ܡܓܰܠܝܘܢ ܕܠܘܩܐ 13

ܡܰܢ ܕܠ݄ܐ ܟܬ̥ܺܝܒ̥ ܟܡܺܝܣܰܟ݄ܪ

1ܘܒܽܗ̄ܘ ܙܰܒܢܰܘܳܐ، ܐܰܬ̥݄ܢ ܢܳܫ̈ܶܐ ܐܡ݄ܪّܰܗ ܠܶܗ ܥܰܠ ܗ̄ܰܓܠܺܝܠܳܝ̈ܶܐ، ܗܰܢ݄ܟ ܕܦܺܝܠܰܛܳܘܣ ܚܠ݄ܛ ܠܶܗ ܗ̄ܽܘ ܐܰܕܡܰܬّ̥ܶܗ ܥܰܡ ܗ̄ܰܕّܶܒܚ̈ܰܬّ̥ܶܗ. 2ܘܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܰܗ ܠّܶܗ: ”ܟܚ݄ܫܒ̥ܺܝܬܽܘ ܕܰܓܠܺܝܠܳܝ̈ܰܢܺܝ ܚܰܛܳܝ̈ܶܐ ܗ̄ܘܰܝܢܶܝ ܙ݄ܕ ܡܰܢ̱ ܓܠܺܝܠܳܝ̈ܶܐ ܚܪ̈ܶܢܶܐ ܕܰܗ̄ܘܟ̥ܰܐ ܗܰܘܺܝ ܐܰܒّܶܗ؟ 3ܠܳܐ، ܘܟܳܐܡܰܪ ܐ̱ܢܳܐ ܠܟ̥ܽܘ، ܘܟܽܘ̇ܠܟ̥ܽܘ ܣܬܶܝ ܕܠܳܐ ܬܰܝܒܺܝܬܽܘ ܗܰܘܟ̥ܰܐ ܓܡܺܝܣܰܟܪܺܝܬܽܘ. 4ܐܰܘ ܗܰܢ݄ܟ ܗ̄ܰܬܡܳܢܰܥܣܰܪ ܕܢܰܦ݄ܠ ܐܰܥܠܰܝّܶܗ ܗ̄ܽܘ ܒܽܘܪܓܳܐ ܒܫܺܝܠܽܘܚܳܐ ܘ݄ܩܛܺܝܠܺܝ ܠܶܗ، ܟܚ݄ܫܒ̥ܺܝܬܽܘ ܚܰܛܳܝ̈ܶܐ ܗ̄ܘܰܝܢܶܝ ܙ݄ܕ ܡܶܢ̱ ܟܽܘܠّܶܗ ܗ̄ܰܢ ܢܳܫ̈ܶܐ ܕܟܳܥܳܡܪܺܝ ܒܽܐܘܪܶܫܠܶܡ؟ 5ܠܳܐ، ܘܟܳܐܡܰܪ ܐ̱ܢܳܐ ܠܟ̥ܽܘ، ܕܠܳܐ ܬܰܝܒܺܝܬܽܘ، ܟܽܘ̇ܠܟ̥ܽܘ ܐܟ̥݄ܕܘܳܬ̥ܰܝّܶܗ ܓܡܺܝܣܰܟܪܺܝܬܽܘ.“

ܗ̄ܽܘ ܡܰܬ̥ܠܳܐ ܕܽܗ̄ܘ ܐܺܝܠܳܢܳܐ ܕܺܗ̄ܝ ܬܶܐܢܳܐ ܕܠ݄ܐ ܟܣܰܝܡܳܐ ܦܺܐܪ̈ܶܐ

6ܘܐܡ݄ܪ ܠܶܗ ܗ̄ܽܘ ܡܰܬ̥ܠܰܢܳܐ: ”ܬܶܐܢܳܐ ܟ݄ܬ ܗ̄ܘܰܐ ܠܚܰܕ̱ ܕ݄ܢܨܺܝܒܳܐ ܒܽܗ̄ܘ ܟܰܪܡܰܝܕ̥ܶܗ. ܘܰܐܬ̥ܺܝ ܐܰܒ݄ܥ ܦܺܐܪ̈ܶܐ ܐܶܒܰܗ ܘܠܳܐ ܚܙܶܐ ܠܶܗ. 7ܘܐܡ݄ܪ ܠܶܗ ܠܽܗ̄ܘ ܦܰܠܳܚܳܐ: ܗܰܢܺܝ ܬܠ݄ܬ̥ ܐ݄ܫܢ̈ܶܐ ܟܳܐܬ̥ܶܐ ܐ̱ܢܳܐ ܟܳܐܒܰܥ ܐ̱ܢܳܐ ܦܺܐܪ̈ܶܐ ܒܺܗ̄ܝ ܬܶܐܢܰܬ̥ܶܗ ܘܠ݄ܐ ܟܚܳܙܶܐ ܐ̱ܢܳܐ، ܩܛܰܥܰܗ! ܠܡ݄ܢ ܟ݄ܡܒܰܛܠܳܐ ܗ̄ܺܝ ܐܰܪܥܳܐ. 8ܘܽܗ̄ܘ ܦܰܠܳܚܳܐ ܐܡ݄ܪ ܠܶܗ ܠܶܗ: ’ܡܳܪܝ، ܛܪܰܝܰܗ ܐܰܕܫܰܢ̱ܬܳܐ ܣܬܶܝ ܗܳܠ ܕܦܳܠܰܚܢܰܗ ܘܡܰܚ݄ܬ ܐ̱ܢܳܐ ܚܶܕ̥ܳܪܰܗ ܙܰܒ̥ܠܳܐ، 9ܘܶܐܢ ܣ݄ܡ ܠܰܗ ܦܺܐܪ̈ܶܐ (ܣ݄ܡ ܠܰܗ)، ܘܶܐ‌ܠܳܐ ܫܰܢ̱ܬܳܐ ܚܪܶܬܳܐ ܓܩܳܛܥܰܬ ܠܰܗ.‘“

ܝܶܫܽܘܥ ܟܡܰܢ݄ܚ ܐܰܢ̱ܬ̥ܬܳܐ ܟ݄ܦܬܳܐ ܒܫܰܒܬ̥ܳܐ

10ܘܺܗ̄ܝ ܢܰܩܠܐ ܕܡܰܘܠܰܦ ܗ̄ܘܰܐ ܝܶܫܽܘܥ ܒܫܰܒܬ̥ܳܐ ܒ݄ܚܕ̥ܳܐ ܡܰܢ̱ ܟܢܽܘܫ̈ܳܬ̥ܳܐ، 11ܟ݄ܬ ܗ̄ܘܰܐ ܬܰܡܳܐ ܐܰܢ̱ܬ̥ܬܳܐ ܕܟ݄ܬ ܗ̄ܘܰܝ ܠܰܗ ܪܽܘܚܳܐ ܕܟܶܐܒ̥ܳܐ ܬܡܳܢܰܥܣܰܪ ܐ݄ܫܢ̈ܶܐ، ܘܟ݄ܦܬܳܐ ܗ̄ܘܰܐ، ܘܠ݄ܐ ܩ݄ܕܪܳܐ ܗ̄ܘܰܐ ܕ݄ܡܣܰܘܝܳܐ ܘ݄ܡܬܰܪܨܳܐ ܪܽܘܚܰܗ. 12ܘܚ݄ܙܝܳܐ ܠܶܗ ܝܶܫܽܘܥ، ܘܩ݄ܪܝܳܐ ܠܶܗ ܘܐܡ݄ܪ ܠܶܗ ܠܰܗ: ”ܐܰܢ̱ܬ̥ܬܳܐ، ܫܪܶܐ ܗ̄ܽܘ ܟܶܐܒ̥ܰܝܕ̥ܰܟ̥ ܡܶܢܰܟ̥.“ 13ܘܡܰܚܰܬ ܠܶܗ ܐܺܝܕ̥ܶܗ ܐܰܥܠܰܗ، ܘܡܶܚܕ̥ܳܐ ܢܰܝ݄ܚ ܠܰܗ (ܘ݄ܡܬܰܪܨܳܐ). ܘ݄ܡܫܰܒܰܚ ܠܰܗ ܠܰܐ‌ܠܳܗܳܐ. 14ܘܡܰܕܥܰܪ ܠܶܗ ܗ̄ܽܘ ܪܺܝܫܳܐ ܕܺܗ̄ܝ ܟ̥ܢܽܘܫܬܳܐ، ܘܗܺܝّܶܗ ܪܓ̥ܺܝܙܳܐ، ܥܰܠ ܕܡܰܢ݄ܚ ܠܶܗ ܝܶܫܽܘܥ ܒܫܰܒܬ̥ܳܐ، ܘܐܡ݄ܪ ܠܶܗ ܠܰܗ̄ܢ ܢܳܫ̈ܶܐ: ”ܐ݄ܫܬܳܐ ܝܰܘܡ̈ܶܐ ܢܶܝ ܕܰܐܒّܶܗ ܟܠܳܙ݄ܡ ܥܳܒ̥ܕܺܝܬܽܘ، ܐܰܒّܶܗ ܬܳܟ̥ܽܘ ܡ݄ܬ̥ܢܶܚܽܘ، ܘܠܳܐ ܒܝܰܘܡܶܗ ܕܫܰܒܬ̥ܳܐ.“ 15ܘܝܶܫܽܘܥ ܡܰܕܥܰܪ ܠܶܗ ܘܐܡ݄ܪ ܠܶܗ ܠܶܗ: ”ܝܰܐ ܡܳܪܳܐ ܕܬܰܪܬܶܝ ܦ̈ܳܬ̥ܳܬ̥ܳܐ، ܚܰܕ̱ ܚܰܕ̱ ܡ݄ܢܟ̥ܽܘ ܒܫܰܒܬ̥ܳܐ ܠ݄ܐ ܟܫܳܪܶܐ ܗ̄ܽܘ ܬܰܘܪܰܝܕ̥ܶܗ ܐܰܘ ܗ̄ܽܘ ܚܡܳܪܰܝܕ̥ܶܗ ܡܽܗ̄ܘ ܗܽܘܪܝܳܐ ܘ݄ܐܙّܶܗ ܡܰܫܬܶܐ ܠܶܗ؟ 16ܘܗܰܬ̥ܶܐ، ܗ̄ܺܝ ܒܰܪܬ̥ܳܐ ܕܰܐܒܪܳܗܳܡ ܝܳܐ، ܘܽܗ̄ܘ ܣܳܛܳܢܳܐ ܡܰܐܣܪܳܐ ܠܶܗ ܗܰܢܺܝ ܬܡܳܢܰܥܣܰܪ ܐ݄ܫܢ̈ܶܐ، ܠܳܐ ܐܒܰܥ ܗ̄ܘܰܐ ܕܡ݄ܫܪܳܝܳܐ ܡܽܗ̄ܘ ܬܶܣܺܝܪܰܢܳܐ ܒܝܰܘܡܶܗ ܕܫܰܒܬ̥ܳܐ؟“ 17ܘܺܗ̄ܝ ܢܰܩܠܐ ܕܗܰܢܺܝ ܐܡ݄ܪ ܠܶܗ، ܡܢܰܟܦܺܝ ܗ̄ܘܰܘ̱ ܟܽܘܠّܶܗ ܐܰܝܢܰܐ ܕܩܰܝܡܺܝ ܗ̄ܘܰܘ̱ ܒܦܳܬ̥ܶܗ. ܘܽܗ̄ܘ ܥܰܡܳܐ ܟܽܘܠܶܗ ܡ݄ܦܨܰܚ ܗ̄ܘܰܐ ܒܟܽܘܠّܶܗ ܗ̄ܰܬّܶܕ݄ܡܪ̈ܳܬ̥ܳܐ ܕܳܗ̄ܘ݄ܢ ܗ̄ܘܰܘ̱ ܒܺܐܝܕ̥ܶܗ.

ܠܡ݄ܢ ܟܕܳܡܝܳܐ ܗ̄ܺܝ ܡܰܠܟܽܘܬ̥ܳܐ ܕܺܗ̄ܝ ܫܡܰܝܳܐ؟

ܦܪܶܕܳܐ ܕܚܰܪܕܠܳܐ ܘ݄ܚܡܺܝܪܳܐ

ܡܬܝ 13‏:31‏‐33؛ ܡܪܩܘܣ 4‏:30‏‐32

18ܘܐܡ݄ܪ ܠܶܗ ܝܶܫܽܘܥ: ”ܠܡ݄ܢ ܟܕܳܡܝܳܐ ܗ̄ܺܝ ܡܰܠܟܽܘܬ̥ܳܐ ܕܰܐ‌ܠܳܗܳܐ ܘ݄ܠܡ݄ܢ ܓ݄ܡܕܰܡܶܐ ܐ̱ܢܳܐ ܠܰܗ؟ 19ܟܕܳܡܝܳܐ ܠ݄ܦܪܶܕܳܐ ܕܚܰܪܕܠܳܐ، ܗܰܝܳܐ ܕܡܺܝܕܳܐ ܠܶܗ ܚܰܕ̱ ܓܰܒ̥ܪܳܐ، ܘ݄ܙܪܺܝܥܳܐ ܠܶܗ ܒܺܗ̄ܝ ܓܰܢܬ̥ܰܝܕ̥ܶܗ. ܘܝܰܪܺܝܒ̥ܳܐ ܘܗܰܘܝܳܐ ܐܺܝܠܳܢܳܐ ܪܰܒܳܐ، ܘܰܛّܰܝܪ̈ܶܐ ܕܺܗ̄ܝ ܫܡܰܝܳܐ ܣ݄ܡّܶܗ ܩܶܢ̈ܶܐ ܒܰܣّܰܘܟ̈ܰܝܕ̥ܶܗ.“

20ܘܕܰܥ݄ܪ ܐܡ݄ܪ ܠܶܗ ܝܶܫܽܘܥ: ”ܠܡ݄ܢ ܡܕܰܡܶܐ ܐ̱ܢܳܐ ܗ̄ܺܝ ܡܰܠܟܽܘܬ̥ܳܐ ܕܰܐ‌ܠܳܗܳܐ. 21ܟܕܳܡܝܳܐ ܠܽܗ̄ܘ ܚܡܺܝܪܳܐ ܕܡ݄ܕ ܠܰܗ ܚܕ̥ܳܐ ܐܰܢ̱ܬ̥ܬܳܐ، ܘ݄ܛܡ݄ܪ ܠܰܗ ܒ݄ܬܠܳܬ̥ܳܐ ܟܰܝ̈ܠܶܐ ܕܩܰܡܚܳܐ ܗܳܠ ܕܚܰܡ݄ܥ ܟܽܘܠܶܗ.“

ܗ̄ܽܘ ܬܰܪܥܳܐ ܥܺܝܩܳܐ ܕܺܗ̄ܝ ܡܰܠܟܽܘܬ̥ܳܐ ܕܺܗ̄ܝ ܫܡܰܝܳܐ

ܡܬܝ 7‏:13‏‐14؛ 7‏:21‏‐23

22ܘ݄ܡܗܰܠܰܟ̥ ܗ̄ܘܰܐ ܒܰܩّ݄ܪ̈ܝܰܘܳܬ̥ܳܐ ܘܒܰܡܕ̥̈ܺܝܢܳܬ̥ܳܐ ܘܡܰܘܠܰܦ ܗ̄ܘܰܐ، ܘܗܺܝّܶܗ ܐܰܙܳܠܳܐ ܠܽܐܘܪܶܫܠܶܡ. 23ܘܢܳܫܳܐ ܡܫܰܐܶܠ ܠܶܗ ܠܶܗ ܕܶܐܢ ܐ݄ܫܡܳܐ ܢܶܝ ܗܰܢܺܝ ܕ݄ܟܚܳܝ݄ܢ. 24ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܚܰܪܒܳܐ ܡܚܰܪܶܒܽܘ ܠܰܫܰܢ ܕܥܳܒܪܺܝܬܽܘ ܒܽܗ̄ܘ ܬܰܪܥܳܐ ܥܺܝܩܳܐ. ܟܳܐܡܰܪ ܐ̱ܢܳܐ ܠܟ̥ܽܘ، ܓ̥ܰܠܰܒܶܐ ܓܕ݄ܐܒܥܺܝ ܥ݄ܒܪܺܝ ܘܠ݄ܐ ܓܩܳܕܪܺܝ. 25ܘܡܺܗ̄ܝ ܫܳܥܬ̥ܳܐ ܕܩܳܝ݄ܡ ܗ̄ܽܘ ܡܳܪܳܐ ܕܽܗ̄ܘ ܒܰܝܬܳܐ ܘܣܳܟ̥݄ܪ ܗ̄ܽܘ ܬܰܪܥܳܐ، ܘ݄ܓܕܳܗ̄ܘܺܝܬܽܘ ܩܺܝܡ̈ܶܐ ܠܰܪܒ̥ܰܠ، ܘ݄ܟܕܰܝܩܺܝܬܽܘ ܒܽܗ̄ܘ ܬܰܪܥܳܐ ܘ݄ܐܡّܺܪ̱ܝܬܽܘ: ’ܡܳܪܰܢ ܡܳܪܰܢ ܦܬܰܚ ܠܰܢ.‘ ܘܗܺܝّܶܗ ܓܡܰܕܥ݄ܪ ܘܟܳܐܡ݄ܪ: ’ܟܳܐܡܰܪ ܐ̱ܢܳܐ ܠܟ̥ܽܘ، ܕܠ݄ܐ ܟܳܐܕ̥ܰܥܢܰܢܟ̥ܽܘ ܡܰܐܝܟܳܐ ܗܰܬܽܘ.‘ 26ܘܓ݄ܡܫܰܪܺܝܬܽܘ ܕ݄ܐܡّܺܪ̱ܝܬܽܘ: ’ܩܽܘܕ̱ܡܳܟ̥ ܐܰܟ̥ܺܝܠ ܠܰܢ ܘ݄ܫܬܶܐ ܠܰܢ، ܘܒܰܫّܽܘܩ̈ܰܝܕ̥ܰܢ ܡܰܘܠܰܦ ܠܳܟ̥.‘ 27ܘ݄ܓܕܳܐܡܰܪܟ̥ܽܘ: ’ܠ݄ܐ ܟܳܐܕ̥ܰܥܢܰܢܟ̥ܽܘ. ܡܰܐܝܟܳܐ ܗܰܬܽܘ. ܪܚܰܩܽܘ ܡܶܢܺܝ، ܝܰܐ ܣܰܝܳܡ̈ܶܐ ܕܰܒّܺܝܫ̈ܳܬ̥ܳܐ.‘ 28ܘܬܰܡܳܐ ܓܕܳܗ̄ܘܶܐ ܒܰܟ̥ܝܳܐ ܘܪ݄ܩܪܳܩܳܐ ܕܰܥّܰܪ̈ܫܶܐ، ܗ̄ܺܝ ܢܰܩܠܐ ܕܚܳܙܺܝܬܽܘ ܠܰܐܒܪܳܗܳܡ ܘܠܺܐܝܣܚܳܩ ܘ݄ܠܝܰܥܩܽܘܒ ܘܠܰܢܒܺܝ̈ܶܐ ܟܽܘܠّܶܗ ܒܺܗ̄ܝ ܡܰܠܟܽܘܬ̥ܳܐ ܕܰܐ‌ܠܳܗܳܐ، ܘܗܰܬܽܘ ܟܡܰܝܬܰܦܩܺܝܬܽܘ ܠܰܪܒ̥ܰܠ. 29ܘ݄ܓܕܳܐܬ̥݄ܢ ܡܽܗ̄ܘ ܡܰܕ̥݄ܢܚܳܐ ܘܡܽܗ̄ܘ ܡܰܥ݄ܪܒܳܐ، ܘܡܽܗ̄ܘ ܓܰܪܒܝܳܐ ܘܡܽܗ̄ܘ ܬܰܝܡܢܳܐ، ܘ݄ܓܝ݄ܬܒ̥ܽܝ ܒܺܗ̄ܝ ܡܰܠܟܽܘܬ̥ܳܐ ܕܰܐ‌ܠܳܗܳܐ. 30ܘܟܰܐܠܶܗ ܟܺܝܬ ܚܰܪ̈ܳܝܶܐ ܕ݄ܓܕܳܗ̄ܘ݄ܢ ܩܰܕ̱ܡܳܝ̈ܶܐ، ܘܟܺܝܬ ܩܰܕ̱ܡܳܝ̈ܶܐ ܕ݄ܓܕܳܗ̄ܘ݄ܢ ܚܰܪ̈ܳܝܶܐ.“

ܡܫܺܝܚܳܐ ܟ݄ܡܩܰܘ݄ܠ ܥܰܠ ܐܽܘܪܶܫܠܶܡ

ܡܬܝ 23‏:37‏‐39

31ܘܶܐܒܶܗ ܒܽܗ̄ܘ ܝܰܘܡܰܘܳܐ، ܡܩܰܪܰܒّ̥ܶܗ ܢܳܫ̈ܶܐ ܡܰܢ̱ ܦܪ̈ܺܝܫܶܐ ܘܐܡ݄ܪّܰܗ ܠܶܗ: ”ܢܦܰܩ ܙܳܟ̥ ܡܰܗ̄ܪܟܶܐ، ܡܺܐܝܕ̥ܶܗ ܕܗܶܪܳܘܕ̥ܶܣ ܟܳܐܒ݄ܥ ܕܩܳܛܶܠ ܠܳܟ̥.“ 32ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܙܳܟ̥ܽܘ ܐܡܰܪܽܘ ܠܽܗ̄ܘ ܬܰܥܠܰܢܳܐ، ܕܟܰܐܠܺܝ ܟܡܰܘܦܰܩ ܐ̱ܢܳܐ ܫܺܐܕ̈ܶܐ، ܘ݄ܟܡܰܢ݄ܚ ܐ̱ܢܳܐ ܟܰܐܺܝܒ̥̈ܶܐ، ܐܰܕܝܰܘܡܰܐ ܘܪܰܡܚ݄ܠ، ܘܒܽܗ̄ܘ ܝܰܘܡܳܐ ܕܰܬܠܳܬ̥ܳܐ ܟܬܳܝܰܡ ܐ̱ܢܳܐ. 33ܐܶ‌ܠܳܐ ܟܠܳܙܰܡ ܠܺܝ ܕ݄ܡܗܰܠܰܟ̥ ܐ̱ܢܳܐ ܒܽܗ̄ܘ ܕܰܪܒܰܢܳܐ ܐܰܕܝܰܘܡܰܐ ܘܪܰܡܚ݄ܠ، ܘ݄ܠܝܰܘܡܳܐ ܚܪܶܢܳܐ ܐ݄ܙّܺܝ، ܡܺܐܝܕ̥ܶܗ ܕܠ݄ܐ ܟܳܗ̄ܘܶܐ ܕ݄ܢܒܺܝܳܐ ܡܺܝܣܰܟ݄ܪ ܠܰܪܒ̥ܰܠ ܡܶܢ̱ ܐܽܘܪܶܫܠܶܡ. 34ܐܽܘܪܶܫܠܶܡ ܐܽܘܪܶܫܠܶܡ، ܩܰܛܰܠܬܳܐ ܕܰܗ̄ܢ ܢܒܺܝ̈ܶܐ ܘܪܰܓ̥ܳܡܬܳܐ ܠܰܐܝܢܰܐ ܕ݄ܡܫܰܕܪܺܝ ܠܣܺܝܕ̥ܰܗ. ܟܡܳܐ ܟܳܪ̈ܶܐ ܐܰܒ݄ܥ ܐ̱ܢܳܐ ܕܡܰܠܬܰܡ ܐ̱ܢܳܐ ܗ̄ܰܢ ܐܰܒܢ̈ܰܝܕ̥ܰܟ̥، ܐܟ̥ ܕܺܗ̄ܝ ܓܕ̥ܰܝܬܳܐ ܕܟܳܡܰܠܬܡܳܐ ܗ̄ܰܙܓ̥ܽܘܢ̈ܰܝܕ̥ܰܗ ܬܰܚܬ ܗ̄ܰܓّܶܦ̈ܰܝܕ̥ܰܗ، ܘܠܰܐ ܐܒܺܝܥܺܝܬܽܘ. 35ܟܰܐܠܶܗ ܟܦܳܝ݄ܫ ܗ̄ܽܘ ܒܰܝܬܰܬ̥ܟ̥ܽܘ ܚܰܪܺܝܒ̥ܳܐ. ܘܟܳܐܡܰܪ ܐ̱ܢܳܐ ܠܟ̥ܽܘ: ܠ݄ܐ ܟܚܳܙܺܝܬܽܘ ܠܺܝ ܗܳܠ ܕ݄ܐܡّܺܪ̱ܝܬܽܘ: ܒܪܺܝܟ̥ܳܐ ܝܳܐ ܕܳܐܬ̥ܶܐ ܒ݄ܐܫܡܶܗ ܕܡܳܪܝܳܐ.“

Currently Selected:

ܡܓܰܠܝܘܢ ܕܠܘܩܐ 13: ܟܬܒܐ

Highlight

Copy