San Mateo 18
18
¿Chin jun mnaq che mas nim riltjik?
(Mr 9:33-37; Lc 9:46-48)
1Echi' jala kitjin Jesús che ub'ixik, xiyok nk'aj discípulo ruk', xikta che:
—¿Chin jun mnaq che mas nim u'ij chpam utzlaj atb'altzij rech Dios? —xiche che.
2Ri Jesús xusk'ij pnoq jun ak'al, xuya pink'aj chke. 3Tik'ri xub'ij chke:
—Ruk' saqlaj tzij kimb'ij chiwe che we kik'ex t imow, y jala taj ki'ano peche kik'an taq ak'lab', kixok taj chpam utzlaj atb'altzij Dios. 4Per chin jun che jala ku'ono peche ku'on laj ak'al o chiri' che kunmirsaj t rib', jarela mas nim u'ij chpam utzlaj atb'altzij rech Dios. 5Chin jun che xa rmal mas knul'oj in, kuk'am jun ak'al peche jun o chiri', jare in knuk'amo.
Mas k'ax kuriq jun we xa kutzaq jun mnaq chpam mak
(Mr 9:42-48; Lc 17:1-2)
6»Chin jun kutzaq jun chke nk'aj ak'lab' chpam mak che kikjom ntzij y jala kmow peche taq ak'lab', tqal che, we kxim jun ka' rech amb'al k'em chqul tik'ri kk'eq b'i chpam mar rech kji'ik. 7¡T'ob' kwuch nk'aj mnaq che xa kiktaqch'ij nk'aj chik che u'anik mak! Chi' chuchlew o su rmal ktaqch'ix che mak. Su olik. ¡Per t'ob' uwuch un mnaq, we xa rmal re ktzaq jun chik mnaq chpam mak!
8»We xa rmal jun a'ab', seno xa rmal jun awqan ka'an amak, utz we karamo, katrij b'ik, mal jare mas utz che xa jun a'ab', seno xa jun awqan katok chla' ruk' Dios jachi kariq junalik k'asnmal, chjuch xa katk'eq b'i p'a' che kchup taj ruk' keb' a'ab', seno keb' awqan. 9Niw xa rmal jun awuch ka'an amak, utz we kawesaj, katrij b'ik, mal jare mas utz che xa jun awuch katok chla' ruk' Dios jachi kariq junalik k'asnmal chjuch xa katk'eq b'i p'a' ruk' keb' awuch.
Ri Jesús xub'ij jun k'amb'al n'oj chrij jun chij xsachik
(Lc 15:3-7)
10»Xa mitz'ej uwuch jun chke nk'aj ak'lab'. Mal kimb'ij chiwe che iy'o taq ángel chla' chkaj ruk' nQaw y jarela kichjim ke. 11In nAchi nuK'jol Dios ximpi che ktzukxik mnaq jumpa itzaqnaq kanoq chpam kmak rech kito'taj na.#18:11 O nk'aj ujer taq wuj rech San Mateo, manuscrito kb'ix che, che tz'ib'tal taj v. 11 chpam, per tz'ib'tal chpam Lc 19:10.
12»¿Su kichomaj ix chrij we o jun achi o jun ciento (100) uchij, tik'ri kusach jun chke? ¿Le kuya t kan lo jmuch' b'elejljuj (99) chla' chutaq jyub' rech k'e che utzukxik jun che xsachik? 13We kuriq na, ruk' saqlaj tzij kimb'ij chiwe che mas kki'kat na ruk' un chije' che xuriqo. Mas na nim uki'ktem xuriq ruk' june', chjuch ki'ktem kuriq ruk' jmuch' b'elejljuj (99) che xisach taj. 14Soq jala ku'on iQaw ix che o chla' chkaj. Kraj taj che ksach jun chke mnaq che kikjom utzij, miskini' ot keqle'n, peche taq ak'lab'.
¿Su mow ku'on jun che kukuy umak jun chik mnaq?
(Lc 17:3)
15»We o jun awachlal ku'on jun k'ax chawe, jat ruk' y echi' xaq utkel olik, kab'ij che su k'ax xu'on chawe. We kuk'am u'ab' tik'ri k'ut jnam kiwuk'aj iwib' putzil ruk'. 16Per we kuk'am t u'ab' umak, utz we kask'ij b'i keb' uxib' chik mnaq rech jnam kix'e ruk' kich'ab'ej, rech kikta' su kb'ixik,#Dt 19:15. rech kiya iwib' putzil. 17Per we soq kuk'am t u'ab' umak chikuch ke, utz we kisk'ij b'i kunjel jumpa iyajkojnel rech iwunjel kix'e ruk', kixch'aw ruk'. Per we soq kuk'am t u'ab' umak chikuch ke, xa mib'ijch iwachlal che. China che, che jala peche jun mnaq che ukjom t utzij Dios, seno jala peche jun aj'esal alkawal.
18»Ruk' saqlaj tzij kimb'ij chiwe che runjel jumpa sutaq'ik kib'ij chi' chuchlew che xa ustaj k'anik, soq ustaj kuril Dios chla' chkaj. Soq runjel jumpa sutaq'ik kib'ij chi' chuchlew che utz k'anik, soq utz kuril Dios chla' chkaj.#Mt 16:19; Jn 20:23.
19»Soq kimb'ij chiwe che we iy'o keb' chiwe chi' chuchlew che kuriq rib' kchomnik chrij sutaq kikta che Dios, ri nQaw o chla' chkaj kuya na chke. 20Mal jachi kirqom kib' keb' uxib' mnaq pinb'i' in, xa rmal che kikkoj ntzij, chla' nik'wi kuk'. —Jala xub'ij Jesús chke nk'aj udiscípulo.
Jun k'amb'al n'oj chrij jun ajchak che xraj taj xukuy umak jun rich'il
21U Lu' xok ruk' Jesús, xuta che:
—Qajaw, ¿jumpa b'welt nmister kinkuy umak un wachlal che ku'on k'ax chwe? ¿Le utz we jqub' (7) b'welt kinkuy umak? —xche che.
22Ni Jesús xub'ij che:
—Kimb'ij taj chawe che xa jqub' (7) b'welt kakuy umak, xani jqub' (7) b'welt che oxk'al ljuj (70) b'welt kakuy umak.#18:22 Nk'aj tziji' jare kilwi che ot uk'isik kuyb'al mak ruk' jun mnaq. O keb' jaljoj k'ulb'al uwuch kikya chrij jumpa b'welt xub'ij Jesús chrij kuyb'al mak, jare oxk'al wuqljuj b'welt (77), rich'il jun chik che jare jqub' (7) b'welt che oxk'al ljuj (70) b'welt.
23»Ri utzlaj atb'altzij rech Dios, jala unom peche xu'on jun nim atb'altzij kuk' nk'aj rajchak che o kk'as ruk'. 24Echi' xumaj utayik kk'as chke, nab'e xk'am loq jun ruk' che k'i mil uk'as o ruk'.#18:24 Tyox Wuj kch'aw chrij 10,000 talento uk'as un rajchak. Un talento xaq jnam ruk' 70,000 denario. Jun pwaq che denario kb'ix che, jare jun saq pwaq che kikjom ujer. Rjil peche kuch'ak jun achi che jun ij chak jare jun denario. Jarewa kuk'utu che lo' taj ktoj un k'as chpam uk'asnmal un rajchak. 25Per xa rmal che ot su kri' urjil rech kutojb'aj re nk'aj uk'as, ena xuchomaj nupatrón, kutaq uk'ixik re, rich'il rixqil ralk'al soq rich'il runjel jumpa ub'itaqre olik, rech xa jala' kuresaj uk'xel urjil chkij. 26Echi' xuta nachi che jala xuchomaj nupatrón, ena xixke' chjuch, xub'och'ij ujlom, xub'ij che: “Xa mak'is ak'u'x wuk'. Runjel kintoj na chawe”, xche che. 27Ni nupatrón jwert xel uk'u'x che, ena xukuy umak, xutzaqpij b'ik.
28»Per echi' tzaqpim chub'ik, o jun rich'il rach ajchak, xuriq pnoq che o ch'in uk'as ruk' re.#18:28 Tyox Wuj kub'ij che nuk'as jare 100 denario. Rjil peche kuch'ak jun achi che jun ij chak jare jun denario. Ena xuchapo, xujitz'ej puqul, xub'ij che: “Chitjo runjel ak'as o wuk'”, xche che. 29Nun rach ajchak xixke' chjuch, xub'och'ij ujlom, xub'ij che: “Xa mak'is ak'u'x wuk'. Runjel kintoj na chawe”, xche che. 30Per nun rich'il, xraj taj xukuy umak. Xa xukoj pkarsa ast retal echi' kutojo runjel jumpa uk'as, tik'ri ktzaqpix b'ik. 31Echi' xkil nk'aj kich'il ajchak che jala xik'an keb' kich'il, jwert xiyib'sonik. Ena xib'e che ub'ixik che un kpatrón runjel sutaq xik'an keb' kich'il. 32Nun kpatrón xutaq usik'xik un nab'e ajchak, xub'ij che: “¡At xa atitzel ajchak! In xinkuy amak ruk' runjel nk'aj ak'as mal xata kuyb'al amak chwe. 33At soq nmister che jala ka'an che nawich'il, kakuy umak. ¿Suche k'ut che jala taj xa'an at che re, peche xin'an in chawa't che xinkuy amak?” xche che. 34Jwert xpi riwal nupatrón che. Ena xujach pik'ab' nk'aj achjab' che itk'al pujlom un karsa, rech kikk'ejsaj uwuch ast retal echi' kutoj runjel uk'as, tik'ri kiktzaqpij b'ik.
35»Soq jala na ku'on nQaw o chla' chkaj chiwi'x chijunjnal, we xa kikuy t kmak iwachlal ruk' runjel iwanma'. —Jala xub'ij Jesús chke.
Currently Selected:
San Mateo 18: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Mateo 18
18
¿Chin jun mnaq che mas nim riltjik?
(Mr 9:33-37; Lc 9:46-48)
1Echi' jala kitjin Jesús che ub'ixik, xiyok nk'aj discípulo ruk', xikta che:
—¿Chin jun mnaq che mas nim u'ij chpam utzlaj atb'altzij rech Dios? —xiche che.
2Ri Jesús xusk'ij pnoq jun ak'al, xuya pink'aj chke. 3Tik'ri xub'ij chke:
—Ruk' saqlaj tzij kimb'ij chiwe che we kik'ex t imow, y jala taj ki'ano peche kik'an taq ak'lab', kixok taj chpam utzlaj atb'altzij Dios. 4Per chin jun che jala ku'ono peche ku'on laj ak'al o chiri' che kunmirsaj t rib', jarela mas nim u'ij chpam utzlaj atb'altzij rech Dios. 5Chin jun che xa rmal mas knul'oj in, kuk'am jun ak'al peche jun o chiri', jare in knuk'amo.
Mas k'ax kuriq jun we xa kutzaq jun mnaq chpam mak
(Mr 9:42-48; Lc 17:1-2)
6»Chin jun kutzaq jun chke nk'aj ak'lab' chpam mak che kikjom ntzij y jala kmow peche taq ak'lab', tqal che, we kxim jun ka' rech amb'al k'em chqul tik'ri kk'eq b'i chpam mar rech kji'ik. 7¡T'ob' kwuch nk'aj mnaq che xa kiktaqch'ij nk'aj chik che u'anik mak! Chi' chuchlew o su rmal ktaqch'ix che mak. Su olik. ¡Per t'ob' uwuch un mnaq, we xa rmal re ktzaq jun chik mnaq chpam mak!
8»We xa rmal jun a'ab', seno xa rmal jun awqan ka'an amak, utz we karamo, katrij b'ik, mal jare mas utz che xa jun a'ab', seno xa jun awqan katok chla' ruk' Dios jachi kariq junalik k'asnmal, chjuch xa katk'eq b'i p'a' che kchup taj ruk' keb' a'ab', seno keb' awqan. 9Niw xa rmal jun awuch ka'an amak, utz we kawesaj, katrij b'ik, mal jare mas utz che xa jun awuch katok chla' ruk' Dios jachi kariq junalik k'asnmal chjuch xa katk'eq b'i p'a' ruk' keb' awuch.
Ri Jesús xub'ij jun k'amb'al n'oj chrij jun chij xsachik
(Lc 15:3-7)
10»Xa mitz'ej uwuch jun chke nk'aj ak'lab'. Mal kimb'ij chiwe che iy'o taq ángel chla' chkaj ruk' nQaw y jarela kichjim ke. 11In nAchi nuK'jol Dios ximpi che ktzukxik mnaq jumpa itzaqnaq kanoq chpam kmak rech kito'taj na.#18:11 O nk'aj ujer taq wuj rech San Mateo, manuscrito kb'ix che, che tz'ib'tal taj v. 11 chpam, per tz'ib'tal chpam Lc 19:10.
12»¿Su kichomaj ix chrij we o jun achi o jun ciento (100) uchij, tik'ri kusach jun chke? ¿Le kuya t kan lo jmuch' b'elejljuj (99) chla' chutaq jyub' rech k'e che utzukxik jun che xsachik? 13We kuriq na, ruk' saqlaj tzij kimb'ij chiwe che mas kki'kat na ruk' un chije' che xuriqo. Mas na nim uki'ktem xuriq ruk' june', chjuch ki'ktem kuriq ruk' jmuch' b'elejljuj (99) che xisach taj. 14Soq jala ku'on iQaw ix che o chla' chkaj. Kraj taj che ksach jun chke mnaq che kikjom utzij, miskini' ot keqle'n, peche taq ak'lab'.
¿Su mow ku'on jun che kukuy umak jun chik mnaq?
(Lc 17:3)
15»We o jun awachlal ku'on jun k'ax chawe, jat ruk' y echi' xaq utkel olik, kab'ij che su k'ax xu'on chawe. We kuk'am u'ab' tik'ri k'ut jnam kiwuk'aj iwib' putzil ruk'. 16Per we kuk'am t u'ab' umak, utz we kask'ij b'i keb' uxib' chik mnaq rech jnam kix'e ruk' kich'ab'ej, rech kikta' su kb'ixik,#Dt 19:15. rech kiya iwib' putzil. 17Per we soq kuk'am t u'ab' umak chikuch ke, utz we kisk'ij b'i kunjel jumpa iyajkojnel rech iwunjel kix'e ruk', kixch'aw ruk'. Per we soq kuk'am t u'ab' umak chikuch ke, xa mib'ijch iwachlal che. China che, che jala peche jun mnaq che ukjom t utzij Dios, seno jala peche jun aj'esal alkawal.
18»Ruk' saqlaj tzij kimb'ij chiwe che runjel jumpa sutaq'ik kib'ij chi' chuchlew che xa ustaj k'anik, soq ustaj kuril Dios chla' chkaj. Soq runjel jumpa sutaq'ik kib'ij chi' chuchlew che utz k'anik, soq utz kuril Dios chla' chkaj.#Mt 16:19; Jn 20:23.
19»Soq kimb'ij chiwe che we iy'o keb' chiwe chi' chuchlew che kuriq rib' kchomnik chrij sutaq kikta che Dios, ri nQaw o chla' chkaj kuya na chke. 20Mal jachi kirqom kib' keb' uxib' mnaq pinb'i' in, xa rmal che kikkoj ntzij, chla' nik'wi kuk'. —Jala xub'ij Jesús chke nk'aj udiscípulo.
Jun k'amb'al n'oj chrij jun ajchak che xraj taj xukuy umak jun rich'il
21U Lu' xok ruk' Jesús, xuta che:
—Qajaw, ¿jumpa b'welt nmister kinkuy umak un wachlal che ku'on k'ax chwe? ¿Le utz we jqub' (7) b'welt kinkuy umak? —xche che.
22Ni Jesús xub'ij che:
—Kimb'ij taj chawe che xa jqub' (7) b'welt kakuy umak, xani jqub' (7) b'welt che oxk'al ljuj (70) b'welt kakuy umak.#18:22 Nk'aj tziji' jare kilwi che ot uk'isik kuyb'al mak ruk' jun mnaq. O keb' jaljoj k'ulb'al uwuch kikya chrij jumpa b'welt xub'ij Jesús chrij kuyb'al mak, jare oxk'al wuqljuj b'welt (77), rich'il jun chik che jare jqub' (7) b'welt che oxk'al ljuj (70) b'welt.
23»Ri utzlaj atb'altzij rech Dios, jala unom peche xu'on jun nim atb'altzij kuk' nk'aj rajchak che o kk'as ruk'. 24Echi' xumaj utayik kk'as chke, nab'e xk'am loq jun ruk' che k'i mil uk'as o ruk'.#18:24 Tyox Wuj kch'aw chrij 10,000 talento uk'as un rajchak. Un talento xaq jnam ruk' 70,000 denario. Jun pwaq che denario kb'ix che, jare jun saq pwaq che kikjom ujer. Rjil peche kuch'ak jun achi che jun ij chak jare jun denario. Jarewa kuk'utu che lo' taj ktoj un k'as chpam uk'asnmal un rajchak. 25Per xa rmal che ot su kri' urjil rech kutojb'aj re nk'aj uk'as, ena xuchomaj nupatrón, kutaq uk'ixik re, rich'il rixqil ralk'al soq rich'il runjel jumpa ub'itaqre olik, rech xa jala' kuresaj uk'xel urjil chkij. 26Echi' xuta nachi che jala xuchomaj nupatrón, ena xixke' chjuch, xub'och'ij ujlom, xub'ij che: “Xa mak'is ak'u'x wuk'. Runjel kintoj na chawe”, xche che. 27Ni nupatrón jwert xel uk'u'x che, ena xukuy umak, xutzaqpij b'ik.
28»Per echi' tzaqpim chub'ik, o jun rich'il rach ajchak, xuriq pnoq che o ch'in uk'as ruk' re.#18:28 Tyox Wuj kub'ij che nuk'as jare 100 denario. Rjil peche kuch'ak jun achi che jun ij chak jare jun denario. Ena xuchapo, xujitz'ej puqul, xub'ij che: “Chitjo runjel ak'as o wuk'”, xche che. 29Nun rach ajchak xixke' chjuch, xub'och'ij ujlom, xub'ij che: “Xa mak'is ak'u'x wuk'. Runjel kintoj na chawe”, xche che. 30Per nun rich'il, xraj taj xukuy umak. Xa xukoj pkarsa ast retal echi' kutojo runjel jumpa uk'as, tik'ri ktzaqpix b'ik. 31Echi' xkil nk'aj kich'il ajchak che jala xik'an keb' kich'il, jwert xiyib'sonik. Ena xib'e che ub'ixik che un kpatrón runjel sutaq xik'an keb' kich'il. 32Nun kpatrón xutaq usik'xik un nab'e ajchak, xub'ij che: “¡At xa atitzel ajchak! In xinkuy amak ruk' runjel nk'aj ak'as mal xata kuyb'al amak chwe. 33At soq nmister che jala ka'an che nawich'il, kakuy umak. ¿Suche k'ut che jala taj xa'an at che re, peche xin'an in chawa't che xinkuy amak?” xche che. 34Jwert xpi riwal nupatrón che. Ena xujach pik'ab' nk'aj achjab' che itk'al pujlom un karsa, rech kikk'ejsaj uwuch ast retal echi' kutoj runjel uk'as, tik'ri kiktzaqpij b'ik.
35»Soq jala na ku'on nQaw o chla' chkaj chiwi'x chijunjnal, we xa kikuy t kmak iwachlal ruk' runjel iwanma'. —Jala xub'ij Jesús chke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global