Yohana 8
8
Mʉsʉngʉ nʉambilwe wilandi
1Sʉnga Yesʉ wɨkenda mʉlʉgʉlʉ nʉla Mizeituni. 2Mʉdao kidaʉdaʉ Yesʉ wɨkalongola hangɨ mʉ Nyʉmba ang’wi Itunda. Antʉ ɨhi ɨkamʉpilimɨlya, nʉyo wɨkikiɨ wɨkatula amanyisa. 3Amanyisi amalagɨɨlyo ang’wa Musa nɨ Apalisayo ikamʉleta mʉsʉngʉ ʉng’wɨ nʉambilwe wilandi. Ɨkamimɨsha pakatɨao. 4Sʉnga ɨkamʉɨla ʉ Yesʉ “Mʉmanyisi, Mʉsʉngʉ ʉyʉ ʉambilwe wilandi. 5Mʉmalagɨɨlyo ang’wa Musa ʉkʉlagɨɨye kɨna mʉsʉngʉ nʉtendile itɨ wakʉwe magwe washe. Ʉʉgwa, ʉewe ʉlɨɨye ulɨ?” 6Aɨatambʉe itɨ kʉmʉgema ahume kʉpantɨka nsoko akʉmʉsemela. Ingɨ Yesʉ wɨkatuna pihɨ, wɨkatula andɨka nashala kakwe pihɨ. 7Naɨ alongoleka kʉmʉkolya, Yesʉ wɨkahʉmbʉka, wɨkaaɨla, “Mʉntʉ wɨhi mʉng’wanyu nʉmʉgila anga mɨlandʉ watongele kʉmʉgʉma mʉsʉngʉ ʉyʉ igwe. 8Yesʉ wɨkatuna hangɨ, wɨkalongoleka kʉandɨka kʉshala kakwe pihɨ. 9Naɨakondya kija itɨ, ɨkatulahega ʉng’wɨ ʉng’wɨ akaze atongeewe nɨanyampala awo. Yesʉ wɨkasiga wɨng’wene, nʉmʉsʉngʉ nʉwanso aɨwɨmɨkile pantongeela akwe. 10Yesʉ wɨkahʉmbʉka wɨkamʉkolya mʉsʉngʉ nʉwanso, “Iya, akolɨpɨ asemi ako? Itɨɨ, kʉtilɨ anga nʉʉng’wɨ nʉkʉsemee kɨna ʉgazilye? 11Mʉsʉngʉ nʉwanso wɨkamʉsʉkɨɨlya, “Mʉkʉlʉ wane, kʉtilɨ anga nʉʉng’wɨ.” Yesʉ wɨkamʉɨla “Ingɨ ʉnene shanga kʉʉpɨsɨɨlya. Longola, kandɨɨlya itungo lɨlɨ ʉpele kʉtenda mɨlandʉ.”
Yesʉ nzelya aantʉ mʉʉnkumbigʉlʉ
12Sʉnga, Yesʉ wɨkaaɨla hangɨ, “Ʉnene ingɨ nzelya aantʉ mʉʉnkumbigʉlʉ. Mʉntʉ wɨhi nʉʉkʉntyata ʉnene shanga ʉkʉgenda mʉkiti, ingɨ ʉkʉtula ʉkete nzelya aʉpanga.”
13Apalisayo ɨkamʉɨla, “Ʉkitambʉla ʉewe, kʉlʉlo ʉwitambʉli wako shanga ʉgombekile”
14Yesʉ wɨkaasʉkɨɨlya, “Itende kitambʉla ʉnene, witambʉli wane ingɨ watai kʉnsoko ʉnene nɨngile kʉmpembeeye nʉko kʉnihongile nɨngile. Ingɨ ʉnyenye shanga mʉlɨngile kʉmpembeeye nʉko kʉnihongile. 15Ʉnyenye mɨpɨsɨɨlya anga antʉ nɨɨpɨsɨɨlya, ingɨ ʉnene shanga nɨpɨsɨlya anga antʉ. 16Anga mpɨsɨɨlye, ʉpɨsɨɨlyi wane ingɨ ɨtai kʉnsoko shanga kʉpɨsɨɨlya ning’wene, ingɨ kʉpɨsɨɨlya palʉng’wɨ nʉ Tata nʉntʉmile. 17Mʉmalagɨɨlyo anyu yandɨkilwe kɨna natambʉwe nɨantʉ abɨɨlɨ ingɨ agombekile. 18Ʉnene kitambʉla ʉnene, nʉ Tata nʉntʉmile ʉkʉntambʉɨlya.”
19Pang’wanso ɨkamʉkolya, “Ʉkolɨpɨ ʉ Tata nʉwako?” Yesʉ wɨkaasʉkɨɨlya, “Ʉnyenye shanga mʉnɨngile ʉnene nʉ Tata nʉwane ga shanga mʉmʉmanyile.
Angaɨtule mʉnɨngile ʉnene, aza mʉzemʉlɨnga nʉ Tata wane ga.”
20Nkani niyanso Yesʉ aɨ ʉkʉtambʉɨla nanso naɨ ʉkʉmanyisa pa nyʉmba ang’wi Itunda pakupɨ nɨ sandɨko nɨlakʉgʉmɨla masongeelyo. Kʉtilɨ anga mʉntʉ naɨ ʉmʉambile, kʉnsoko matungo akwe nakʉambwa aɨakɨlɨ kʉpika.
Kʉnihongile ʉnyenye shanga mʉkʉpika
21Yesʉ wɨkaaɨla hangɨ, ‘‘Ʉnene nalongola nʉnyenye mʉkʉtʉla nduma, ingɨ ʉnyenye mʉkʉsha nɨmɨlandʉ anyu. Ʉnyenye shanga mʉkʉpika ʉko kʉnomile ʉnene.”
22Ʉʉgwa, atongeeli a Ayahudi ɨkalʉnga, ‘Itɨɨ, ʉkibʉlaga ne? Kolwa, ʉkʉlʉnga, ‘Kʉnomile ʉnyenye shanga mʉkʉpika’?”
23Yesʉ wɨkaaɨla, “Ʉnyenye mʉpumɨɨe papa pihɨ mihɨɨ, ʉnene mpumɨɨe kigʉlʉ. Ʉnyenye ingɨ mɨa ʉnkumbigʉlʉ wʉwʉ, ʉnene shanga nɨa ʉnkumbigʉlʉ ʉwʉ. 24Yɨyɨ ndogoelyo aɨnʉmʉɨɨe kɨna mʉkʉsha nɨmɨlandʉ anyu. Anga mʉhite kʉhʉɨɨla kɨna ‘Ʉnene yʉyʉ,’ mʉkʉsha mʉmɨlandʉ anyu
25Nɨenso ɨkamʉkolya, “Wɨnyenyu gwa ʉewe?”
Yesʉ wɨkaasʉkɨɨlya, “Unene yʉyo naɨ nʉmʉtambʉɨe kʉpuma ʉng’wandyo. 26Nkete makani ɨdʉ nakʉmʉɨla nʉkʉmʉpɨsɨɨlya. Ingɨ ʉyo nʉntʉmile mʉnya tai, nʉnene kʉaɨla antʉ amʉʉnkumbigʉlʉ makani yayo du naɨ nigulye kʉng’wakwe.”
27Nɨanso shanga aɨalɨngile kɨna Yesʉ aɨʉkʉtambʉla makani ang’wi Ihe Itunda. 28Sʉnga Yesʉ wɨkaaɨla, “Nɨmʉzɨɨza mʉtʉmbɨka ʉ Ng’waa Mʉntʉ mikota, papogwa mʉzɨɨzalɨnga kɨna ‘Yʉ nene,’ hangɨ kɨna ʉnene ning’wene shanga nɨtenda kɨntʉ kɨhi, ingi nɨtambʉla ayo du ʉtata aɨʉmanyisilye. 29Ʉyo nʉntʉmile ʉkolɨ palʉng’wɨ nʉnene, shanga ʉndekile ninyene kʉnsoko mahikʉ ɨhi nitʉma ayo namʉloeeye.”
30Antʉ ɨdʉ naɨija ʉ Yesʉ ʉkʉligitya nanso ɨkahʉɨɨla.
Ɨtai ɨkʉmʉtenda mʉlekelwe
31Ʉʉgwa, Yesʉ wikaaɨla Ayahudi awo naɨamʉhʉɨɨe, “Anga mʉambe nkani yane mʉkʉtula mɨamanyisigwa ane ɨtai taai. 32Mʉkʉmɨlɨnga ɨtai, nɨtai naanso ɨkʉtenda mʉlekelwe.”
33Nɨanso ɨkamʉsʉkɨɨlya, “Ʉsese kiele lang’wi Ibulahimʉ, hangɨ itʉnʉ kʉkɨlɨ kʉtula kɨatʉʉgwa kʉmʉntʉ wɨhi. Ʉhumile ʉlɨ kʉlʉnga kɨna ‘Mʉkʉtula malekewa’?”
34Yesʉ wɨkaasʉkɨɨlya, “Kʉmʉɨla ɨtai, mʉntʉ wɨhi nʉwitenda mɨlandʉ nʉwanso ingɨ mʉtʉʉg’wa nʉwa mɨlandʉ. 35Mʉtʉʉg’wa mʉgila likalo nʉlʉkʉlʉ kito, ingɨ ng’wana ʉkete likalo nʉlʉkʉlʉ. 36Ʉʉgwa Ng’wana anga wamʉsashe mʉlekelwe, mʉkʉlekelwa ɨtai taai. 37Ʉnene nɨngile kɨna ʉnyenye miele lang’wi Ibulahimʉ. Nɨitɨ ga mʉkʉhiya kʉmbʉlaga kʉnsoko nkani yane ngila anga lyoma mʉnkolo yanyu. 38Ʉnene kʉmʉtambʉɨla ayo naɨnɨmaine naɨkine nʉ Tata, ʉʉgwa nʉnyenye mʉkitʉma ayo naɨmigulye kʉpuma kʉatata anyu.”
39Nɨenso ɨkamʉsʉkɨɨlya, “Ʉsese ʉtata witʉ Ibulahimʉ” Yesʉ wɨkaaɨla,
“Ang’wɨ ʉnyenye mɨana ang’wi Ibilahimʉ, azamʉzitʉma ayo naɨwitʉmile Ibulahimʉ. 40Ingɨ itungo ɨlɨ ʉnyenye mainaduma kʉmbʉlaga mʉntʉ nɨnʉmʉtambʉɨe ɨtai naɨ nigule kʉpuma kʉng’wi Itunda. Itɨ Ibulahimʉ shanga aɨwitʉmile itɨ. 41Ʉnyenye mʉkitʉma makani ayo nʉwitʉma tata wanyu.” Nawo ɨkamʉɨla.”
“Ʉsese shanga kɨana akɨzumɨ. Tata witʉ ʉng’wɨdu ingɨ Itunda.”
42Yesʉ wɨkaaɨla, “Angaɨze Itunda Tata wanyu, azamʉzendowa ʉnene, kunsoko ʉnene aɨmpumile kʉng’wi Itunda nɨtungo ɨlɨ nkolɨ papa. Ʉnene shanga aɨnzile kʉʉhumi wane, ingɨ ng’wenso aɨʉntʉmile. 43Nɨkɨ shanga mʉlɨngile aya nɨkʉtambʉla? Ingɨ kʉnsoko shanga mʉkee ʉmanyisi wane. 44Ʉnyenye mɨana ang’wa tata wanyu ʉ shetani hangɨ mʉkʉhiya kʉkondanɨlya nsʉla ang’wa tata nʉwanyu. Puma ʉng’wandyo nʉwanso aɨmʉbʉlagani shanga ʉhumile kɨmɨkɨɨla ɨtai, kʉnsoko kʉtilɨ anga tai mʉng’wakwe. Nʉkʉtambʉla ʉteele wɨtambʉla anga nʉwizɨɨe, kʉnsoko nʉwanso mʉteele hangɨ tata nʉwaʉteele. 45Ʉnene kʉtambʉla ɨtai, ʉnyenye mahita kʉnɨhʉɨɨla. 46Nʉʉlɨ mʉng’wanyu nʉhumile kʉlʉnga kɨna ʉnene nkete mɨlandʉ? Anga ɨtule kʉmʉɨla ɨtai, nɨkɨ shanga mʉnihʉɨɨe? 47Mʉntʉ wɨhi nʉpembeeye kʉng’wi Itunda wɨtegeelya nkani yang’wi Itunda. Ingɨ ʉnyenye shanga mʉkee kʉnsoko shanga mʉpumile kʉng’wi Itunda.”
Yesʉ aɨʉmolɨ Ibulahimʉ naɨwakɨlɨ kʉtugwa
48Ayahudi ɨkamʉɨla Yesʉ, “Itɨɨ, shanga kʉtambʉe tai kɨna ʉewe wɨ Mʉsamalia, hangɨ ʉkete hɨng’wɨ?”
49Yesʉ wɨkasʉkɨɨlya, “Ʉnene nɨmʉgila anga hɨng’wɨ, ingɨ nʉmʉkʉiye ʉ Tata wane nʉnyenye shanga mʉnkee. 50Ʉnene shanga kʉduma ɨkʉlyo nɨlane, ʉkolɨ ʉng’wɨ nʉkʉndumɨlya ikʉlyo nɨlanso, nʉwanso yʉyo mʉlamʉli. 51Kʉmʉtambʉɨla ɨtai, mʉntʉ wɨhi nʉʉkʉkela ʉmanyisi wane shanga ʉkʉsha ikalɨ na kalɨ.”
52Papogwa, Ayahudi ɨkamʉɨla, Itungo ɨlɨ kalɨnga ɨtai kɨna ʉewe ʉkete hɨng’wɨ. Ibulahimʉ aɨʉkule, amanga nawo aɨakule, ʉewe ʉkʉlʉnga age, ‘Mʉntʉ nʉʉkʉkela ʉmanyisi wane shanga ʉkʉsha lʉkʉlʉ?’ 53Itɨɨ, wainikʉlya kʉkɨla tata witʉ Ibulahimʉ naɨʉkule? Nɨamanga aɨakule. Ʉewe ʉkʉsɨga kɨna wɨnyenyu?”
54Yesʉ wɨkasʉkɨɨlya, “Anga nikʉlye ʉnene, ikʉlyo lane shanga kɨntʉ. Tata wane ng’wenso ʉkʉnkʉlya, yʉyo ʉnyenye nɨmɨmitanga Itunda wanyu. 55Ʉnyenye ɨza mʉkɨlɨ kʉmʉlɨnga, ingɨ ʉnene nɨmʉlɨngile. Hangɨ, anganʉnge shanga nʉmʉlɨngile, kʉtula nɨmʉteele anga ʉnyenye. Ingɨ ʉnene nʉmʉlɨngile hangɨ kitʉma nʉtambʉe. 56Tata wanyu Ibulahimʉ, aɨwɨloile waone lʉhikʉ lane, nʉng’wenso wɨkaona, wɨkalowa.”
57Papogwa Ayahudi ikamʉkolya, ‘Ʉwewe ʉkili kʉpisha myaka makʉmi ataano, nʉwewe ʉkʉlʉnga wamʉine Ibilahimu?”
58Yesʉ wɨkaaɨla “Kʉmʉɨla ɨtai, Ibulahimʉ naɨwakɨlɨ kigela ʉnene aɨnkolɨ.”
59Papogwa ɨkatula hoela magwe amʉkʉe, ingɨ Yesʉ wɨkinyeleka, wɨkapuma pa Nyʉmba ang’wi Itunda.
Currently Selected:
Yohana 8: IBV
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved
Yohana 8
8
Mʉsʉngʉ nʉambilwe wilandi
1Sʉnga Yesʉ wɨkenda mʉlʉgʉlʉ nʉla Mizeituni. 2Mʉdao kidaʉdaʉ Yesʉ wɨkalongola hangɨ mʉ Nyʉmba ang’wi Itunda. Antʉ ɨhi ɨkamʉpilimɨlya, nʉyo wɨkikiɨ wɨkatula amanyisa. 3Amanyisi amalagɨɨlyo ang’wa Musa nɨ Apalisayo ikamʉleta mʉsʉngʉ ʉng’wɨ nʉambilwe wilandi. Ɨkamimɨsha pakatɨao. 4Sʉnga ɨkamʉɨla ʉ Yesʉ “Mʉmanyisi, Mʉsʉngʉ ʉyʉ ʉambilwe wilandi. 5Mʉmalagɨɨlyo ang’wa Musa ʉkʉlagɨɨye kɨna mʉsʉngʉ nʉtendile itɨ wakʉwe magwe washe. Ʉʉgwa, ʉewe ʉlɨɨye ulɨ?” 6Aɨatambʉe itɨ kʉmʉgema ahume kʉpantɨka nsoko akʉmʉsemela. Ingɨ Yesʉ wɨkatuna pihɨ, wɨkatula andɨka nashala kakwe pihɨ. 7Naɨ alongoleka kʉmʉkolya, Yesʉ wɨkahʉmbʉka, wɨkaaɨla, “Mʉntʉ wɨhi mʉng’wanyu nʉmʉgila anga mɨlandʉ watongele kʉmʉgʉma mʉsʉngʉ ʉyʉ igwe. 8Yesʉ wɨkatuna hangɨ, wɨkalongoleka kʉandɨka kʉshala kakwe pihɨ. 9Naɨakondya kija itɨ, ɨkatulahega ʉng’wɨ ʉng’wɨ akaze atongeewe nɨanyampala awo. Yesʉ wɨkasiga wɨng’wene, nʉmʉsʉngʉ nʉwanso aɨwɨmɨkile pantongeela akwe. 10Yesʉ wɨkahʉmbʉka wɨkamʉkolya mʉsʉngʉ nʉwanso, “Iya, akolɨpɨ asemi ako? Itɨɨ, kʉtilɨ anga nʉʉng’wɨ nʉkʉsemee kɨna ʉgazilye? 11Mʉsʉngʉ nʉwanso wɨkamʉsʉkɨɨlya, “Mʉkʉlʉ wane, kʉtilɨ anga nʉʉng’wɨ.” Yesʉ wɨkamʉɨla “Ingɨ ʉnene shanga kʉʉpɨsɨɨlya. Longola, kandɨɨlya itungo lɨlɨ ʉpele kʉtenda mɨlandʉ.”
Yesʉ nzelya aantʉ mʉʉnkumbigʉlʉ
12Sʉnga, Yesʉ wɨkaaɨla hangɨ, “Ʉnene ingɨ nzelya aantʉ mʉʉnkumbigʉlʉ. Mʉntʉ wɨhi nʉʉkʉntyata ʉnene shanga ʉkʉgenda mʉkiti, ingɨ ʉkʉtula ʉkete nzelya aʉpanga.”
13Apalisayo ɨkamʉɨla, “Ʉkitambʉla ʉewe, kʉlʉlo ʉwitambʉli wako shanga ʉgombekile”
14Yesʉ wɨkaasʉkɨɨlya, “Itende kitambʉla ʉnene, witambʉli wane ingɨ watai kʉnsoko ʉnene nɨngile kʉmpembeeye nʉko kʉnihongile nɨngile. Ingɨ ʉnyenye shanga mʉlɨngile kʉmpembeeye nʉko kʉnihongile. 15Ʉnyenye mɨpɨsɨɨlya anga antʉ nɨɨpɨsɨɨlya, ingɨ ʉnene shanga nɨpɨsɨlya anga antʉ. 16Anga mpɨsɨɨlye, ʉpɨsɨɨlyi wane ingɨ ɨtai kʉnsoko shanga kʉpɨsɨɨlya ning’wene, ingɨ kʉpɨsɨɨlya palʉng’wɨ nʉ Tata nʉntʉmile. 17Mʉmalagɨɨlyo anyu yandɨkilwe kɨna natambʉwe nɨantʉ abɨɨlɨ ingɨ agombekile. 18Ʉnene kitambʉla ʉnene, nʉ Tata nʉntʉmile ʉkʉntambʉɨlya.”
19Pang’wanso ɨkamʉkolya, “Ʉkolɨpɨ ʉ Tata nʉwako?” Yesʉ wɨkaasʉkɨɨlya, “Ʉnyenye shanga mʉnɨngile ʉnene nʉ Tata nʉwane ga shanga mʉmʉmanyile.
Angaɨtule mʉnɨngile ʉnene, aza mʉzemʉlɨnga nʉ Tata wane ga.”
20Nkani niyanso Yesʉ aɨ ʉkʉtambʉɨla nanso naɨ ʉkʉmanyisa pa nyʉmba ang’wi Itunda pakupɨ nɨ sandɨko nɨlakʉgʉmɨla masongeelyo. Kʉtilɨ anga mʉntʉ naɨ ʉmʉambile, kʉnsoko matungo akwe nakʉambwa aɨakɨlɨ kʉpika.
Kʉnihongile ʉnyenye shanga mʉkʉpika
21Yesʉ wɨkaaɨla hangɨ, ‘‘Ʉnene nalongola nʉnyenye mʉkʉtʉla nduma, ingɨ ʉnyenye mʉkʉsha nɨmɨlandʉ anyu. Ʉnyenye shanga mʉkʉpika ʉko kʉnomile ʉnene.”
22Ʉʉgwa, atongeeli a Ayahudi ɨkalʉnga, ‘Itɨɨ, ʉkibʉlaga ne? Kolwa, ʉkʉlʉnga, ‘Kʉnomile ʉnyenye shanga mʉkʉpika’?”
23Yesʉ wɨkaaɨla, “Ʉnyenye mʉpumɨɨe papa pihɨ mihɨɨ, ʉnene mpumɨɨe kigʉlʉ. Ʉnyenye ingɨ mɨa ʉnkumbigʉlʉ wʉwʉ, ʉnene shanga nɨa ʉnkumbigʉlʉ ʉwʉ. 24Yɨyɨ ndogoelyo aɨnʉmʉɨɨe kɨna mʉkʉsha nɨmɨlandʉ anyu. Anga mʉhite kʉhʉɨɨla kɨna ‘Ʉnene yʉyʉ,’ mʉkʉsha mʉmɨlandʉ anyu
25Nɨenso ɨkamʉkolya, “Wɨnyenyu gwa ʉewe?”
Yesʉ wɨkaasʉkɨɨlya, “Unene yʉyo naɨ nʉmʉtambʉɨe kʉpuma ʉng’wandyo. 26Nkete makani ɨdʉ nakʉmʉɨla nʉkʉmʉpɨsɨɨlya. Ingɨ ʉyo nʉntʉmile mʉnya tai, nʉnene kʉaɨla antʉ amʉʉnkumbigʉlʉ makani yayo du naɨ nigulye kʉng’wakwe.”
27Nɨanso shanga aɨalɨngile kɨna Yesʉ aɨʉkʉtambʉla makani ang’wi Ihe Itunda. 28Sʉnga Yesʉ wɨkaaɨla, “Nɨmʉzɨɨza mʉtʉmbɨka ʉ Ng’waa Mʉntʉ mikota, papogwa mʉzɨɨzalɨnga kɨna ‘Yʉ nene,’ hangɨ kɨna ʉnene ning’wene shanga nɨtenda kɨntʉ kɨhi, ingi nɨtambʉla ayo du ʉtata aɨʉmanyisilye. 29Ʉyo nʉntʉmile ʉkolɨ palʉng’wɨ nʉnene, shanga ʉndekile ninyene kʉnsoko mahikʉ ɨhi nitʉma ayo namʉloeeye.”
30Antʉ ɨdʉ naɨija ʉ Yesʉ ʉkʉligitya nanso ɨkahʉɨɨla.
Ɨtai ɨkʉmʉtenda mʉlekelwe
31Ʉʉgwa, Yesʉ wikaaɨla Ayahudi awo naɨamʉhʉɨɨe, “Anga mʉambe nkani yane mʉkʉtula mɨamanyisigwa ane ɨtai taai. 32Mʉkʉmɨlɨnga ɨtai, nɨtai naanso ɨkʉtenda mʉlekelwe.”
33Nɨanso ɨkamʉsʉkɨɨlya, “Ʉsese kiele lang’wi Ibulahimʉ, hangɨ itʉnʉ kʉkɨlɨ kʉtula kɨatʉʉgwa kʉmʉntʉ wɨhi. Ʉhumile ʉlɨ kʉlʉnga kɨna ‘Mʉkʉtula malekewa’?”
34Yesʉ wɨkaasʉkɨɨlya, “Kʉmʉɨla ɨtai, mʉntʉ wɨhi nʉwitenda mɨlandʉ nʉwanso ingɨ mʉtʉʉg’wa nʉwa mɨlandʉ. 35Mʉtʉʉg’wa mʉgila likalo nʉlʉkʉlʉ kito, ingɨ ng’wana ʉkete likalo nʉlʉkʉlʉ. 36Ʉʉgwa Ng’wana anga wamʉsashe mʉlekelwe, mʉkʉlekelwa ɨtai taai. 37Ʉnene nɨngile kɨna ʉnyenye miele lang’wi Ibulahimʉ. Nɨitɨ ga mʉkʉhiya kʉmbʉlaga kʉnsoko nkani yane ngila anga lyoma mʉnkolo yanyu. 38Ʉnene kʉmʉtambʉɨla ayo naɨnɨmaine naɨkine nʉ Tata, ʉʉgwa nʉnyenye mʉkitʉma ayo naɨmigulye kʉpuma kʉatata anyu.”
39Nɨenso ɨkamʉsʉkɨɨlya, “Ʉsese ʉtata witʉ Ibulahimʉ” Yesʉ wɨkaaɨla,
“Ang’wɨ ʉnyenye mɨana ang’wi Ibilahimʉ, azamʉzitʉma ayo naɨwitʉmile Ibulahimʉ. 40Ingɨ itungo ɨlɨ ʉnyenye mainaduma kʉmbʉlaga mʉntʉ nɨnʉmʉtambʉɨe ɨtai naɨ nigule kʉpuma kʉng’wi Itunda. Itɨ Ibulahimʉ shanga aɨwitʉmile itɨ. 41Ʉnyenye mʉkitʉma makani ayo nʉwitʉma tata wanyu.” Nawo ɨkamʉɨla.”
“Ʉsese shanga kɨana akɨzumɨ. Tata witʉ ʉng’wɨdu ingɨ Itunda.”
42Yesʉ wɨkaaɨla, “Angaɨze Itunda Tata wanyu, azamʉzendowa ʉnene, kunsoko ʉnene aɨmpumile kʉng’wi Itunda nɨtungo ɨlɨ nkolɨ papa. Ʉnene shanga aɨnzile kʉʉhumi wane, ingɨ ng’wenso aɨʉntʉmile. 43Nɨkɨ shanga mʉlɨngile aya nɨkʉtambʉla? Ingɨ kʉnsoko shanga mʉkee ʉmanyisi wane. 44Ʉnyenye mɨana ang’wa tata wanyu ʉ shetani hangɨ mʉkʉhiya kʉkondanɨlya nsʉla ang’wa tata nʉwanyu. Puma ʉng’wandyo nʉwanso aɨmʉbʉlagani shanga ʉhumile kɨmɨkɨɨla ɨtai, kʉnsoko kʉtilɨ anga tai mʉng’wakwe. Nʉkʉtambʉla ʉteele wɨtambʉla anga nʉwizɨɨe, kʉnsoko nʉwanso mʉteele hangɨ tata nʉwaʉteele. 45Ʉnene kʉtambʉla ɨtai, ʉnyenye mahita kʉnɨhʉɨɨla. 46Nʉʉlɨ mʉng’wanyu nʉhumile kʉlʉnga kɨna ʉnene nkete mɨlandʉ? Anga ɨtule kʉmʉɨla ɨtai, nɨkɨ shanga mʉnihʉɨɨe? 47Mʉntʉ wɨhi nʉpembeeye kʉng’wi Itunda wɨtegeelya nkani yang’wi Itunda. Ingɨ ʉnyenye shanga mʉkee kʉnsoko shanga mʉpumile kʉng’wi Itunda.”
Yesʉ aɨʉmolɨ Ibulahimʉ naɨwakɨlɨ kʉtugwa
48Ayahudi ɨkamʉɨla Yesʉ, “Itɨɨ, shanga kʉtambʉe tai kɨna ʉewe wɨ Mʉsamalia, hangɨ ʉkete hɨng’wɨ?”
49Yesʉ wɨkasʉkɨɨlya, “Ʉnene nɨmʉgila anga hɨng’wɨ, ingɨ nʉmʉkʉiye ʉ Tata wane nʉnyenye shanga mʉnkee. 50Ʉnene shanga kʉduma ɨkʉlyo nɨlane, ʉkolɨ ʉng’wɨ nʉkʉndumɨlya ikʉlyo nɨlanso, nʉwanso yʉyo mʉlamʉli. 51Kʉmʉtambʉɨla ɨtai, mʉntʉ wɨhi nʉʉkʉkela ʉmanyisi wane shanga ʉkʉsha ikalɨ na kalɨ.”
52Papogwa, Ayahudi ɨkamʉɨla, Itungo ɨlɨ kalɨnga ɨtai kɨna ʉewe ʉkete hɨng’wɨ. Ibulahimʉ aɨʉkule, amanga nawo aɨakule, ʉewe ʉkʉlʉnga age, ‘Mʉntʉ nʉʉkʉkela ʉmanyisi wane shanga ʉkʉsha lʉkʉlʉ?’ 53Itɨɨ, wainikʉlya kʉkɨla tata witʉ Ibulahimʉ naɨʉkule? Nɨamanga aɨakule. Ʉewe ʉkʉsɨga kɨna wɨnyenyu?”
54Yesʉ wɨkasʉkɨɨlya, “Anga nikʉlye ʉnene, ikʉlyo lane shanga kɨntʉ. Tata wane ng’wenso ʉkʉnkʉlya, yʉyo ʉnyenye nɨmɨmitanga Itunda wanyu. 55Ʉnyenye ɨza mʉkɨlɨ kʉmʉlɨnga, ingɨ ʉnene nɨmʉlɨngile. Hangɨ, anganʉnge shanga nʉmʉlɨngile, kʉtula nɨmʉteele anga ʉnyenye. Ingɨ ʉnene nʉmʉlɨngile hangɨ kitʉma nʉtambʉe. 56Tata wanyu Ibulahimʉ, aɨwɨloile waone lʉhikʉ lane, nʉng’wenso wɨkaona, wɨkalowa.”
57Papogwa Ayahudi ikamʉkolya, ‘Ʉwewe ʉkili kʉpisha myaka makʉmi ataano, nʉwewe ʉkʉlʉnga wamʉine Ibilahimu?”
58Yesʉ wɨkaaɨla “Kʉmʉɨla ɨtai, Ibulahimʉ naɨwakɨlɨ kigela ʉnene aɨnkolɨ.”
59Papogwa ɨkatula hoela magwe amʉkʉe, ingɨ Yesʉ wɨkinyeleka, wɨkapuma pa Nyʉmba ang’wi Itunda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved