San Mateo 19
19
Ri Jesús xch'aw chrij ujachik kib' jun achi ruk' jun ixoq
(Mr 10:1-12)
1Echi' xuk'is ub'ixik utzij Jesús, xel b'i chla' Galilea, x'e pukwent Judea, x'ax ch'qap che un ja' Jordán. 2Jwert ik'i nk'aj mnaq xkitrimb'ej b'ik, ena xyuknaj chintaq mnaq che xa iyab'.
3Tik'ri k'ut iy'o nk'aj fariseo xiqib' ruk' Jesús. Ena xikk'ot uchi', xikb'ij:
—¿Le ya'tal che jun achi kujach kan rixqil chpam upxab' u Moisés? —xiche che. Xa jare kkaj ke che kub'ij jun tzij che xa ustaj.
4Ri Jesús xub'ij chik chke:
—¿Le xa isk'im t uwuch su tz'ib'tal chpam Tyox Wuj? Chla' tz'ib'tal wi che echi' Dios xutik uwuchlew, xyutik mnaq, chachi chixoq xyutiko.#Gn 1:27; 5:2. 5Xa rmal che Dios xub'ij: “Jun achi kuyan kan uqaw uchuch rech kikk'am kib' ruk' rixqil, xa jala', ri keb' mnaq xa jun kik'ano”.#Gn 2:24. Jala tz'ib'tal kan chpam Tyox Wuj. 6Xa jala', ikeb' t chik, xa jun chik. Xa rmal che ot mow kujach rixqil jun achi, mal jare Dios xyutunb'a'. —Jala xub'ij Jesús chke nk'aj fariseo.
7Ni nk'aj fariseo xikta chik che Jesús, xikb'ij che:
—¿Suche k'ut che xub'ij u Moisés che o mow we jun achi kutz'ib'aj jun wuj, kuya che jun ixoq rech jachb'al'ib', tik'ri kujach b'ik?#Dt 24:1. —xiche che.
8Ena xub'ij chik Jesús chke:
—U Moisés xuya chiwe che jala k'anik, mal kiwaj taj ki'ano su kraj Dios. Per qa nab'e echi' xutik Dios runjel su olik, jala taj xub'ij. 9In kimb'ij chiwe che chin jun achi kujach rixqil tik'ri ot umak rixqil unom ruk' jun chik achi, nachi le', nimlaj mak ku'on chrij un nab'e rixqil, soq jala chjuch Dios, we xa kik'le' ruk' jun chik ixoq. —Jala xub'ij Jesús chke nk'aj fariseo.
10Nk'aj discípulo xikb'ij che Jesús:
—We xa jala peche kab'ij, jare mas utz b'ari' che kuya rib' jun utkel, kik'le' taj, —xiche che.
11Ri Jesús xub'ij chke:
—Kunjel taj mnaq kikch'ob'o su kilwi sutaq kintjin che ub'ixik, mal kunjel taj mnaq kikch'ijo che kiyik'le' taj, xaq xawi chintaq uy'om Dios chke che kikch'ijo. 12O su rmal che o nk'aj achjab' kiyik'le' taj. O nk'aj su kalxik wi che ustaj unom amb'al kchul, iy'o nk'aj chik kiyik'le' taj, mal xa 'nom k'ax chke kmal mnaq, iy'o nk'aj chik che xa kkaj taj kiyik'le'ik, mal jare kkaj ke kik'an kchak che u'anik su kub'ij utzlaj atb'altzij rech Dios. Chin kikunik ku'on wari' utz we ku'ono. —Jala xub'ij Jesús.
Ri Jesús xuya chke ak'lab' xipi ruk'
(Mr 10:13-16; Lc 18:15-17)
13Iy'o nk'aj mnaq xikk'am loq nk'aj ak'lab' ruk' Jesús. Xa jare kkaj ke che kuya u'ab' pkijlom y ku'on ch'ab'al ruk' Dios pkijlom. Per ni nk'aj discípulo xa xikyaj nk'aj mnaq. 14Ri Jesús xub'ij chke:
—Xaq mi'atij nk'aj ak'lab'. Chiy'a chke kipi wuk', mal ri utzlaj atb'altzij rech Dios, jare kech mnaq che peche mow nk'aj ak'lab'i', —xche chke.
15Ri Jesús xuya u'ab' pkijlom nk'aj ak'lab', tik'ri xel b'i chla', x'ek.
Jun mnaq mas b'yom xch'aw ruk' Jesús
(Mr 10:17-30; Lc 18:18-30)
16O jun achi xok ruk' Jesús, xuta che, xub'ij:
—Ajtojnel, ¿su jun utzil nmister kin'ano rech kinriq junalik k'asnmal? —xche che.
17Ri Jesús xub'ij che:
—¿Suche che kata chwe chrij chinchke utz? Xa jun olik che utz y jare Dios. We kawaj kariq junalik ak'asnmal che ot uk'isik, jare chikjo utzij upxab' Dios, —xche che.
18Nachi xuta chik che Jesús, xub'ij:
—¿Chinchke utzij upxab' Dios che nmister kin'ano? —xche che.
Ri Jesús xub'ij che:
—“Xa makamsaj jun chik mnaq, xa matwar ruk' jun ixoq we awixqil taj. Xa mawel'aj ub'itaqre jun chik mnaq, xa ma'an tzijtal chrij jun chik mnaq. 19Chikjo ktzij aqaw achuch, chil'oj ari'jal.#Éx 20:12; Dt 5:16. Chil'oj arjil atz'qat, jala peche kal'oj awib' at”.#Lv 19:18. —Jala xub'ij Jesús che.
20Ni re xub'ij chik che Jesús:
—Runjel jumpa wari' ntaqem u'anik. ¿Chinchke jun chik mja kin'ano? —xche che.
21Ri Jesús xub'ij chik che:
—We kawaj che puro sk'umlaj achi ka'an chuch Dios, jat, jak'ij kanoq jumpa ub'itaqawe, tik'ri kajach uwuch pwaq chikuch mnaq che xa ipobre. We jala ka'ano, kariq ab'oymal chla' chkaj ruk' Dios. Tik'ri katitzlij wuk', katok wuk' chpam uchak Dios, katitrij chwij. —Jala xub'ij Jesús che.
22Echi' xuta nachi che jala xub'ij Jesús che, xib'sonik, x'ek, mal mas o ub'itaqre, kraj taj kuya kanoq.
23Ri Jesús xub'ij chke nk'aj udiscípulo:
—Ruk' saqlaj tzij kimb'ij chiwe, che mas ruk' k'ax kok jun b'yom chpam utzlaj atb'altzij rech Dios. K'ax ujachik rib' pu'ab' Re, mal mas o ub'itaqre. 24Kinkamlej ub'ixik chiwe, mas chanim k'ax jun nimlaj awaj camello chpam ujlil jun ajkuxa, chjuch kok jun b'yom chpam utzlaj atb'altzij rech Dios.#19:24 Lo' taj che k'ax un nimlaj awaj camello chpam ujlil jun ajkuxa soq jala' kuriq jun b'yomlaj mnaq. Re su kikun taj kok chpam utzlaj atb'altzij rech Dios, we xa jare mas b'enaq uk'u'x chrij ub'oymal. —Jala xub'ij Jesús.
25Echi' xikta nk'aj discípulo che jala xub'ij Jesús, xsach kk'u'x ruk' su xub'ij. Ena xikb'ij che:
—We jala peche kb'ij la, ¿chin k'ut kto'taj na rech kuriq uk'asnmal ruk' Dios che ot uk'isik? —xiche che.
26Ri Jesús xyuka'yej jun b'welt chik, xub'ij chke:
—Nk'aj mnaq kiyikun taj kik'an wari', per Dios runjel kikun che u'anik, —xche chke.
27Nu Lu' xub'ij che:
—Qajaw, qo'j qay'om kanoq runjel jumpa o quk' rech kujchkun uk' la. ¿Su lo tojb'alqe kqariq na? —xche che.
28Ri Jesús xub'ij chke:
—Ruk' saqlaj tzij kimb'ij chiwe che echi' k'an k'ak' che runjel jumpa sutaq'ik o chi' chuchlew, In nAchi nuK'jol Dios kinkb'e' na chpam n'atb'altzij che nim u'ij. Ni ix che ixtrin chwij rech ki'an uchak Dios, soq kixkb'e' na chpam kab'aljuj (12) utzlaj item, rech ki'an atb'altzij pkijlom mnaq iyaj Israel, che iri'y umam kan kab'aljuj (12) uk'jol u Jacob ujer. 29We o jun mnaq kuya kan rchoch, we kuya kan rachlal, we kuya kan uqaw uchuch, we kuya kan rixqil, we kuya kan ralk'al, we kuya kan rlew, wmal in, jare re kurechb'ej jun ciento uwi' su uy'om kanoq. Soq kuriq na junalik uk'asnmal chla' ruk' Dios che ot uk'isik. 30Per ik'i chke nk'aj che nmaq keqle'n chanim, xa itaq ch'in chik chla'; ni nk'aj che ot mas keqle'n chanim, jare ke nim kiltjik chla'. —Jala xub'ij Jesús.
Currently Selected:
San Mateo 19: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Mateo 19
19
Ri Jesús xch'aw chrij ujachik kib' jun achi ruk' jun ixoq
(Mr 10:1-12)
1Echi' xuk'is ub'ixik utzij Jesús, xel b'i chla' Galilea, x'e pukwent Judea, x'ax ch'qap che un ja' Jordán. 2Jwert ik'i nk'aj mnaq xkitrimb'ej b'ik, ena xyuknaj chintaq mnaq che xa iyab'.
3Tik'ri k'ut iy'o nk'aj fariseo xiqib' ruk' Jesús. Ena xikk'ot uchi', xikb'ij:
—¿Le ya'tal che jun achi kujach kan rixqil chpam upxab' u Moisés? —xiche che. Xa jare kkaj ke che kub'ij jun tzij che xa ustaj.
4Ri Jesús xub'ij chik chke:
—¿Le xa isk'im t uwuch su tz'ib'tal chpam Tyox Wuj? Chla' tz'ib'tal wi che echi' Dios xutik uwuchlew, xyutik mnaq, chachi chixoq xyutiko.#Gn 1:27; 5:2. 5Xa rmal che Dios xub'ij: “Jun achi kuyan kan uqaw uchuch rech kikk'am kib' ruk' rixqil, xa jala', ri keb' mnaq xa jun kik'ano”.#Gn 2:24. Jala tz'ib'tal kan chpam Tyox Wuj. 6Xa jala', ikeb' t chik, xa jun chik. Xa rmal che ot mow kujach rixqil jun achi, mal jare Dios xyutunb'a'. —Jala xub'ij Jesús chke nk'aj fariseo.
7Ni nk'aj fariseo xikta chik che Jesús, xikb'ij che:
—¿Suche k'ut che xub'ij u Moisés che o mow we jun achi kutz'ib'aj jun wuj, kuya che jun ixoq rech jachb'al'ib', tik'ri kujach b'ik?#Dt 24:1. —xiche che.
8Ena xub'ij chik Jesús chke:
—U Moisés xuya chiwe che jala k'anik, mal kiwaj taj ki'ano su kraj Dios. Per qa nab'e echi' xutik Dios runjel su olik, jala taj xub'ij. 9In kimb'ij chiwe che chin jun achi kujach rixqil tik'ri ot umak rixqil unom ruk' jun chik achi, nachi le', nimlaj mak ku'on chrij un nab'e rixqil, soq jala chjuch Dios, we xa kik'le' ruk' jun chik ixoq. —Jala xub'ij Jesús chke nk'aj fariseo.
10Nk'aj discípulo xikb'ij che Jesús:
—We xa jala peche kab'ij, jare mas utz b'ari' che kuya rib' jun utkel, kik'le' taj, —xiche che.
11Ri Jesús xub'ij chke:
—Kunjel taj mnaq kikch'ob'o su kilwi sutaq kintjin che ub'ixik, mal kunjel taj mnaq kikch'ijo che kiyik'le' taj, xaq xawi chintaq uy'om Dios chke che kikch'ijo. 12O su rmal che o nk'aj achjab' kiyik'le' taj. O nk'aj su kalxik wi che ustaj unom amb'al kchul, iy'o nk'aj chik kiyik'le' taj, mal xa 'nom k'ax chke kmal mnaq, iy'o nk'aj chik che xa kkaj taj kiyik'le'ik, mal jare kkaj ke kik'an kchak che u'anik su kub'ij utzlaj atb'altzij rech Dios. Chin kikunik ku'on wari' utz we ku'ono. —Jala xub'ij Jesús.
Ri Jesús xuya chke ak'lab' xipi ruk'
(Mr 10:13-16; Lc 18:15-17)
13Iy'o nk'aj mnaq xikk'am loq nk'aj ak'lab' ruk' Jesús. Xa jare kkaj ke che kuya u'ab' pkijlom y ku'on ch'ab'al ruk' Dios pkijlom. Per ni nk'aj discípulo xa xikyaj nk'aj mnaq. 14Ri Jesús xub'ij chke:
—Xaq mi'atij nk'aj ak'lab'. Chiy'a chke kipi wuk', mal ri utzlaj atb'altzij rech Dios, jare kech mnaq che peche mow nk'aj ak'lab'i', —xche chke.
15Ri Jesús xuya u'ab' pkijlom nk'aj ak'lab', tik'ri xel b'i chla', x'ek.
Jun mnaq mas b'yom xch'aw ruk' Jesús
(Mr 10:17-30; Lc 18:18-30)
16O jun achi xok ruk' Jesús, xuta che, xub'ij:
—Ajtojnel, ¿su jun utzil nmister kin'ano rech kinriq junalik k'asnmal? —xche che.
17Ri Jesús xub'ij che:
—¿Suche che kata chwe chrij chinchke utz? Xa jun olik che utz y jare Dios. We kawaj kariq junalik ak'asnmal che ot uk'isik, jare chikjo utzij upxab' Dios, —xche che.
18Nachi xuta chik che Jesús, xub'ij:
—¿Chinchke utzij upxab' Dios che nmister kin'ano? —xche che.
Ri Jesús xub'ij che:
—“Xa makamsaj jun chik mnaq, xa matwar ruk' jun ixoq we awixqil taj. Xa mawel'aj ub'itaqre jun chik mnaq, xa ma'an tzijtal chrij jun chik mnaq. 19Chikjo ktzij aqaw achuch, chil'oj ari'jal.#Éx 20:12; Dt 5:16. Chil'oj arjil atz'qat, jala peche kal'oj awib' at”.#Lv 19:18. —Jala xub'ij Jesús che.
20Ni re xub'ij chik che Jesús:
—Runjel jumpa wari' ntaqem u'anik. ¿Chinchke jun chik mja kin'ano? —xche che.
21Ri Jesús xub'ij chik che:
—We kawaj che puro sk'umlaj achi ka'an chuch Dios, jat, jak'ij kanoq jumpa ub'itaqawe, tik'ri kajach uwuch pwaq chikuch mnaq che xa ipobre. We jala ka'ano, kariq ab'oymal chla' chkaj ruk' Dios. Tik'ri katitzlij wuk', katok wuk' chpam uchak Dios, katitrij chwij. —Jala xub'ij Jesús che.
22Echi' xuta nachi che jala xub'ij Jesús che, xib'sonik, x'ek, mal mas o ub'itaqre, kraj taj kuya kanoq.
23Ri Jesús xub'ij chke nk'aj udiscípulo:
—Ruk' saqlaj tzij kimb'ij chiwe, che mas ruk' k'ax kok jun b'yom chpam utzlaj atb'altzij rech Dios. K'ax ujachik rib' pu'ab' Re, mal mas o ub'itaqre. 24Kinkamlej ub'ixik chiwe, mas chanim k'ax jun nimlaj awaj camello chpam ujlil jun ajkuxa, chjuch kok jun b'yom chpam utzlaj atb'altzij rech Dios.#19:24 Lo' taj che k'ax un nimlaj awaj camello chpam ujlil jun ajkuxa soq jala' kuriq jun b'yomlaj mnaq. Re su kikun taj kok chpam utzlaj atb'altzij rech Dios, we xa jare mas b'enaq uk'u'x chrij ub'oymal. —Jala xub'ij Jesús.
25Echi' xikta nk'aj discípulo che jala xub'ij Jesús, xsach kk'u'x ruk' su xub'ij. Ena xikb'ij che:
—We jala peche kb'ij la, ¿chin k'ut kto'taj na rech kuriq uk'asnmal ruk' Dios che ot uk'isik? —xiche che.
26Ri Jesús xyuka'yej jun b'welt chik, xub'ij chke:
—Nk'aj mnaq kiyikun taj kik'an wari', per Dios runjel kikun che u'anik, —xche chke.
27Nu Lu' xub'ij che:
—Qajaw, qo'j qay'om kanoq runjel jumpa o quk' rech kujchkun uk' la. ¿Su lo tojb'alqe kqariq na? —xche che.
28Ri Jesús xub'ij chke:
—Ruk' saqlaj tzij kimb'ij chiwe che echi' k'an k'ak' che runjel jumpa sutaq'ik o chi' chuchlew, In nAchi nuK'jol Dios kinkb'e' na chpam n'atb'altzij che nim u'ij. Ni ix che ixtrin chwij rech ki'an uchak Dios, soq kixkb'e' na chpam kab'aljuj (12) utzlaj item, rech ki'an atb'altzij pkijlom mnaq iyaj Israel, che iri'y umam kan kab'aljuj (12) uk'jol u Jacob ujer. 29We o jun mnaq kuya kan rchoch, we kuya kan rachlal, we kuya kan uqaw uchuch, we kuya kan rixqil, we kuya kan ralk'al, we kuya kan rlew, wmal in, jare re kurechb'ej jun ciento uwi' su uy'om kanoq. Soq kuriq na junalik uk'asnmal chla' ruk' Dios che ot uk'isik. 30Per ik'i chke nk'aj che nmaq keqle'n chanim, xa itaq ch'in chik chla'; ni nk'aj che ot mas keqle'n chanim, jare ke nim kiltjik chla'. —Jala xub'ij Jesús.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global