Sang’hano za Wasenga Ulongozi
Ulongozi
Chitabu cha Sang'hano za Wasenga ni lusimo lwa chanduso cha Bumbila da wamtogole Kilisito na vija usenga vuupwililisigwe kulawa Yelusalemu mbaka Uyahudi, na Samalia na mgwazo mgwazo mwa isi, kama vija Yesu viyawalongele waluko wake yahawa yang'hali hanasoligwa kuchanha kuulanga 1:8. Yandikigwa na Luka yandike Usenga Unogile wa Luka. Luka kakala Dakitali na kakala yokwika goya hisabu. Luka kabanda vose vidi Usenga Unogile wa Luka na chitabu cha Sang'hano chiyamwandikile ‘Teofilo' ija yakalile Muyunani, mbali vitabu viwagesa waja wamtogole Kilisito Wayunani na Wayahudi 1:1.
Chitabu cha Sang'hano za Wasenga chandikigwa hagati ya milao 60-64 kulawa viyavumbuke Kilisito kwavija chitabu chimala Paulo kakala yang'hali hanalekeseligwa kulawa mdigeleza. Luka ivija kakala yogenda na Msenga Paulo ivija yodahika kandika chitabu cha Sang'hano za Wasenga muikae ya Antiokia. Sang'hano ni mgendelelo wa usenga wa Luka na mwanduso wa mgendo wa Yesu kuulanga kwa Mulungu. Chiyalondile kwandika Luka ni sawa na ichija chili muusenga wake. Luka kamlonda Teofilo, ivija kalonda kongeza hisabu ya wamtogole Kilisito kua wanhu wa chija chiyafundile na ivo kandika vinogile hisabu ya ugima wa Yesu na kupwililisa Ukilisito.
Chitabu cha Sang'hano choching'ha cheye mfano wa bumbila da mwanduso da wamtogole Kilisito na vija viioneka kama kukala bila kumtogola Kilisito. Mfano wa Wasenga wachilagusa cheye vichilondeka kugewela muudaho wa Muhe wa Mulungu kwa kupwililisa mbuli ya usenga kwa wanhu wamwenga.
Galiumo mchitabu chino
Mosi Muhe wa Mulungu kawezila waluko wa Yesu na Bumbila da wamtogole Kilisito disonga kongezeka Muisula 1:1-8-1.
Amala Bumbila da wamtogole Kilisito didununzika na disonga kuligula muugwazo mwa Yelusalemu Muisula 8:2-12-23.
Labaho Paulo kaita mwanza wake wa kuligula Usenga unogile Muisula 12:24-1428.
Amala chitala chiiting'hanila uko Yelusalemu kulongelela chija chilondeka kwa waja wamtogola Kilisito wa sambi Muisula 15:1-35.
Amala Paulo kaita mwanza wakaidi ya kuligula Usenga Unogile kwa wanhu wa isi zimwenga Muisula 15:36-1822.
Viyalawile uko Paulo kaita mwanza wa kadatu ya kuligula Usenga Unogile kwa wanhu wa isi zimwenga Muisula 18:23-20-38.
Amala Paulo kagogigwa uko Yelusalemu Muisula 21-26.
Hachikomelezo Paulo kagaligwa uko Lumi Muisula 27-28.
Currently Selected:
Sang’hano za Wasenga Ulongozi: KBV
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.