San Mateo 24
24
Ri Jesús xub'ij che kiwlujsax na ri nimlaj rchoch Dios
(Mr 13:1-2; Lc 21:5-6)
1Echi' xel loq Jesús chpam nimlaj rchoch Dios, b'enam ku'ono k'ek, ti xiyok nk'aj udiscípulo ruk' y xikk'ut nimlaj rchoch Dios chjuch che mas utz ka'yik. 2Ena xub'ij Jesús chke:
—Runjel jumpa kixtjin che rilik, ruk' saqlaj tzij kimb'ij chiwe, che kurqan jun ij, kiwlujsax na, otchich jun ab'aj kkanaj kan pujlom jun chik ab'aj, runjel kiwlujsax na, ktzaqik, —xche chke.
Ri Jesús xub'ij su k'utb'al kuya Dios echi' ya mer ksachtaj uwuch uwuchlew
(Mr 13:3-31; Lc 21:7-33)
3Tik'ri xib'e pujlom jun jyub' Olivos. Echi' ku'l Jesús chla', xiyok nk'aj udiscípulo ruk'. Xaq kitkel xikta che, xikb'ij:
—Jare kqaj qo'j che kb'ij la chqe, ¿jumpa kuriqo che k'antjik su kb'ij la? ¿Chinchke jun k'utb'al k'alnik echi' kuriq ij che kpi la, soq echi' ksachtaj uwuch uwuchlew? —xiche che.
4Ni Jesús xutzlij ub'ixik chke, xub'ij:
—China kwent iwib', rech jala' ot chin jun kixusub'u. 5Ik'i nk'aj ajsub'nel kipi na che kikkoj nb'i', kikb'ij: “In ri' ri Cristo#24:5 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios”, kiche chiwe. Ik'i mnaq kiyiksub'u. 6Kita rson che xaq paja k'wi nimlaj ch'oj, we chnaj, soq we nqaj, xaq msach ik'u'x, mal nmister che jawa k'antaj na, per jare taj k'isb'al taq ij. 7Nk'aj mnaq iy'o chpam jun tinmit, kik'an na ch'oj kuk' mnaq iy'o chpam jun chik tinmit; soq nk'aj atb'altzij itk'al pujlom nk'aj tinmit kik'an na ch'oj chikuch. Kpi na wijal, rich'il kab'rqan chpam k'ilaj taq tinmit. 8Per runjel wari', xa jeqb'al uxe' k'ax, kpi na mas.
9»Tik'ri k'ut kixkjach na ri mnaq pik'ab' nk'aj atb'altzij rech kik'an k'ax chiwe, kixkkamsaj. Xa wmal in, kunjel mnaq chpam runjel jumpa tinmit xa k'ax chik kixkkilo. 10Echi' k'antaj wari', ik'i mnaq ku'on keb' kk'u'x chpam kkojb'al. Xaq k'ax chik kikkil kib' chikuch, kikjach na kich'il pik'ab' ajch'oj chke. 11Ik'i mnaq kipi na che xa iyajsub'nel, mal kikkoj kib' che jare ke iyajb'il utzij Dios. Ik'i mnaq kisub'taj na kmal. 12Xa rmal che kinmir na ri k'ax ku'on nitzel, ik'i mnaq kkaj t chich kib', kkil'oj t chich kib' chikuch. 13Per chin jun kuch'ij na ast retal echi' kk'is na runjel, jare re kto'taj na rech kuriq uk'asnmal ruk' Dios che ot uk'isik. 14Kb'ix na ri utzlaj taq rson chrij ri utzlaj atb'altzij rech Dios chke kunjel jumpa mnaq iy'o chi' chuchlew, rech kunjel kkit'amaj. Tik'ri k'ut qatz ksachtaj uwuch uwuchlew.
15»Najb'il utzij Dios che Daniel ub'i' utz'ib'am kan#Dn 9:27; 11:31; 12:11. chrij jun k'ax che kpi na. Jawa xub'ij: “Kpi jun itzel laj cosa, jwert xib'al'ib' rilik”. Echi' kiwilo, che kikje chpam tyoxlaj k'olb'al che tqal taj che (chin jun kusk'ij uwuch nk'aj tziji', chukjo retal). 16Tik'ri k'ut, kixanmaj b'ik jumpa mnaq iy'o pukwent Judea, utz kib'e puwi taq jyub' rmal k'ax kpitik. 17Chpam un ije', chin elnaq b'i pujlom rchoch, y chin iy'o chuja xaq miyok chub'i pja rech kuresaj loq ub'itaqke. 18Chin iy'o pchak, xa miyitzlij lo chikchoch che uk'amik kitz'yaq.
19»T'ob' kwuch nk'aj ixqib' che iyab' kuk' ak'lab', rich'il nk'aj che kiktub'saj kal chpam taq ije' ti kuriqo, mal mas k'ax kikriq na. 20Chita che Dios che pi'laj taj kixanmaj b'ik, mowni chpam uxnb'al ij. 21Rmal mel, chpam taq ije', kriqtaj na nimlaj k'ax. Un k'axi', ot jun b'welt iwlom uwuch jumpa la ujer taq tzij echi' ti xutik uwuchlew Dios. Mowni kpi chna jun b'welt chik k'ax peche le'. 22Wet mitji kk'is un k'axi', ot jun mnaq kik'se' na chuchlew. Per ni Dios, mas kel uk'u'x chke mnaq che iyuchom, che rech Re. Xa rmal, ku'atij uwuch un k'ax, rech knajtar t mas.
23»Echi' k'ut jala kitjinik, we o jun kub'ij chiwe, “Chiwlampe', ural k'wi ri Cristo,#24:23 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios”, kche chiwe, xa mikojo. Soq we o jun chik kub'ij chiwe, “Chiwla', chla' k'wi ri Cristo”, kche chiwe, xa mikoj utzij. 24Mal kipi na mnaq che kikkoj kib' che Cristo. Soq kipi na nk'aj chik che kikkoj kib' che ijare ke iyajb'il utzij Dios, y kiyok che u'anik nmaq taq k'utb'al rich'il milagro chikuch mnaq; xa jare kkaj ke che kiyikun che ksub'ik mnaq che iyuchom Dios. 25Chitampe', mal in nb'im chik chiwe su k'antaj na, miskini' mja k'antjik.
26»Xa rmal, we o jun kub'ij chiwe: “Chla' k'wi Cristo chpam un lyar che xa chqi'j ulew”, kche chiwe, xa mix'e che rilik, seno kub'ij chiwe: “Chi' k'wi Cristo pja”, kche chiwe, xa mikojo, 27mal In nAchi nuK'jol Dios el'al taj kimpitik. Jala mow peche ku'on jun kuypa' che kreplan chkaj jachi kel loq ij y kuy'a upximb'al chkaj jachi kqaj ij, jala kin'an in, nAchi nuK'jol Dios, echi' kurqa jun ij kimpitik. Kunjel mnaq knikkilo. 28Jala peche ub'qil jun kamnaq uy' che k'alnik jachi k'wi, mal chla' kikriq kib' nk'aj k'uch.
Ri Jesús xub'ij su mow kitzlij na ri uK'jol Dios chuchlew
(Mr 13:24-37; Lc 17:26-30,34-35; 21:25-33)
29»Xaw k'ax ij echi' k'antaj un nimlaj k'axi', jala k'antaj na peche tz'ib'tal kan ujer:
“Kqu'mar ij o chkaj;
soq jala ik', kitluw t chik.
Nk'aj ch'mil kitzaq nuloq chkaj,
runjel su o chla' chkaj che y'om kchu'ab' rmal Dios rech kikya saq, kislib'sax na”.#Is 13:10; 34:4.
Jala tz'ib'tal kanoq.
30»Tik'ri o retal k'aljan chla' chkaj, k'utb'alre che ya kimpi in nAchi nuK'jol Dios. Kunjel mnaq ptaq tinmit chi' chuchlew, kiyo' na. Kikkil na nwuch, in nAchi nuK'jol Dios. Kikkilo che kimpi chpam sutz' chla' chkaj ruk' nimlaj nchu'ab'. Nim n'ij kimpitik. 31Echi' k'ut k'aljan uch'ab'al un su' che ko kch'awik, kintaq b'i nk'aj n'ángel rech kikmol kunjel jumpa mnaq ichaytajnaq chik rmal Dios; paja ik'wi kikmolo; we chla' jachi kel loq ij, soq we chla' jachi kqaj wi; soq we chla' putlok'. Kikmol chpam runjel kaj ulew.
32»Kikoj retal chrij un k'amb'al n'oj chrij un che' rech higo. Echi' kpo' loq nk'aj k'ak' uxaq rich'il nk'aj utux, jare k'utb'alre chiwuch che ya mer kpi 'laj. 33Jala peche le', echi' kiwil ix runjel jumpa wari' che jala k'antjik peche nb'im chiwe, chiwit'amaj jare k'utb'alre chiwuch che ya ko'pan k'isb'al uwuchlew y kintzlij chuloq. 34Ruk' saqlaj tzij kimb'ij chiwe, runjel su nb'im kan chiwe, nab'e k'antaj na, tik'ri kikam mnaq che iy'o chi' chu'ij saq. 35Ri kaj rich'il uwuchlew che kiwil chanim, ksachtaj na uwuch, per ni ntzij in ksachtaj t uwuch, k'antaj na su nb'im chiwe.
Xaq xaw Dios rit'am chinchke ij kpi Qajaw Jesús
(Mr 13:32-37; Lc 17:26-30,34-36)
36»Ot jun mnaq rit'am chinchke ij, mowni rit'am chinchke hora k'antjik, su kimb'ij chiwe. Kit'am taj nk'aj ángel iy'o chla' chkaj, mowni wit'am in nuK'jol Dios, jumpa k'antjik. Xaq xaw qaQaw Dios rit'am.
37»Sutaq xik'an mnaq ujer echi' k'as qari'jal Noé, soq jala chik k'antaj na echi' kintzlij chuloq, in nAchi nuK'jol Dios. 38Echi' mja kqaj un nimlaj jab' chuchlew ujer, runjel xik'an mnaq. Kiyitjinik kiktij kwa, kiyitjinik kiktij ksaqli' pujlom kwa, kiyitjinik kik'an nim'ij. Soq xiyik'le'ik y xikya kalk'al pk'ulnem. Jala na kiyitjin mnaq che u'anik ti xok u Noé chpam un arca. 39Per xiknab'ej taj ti xpi un nimlaj jab' pkijlom, ena xikam kunjel, mal xiji' chpam ja'. Jala na k'antjik echi' kuriq ij che kimpi in, nAchi nuK'jol Dios. Jare ij che kunjel mnaq knikkilo. 40Echi' kuriq ij che kimpitik, we iy'o keb' achjab' pchak chutaq jyub', xa jun kk'am b'ik, mal jare ajkojnel. Nun chik, che xa ajkojnel taj, xa kkanaj kanoq. 41Echi' kuriq jun ij che kimpitik, iy'o keb' ixqib' kiyitjin che k'em. Jun kk'am b'ik, nun chik kkanaj kanoq.
42»Xa rmal, chik'suj iwib' chiwuch, mal iwit'am taj chinchke ij kintzlij loq, in niWjaw. 43Per chiwit'amaj wari', wet o jun rjaw ja rit'am chinchke hora ko'pan un el'om ruk' cha'ab', ela kwar taj. Kk'ask'at na che uchijxik rchoch rech kuya t che un el'om kok b'i pja kurel'aj ub'itaqre. 44Soq jala ix, nmister che kixk'ask'at ix, rech iyijb'am iwib' echi' kintzlij chnuloq in nAchi nuK'jol Dios, mal kimpi chik chpam un hora echi' kiwi'ej taj.
Ri Jesús xub'ij jun k'amb'al n'oj chkij keb' ajchak
(Lc 12:41-48)
45»Nk'aj tzij kintjin che ub'ixik chiwe ri', xaq jnam ruk' peche un ajchak che puro sk'umlaj ajchak y mas un'oj. Jare re xya reqle'n rmal nupatrón, rech kitk'e' pkijlom nk'aj rach ajchak y kuya kwa runjel ij. Tik'ri k'e un patrón che jun ub'yaje chnaj. 46Utz re un ajchake', we kitjin che uchak ti kitzlij loq nupatrón chuja y kurilo che utz kitjin che u'anik. 47Ruk' saqlaj tzij kimb'ij chiwe, che un patrón kuya na reqle'n rech kitk'e' pujlom runjel jumpa ub'itaqre. 48Per rechtla we najchak che xa ust umow kuchomaj puk'u'x, kub'ij: “Ma'tan kpi npatrón”, kcha'. 49Tik'ri kumaj kch'ayik nk'aj rach ajchak nupatrón. Soq kumaj utijwik mas uwa, rich'il su kraj kutij pujlom uwa, soq kumaj utijwik ja' kuk' nk'aj ab'rel. 50Tik'ri xaq t'et kitzlij loq un patrón. Nun rajchak ri'em taj chinchke ij, mowni rit'am chinchke hora kpitik. 51Echi' k'ut kpi un patrón, kuya jun nimlaj k'ejsb'al wuch che un rajchak. Jala k'ejsb'al wuch kuya che, peche kikriq nk'aj mnaq che xa keb' kiplaj. Chla' kiyo' na soq kkiqch'uch'ej uwuke. —Jala xub'ij Jesús.
Currently Selected:
San Mateo 24: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Mateo 24
24
Ri Jesús xub'ij che kiwlujsax na ri nimlaj rchoch Dios
(Mr 13:1-2; Lc 21:5-6)
1Echi' xel loq Jesús chpam nimlaj rchoch Dios, b'enam ku'ono k'ek, ti xiyok nk'aj udiscípulo ruk' y xikk'ut nimlaj rchoch Dios chjuch che mas utz ka'yik. 2Ena xub'ij Jesús chke:
—Runjel jumpa kixtjin che rilik, ruk' saqlaj tzij kimb'ij chiwe, che kurqan jun ij, kiwlujsax na, otchich jun ab'aj kkanaj kan pujlom jun chik ab'aj, runjel kiwlujsax na, ktzaqik, —xche chke.
Ri Jesús xub'ij su k'utb'al kuya Dios echi' ya mer ksachtaj uwuch uwuchlew
(Mr 13:3-31; Lc 21:7-33)
3Tik'ri xib'e pujlom jun jyub' Olivos. Echi' ku'l Jesús chla', xiyok nk'aj udiscípulo ruk'. Xaq kitkel xikta che, xikb'ij:
—Jare kqaj qo'j che kb'ij la chqe, ¿jumpa kuriqo che k'antjik su kb'ij la? ¿Chinchke jun k'utb'al k'alnik echi' kuriq ij che kpi la, soq echi' ksachtaj uwuch uwuchlew? —xiche che.
4Ni Jesús xutzlij ub'ixik chke, xub'ij:
—China kwent iwib', rech jala' ot chin jun kixusub'u. 5Ik'i nk'aj ajsub'nel kipi na che kikkoj nb'i', kikb'ij: “In ri' ri Cristo#24:5 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios”, kiche chiwe. Ik'i mnaq kiyiksub'u. 6Kita rson che xaq paja k'wi nimlaj ch'oj, we chnaj, soq we nqaj, xaq msach ik'u'x, mal nmister che jawa k'antaj na, per jare taj k'isb'al taq ij. 7Nk'aj mnaq iy'o chpam jun tinmit, kik'an na ch'oj kuk' mnaq iy'o chpam jun chik tinmit; soq nk'aj atb'altzij itk'al pujlom nk'aj tinmit kik'an na ch'oj chikuch. Kpi na wijal, rich'il kab'rqan chpam k'ilaj taq tinmit. 8Per runjel wari', xa jeqb'al uxe' k'ax, kpi na mas.
9»Tik'ri k'ut kixkjach na ri mnaq pik'ab' nk'aj atb'altzij rech kik'an k'ax chiwe, kixkkamsaj. Xa wmal in, kunjel mnaq chpam runjel jumpa tinmit xa k'ax chik kixkkilo. 10Echi' k'antaj wari', ik'i mnaq ku'on keb' kk'u'x chpam kkojb'al. Xaq k'ax chik kikkil kib' chikuch, kikjach na kich'il pik'ab' ajch'oj chke. 11Ik'i mnaq kipi na che xa iyajsub'nel, mal kikkoj kib' che jare ke iyajb'il utzij Dios. Ik'i mnaq kisub'taj na kmal. 12Xa rmal che kinmir na ri k'ax ku'on nitzel, ik'i mnaq kkaj t chich kib', kkil'oj t chich kib' chikuch. 13Per chin jun kuch'ij na ast retal echi' kk'is na runjel, jare re kto'taj na rech kuriq uk'asnmal ruk' Dios che ot uk'isik. 14Kb'ix na ri utzlaj taq rson chrij ri utzlaj atb'altzij rech Dios chke kunjel jumpa mnaq iy'o chi' chuchlew, rech kunjel kkit'amaj. Tik'ri k'ut qatz ksachtaj uwuch uwuchlew.
15»Najb'il utzij Dios che Daniel ub'i' utz'ib'am kan#Dn 9:27; 11:31; 12:11. chrij jun k'ax che kpi na. Jawa xub'ij: “Kpi jun itzel laj cosa, jwert xib'al'ib' rilik”. Echi' kiwilo, che kikje chpam tyoxlaj k'olb'al che tqal taj che (chin jun kusk'ij uwuch nk'aj tziji', chukjo retal). 16Tik'ri k'ut, kixanmaj b'ik jumpa mnaq iy'o pukwent Judea, utz kib'e puwi taq jyub' rmal k'ax kpitik. 17Chpam un ije', chin elnaq b'i pujlom rchoch, y chin iy'o chuja xaq miyok chub'i pja rech kuresaj loq ub'itaqke. 18Chin iy'o pchak, xa miyitzlij lo chikchoch che uk'amik kitz'yaq.
19»T'ob' kwuch nk'aj ixqib' che iyab' kuk' ak'lab', rich'il nk'aj che kiktub'saj kal chpam taq ije' ti kuriqo, mal mas k'ax kikriq na. 20Chita che Dios che pi'laj taj kixanmaj b'ik, mowni chpam uxnb'al ij. 21Rmal mel, chpam taq ije', kriqtaj na nimlaj k'ax. Un k'axi', ot jun b'welt iwlom uwuch jumpa la ujer taq tzij echi' ti xutik uwuchlew Dios. Mowni kpi chna jun b'welt chik k'ax peche le'. 22Wet mitji kk'is un k'axi', ot jun mnaq kik'se' na chuchlew. Per ni Dios, mas kel uk'u'x chke mnaq che iyuchom, che rech Re. Xa rmal, ku'atij uwuch un k'ax, rech knajtar t mas.
23»Echi' k'ut jala kitjinik, we o jun kub'ij chiwe, “Chiwlampe', ural k'wi ri Cristo,#24:23 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios”, kche chiwe, xa mikojo. Soq we o jun chik kub'ij chiwe, “Chiwla', chla' k'wi ri Cristo”, kche chiwe, xa mikoj utzij. 24Mal kipi na mnaq che kikkoj kib' che Cristo. Soq kipi na nk'aj chik che kikkoj kib' che ijare ke iyajb'il utzij Dios, y kiyok che u'anik nmaq taq k'utb'al rich'il milagro chikuch mnaq; xa jare kkaj ke che kiyikun che ksub'ik mnaq che iyuchom Dios. 25Chitampe', mal in nb'im chik chiwe su k'antaj na, miskini' mja k'antjik.
26»Xa rmal, we o jun kub'ij chiwe: “Chla' k'wi Cristo chpam un lyar che xa chqi'j ulew”, kche chiwe, xa mix'e che rilik, seno kub'ij chiwe: “Chi' k'wi Cristo pja”, kche chiwe, xa mikojo, 27mal In nAchi nuK'jol Dios el'al taj kimpitik. Jala mow peche ku'on jun kuypa' che kreplan chkaj jachi kel loq ij y kuy'a upximb'al chkaj jachi kqaj ij, jala kin'an in, nAchi nuK'jol Dios, echi' kurqa jun ij kimpitik. Kunjel mnaq knikkilo. 28Jala peche ub'qil jun kamnaq uy' che k'alnik jachi k'wi, mal chla' kikriq kib' nk'aj k'uch.
Ri Jesús xub'ij su mow kitzlij na ri uK'jol Dios chuchlew
(Mr 13:24-37; Lc 17:26-30,34-35; 21:25-33)
29»Xaw k'ax ij echi' k'antaj un nimlaj k'axi', jala k'antaj na peche tz'ib'tal kan ujer:
“Kqu'mar ij o chkaj;
soq jala ik', kitluw t chik.
Nk'aj ch'mil kitzaq nuloq chkaj,
runjel su o chla' chkaj che y'om kchu'ab' rmal Dios rech kikya saq, kislib'sax na”.#Is 13:10; 34:4.
Jala tz'ib'tal kanoq.
30»Tik'ri o retal k'aljan chla' chkaj, k'utb'alre che ya kimpi in nAchi nuK'jol Dios. Kunjel mnaq ptaq tinmit chi' chuchlew, kiyo' na. Kikkil na nwuch, in nAchi nuK'jol Dios. Kikkilo che kimpi chpam sutz' chla' chkaj ruk' nimlaj nchu'ab'. Nim n'ij kimpitik. 31Echi' k'ut k'aljan uch'ab'al un su' che ko kch'awik, kintaq b'i nk'aj n'ángel rech kikmol kunjel jumpa mnaq ichaytajnaq chik rmal Dios; paja ik'wi kikmolo; we chla' jachi kel loq ij, soq we chla' jachi kqaj wi; soq we chla' putlok'. Kikmol chpam runjel kaj ulew.
32»Kikoj retal chrij un k'amb'al n'oj chrij un che' rech higo. Echi' kpo' loq nk'aj k'ak' uxaq rich'il nk'aj utux, jare k'utb'alre chiwuch che ya mer kpi 'laj. 33Jala peche le', echi' kiwil ix runjel jumpa wari' che jala k'antjik peche nb'im chiwe, chiwit'amaj jare k'utb'alre chiwuch che ya ko'pan k'isb'al uwuchlew y kintzlij chuloq. 34Ruk' saqlaj tzij kimb'ij chiwe, runjel su nb'im kan chiwe, nab'e k'antaj na, tik'ri kikam mnaq che iy'o chi' chu'ij saq. 35Ri kaj rich'il uwuchlew che kiwil chanim, ksachtaj na uwuch, per ni ntzij in ksachtaj t uwuch, k'antaj na su nb'im chiwe.
Xaq xaw Dios rit'am chinchke ij kpi Qajaw Jesús
(Mr 13:32-37; Lc 17:26-30,34-36)
36»Ot jun mnaq rit'am chinchke ij, mowni rit'am chinchke hora k'antjik, su kimb'ij chiwe. Kit'am taj nk'aj ángel iy'o chla' chkaj, mowni wit'am in nuK'jol Dios, jumpa k'antjik. Xaq xaw qaQaw Dios rit'am.
37»Sutaq xik'an mnaq ujer echi' k'as qari'jal Noé, soq jala chik k'antaj na echi' kintzlij chuloq, in nAchi nuK'jol Dios. 38Echi' mja kqaj un nimlaj jab' chuchlew ujer, runjel xik'an mnaq. Kiyitjinik kiktij kwa, kiyitjinik kiktij ksaqli' pujlom kwa, kiyitjinik kik'an nim'ij. Soq xiyik'le'ik y xikya kalk'al pk'ulnem. Jala na kiyitjin mnaq che u'anik ti xok u Noé chpam un arca. 39Per xiknab'ej taj ti xpi un nimlaj jab' pkijlom, ena xikam kunjel, mal xiji' chpam ja'. Jala na k'antjik echi' kuriq ij che kimpi in, nAchi nuK'jol Dios. Jare ij che kunjel mnaq knikkilo. 40Echi' kuriq ij che kimpitik, we iy'o keb' achjab' pchak chutaq jyub', xa jun kk'am b'ik, mal jare ajkojnel. Nun chik, che xa ajkojnel taj, xa kkanaj kanoq. 41Echi' kuriq jun ij che kimpitik, iy'o keb' ixqib' kiyitjin che k'em. Jun kk'am b'ik, nun chik kkanaj kanoq.
42»Xa rmal, chik'suj iwib' chiwuch, mal iwit'am taj chinchke ij kintzlij loq, in niWjaw. 43Per chiwit'amaj wari', wet o jun rjaw ja rit'am chinchke hora ko'pan un el'om ruk' cha'ab', ela kwar taj. Kk'ask'at na che uchijxik rchoch rech kuya t che un el'om kok b'i pja kurel'aj ub'itaqre. 44Soq jala ix, nmister che kixk'ask'at ix, rech iyijb'am iwib' echi' kintzlij chnuloq in nAchi nuK'jol Dios, mal kimpi chik chpam un hora echi' kiwi'ej taj.
Ri Jesús xub'ij jun k'amb'al n'oj chkij keb' ajchak
(Lc 12:41-48)
45»Nk'aj tzij kintjin che ub'ixik chiwe ri', xaq jnam ruk' peche un ajchak che puro sk'umlaj ajchak y mas un'oj. Jare re xya reqle'n rmal nupatrón, rech kitk'e' pkijlom nk'aj rach ajchak y kuya kwa runjel ij. Tik'ri k'e un patrón che jun ub'yaje chnaj. 46Utz re un ajchake', we kitjin che uchak ti kitzlij loq nupatrón chuja y kurilo che utz kitjin che u'anik. 47Ruk' saqlaj tzij kimb'ij chiwe, che un patrón kuya na reqle'n rech kitk'e' pujlom runjel jumpa ub'itaqre. 48Per rechtla we najchak che xa ust umow kuchomaj puk'u'x, kub'ij: “Ma'tan kpi npatrón”, kcha'. 49Tik'ri kumaj kch'ayik nk'aj rach ajchak nupatrón. Soq kumaj utijwik mas uwa, rich'il su kraj kutij pujlom uwa, soq kumaj utijwik ja' kuk' nk'aj ab'rel. 50Tik'ri xaq t'et kitzlij loq un patrón. Nun rajchak ri'em taj chinchke ij, mowni rit'am chinchke hora kpitik. 51Echi' k'ut kpi un patrón, kuya jun nimlaj k'ejsb'al wuch che un rajchak. Jala k'ejsb'al wuch kuya che, peche kikriq nk'aj mnaq che xa keb' kiplaj. Chla' kiyo' na soq kkiqch'uch'ej uwuke. —Jala xub'ij Jesús.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global