ܡܓܰܠܝܘܢ ܕܡܪܩܘܣ 15

ܝܶܫܽܘܥ ܟܩܳܝ݄ܡ ܩ݄ܕ̱ܡ ܦܺܝܠܰܛܳܘܣ ܗ̄ܽܘ ܫܰܠܺܝܛܳܐ

ܡܬܝ 27‏:1‏‐2؛ 27‏:11‏‐14؛ ܠܘܩܐ 23‏:1‏‐5؛ ܝܘܚܢܢ 18‏:28‏‐38

1ܘܡܶܚܕ̥ܳܐ ܒܨܰܦܪܳܐ، ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܫܓ̥ܺܝܠܺܝ ܥܰܡ ܗ̄ܰܩّܰܫ̈ܶܐ ܘܰܣّܳܦܪ̈ܶܐ ܘܟܽܘܠܶܗ ܗ̄ܽܘ ܟܢܽܘܫܝܳܐ، ܘܡܰܐܣ݄ܪّܶܗ ܝܶܫܽܘܥ ܘܡܰܘܒܰܠّܶܗ ܘܡܰܫܠܰܡّܶܗ ܠܦܺܝܠܰܛܳܘܣ. 2ܘ݄ܡܫܰܐܶܠ ܠܶܗ ܠܶܗ ܦܺܝܠܰܛܳܘܣ: ”ܗܰܬ ܗ̄ܰܬ ܗ̄ܽܘ ܡܰܠܟܳܐ ܕܰܝّܽܘܕ̥̈ܳܝܶܐ؟“ ܘܗܺܝّܶܗ ܡܰܕܥܰܪ ܠܶܗ ܐܡ݄ܪ ܠܶܗ ܠܶܗ: ”ܗܰܬ ܐܡ݄ܪ ܠܳܟ̥.“ 3ܘܰܪّܰܒ̈ܶܐ ܕܰܟّܳܗ̈ܢܶܐ ܡܰܫܟ݄ܢ ܗ̄ܘܰܘ̱ ܐܰܥܠܶܗ ܒܓ̥ܰܠܰܒܶܐ. 4ܘܕܰܥ݄ܪ ܦܺܝܠܰܛܳܘܣ ܡܫܰܐܶܠ ܠܶܗ ܘܐܡ݄ܪ ܠܶܗ ܠܶܗ: ”ܠܳܐ ܟܡܰܕܥܪܰܬ ܡܶܠܬ̥ܳܐ؟ ܚܙܰܝ ܡ݄ܩܰܐ ܟܣܳܗܕܺܝ ܐܰܥܠܳܟ̥!“ 5ܘܗܺܝّܶܗ ܝܶܫܽܘܥ ܠܳܐ ܡܬܰܢܶܐ ܠܶܗ، ܗܳܠ ܕܡܺܝܕܰܘܡ݄ܪ ܦܺܝܠܰܛܳܘܣ.

ܕܺܝܢܳܐ ܕܽܗ̄ܘ ܡܰܘܬܳܐ ܥܰܠ ܝܶܫܽܘܥ

ܡܬܝ 27‏:15‏‐26؛ ܠܘܩܐ 23‏:13‏‐25؛ ܝܘܚܢܢ 18‏:39‏‐40؛ 19‏:1‏‐16

6ܘ݄ܥܝܳܕ̥ܳܐ ܟ݄ܬ ܗ̄ܘܰܐ، ܒܟܽܘܠ ܥܶܐܕ̥ܳܐ ܕܡܰܪܦܰܠّܶܗ ܚܰܕ̱ ܝܰܣܺܝܪܳܐ ܐܰܝܢܰܐ ܕܳܐܒܥܺܝ ܠܶܗ. 7ܘܟ݄ܬ ܗ̄ܘܰܐ ܚܰܕ̱ ܕܟܳܡ݄ܩܪܶܐ ܒܰܪ ܐܰܒܰܐ، ܝܰܣܺܝܪܳܐ ܗ̄ܘܰܐ ܥܰܡ ܣܰܝܳܡ̈ܶܐ ܕܽܗ̄ܘ ܫܓ̥ܽܘܫܝܳܐ ܗܰܢ݄ܟ ܕܩܰܛܠܳܐ ܒܽܗ̄ܘ ܫܓ̥ܽܘܫܝܳܐ ܣ݄ܡّܶܗ. 8ܘܡܰܙܥܰܩ ܠܶܗ ܗ̄ܽܘ ܥܰܡܳܐ ܘ݄ܡܫܰܪܰܠّܶܗ ܕܳܐܒܥܺܝ ܐܟ̥ ܕܽܗ̄ܘ ܥܝܳܕ̥ܳܐ ܕܣܳܝܰܡ ܗ̄ܘܰܐ ܠّܶܗ. 9ܘܗܺܝّܶܗ ܦܺܝܠܰܛܳܘܣ ܡܰܕܥܰܪ ܠܶܗ ܐܡ݄ܪ ܠܶܗ: ”ܟ݄ܐܒܥܺܝܬܽܘ ܕܡܰܪܦܶܐ ܐ̱ܢܳܐ ܠܟ̥ܽܘ ܗ̄ܽܘ ܡܰܠܟܳܐ ܕܰܝّܽܘܕ̥̈ܳܝܶܐ؟“ 10ܡܺܐܝܕ̥ܶܗ ܕܦܺܝܠܰܛܳܘܣ ܐܳܕ̥ܰܥ ܗ̄ܘܰܐ ܕܡܽܗ̄ܘ ܚܣܳܡܳܐ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܡܰܫܠܰܡّܶܗ.

11ܐܶ‌ܠܳܐ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܙ݄ܕ ܡܰܪܡܰܫّܶܗ ܗ̄ܰܢ ܢܳܫ̈ܶܐ ܕܡܰܪܦܰܠّܶܗ ܠܒܰܪ ܐܰܒܰܐ. 12ܘܗܺܝّܶܗ ܦܺܝܠܰܛܳܘܣ {ܢܰܩܠܐ ܚܪܶܬܳܐ} ܐܡ݄ܪ ܠܰܗ ܠّܶܗ: ”ܗܰܢ ܢܰܩܠܐ ܡ݄ܢ ܟ݄ܐܒܥܺܝܬܽܘ ܣܳܝܰܡ ܐ̱ܢܳܐ ܠܰܗ̄ܢܳܐ ܕܟܳܩܳܪܺܝܬܽܘ ܠܶܗ ܡܰܠܟܳܐ ܕܰܝّܽܘܕ̥̈ܳܝܶܐ؟“ 13ܘܗ݄ܢّܶܝ ܕܰܥܺܝܪܺܝ ܡܰܙܥܰܩّܶܗ: ”ܨܠܰܒ̥ܶܗ!“

14ܘܦܺܝܠܰܛܳܘܣ ܐܡ݄ܪ ܠܰܗ ܠّܶܗ: ”ܡ݄ܢ ܚܰܪܒܽܘܬ̥ܳܐ ܣ݄ܡ ܠܶܗ؟“ ܐܶ‌ܠܳܐ ܗ݄ܢّܶܝ ܙ݄ܕ ܡܰܙܥܰܩّܶܗ: ”ܨܠܰܒ̥ܶܗ!“

15ܘܦܺܝܠܰܛܳܘܣ ܐܰܒ݄ܥ ܕܣܳܝ݄ܡ ܐܟ̥ ܕܟ݄ܐܒܥܺܝ ܗ̄ܰܢ ܢܳܫ̈ܶܐ، ܘܡܰܪܦܶܐ ܠܰܗ ܠّܶܗ ܒܰܪ ܐܰܒܰܐ، ܘܡܰܫܠܰܡ ܠܰܗ ܠّܶܗ ܝܶܫܽܘܥ ܡܰܚܝܳܐ ܕܡ݄ܨܠܽܒ̥.

ܗ̄ܰܦّܳܠܚ̈ܶܐ ܟ݄ܡܚܰܩܪܺܝ ܝܶܫܽܘܥ

ܡܬܝ 27‏:27‏‐30؛ ܝܘܚܢܢ 19‏:2‏‐3

16ܘܰܦّܳܠܚ̈ܶܐ ܡܰܘܒܰܠّܶܗ ܠܓܰܘܰܗ ܕܺܗ̄ܝ ܕܳܪܬܳܐ ܕܽܗ̄ܘ ܒܶܝܬ̥ ܕܰܝܳܢܳܐ، ܘ݄ܩܪܰܠّܶܗ ܠܟܽܘܠܰܗ ܗ̄ܺܝ ܓܽܘܕܳܐ. 17ܘܡܰܠܒ̥ܰܫّܶܗ ܐܰܪ̈ܓܘܳܢܶܐ (ܠܒܽܘܫܳܐ ܣܶܡܳܩܳܐ ܕܰܡّܰܠܟ̈ܶܐ)، ܘ݄ܓܕ̥݄ܠّܶܗ ܟܠܺܝܠܳܐ ܡܰܢ̱ ܟّܽܘܒ̈ܶܐ ܘܡܰܚ݄ܬّܶܗ (ܥܰܠ ܪܺܝܫܶܗ)، 18ܘ݄ܡܫܰܪܰܠّܶܗ ܕ݄ܡܫܰܐܺܠܺܝ ܒܽܗ̄ܘ ܫܠܳܡܰܝܕ̥ܶܗ: ”ܫܠܳܡܳܐ، ܝܰܐ ܡܰܠܟܳܐ ܕܰܝّܽܘܕ̥̈ܳܝܶܐ!“ 19ܘܡܳܚ݄ܢ ܗ̄ܘܰܝ ܠܶܗ ܥܰܠ ܪܺܝܫܶܗ ܒܽܗ̄ܘ ܩܰܢܝܳܐ ܘܪܰܝܩܺܝ ܗ̄ܘܰܘ̱ ܒܦܳܬ̥ܶܗ، ܘܒܳܪܟܺܝ ܗ̄ܘܰܘ̱ ܥܰܠ ܒܰܪ̈ܟܳܬ̥ܰܝّܶܗ ܘܣ݄ܓ̥ܕܺܝ ܗ̄ܘܰܝ ܠܶܗ. 20ܘܒ݄ܬ̥݄ܪ ܕ݄ܡܒܰܙܰܚّܶܗ ܐܶܒܶܗ، ܡܰܫܠܰܚّܰܗ ܠܶܗ ܗ̄ܽܘ ܠܒܽܘܫܳܐ ܕܽܗ̄ܘ ܐܰܪܓܘܳܢܳܐ ܘܡܰܠܒ̥ܰܫّܰܗ ܠܶܗ ܗ̄ܰܠܒܽܘܫ̈ܰܝܕ̥ܶܗ، ܘܡܰܘܦܰܩّܶܗ ܕܨ݄ܠܒ̥ܺܝ ܠܶܗ.

ܝܶܫܽܘܥ ܟܡ݄ܨܠܽܒ̥

21ܘܡܰܥ݄ܩّܶܗ ܥܰܠ ܚܰܕ̱ ܕܥܳܒܰܪ ܗ̄ܘܰܐ (ܡܶܢ̱ ܬܰܡܳܐ)، ܫܶܡܥܽܘܢ ܩܽܘܪܺܝܢܳܝܳܐ، ܐܰܬ̥ܳܝܳܐ ܗ̄ܘܰܐ ܡܺܗ̄ܝ ܩܪܺܝܬ̥ܳܐ، ܗ̄ܽܘ ܒܰܒܳܐ ܕܰܐ‌ܠܶܟܣܰܢܕܪܳܘܣ ܘ݄ܕܪܽܘܦܳܘܣ، ܕܛܳܥ݄ܢ ܗ̄ܽܘ ܨܠܺܝܒܰܝܕ̥ܶܗ. 22ܘܡܰܝܬܰܠّܶܗ ܠܓܳܓ̥ܽܘܠܬܳܐ، ܠܺܗ̄ܝ ܕܽܘܟܬ̥ܳܐ ܕܟܳܡܺܝܦܰܫܩܳܐ ܩܰܪܩܰܦܬܳܐ، 23ܘܗܽܒّ̥ܰܗ ܠܶܗ ܕܫܳܬܶܐ ܚܰܡܪܳܐ ܡܙܺܝܓ̥ܳܐ ܒܽܗ̄ܘ ܡܽܘܪܳܐ (ܡܪܳܪܳܐ)، ܐܶ‌ܠܳܐ ܗܺܝّܶܗ ܠܳܐ ܡ݄ܕ ܠܶܗ. 24ܘܺܗ̄ܝ ܢܰܩܠܐ ܕ݄ܨܠܽܒّ̥ܶܗ، ܡܦܰܠܰܓّ̥ܶܗ ܗ̄ܰܠܒܽܘܫ̈ܰܝܕ̥ܶܗ ܘ݄ܡܚܰܠܰܩّܶܗ ܦܶܣܳܐ ܐܰܥܠܰܝّܶܗ، ܟܽܘܠ ܚܰܕ̱ ܡ݄ܢ ܓܡܳܝ݄ܕ. 25ܘܺܗ̄ܝ ܫܳܥܬ̥ܳܐ ܬܠ݄ܬ̥ ܗ̄ܘܰܐ (ܬܫܰܥ ܨܰܦܪܰܝܬܳܐ) ܗ̄ܺܝ ܢܰܩܠܐ ܕ݄ܨܠܽܒّ̥ܶܗ. 26ܘ݄ܟܬ̥ܽܒ̥ܬܳܐ ܗ̄ܘܰܐ ܗ̄ܺܝ ܥܶܠܬ̥ܳܐ ܕܽܗ̄ܘ ܡܰܘܬܰܝܕ̥ܶܗ ܒ݄ܟܬ̥ܳܒ̥ܳܐ: ”ܗܰܢܳܐ ܝܳܐ ܗ̄ܽܘ ܡܰܠܟܳܐ ܕܰܝّܽܘܕ̥̈ܳܝܶܐ.“ 27ܘ݄ܨܠܽܒّ̥ܶܗ ܐܰܥܡܶܗ ܬܪܶܝ ܡܫܰܠܚܳܢ̈ܶܐ، ܚܰܕ̱ ܡܽܗ̄ܘ ܝܰܡܺܝܢܰܝܕ̥ܶܗ ܘܚܰܕ̱ ܡܽܗ̄ܘ ܣܶܡܳܠܰܝܕ̥ܶܗ. 28ܘܟܰܡ݄ܠ ܗ̄ܽܘ ܟܬ̥ܳܒ̥ܳܐ ܕܐܡ݄ܪ ܠܶܗ: ”ܥܰܡ ܗ̄ܰܚّܰܛܳܝ̈ܶܐ ܚܫܺܝܒ̥“. 29ܘܰܐܝܢܰܐ ܕܥܳܒܪܺܝ ܗ̄ܘܰܘ̱ ܡܓܰܕܦܺܝ ܗ̄ܘܰܘ̱ ܐܰܥܠܶܗ ܘܗܰܝܙܺܝ ܗ̄ܘܰܘ̱ ܪ̈ܺܝܫܰܝّܶܗ ܘܟ݄ܐܡّܺܪ̱ܝ: ”ܗܶܐ! ܗ̄ܽܘ ܡܰܕ݄ܪܝܳܢܳܐ ܕܽܗ̄ܘ ܗܰܝܟܠܳܐ ܘܽܗ̄ܘ ܒܰܢܳܝܰܝܕ̥ܶܗ ܒܰܬܠܳܬ̥ܳܐ ܝܰܘܡ̈ܶܐ! 30ܡܦܰܨܰܝ ܪܽܘܚܳܟ̥ ܘ݄ܢܚܰܬ ܡܽܗ̄ܘ ܨܠܺܝܒܳܐ!“

31ܘܗܰܘܟ̥ܰܐ ܣܬܶܝ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܣّܳܦܪ̈ܶܐ ܓܳܚܟ̥ܺܝ ܗ̄ܘܰܘ̱، ܚܰܕ̱ ܥܰܡ ܚܰܕ̱، ܘ݄ܐܡّܺܪ̱ܝ ܗ̄ܘܰܘ̱: ”ܗܽܒ̥ ܠܶܗ ܚܰܝ̈ܶܐ ܠ݄ܚܪ̈ܶܢܶܐ ܘܠܰܝܒܶܗ ܡܰܚܶܐ ܪܽܘܚܶܗ! 32ܡܫܺܝܚܳܐ، ܗ̄ܽܘ ܡܰܠܟܳܐ ܕܺܐܝܣܪܳܐܶܝܠ، ܛܪܳܐ ܐܳܥܕܳܐ ܢܳܚ݄ܬ ܡܽܗ̄ܘ ܨܠܺܝܒܳܐ ܕܚܳܙܺܝܢܰܐ ܘܓ݄ܕܡܗܰܝܡܢܺܝܢܰܐ ܐܶܒܶܗ.“ ܘܗܰܢ݄ܟ ܣܬܶܝ ܕ݄ܨܠܺܝܒ̥ܺܝ ܐܰܥܡܶܗ ܡܚܰܩܪܺܝ ܗ̄ܘܰܝ ܠܶܗ.

ܗ̄ܽܘ ܡܰܘܬܳܐ ܕܝܶܫܽܘܥ

ܡܬܝ 27‏:45‏‐56؛ ܠܘܩܐ 23‏:44‏‐49؛ ܝܘܚܢܢ 19‏:28‏‐30

33ܘܒܺܗ̄ܝ ܫܳܥܬ̥ܳܐ ܫܶܬ̥ (ܒܦܰܠܓܶܗ ܕܝܰܘܡܳܐ)، ܗܰܘܺܝ ܥܰܡܛܳܢܳܐ ܥܰܠ ܟܽܘܠܰܗ ܗ̄ܺܝ ܐܰܪܥܳܐ ܗܳܠ ܠܺܗ̄ܝ ܫܳܥܬ̥ܳܐ ܬܫܰܥ (ܫܳܥܬ̥ܳܐ ܬܠ݄ܬ̥). 34ܘܒܺܗ̄ܝ ܫܳܥܬ̥ܳܐ ܬܫܰܥ (ܬܠ݄ܬ̥ ܒ݄ܬ݄̥ܪ ܦܰܠܓܶܗ ܕܝܰܘܡܳܐ)، ܡܰܙܥܰܩ ܠܶܗ ܝܶܫܽܘܥ ܒܩܳܠܳܐ ܥܶܠܳܝܳܐ ܘܐܡ݄ܪ ܠܶܗ: ”ܐܺܝܠܝ ܐܺܝܠܝ ܠܡܢܐ ܫܒܰܩܬܢܝ“، ܕܟ݄ܬ ܝܳܐ: ”ܐܰ‌ܠܳܗܰܝܕ̥ܺܝ ܐܰ‌ܠܳܗܺܝܕ̥ܺܝ ܠܡ݄ܢ ܛܪܶܐ ܠܳܟ̥ ܠܺܝ؟“ 35ܘܗ݄ܢ ܡܰܗ̄ܢ ܢܳܫ̈ܶܐ ܕܫܰܡܺܝܥܺܝ ܡܰܗ̄ܢ݄ܟ ܕܩܰܝܡܺܝ ܗ̄ܘܰܘ̱ ܐ݄ܡّܺܪ̱ܝ ܗ̄ܘܰܘ̱: ”ܠܶܐ‌ܠܺܝܳܐ ܩܪܶܐ ܠܶܗ.“ 36ܘܪܰܗ݄ܛ ܚܰܕ̱ ܘ݄ܡܠܶܐ ܠܶܗ ܗ̄ܽܘ ܐܶܣܦܽܘܓ̥ܳܐ ܚܰܠܳܐ ܘܡܰܐܣܰܪ ܠܶܗ ܒܽܗ̄ܘ ܩܰܢܝܳܐ ܕܡܰܫܬܶܐ ܠܶܗ، ܘܐܡ݄ܪّܶܗ: ”ܛܪܰܝܽܘ ܕܚܳܙܺܝܢܰܐ ܐܶܢ ܐܶ‌ܠܺܝܳܐ ܓܕܳܐܬ̥ܶܐ ܡܰܢܚܰܬ ܠܶܗ.“

37ܘܗܺܝّܶܗ ܝܶܫܽܘܥ ܡܰܙܥܰܩ ܠܶܗ ܒܩܳܠܳܐ ܥܶܠܳܝܳܐ ܘܡܰܫܠܰܡ ܠܶܗ. 38ܘܽܗ̄ܘ ܣܰܬܪܳܐ ܕܽܗ̄ܘ ܗܰܝܟܠܳܐ ܫܺܝܩ ܠ݄ܬܪܶܝ، ܡܶܢ̱ ܠܰܠܥ݄ܠ ܗܳܠ ܠܰܠܬܰܚ. 39ܘܺܗ̄ܝ ܢܰܩܠܐ ܕ݄ܚܙܶܐ ܠܶܗ ܗ̄ܽܘ ܪܺܝܫܳܐ ܕܰܡّܳܐܐ ܕܩܳܝܰܡ ܗ̄ܘܰܐ ܓܰܒܶܗ، ܕܗܰܘܟ̥ܰܐ ܡܰܙܥܰܩ ܠܶܗ ܘܡܰܫܠܰܡ ܠܶܗ، ܐܡ݄ܪ ܠܶܗ: ”ܒ݄ܫܪܳܪܳܐ ܗ̄ܽܘ ܓܰܒ̥ܪܰܢܳܐ ܗ̄ܽܘ ܐܰܒܪܳܐ ܕܰܐ‌ܠܳܗܳܐ ܗ̄ܘܰܐ.“

40ܘܟ݄ܬ ܗ̄ܘܰܐ ܣܬܶܝ ܢܶܫ̈ܶܐ ܡܶܢ̱ ܪܽܘܚܩܳܐ ܕܚܳܙ݄ܢ ܗ̄ܘܰܘ̱: ܡܰܪܝܰܡ ܡܰܓ̥ܕܠܰܝܬܳܐ ܘܡܰܪܝܰܡ ܗ̄ܺܝ ܐܶܡܳܐ ܕܝܰܥܩܽܘܒ ܗ̄ܽܘ ܙܥܽܘܪܳܐ ܘ݄ܕܝܳܘܣܺܝ ܘܫܳܠܽܘܡ. 41ܘܗܰܢ݄ܟ ܗ̄ܺܝ ܢܰܩܠܐ ܕܟ݄ܬ ܗ̄ܘܰܐ ܒܽܗ̄ܘ ܓܠܺܝܠܳܐ ܐܰܥܡܶܗ ܗ̄ܘܰܝܢܶܝ ܘ݄ܡܫܰܡܫܺܝ ܗ̄ܘܰܝ ܠܶܗ. ܘܓ̥ܰܠܰܒܶܐ ܢܶܫ̈ܶܐ ܕܣܰܠܺܝܩܺܝ ܗ̄ܘܰܘ̱ ܐܰܥܡܶܗ ܠܽܐܘܪܶܫܠܶܡ.

ܗ̄ܽܘ ܩܒ̥ܳܪܳܐ ܕ݄ܡܫܺܝܚܳܐ

ܡܬܝ 27‏:57‏‐61؛ ܠܘܩܐ 23‏:50‏‐56؛ ܝܘܚܢܢ 19‏:38‏‐42

42ܘܒܺܗ̄ܝ ܓܢܰܝܬܳܐ ܕܝܰܘܡܶܗ ܕ݄ܥܪܽܘܒ̥ܬܳܐ، ܕܟ݄ܬ ܝܳܐ ܡܶܩ݄ܕ̱ܡ ܡܺܗ̄ܝ ܫܰܒܬ̥ܳܐ، 43ܐܰܬ̥ܺܝ ܝܰܘܣܶܦ، ܗܰܘܳܐ ܕܡܶܢ̱ ܪܳܡܬ̥ܳܐ، ܚܰܕ̱ ܡܝܰܩܪܳܐ ܒܽܗ̄ܘ ܟܢܽܘܫܝܳܐ ܕܰܝّܽܘܕ̥̈ܳܝܶܐ، ܘܢܳܛܰܪ ܗ̄ܘܰܐ ܠܺܗ̄ܝ ܡܰܠܟܽܘܬ̥ܳܐ ܕܰܐ‌ܠܳܗܳܐ. ܗܰܢܳܐ ܚ݄ܨ ܠܶܗ ܪܽܘܚܶܗ ܘܥܰܒ݄ܪ ܠܓܰܒ ܦܺܝܠܰܛܳܘܣ ܘܰܐܒ݄ܥ ܡܶܢܶܗ ܗ̄ܽܘ ܦܰܓ̥ܪܳܐ ܕܝܶܫܽܘܥ. 44ܘܬܰܡ݄ܗ ܘ݄ܡܕܰܘܡ݄ܪ ܦܺܝܠܰܛܳܘܣ ܕܗܰܘܺܝ ܠܶܗ ܙܰܒܢܳܐ ܕܡܰܝ݄ܬ̥. ܘ݄ܩܪܶܐ ܠܶܗ ܠܽܗ̄ܘ ܩܶܢܛܪܘܢܳܐ (ܪܺܝܫܳܐ ܕܡܳܐܐ) ܘ݄ܡܫܰܐܶܠ ܠܶܗ ܠܶܗ ܕܶܐܢ ܗܰܘܺܝ ܠܶܗ ܙܰܒܢܳܐ ܕܡܰܝ݄ܬ̥؟ 45ܘܺܗ̄ܝ ܢܰܩܠܐ ܕܝܰܠ݄ܦ، ܗܽܒ̥ ܠܶܗ ܗ̄ܽܘ ܦܰܓ̥ܪܰܝܕ̥ܶܗ ܠܝܰܘܣܶܦ. 46ܘ݄ܙܒ̥݄ܢ ܠܶܗ ܝܰܘܣܶܦ ܟܶܬܳܢܳܐ، ܘܡܰܢܚܰܬ ܠܶܗ ܘ݄ܡܟܰܢܦܶܐ ܠܶܗ ܐܶܒܶܗ، ܘܡܰܚ݄ܬ ܠܶܗ ܒܩܰܒ̥ܪܳܐ ܕ݄ܢܩܺܝܪܳܐ ܗ̄ܘܰܐ ܒܽܗ̄ܘ ܫܽܘܥܳܐ. ܘ݄ܡܓܰܢܕܰܪ ܠܶܗ ܟܶܐܦܳܐ ܥܰܠ ܗ̄ܽܘ ܬܰܪܥܳܐ ܕܽܗ̄ܘ ܩܰܒ̥ܪܳܐ. 47ܘܡܰܪܝܰܡ ܡܰܓ̥ܕܠܰܝܬܳܐ ܘܡܰܪܝܰܡ ܗ̄ܺܝ ܐܶܡܳܐ ܕܝܽܘܣܺܝ ܚܙܰܠّܶܗ ܐܰܝܟܳܐ ܡܰܚ݄ܬ (ܡܬܰܚ݄ܬ).

Currently Selected:

ܡܓܰܠܝܘܢ ܕܡܪܩܘܣ 15: ܟܬܒܐ

Highlight

Copy