San Mateo 17
17
Xjaltaj ukayb'al ri Jesús
(Mr 9:2-13; Lc 9:28-36)
1Echi' axnaqch waqib' (6) ij, x'e Jesús chu jun nimlaj jyub'; xyuk'am b'i u Lu' rich'il u Santiago rich'il u Wan che i'al ruk' u Santiago;#17:1 U Santiago soq kb'ix Jacobo che. xaq kitkel ke xyuk'am b'ik, xiyel b'i chu jun nimlaj jyub'. 2Echi' iy'o chik chla', xjaltaj ukayb'al Jesús chikuch. Ri uplaj jala xu'ono peche ij che kitluwik, ni ritz'yaq xu'on saq, su ktil'anik x'antjik, jala peche upximb'al ij. 3Tik'ri xaq t'et o keb' kri'jal x'aljan chikuch uxib' discípulo. Ke, jare u Moisés rich'il nujer ajb'il utzij Dios, Elías ub'i'. Kiyitjinik kich'aw ruk' Jesús. 4Ena xch'aw u Lu', xub'ij che Jesús:
—Qajaw, ¡utz ni me uj'o chiri'! We kaj la, kin'an uxib' kb'al chi'; jun ech la, jun chik rech qari'jal u Moisés, jun chik rech qari'jal u Elías, —xche che.
5Echi' jala kitjin u Lu' che ub'ixik, o jun saqlaj sutz' xqaj loq pkijlom, xyuch'uqu; per o Jun xch'aw loq chpam un sutz', xub'ij: «Jarewa Re niK'jol, che mas k'ax nk'u'x che; soq mas kinki'kat ruk'. ¡Chitatb'ej su kub'ij!» xche chke.
6Echi' xikta nk'aj udiscípulo Jesús che jala xub'ij, jwert xkix'ej kib'. Ena xiyixke'ik, tik'ri xikqasaj kiplaj chuchlew. 7Per ni Jesús, xok kuk' xyuchapo, xub'ij chke:
—Xa mix'ej iwib'. Kixwa'ljoq, —xche chke.
8Per echi' xiwa'ljik, xika'y 'noq, xkilo che ot su kri' jun mnaq ruk' Jesús, xaq utkel Re o chla'.
9Echi' iqajnaq loq chu un jyub', ri Jesús xyutaq nk'aj udiscípulo, xub'ij chke:
—Xa mib'ij che jun chik mnaq su xiwilo, ast retal echi' nk'astajnaq chik In nAchi nuK'jol Dios chikxo'l nk'aj kamnaq, —xche chke.
10Ni nk'aj discípulo xikta che Jesús, xikb'ij:
—¿Suche che kikb'ij nk'aj ajtojnel rech upxab' Dios che nmister kpi qari'jal Elías nab'e?#Mal 4:5-6. —xiche che.
11Ni Jesús xub'ij chke:
—Qtzij kpi u Elías rech ku'on utz che runjel. 12Per kimb'ij chiwe che u Elías ya pitnaq chik, per xikch'ob' t uwuch mnaq, xa xik'an che runjel jumpa k'ax xkaj xik'an che. Soq jala na kik'an chwi'n nAchi nuK'jol Dios, kik'an na k'ax chwe. —Jala xub'ij Jesús.
13Tik'ri k'ut xikch'ob' nk'aj discípulo che ri Jesús, chrij taj u Elías xch'aw wi, xa chrij u Wan ajb'nal qasna' xch'aw wi.
Ri Jesús xuresaj jun itzel espíritu che jun ala
(Mr 9:14-29; Lc 9:37-43)
14Tik'ri xiyaktaj loq Jesús kuk' nk'aj udiscípulo chu un jyub'. Echi' xik'un chla' jachi ik'wi k'ilaj taq mnaq, o jun chke nk'aj mnaq xok ruk' Jesús, xixke' chjuch xub'ij che:
15—Qajaw, chil k'u'x la che un nik'jol, xa o k'lu'm che, rmal jun itzel espíritu mas ku'on k'ax che. Kok'il ktzaq p'a', soq ktzaq chpam ja' rmal. 16Xink'am loq kuk' nk'aj discípulo la, per xiyikun taj xkiknaj, —xche che.
17Ni Jesús xuk'ul uwuch utzij, xub'ij:
—¡Ix iximnaq ix'o chu'ij saq, kqaj t ntzij pijlom! ¡Xa ixjech'laj taq mnaq! ¿Jumpa ij kraj na che kinkje iwuk'? ¿Jumpa ij kraj na che kink'is nk'u'x iwuk', xa rmal che kixkjon taj? Chima loq nala chiri', —xche chke.
18Ri Jesús xuyaj nitzel espíritu, xa rmal xel b'ik, xuya kan nala. Ena chanim xik'choj nala.
19Tik'ri xipi nk'aj discípulo, xiyok ruk' Jesús. Echi' xaq utkel olik, xikta che, xikb'ij:
—¿Suche lo che xujkun taj qo'j xqesaj nitzel espíritu che nala? —xiche che.
20Ri Jesús xub'ij chke:
—Ix xixkun taj che resxik, xa rmal mel mas ch'in ikojb'al. Ruk' saqlaj tzij kimb'ij chiwe, che wet o ikojb'al, miskini' xa ch'in ikojb'al olik peche unmal jun laj ub'a' mostaza, per kixkunik kib'ij che un jyub' o chiri': “Chatel b'i chi', jat jala'”, kixche che, nun jyub' ku'ono su kib'ij che. Ot su kri' su cha'al che mitji kixkun che u'anik. —Jala xub'ij Jesús chke nk'aj discípulo. 21Tik'ri xub'ij chik chke:
—Nk'aj itzel taq espíritu peche umow nitzele', xaq xaw kikun resxik we jun kitjin che ch'ab'al ruk' Dios, y kuch'ij numik ayuno kb'ix che, —xche chke.#17:21 O keb' uxib' ujer taq wuj rech Tyox Wuj, manuscrito kb'ix che, che tz'ib'tal taj v. 21 chpam.
Ri Jesús xub'ij che kkamsax na
(Mr 9:30-32; Lc 9:43-45)
22Echi' jnam iy'o nk'aj discípulo ruk' Jesús chla' Galilea, ri Jesús xub'ij chke:
—In nAchi nuK'jol Dios, kinjachtaj na pik'ab' nk'aj mnaq. 23Jare ke knikkamsaj na. Per miskini' nkamnaq chik, kk'astaj chna nwuch churox ij chikxo'l nk'aj kamnaq, —xche chke.
Ena jwert xiyib'son nk'aj discípulo echi' xikta' che jala xub'ij.
Ri Jesús xutoj alkawal che nimlaj rchoch Dios
24Echi' xiyo'pan Jesús rich'il nk'aj udiscípulo chpam un tinmit Capernaúm, xipi nk'aj mnaq che kikkesaj alkawal#17:24 Tyox Wuj kch'aw chrij keb' dracma. Jun pwaq che dracma kb'ix che, jare jun pwaq che kikjom ujer. Nk'aj aj Israel xikkoj un tzije' echi' xich'aw chrij alkawal che nimlaj rchoch Dios. Rjil peche kuch'ak jun achi che keb' ij chak jare keb' dracma. che nimlaj rchoch Dios.#Éx 30:13-16. Ena xiyok ruk' u Lu', xikta che:
—Ri ajtojnel chiwe, ¿le kutoj alkawal che nimlaj rchoch Dios? —xiche che.
25—Kutojo, —xche u Lu' che.
Echi' xok b'i u Lu' pja, ri Jesús nab'e xuch'ab'ej, xub'ij che:
—¿Su kachomaj at Simón? Nk'aj atb'altzij che iy'o chi' chuchlew, kikta alkawal chke mnaq, per ¿chintaq mnaq che kikta alkawal chke? ¿Le jare kikta chke kimnaq ke? ¿Le jare kikta chke mnaq che naj kipi wi? —xche che.
26—Jare kikta chke mnaq che naj kipi wi, —xche u Lu' che.
Ena xub'ij chik Jesús che:
—We jala', nmister taj kiktoj alkawal kimnaq ke. 27Per ustaj we kqayak kiwal nk'aj mnaqi'. Jare utz kat'e chuchi' mar, kak'eq nach'ich' rech chapb'al kar chpam mar. Echi' kachap un nab'e kar, kawesaj loq, kajeq nuchi'; puchi' un kar kariq jun pwaq. Kak'am loq un pwaq y jare kakoj che tojb'alre alkawal, katoj alkawal wech in ruk', soq katoj awech at ruk'. —Jala xub'ij Jesús che u Lu'.
Currently Selected:
San Mateo 17: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Mateo 17
17
Xjaltaj ukayb'al ri Jesús
(Mr 9:2-13; Lc 9:28-36)
1Echi' axnaqch waqib' (6) ij, x'e Jesús chu jun nimlaj jyub'; xyuk'am b'i u Lu' rich'il u Santiago rich'il u Wan che i'al ruk' u Santiago;#17:1 U Santiago soq kb'ix Jacobo che. xaq kitkel ke xyuk'am b'ik, xiyel b'i chu jun nimlaj jyub'. 2Echi' iy'o chik chla', xjaltaj ukayb'al Jesús chikuch. Ri uplaj jala xu'ono peche ij che kitluwik, ni ritz'yaq xu'on saq, su ktil'anik x'antjik, jala peche upximb'al ij. 3Tik'ri xaq t'et o keb' kri'jal x'aljan chikuch uxib' discípulo. Ke, jare u Moisés rich'il nujer ajb'il utzij Dios, Elías ub'i'. Kiyitjinik kich'aw ruk' Jesús. 4Ena xch'aw u Lu', xub'ij che Jesús:
—Qajaw, ¡utz ni me uj'o chiri'! We kaj la, kin'an uxib' kb'al chi'; jun ech la, jun chik rech qari'jal u Moisés, jun chik rech qari'jal u Elías, —xche che.
5Echi' jala kitjin u Lu' che ub'ixik, o jun saqlaj sutz' xqaj loq pkijlom, xyuch'uqu; per o Jun xch'aw loq chpam un sutz', xub'ij: «Jarewa Re niK'jol, che mas k'ax nk'u'x che; soq mas kinki'kat ruk'. ¡Chitatb'ej su kub'ij!» xche chke.
6Echi' xikta nk'aj udiscípulo Jesús che jala xub'ij, jwert xkix'ej kib'. Ena xiyixke'ik, tik'ri xikqasaj kiplaj chuchlew. 7Per ni Jesús, xok kuk' xyuchapo, xub'ij chke:
—Xa mix'ej iwib'. Kixwa'ljoq, —xche chke.
8Per echi' xiwa'ljik, xika'y 'noq, xkilo che ot su kri' jun mnaq ruk' Jesús, xaq utkel Re o chla'.
9Echi' iqajnaq loq chu un jyub', ri Jesús xyutaq nk'aj udiscípulo, xub'ij chke:
—Xa mib'ij che jun chik mnaq su xiwilo, ast retal echi' nk'astajnaq chik In nAchi nuK'jol Dios chikxo'l nk'aj kamnaq, —xche chke.
10Ni nk'aj discípulo xikta che Jesús, xikb'ij:
—¿Suche che kikb'ij nk'aj ajtojnel rech upxab' Dios che nmister kpi qari'jal Elías nab'e?#Mal 4:5-6. —xiche che.
11Ni Jesús xub'ij chke:
—Qtzij kpi u Elías rech ku'on utz che runjel. 12Per kimb'ij chiwe che u Elías ya pitnaq chik, per xikch'ob' t uwuch mnaq, xa xik'an che runjel jumpa k'ax xkaj xik'an che. Soq jala na kik'an chwi'n nAchi nuK'jol Dios, kik'an na k'ax chwe. —Jala xub'ij Jesús.
13Tik'ri k'ut xikch'ob' nk'aj discípulo che ri Jesús, chrij taj u Elías xch'aw wi, xa chrij u Wan ajb'nal qasna' xch'aw wi.
Ri Jesús xuresaj jun itzel espíritu che jun ala
(Mr 9:14-29; Lc 9:37-43)
14Tik'ri xiyaktaj loq Jesús kuk' nk'aj udiscípulo chu un jyub'. Echi' xik'un chla' jachi ik'wi k'ilaj taq mnaq, o jun chke nk'aj mnaq xok ruk' Jesús, xixke' chjuch xub'ij che:
15—Qajaw, chil k'u'x la che un nik'jol, xa o k'lu'm che, rmal jun itzel espíritu mas ku'on k'ax che. Kok'il ktzaq p'a', soq ktzaq chpam ja' rmal. 16Xink'am loq kuk' nk'aj discípulo la, per xiyikun taj xkiknaj, —xche che.
17Ni Jesús xuk'ul uwuch utzij, xub'ij:
—¡Ix iximnaq ix'o chu'ij saq, kqaj t ntzij pijlom! ¡Xa ixjech'laj taq mnaq! ¿Jumpa ij kraj na che kinkje iwuk'? ¿Jumpa ij kraj na che kink'is nk'u'x iwuk', xa rmal che kixkjon taj? Chima loq nala chiri', —xche chke.
18Ri Jesús xuyaj nitzel espíritu, xa rmal xel b'ik, xuya kan nala. Ena chanim xik'choj nala.
19Tik'ri xipi nk'aj discípulo, xiyok ruk' Jesús. Echi' xaq utkel olik, xikta che, xikb'ij:
—¿Suche lo che xujkun taj qo'j xqesaj nitzel espíritu che nala? —xiche che.
20Ri Jesús xub'ij chke:
—Ix xixkun taj che resxik, xa rmal mel mas ch'in ikojb'al. Ruk' saqlaj tzij kimb'ij chiwe, che wet o ikojb'al, miskini' xa ch'in ikojb'al olik peche unmal jun laj ub'a' mostaza, per kixkunik kib'ij che un jyub' o chiri': “Chatel b'i chi', jat jala'”, kixche che, nun jyub' ku'ono su kib'ij che. Ot su kri' su cha'al che mitji kixkun che u'anik. —Jala xub'ij Jesús chke nk'aj discípulo. 21Tik'ri xub'ij chik chke:
—Nk'aj itzel taq espíritu peche umow nitzele', xaq xaw kikun resxik we jun kitjin che ch'ab'al ruk' Dios, y kuch'ij numik ayuno kb'ix che, —xche chke.#17:21 O keb' uxib' ujer taq wuj rech Tyox Wuj, manuscrito kb'ix che, che tz'ib'tal taj v. 21 chpam.
Ri Jesús xub'ij che kkamsax na
(Mr 9:30-32; Lc 9:43-45)
22Echi' jnam iy'o nk'aj discípulo ruk' Jesús chla' Galilea, ri Jesús xub'ij chke:
—In nAchi nuK'jol Dios, kinjachtaj na pik'ab' nk'aj mnaq. 23Jare ke knikkamsaj na. Per miskini' nkamnaq chik, kk'astaj chna nwuch churox ij chikxo'l nk'aj kamnaq, —xche chke.
Ena jwert xiyib'son nk'aj discípulo echi' xikta' che jala xub'ij.
Ri Jesús xutoj alkawal che nimlaj rchoch Dios
24Echi' xiyo'pan Jesús rich'il nk'aj udiscípulo chpam un tinmit Capernaúm, xipi nk'aj mnaq che kikkesaj alkawal#17:24 Tyox Wuj kch'aw chrij keb' dracma. Jun pwaq che dracma kb'ix che, jare jun pwaq che kikjom ujer. Nk'aj aj Israel xikkoj un tzije' echi' xich'aw chrij alkawal che nimlaj rchoch Dios. Rjil peche kuch'ak jun achi che keb' ij chak jare keb' dracma. che nimlaj rchoch Dios.#Éx 30:13-16. Ena xiyok ruk' u Lu', xikta che:
—Ri ajtojnel chiwe, ¿le kutoj alkawal che nimlaj rchoch Dios? —xiche che.
25—Kutojo, —xche u Lu' che.
Echi' xok b'i u Lu' pja, ri Jesús nab'e xuch'ab'ej, xub'ij che:
—¿Su kachomaj at Simón? Nk'aj atb'altzij che iy'o chi' chuchlew, kikta alkawal chke mnaq, per ¿chintaq mnaq che kikta alkawal chke? ¿Le jare kikta chke kimnaq ke? ¿Le jare kikta chke mnaq che naj kipi wi? —xche che.
26—Jare kikta chke mnaq che naj kipi wi, —xche u Lu' che.
Ena xub'ij chik Jesús che:
—We jala', nmister taj kiktoj alkawal kimnaq ke. 27Per ustaj we kqayak kiwal nk'aj mnaqi'. Jare utz kat'e chuchi' mar, kak'eq nach'ich' rech chapb'al kar chpam mar. Echi' kachap un nab'e kar, kawesaj loq, kajeq nuchi'; puchi' un kar kariq jun pwaq. Kak'am loq un pwaq y jare kakoj che tojb'alre alkawal, katoj alkawal wech in ruk', soq katoj awech at ruk'. —Jala xub'ij Jesús che u Lu'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global