mow kiya iwib' chke mnaq che kikb'ij ajtojnel chiwe, mal iwunjel jumpa iwuch ix, xa ixachlal chiwuch y xa jun Ajtojnel o chiwe, jare Cristo. 9Soq xa mib'ij qaw che jun mnaq chi' chuchlew, mal ix xa jun iQaw olik, y jare o chla' chkaj. 10Xa miya iwib' chke mnaq che kikb'ij ajk'mal b'e chiwe, mal xa jun ajK'mal B'e o chiwe, y jare Cristo.#23:10 Cristo kel kub'ij jun chaytajnaq rmal Dios. Un tzij Mesías xaq jnam kilwi. 11Chin jun che nim u'ij chixo'l, nmister che jare re ku'on uchak che kilik nk'aj chik mnaq. 12Mal chin jun che mas nim kukoj rib', jare re xa ch'in k'an kan che, koksax t u'ij. Chin jun che xa ch'in kukoj rib', jare re kinmirsax na, koksax u'ij.
13»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Peche mow xa kitz'apij uchija chikuch mnaq rech kiyok taj chpam utzlaj atb'altzij rech Dios. Ni ix kixok taj ruk' Dios, mowni kiya chke nk'aj chik mnaq kiyok b'i ruk'.
14»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Kimaj kan kchoch nk'aj b'yu't ixqib' chke. Tik'ri naj ki'an che u'anik ich'ab'al ruk' Dios, rmal xa jare kiwaj ix che “utzlaj taq mnaq” kb'ix chiwe. Per jare ix kiriq na jun nimlaj k'ejsb'al iwuch echi' ku'on atb'altzij Dios pijlom.#23:14 O nk'aj ujer taq wuj manuscrito kb'ix che, rech Tyox Wuj, che tz'ib'tal taj v. 14 chpam, miskini' o nk'aj tziji' chpam k'ilaj ujer taq wuj rech San Marcos (12:40) rich'il San Lucas (20:47).
15»T'ob' iwuch ix ixajtojnel rech upxab' Dios, rich'il ix ixfariseo. ¡Ix xa keb' iplaj! Ix kixwa'kat chjuch runjel uwuchlew, soq kix'ax ch'qap che mar che utzukxik jun mnaq rech kok iwuk' chpam ipxab'. Per echi' kixkun che uch'akik, mas chna itzel mnaq ki'an che chiwuch ix, rmal su kitjoj che. Tik'ri jare re, peche mow knab'aj chiwuch echi' kix'e p'a'.
16»¡T'ob' iwuch ix ixpotz' ixajk'mal b'e chke mnaq! Ix kib'ij che we jun kukoj ub'i' nimlaj rchoch Dios ruk' utzij kub'ij, nmister taj ku'ono su kub'ij, per we jare kukoj ub'i' an pwaq kjom che nimlaj rchoch Dios ruk' utzij kub'ij, nmister ku'ono su kub'ij. 17¡Ix xa kich'ob' taj, peche u'anik xa ixpotz'! ¿Chinchke mas nim riltjik? ¿Xatb'a jare an pwaq? Jare taj. Xani jare nimlaj rchoch Dios che mas nim riltjik y ku'on tyox che an pwaq.
18»Soq kib'ij chik: “We jun kukoj ub'i' kojb'al a' altar kb'ix che chpam nimlaj rchoch Dios ruk' utzij kub'ij, nmister taj ku'ono su kub'ij, per we jare kukoj ub'i' sipnik o chjuch un kojb'al a' chpam nimlaj rchoch Dios ruk' utzij kub'ij, nmister ku'ono su kub'ij”. Jala kib'ij ix. 19¡Ix xa ixpotz', xa kich'ob' taj! ¿Chinchke mas nim riltjik? ¿Xatb'a jare sipnik? Jare taj. Xani jare un kojb'al a' altar kb'ix che che mas nim riltjik, y jare ku'on tyox che un sipnik. 20Chin jun kukoj ub'i' kojb'al a' che o chpam nimlaj rchoch Dios ruk' utzij kub'ij, kilik che soq kukoj ub'i' runjel jumpa o chjuch un kojb'al a', ruk' utzij kub'ij. 21Chin jun kukoj ub'i' nimlaj rchoch Dios ruk' utzij kub'ij, kilik che soq kukoj ub'i' Dios che o chla' ruk' utzij kub'ij. 22We jun kukoj ub'i' kaj ruk' utzij kub'ij, kilik che soq kukoj ub'i' uk'olb'al Dios soq kilik che soq kukoj ub'i' Dios che o chla' ruk' utzij kub'ij.
23»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Ix xa jare kiya che Dios jumpa sutaq'ik o iwuk' che ot qatz su reqlem, peche ki'ano kiya ljuj (10) rqan warwena, we o jun ciento iwuk'. Soq jala ki'an ruk' anix soq rich'il jun chik 'yes che comino kb'ix che. Per chinchke tz'ib'tal chpam upxab' Dios che mas nmister, xa jare iy'om kan u'anik. Nmister ki'an utzlaj atb'altzij, soq nmister kel ik'u'x chke mnaq, soq nmister che o ikojb'al ruk' Dios, jala peche tz'ib'tal chpam upxab' Dios. Runjel jumpa sutaq'ik o iwuk', o kub'ij we kitas na ljuj (10) rqan che, rech kisipaj jachb'alre che Dios, jala peche inom che, per soq nmister ki'an nk'aj chik. 24¡Ix xa ixpotz' ixajk'mal b'e chke mnaq! Peche mow, we o jun us chpam ijron kitijo, kiwesaj kanoq; per we o jun nim uy' camello chpam, kitij b'ik.
25»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Xaq xaw kich'aj iwij, jala peche uch'ajik rij un vaso rich'il uch'ajik rij un laq. Ni pik'u'x, mas tz'il, rmal k'ax ki'ano, mal ix xa ix'el'om, xa ix kirij uwuch sutaq'ik rech kixb'oymarik. 26¡Ix ixfariseo, xa ixpotz'! Jare nmister che kik'ex ichomnik pik'u'x. Kiya kan u'anik imak, peche mow kich'aj upam un vaso rich'il un laq, rech saq kkanjik.
27»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Ix xaq ixjnam ruk' peche nk'aj kjul kamnaq che chnam rij ruk' chun. Mas utz ka'y rij, per ni chpam, mas tz'il y mas chu ruxlab', mal xa b'aq rech taq kamnaq o chpam. 28Soq jala ix, ix'utzlaj taq mnaq kixka'yik echi' kixkkil mnaq, per ni iwanma', nojnaq che mak. Xaq keb' iplaj ruk' sutaq kib'ij, rich'il sutaq ki'ano.
29»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Ki'an utz che nk'aj jul jachi imqul nk'aj ajb'il utzij Dios ujer, kiwiq upujlom nk'aj muqb'al kamnaq kech nk'aj mnaq che i'utzlaj taq mnaq chjuch Dios. 30Tik'ri kib'ij: “Wet uj'o chik qo'j chpam taq ij echi' ik'as qati' qamam, kiqato' taj che kkamsxik nk'aj ajb'il utzij Dios ujer”, kixcha'. 31Xa rmal wari' che kib'ij, k'aljan chiwe che soq o imak ix mal jare iri'jal ix nk'aj mnaq che xikkamsaj nk'aj ajb'il utzij Dios ujer. 32Ix kik'is u'anik su kimjom loq u'anik iri'jal ujer che xa ustaj.
33»¡Ix mas xib'al'ib' iwilik, peche ixralk'al itzel taq kmatz! Kixkun taj kiwesaj iwib' chpam k'ax pitnaq chiwij echi' kk'ejsax iwuch p'a'. 34Xa rmal, kiyintaq b'i nk'aj ajb'il utzij Dios iwuk', rich'il nk'aj mnaq che o kin'oj, soq rich'il nk'aj ajtojnel rech upxab' Dios. Iy'o nk'aj kikamsaj na, ni nk'aj chik kirip na chjuch jun cruz, ni nk'aj chik kich'ay na chpam rchoch Dios, soq kiwoqtaj rech ki'an k'ax chke. 35Xa rmal kk'ejsax na iwuch ix, rmal kkamsxik nk'aj utzlaj taq mnaq chjuch Dios echi' xitruw kijk'el chuchlew. Xaw xumaj loq jare chi' xkamsax un utzlaj achi chjuch Dios che Abel ub'i',#Gn 4:8. ast retal jare chi' xikamsaj u Zacarías uk'jol u Berequías, jare jun che xikamsaj ix xo'l un kojb'al a' che altar kb'ix che rich'il lo'laj k'olb'al chpam nimlaj rchoch Dios. 36Ruk' saqlaj tzij kimb'ij chiwe che jumpa mnaq iy'o chu'ij saq chanim, jare ke kk'ejsax na kwuch, rmal runjel jumpa k'ax kinom iri'jal, soq inom ix.
Ri mnaq chpam tinmit Jerusalén kikriq na k'ax
(Lc 13:34-35)
37»¡Ay, ix iximnaq ixaj Jerusalén! Xa kyikamsaj nk'aj ajb'il utzij Dios, xa kik'eq ab'aj chke nk'aj utaqo'n Dios che tqom loq iwuk'. K'i b'welt xwaj in wet xixinmolo rech kixinto'o, jala peche ku'on jun ak', kyumol taq ral kyuya chuxe' uxik'. Ni ix xiwaj taj. 38Kiwil na, ri itinmit kkanaj kanoq utkel, mal Dios kel b'i chixo'l. 39Kimb'ij chiwe che kiwil t chinwuch in, ast retal echi' kuriq ij che kink'un na iwuk'. Chpam un ije' kib'ij na chwe: “¡Nimlaj utzil pujlom Jun che tqom loq rmal Qajaw Dios!” kixcha na».#Sal 118:26. Jala xub'ij Jesús chke.
Currently Selected:
San Mateo 23: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Mateo 23
23
Ri Jesús xub'ij su kmak nk'aj fariseo rich'il nk'aj ajtojnel rech upxab' Dios
(Mr 12:38-40; Lc 11:37-52; 20:45-47)
1Tik'ri xumaj ub'ixik Jesús chke nk'aj mnaq rich'il nk'aj udiscípulo: 2«Nk'aj ajtojnel rech upxab' Dios rich'il nk'aj fariseo, jare kchak ke kikb'ij chiwe su kilwi ri pxab' utz'ib'am kan qari'jal u Moisés. 3Xa rmal, nmister kikojo y ki'ano runjel sutaq kikb'ij chiwe. Per xa mi'an iwe peche kik'an ke, mal ke kik'an taj su kikb'ij. 4Jumpa utzij Dios kikb'ij che nmister k'anik mal jala kub'ij Dios, mas nim uwi' kikkojo. K'ax u'anik runjel jumpa kkitjoj mnaq che, peche mow jun eqa'n mas al ruk'xik, ot jun mnaq kikunik kuruk'aj. Ni ke mowni ch'in kitob' ruk'.
5»Runjel jumpa sutaq'ik kik'ano, xa jare kkaj ke che kikkil mnaq.#Mt 6:1. Ke utz kikkilo kikkoj ritz'b'a'l chrij kkursal rich'il chrij taq k'ab' tz'um amb'alre che tz'ib'tal utzij Dios chjuch, soq utz kikkilo che nma'q utza'm kitz'yaq kikkojo.#Nm 15:38-41; Dt 6:8; 11:18. 6Ke utz kikkilo kiyikb'e' chpam kk'olb'al mnaq che nmaq keqle'n echi' kib'e che utijwik kwa chpam nim'ij. Soq utz kikkilo kiyikb'e' chpam nk'aj nab'e taq tem kech mnaq che nmaq keqle'n chpam rchoch Dios. 7Ke utz kikkilo che kya rtzil kwuch kmal mnaq ptaq k'iyb'al, soq utz kikta' che kb'ix ajtojnel chke.
8»Per ni ix ot mow kiya iwib' chke mnaq che kikb'ij ajtojnel chiwe, mal iwunjel jumpa iwuch ix, xa ixachlal chiwuch y xa jun Ajtojnel o chiwe, jare Cristo. 9Soq xa mib'ij qaw che jun mnaq chi' chuchlew, mal ix xa jun iQaw olik, y jare o chla' chkaj. 10Xa miya iwib' chke mnaq che kikb'ij ajk'mal b'e chiwe, mal xa jun ajK'mal B'e o chiwe, y jare Cristo.#23:10 Cristo kel kub'ij jun chaytajnaq rmal Dios. Un tzij Mesías xaq jnam kilwi. 11Chin jun che nim u'ij chixo'l, nmister che jare re ku'on uchak che kilik nk'aj chik mnaq. 12Mal chin jun che mas nim kukoj rib', jare re xa ch'in k'an kan che, koksax t u'ij. Chin jun che xa ch'in kukoj rib', jare re kinmirsax na, koksax u'ij.
13»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Peche mow xa kitz'apij uchija chikuch mnaq rech kiyok taj chpam utzlaj atb'altzij rech Dios. Ni ix kixok taj ruk' Dios, mowni kiya chke nk'aj chik mnaq kiyok b'i ruk'.
14»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Kimaj kan kchoch nk'aj b'yu't ixqib' chke. Tik'ri naj ki'an che u'anik ich'ab'al ruk' Dios, rmal xa jare kiwaj ix che “utzlaj taq mnaq” kb'ix chiwe. Per jare ix kiriq na jun nimlaj k'ejsb'al iwuch echi' ku'on atb'altzij Dios pijlom.#23:14 O nk'aj ujer taq wuj manuscrito kb'ix che, rech Tyox Wuj, che tz'ib'tal taj v. 14 chpam, miskini' o nk'aj tziji' chpam k'ilaj ujer taq wuj rech San Marcos (12:40) rich'il San Lucas (20:47).
15»T'ob' iwuch ix ixajtojnel rech upxab' Dios, rich'il ix ixfariseo. ¡Ix xa keb' iplaj! Ix kixwa'kat chjuch runjel uwuchlew, soq kix'ax ch'qap che mar che utzukxik jun mnaq rech kok iwuk' chpam ipxab'. Per echi' kixkun che uch'akik, mas chna itzel mnaq ki'an che chiwuch ix, rmal su kitjoj che. Tik'ri jare re, peche mow knab'aj chiwuch echi' kix'e p'a'.
16»¡T'ob' iwuch ix ixpotz' ixajk'mal b'e chke mnaq! Ix kib'ij che we jun kukoj ub'i' nimlaj rchoch Dios ruk' utzij kub'ij, nmister taj ku'ono su kub'ij, per we jare kukoj ub'i' an pwaq kjom che nimlaj rchoch Dios ruk' utzij kub'ij, nmister ku'ono su kub'ij. 17¡Ix xa kich'ob' taj, peche u'anik xa ixpotz'! ¿Chinchke mas nim riltjik? ¿Xatb'a jare an pwaq? Jare taj. Xani jare nimlaj rchoch Dios che mas nim riltjik y ku'on tyox che an pwaq.
18»Soq kib'ij chik: “We jun kukoj ub'i' kojb'al a' altar kb'ix che chpam nimlaj rchoch Dios ruk' utzij kub'ij, nmister taj ku'ono su kub'ij, per we jare kukoj ub'i' sipnik o chjuch un kojb'al a' chpam nimlaj rchoch Dios ruk' utzij kub'ij, nmister ku'ono su kub'ij”. Jala kib'ij ix. 19¡Ix xa ixpotz', xa kich'ob' taj! ¿Chinchke mas nim riltjik? ¿Xatb'a jare sipnik? Jare taj. Xani jare un kojb'al a' altar kb'ix che che mas nim riltjik, y jare ku'on tyox che un sipnik. 20Chin jun kukoj ub'i' kojb'al a' che o chpam nimlaj rchoch Dios ruk' utzij kub'ij, kilik che soq kukoj ub'i' runjel jumpa o chjuch un kojb'al a', ruk' utzij kub'ij. 21Chin jun kukoj ub'i' nimlaj rchoch Dios ruk' utzij kub'ij, kilik che soq kukoj ub'i' Dios che o chla' ruk' utzij kub'ij. 22We jun kukoj ub'i' kaj ruk' utzij kub'ij, kilik che soq kukoj ub'i' uk'olb'al Dios soq kilik che soq kukoj ub'i' Dios che o chla' ruk' utzij kub'ij.
23»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Ix xa jare kiya che Dios jumpa sutaq'ik o iwuk' che ot qatz su reqlem, peche ki'ano kiya ljuj (10) rqan warwena, we o jun ciento iwuk'. Soq jala ki'an ruk' anix soq rich'il jun chik 'yes che comino kb'ix che. Per chinchke tz'ib'tal chpam upxab' Dios che mas nmister, xa jare iy'om kan u'anik. Nmister ki'an utzlaj atb'altzij, soq nmister kel ik'u'x chke mnaq, soq nmister che o ikojb'al ruk' Dios, jala peche tz'ib'tal chpam upxab' Dios. Runjel jumpa sutaq'ik o iwuk', o kub'ij we kitas na ljuj (10) rqan che, rech kisipaj jachb'alre che Dios, jala peche inom che, per soq nmister ki'an nk'aj chik. 24¡Ix xa ixpotz' ixajk'mal b'e chke mnaq! Peche mow, we o jun us chpam ijron kitijo, kiwesaj kanoq; per we o jun nim uy' camello chpam, kitij b'ik.
25»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Xaq xaw kich'aj iwij, jala peche uch'ajik rij un vaso rich'il uch'ajik rij un laq. Ni pik'u'x, mas tz'il, rmal k'ax ki'ano, mal ix xa ix'el'om, xa ix kirij uwuch sutaq'ik rech kixb'oymarik. 26¡Ix ixfariseo, xa ixpotz'! Jare nmister che kik'ex ichomnik pik'u'x. Kiya kan u'anik imak, peche mow kich'aj upam un vaso rich'il un laq, rech saq kkanjik.
27»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Ix xaq ixjnam ruk' peche nk'aj kjul kamnaq che chnam rij ruk' chun. Mas utz ka'y rij, per ni chpam, mas tz'il y mas chu ruxlab', mal xa b'aq rech taq kamnaq o chpam. 28Soq jala ix, ix'utzlaj taq mnaq kixka'yik echi' kixkkil mnaq, per ni iwanma', nojnaq che mak. Xaq keb' iplaj ruk' sutaq kib'ij, rich'il sutaq ki'ano.
29»T'ob' iwuch ix ixajtojnel rech upxab' Dios rich'il ix ixfariseo. ¡Ix xa keb' iplaj! Ki'an utz che nk'aj jul jachi imqul nk'aj ajb'il utzij Dios ujer, kiwiq upujlom nk'aj muqb'al kamnaq kech nk'aj mnaq che i'utzlaj taq mnaq chjuch Dios. 30Tik'ri kib'ij: “Wet uj'o chik qo'j chpam taq ij echi' ik'as qati' qamam, kiqato' taj che kkamsxik nk'aj ajb'il utzij Dios ujer”, kixcha'. 31Xa rmal wari' che kib'ij, k'aljan chiwe che soq o imak ix mal jare iri'jal ix nk'aj mnaq che xikkamsaj nk'aj ajb'il utzij Dios ujer. 32Ix kik'is u'anik su kimjom loq u'anik iri'jal ujer che xa ustaj.
33»¡Ix mas xib'al'ib' iwilik, peche ixralk'al itzel taq kmatz! Kixkun taj kiwesaj iwib' chpam k'ax pitnaq chiwij echi' kk'ejsax iwuch p'a'. 34Xa rmal, kiyintaq b'i nk'aj ajb'il utzij Dios iwuk', rich'il nk'aj mnaq che o kin'oj, soq rich'il nk'aj ajtojnel rech upxab' Dios. Iy'o nk'aj kikamsaj na, ni nk'aj chik kirip na chjuch jun cruz, ni nk'aj chik kich'ay na chpam rchoch Dios, soq kiwoqtaj rech ki'an k'ax chke. 35Xa rmal kk'ejsax na iwuch ix, rmal kkamsxik nk'aj utzlaj taq mnaq chjuch Dios echi' xitruw kijk'el chuchlew. Xaw xumaj loq jare chi' xkamsax un utzlaj achi chjuch Dios che Abel ub'i',#Gn 4:8. ast retal jare chi' xikamsaj u Zacarías uk'jol u Berequías, jare jun che xikamsaj ix xo'l un kojb'al a' che altar kb'ix che rich'il lo'laj k'olb'al chpam nimlaj rchoch Dios. 36Ruk' saqlaj tzij kimb'ij chiwe che jumpa mnaq iy'o chu'ij saq chanim, jare ke kk'ejsax na kwuch, rmal runjel jumpa k'ax kinom iri'jal, soq inom ix.
Ri mnaq chpam tinmit Jerusalén kikriq na k'ax
(Lc 13:34-35)
37»¡Ay, ix iximnaq ixaj Jerusalén! Xa kyikamsaj nk'aj ajb'il utzij Dios, xa kik'eq ab'aj chke nk'aj utaqo'n Dios che tqom loq iwuk'. K'i b'welt xwaj in wet xixinmolo rech kixinto'o, jala peche ku'on jun ak', kyumol taq ral kyuya chuxe' uxik'. Ni ix xiwaj taj. 38Kiwil na, ri itinmit kkanaj kanoq utkel, mal Dios kel b'i chixo'l. 39Kimb'ij chiwe che kiwil t chinwuch in, ast retal echi' kuriq ij che kink'un na iwuk'. Chpam un ije' kib'ij na chwe: “¡Nimlaj utzil pujlom Jun che tqom loq rmal Qajaw Dios!” kixcha na».#Sal 118:26. Jala xub'ij Jesús chke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global