Yohana 10
10
Mpyani a mʉdɨmi
1“Yesʉ wɨkaaɨla, “Kʉmʉɨla ɨtai taai, mʉntʉ wɨhi nʉkingɨla mitando nɨla nkolo nɨshanga ʉkɨɨe mʉ mʉmpita, ingɨ waputɨɨla nʉkingɨɨla nzɨla ngɨza, nʉwanso ingɨ mii hangɨ mʉhegelania maintʉ. 2Ingɨ nʉʉkingɨɨla pa mʉmpita, nʉwanso yʉyo mʉdɨmi nʉwa nkolo. 3Mʉmboi nʉwa mʉmpita wɨmʉpandʉɨla, nkolo yija lʉli lakwe nʉyo wɨitanga nkolo yɨhi kʉmina nʉkʉikonkola. 4Anga waikonkole kʉnzi wɨitongeela, nkolo nɨnyenso yɨmʉtyata, kʉnsoko yilɨngile ʉlʉli lakwe. 5Ingɨ nkolo niyanso shanga yɨmʉtyata mʉgeni, yɨhumile kʉpaalʉka, kʉnsoko shanga yilɨngile lʉli lakwe.”
6Yesʉ aɨʉatambʉɨɨe mpyani nanso, ingɨ nɨanso shanga ɨkalɨnga naɨʉkʉatambʉɨla.
Yesʉ yʉyo mʉdɨmi nʉmʉza
7Kʉlʉlo, Yesʉ wɨkaaɨla hangɨ, “Kʉmʉɨla ɨtai kɨna, ʉnene nɨmʉmpita witando nɨla nkolo. 8Awo ɨhi naɨatongee ii hangɨ ahegelani, ninkolo shanga yʉkʉmʉlɨnga. 9Ʉnene nɨmʉmpita, mʉntʉ nʉkingɨla kʉkɨɨla nene ʉkʉgunɨka, ʉkingɨla nʉkʉpuma, nʉyo ʉkʉlija ʉlʉdɨmo. 10Ʉmii wɨza ingɨ kia nʉkʉbʉlaga nʉkʉgazanja. Ʉnene aɨnzile mʉhume kʉtula nʉ ʉpanga nʉwa kalɨ na kalɨ, hangɨ ʉpanga nʉʉkondannɨe.
11“Ʉnene ingɨ mʉdɨmi nʉmʉza. Mʉdɨmi nʉmʉza wɨhʉlya ʉpanga wakwe wagunɨlye nkolo yakwe. 12Mʉdɨma nkolo nʉwɨlɨpwa kʉnʉ nkolo shanga yakwe, anga wamɨone mbugi ɨpembilye, wɨileka nkolo nʉkʉhemʉla mɨlugu, ɨmbugi yɨibalansanya nkolo nʉkʉiamba. 13Mʉntʉ nʉwanso shanga ʉkee inkolo kʉnsoko nʉwanso ingɨ mʉnya mɨlɨmo ʉdu. 14Yesʉ wɨkaaɨla, ʉnene ingɨ nɨmʉdɨmi nʉmʉza. Niilɨngile inkolo yane, ninkolo yane inɨngile, 15anga ʉ Tata nʉnɨngile, nʉnene nɨnʉmʉlɨngile ʉ Tata. Ʉnene nihambile kʉsha kʉnsoko ankolo. 16Ʉnene nkete nkolo nzʉya nɨshanga yitando ɨlɨ, nizo ntakiwe niilete pankolɨ. Nizo yʉkija ʉlʉli lane, yʉkʉtula nidale lɨng’wɨ nʉmʉdɨmi ʉng’wɨ.
17Yesʉ wɨkalʉnga, “Nʉndoewe ʉ Tata wane, ingɨ kʉnsoko kʉʉpumya ʉpanga wane nɨhume kʉʉhola hangɨ. 18Kʉtilɨ anga mʉntʉ nʉʉkʉnihegelya ʉpanga wane, ʉnene nʉʉpumilye nakanda. Nkete ʉhumi nʉwa kʉʉpumya hangɨ nkete nʉʉhumi nʉwakʉʉhola hangɨ. Itɨ ʉʉgwa Tata aʉndagɨɨye nitʉme.”
19Ayahudi naɨija nkani izi niyang’wa Yesʉ ikatulilea ɨenso. 20Nɨang’wɨ ɨkalʉnga, “Ʉyʉ ʉkete hɨng’wɨ, hangi wahaile. Nɨkɨ mʉkʉmʉtegeelya?”
21Nɨang’wɨ ɨkalʉnga, “Nkani izi shanga yakʉtambʉla nʉmʉntʉ nʉkete ʉhɨng’wɨ. Itɨgwa, ʉhɨng’wɨ ʉhumilene kʉmʉkomya miho amʉpoku?”
Ayahudi akʉmʉhita ʉ Yesʉ
22Matungo nanso kʉ Yelusalemu aɨlɨkolɨ iloeelya kʉnsoko akelya hangi Nyʉmba ang’wi Itunda kʉnsoko ang’wi Itunda. Itungo nɨlanso aɨmpepo amalila. 23Yesʉ nʉyo aɨʉkʉgenda pa Nyʉmba ang’wi Itunda mʉkɨanda kang’wa Solomoni. 24Ayahudi ɨkamʉpilimɨlya, ɨkamʉkolya, “Ʉkʉʉɨka mʉkɨsɨgɨɨla nʉkikolya mʉnkolo yitʉ kʉpikɨɨla nalɨ? Angaɨze ʉewe wɨ Kilisito, kʉtambʉɨle kʉlɨnge.”
25Yesʉ wɨkaasʉkɨɨlya, “Nakondya kʉmʉɨla, ingɨ ʉnyenye shanga mʉhʉɨɨe. Mɨlɨmo nɨkitʉma kʉʉhumi wang’wa Tata wane yayo akʉntambʉɨlya. 26Ingɨ ʉnyenye shanga mʉnihʉɨɨe kʉnsoko shanga mɨnkolo yane. 27Anga inkolo nɨyija ʉlʉli lamʉdɨmi wao, nɨantʉ ane anɨngile nɨkʉtambʉla. nʉnene anɨngile, nɨenso akʉtula amanyisigwa ane. 28Ʉnene nɨipeza ʉpanga nʉwamahikʉ ɨhi nɨmagila mpelo, shanga akʉlimansɨɨla kwee hangɨ kʉtilɨ anga mʉntʉ wɨhi nʉhumile kʉaheja mʉmɨkono ane. 29Tata wane nʉmpee ɨantʉ awa ingɨ mʉkʉlʉ kʉkɨla ɨhi, hangɨ kʉtilɨ mʉntʉ nʉhumile kʉaheja mʉmɨkono ane. 30Ʉnene nʉ Tata wane kɨpalʉng’wɨ.”
31Naɨwatambʉla itɨ, papo Ayahudi ɨkahoeela hangɨ magwe amʉkʉe. 32Ingɨ Yesʉ wɨkaaɨla, “Nʉmʉlagɨɨe ilɨngasɨɨlyo idʉ kʉpuma kʉng’wa Tata. Kɨlɨngasɨɨlyo kɨgwa mʉizi nɨntendile nɨmʉtakile kʉnkʉa magwe?”
33Ayahudi ɨkamʉsʉkɨɨlya, “Shanga kʉʉkʉkʉa magwe kʉnsoko amakani nɨmaza nʉwitʉmile, ingɨ kʉnsoko akʉmʉtʉkɨla Itunda, kʉnsoko ʉewe wɨ mʉntʉ ʉdu ʉkitendisa kɨna wɨhangaa Itunda.”
34Yesʉ wɨkaasʉkɨɨlya, “Itɨɨ, shanga yɨandɨkilwene Mʉʉandɨkwa kɨna, ‘Ʉnene ntambʉe, ʉnyenye mɨmpyanigwe ni Itunda?’ 35Anga ɨze awo Itunda naɨapewe ʉlʉkani lakwe aɨʉitangile impyanigwe nʉng’wenso, itɨgwa Ʉandɨkwa wang’wi Itunda watai mahikʉ ɨhi. 36Itɨɨ, mʉhumileʉlɨ kʉlʉnga kɨna ʉkʉtʉkɨlana, ʉyo Tata nʉmʉpumilye kʉ mʉlɨmo wakwe, nʉkʉmʉtʉma mʉʉnkumbigʉlʉ, kʉnsoko nʉngile, Ʉnene nɨ Ng’wana wang’wi Itunda?” 37Anga ize shanga kitʉma mɨlɨmo ang’wa Tata, leki kʉnihʉɨɨli. 38Ingɨ angaitule nitʉmaa mɨlɨmo ang’wa Tata, nɨitɨga shanga mʉnihʉɨɨe, hʉɨɨligwa ɨmɨlɨmo nanso, mʉhume kʉlɨnga nʉkʉmanya kɨna ʉ Tata ʉkolɨ mʉng’wane, nʉnene nkolɨ mʉng’wakwe.”
39Ɨkagema hangɨ kʉmʉamba, Yesʉ wɨkaatiga mʉmɨkono.
40Yesʉ wɨkalongola hangɨ kitʉmbɨ la mongo nʉwa Yolidani, apo nʉ Yohana aɨʉbadisɨɨye ɨantʉ, wɨkishiɨ kʉko. 41Antʉ ɨdʉ ɨkamʉhanga ɨkalʉnga, “Yohana shanga aɨwitʉmile kɨlɨngasɨɨlyo kɨhi, “Ingɨ ayo ɨhi Yohana naɨʉtambʉe kʉ mʉntʉ ʉyʉ ingɨ tai lʉkʉlʉ.” 42Antʉ ɨdʉ kʉng’wanso ɨkamʉhʉɨɨla ʉ Yesʉ.
Currently Selected:
Yohana 10: IBV
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved
Yohana 10
10
Mpyani a mʉdɨmi
1“Yesʉ wɨkaaɨla, “Kʉmʉɨla ɨtai taai, mʉntʉ wɨhi nʉkingɨla mitando nɨla nkolo nɨshanga ʉkɨɨe mʉ mʉmpita, ingɨ waputɨɨla nʉkingɨɨla nzɨla ngɨza, nʉwanso ingɨ mii hangɨ mʉhegelania maintʉ. 2Ingɨ nʉʉkingɨɨla pa mʉmpita, nʉwanso yʉyo mʉdɨmi nʉwa nkolo. 3Mʉmboi nʉwa mʉmpita wɨmʉpandʉɨla, nkolo yija lʉli lakwe nʉyo wɨitanga nkolo yɨhi kʉmina nʉkʉikonkola. 4Anga waikonkole kʉnzi wɨitongeela, nkolo nɨnyenso yɨmʉtyata, kʉnsoko yilɨngile ʉlʉli lakwe. 5Ingɨ nkolo niyanso shanga yɨmʉtyata mʉgeni, yɨhumile kʉpaalʉka, kʉnsoko shanga yilɨngile lʉli lakwe.”
6Yesʉ aɨʉatambʉɨɨe mpyani nanso, ingɨ nɨanso shanga ɨkalɨnga naɨʉkʉatambʉɨla.
Yesʉ yʉyo mʉdɨmi nʉmʉza
7Kʉlʉlo, Yesʉ wɨkaaɨla hangɨ, “Kʉmʉɨla ɨtai kɨna, ʉnene nɨmʉmpita witando nɨla nkolo. 8Awo ɨhi naɨatongee ii hangɨ ahegelani, ninkolo shanga yʉkʉmʉlɨnga. 9Ʉnene nɨmʉmpita, mʉntʉ nʉkingɨla kʉkɨɨla nene ʉkʉgunɨka, ʉkingɨla nʉkʉpuma, nʉyo ʉkʉlija ʉlʉdɨmo. 10Ʉmii wɨza ingɨ kia nʉkʉbʉlaga nʉkʉgazanja. Ʉnene aɨnzile mʉhume kʉtula nʉ ʉpanga nʉwa kalɨ na kalɨ, hangɨ ʉpanga nʉʉkondannɨe.
11“Ʉnene ingɨ mʉdɨmi nʉmʉza. Mʉdɨmi nʉmʉza wɨhʉlya ʉpanga wakwe wagunɨlye nkolo yakwe. 12Mʉdɨma nkolo nʉwɨlɨpwa kʉnʉ nkolo shanga yakwe, anga wamɨone mbugi ɨpembilye, wɨileka nkolo nʉkʉhemʉla mɨlugu, ɨmbugi yɨibalansanya nkolo nʉkʉiamba. 13Mʉntʉ nʉwanso shanga ʉkee inkolo kʉnsoko nʉwanso ingɨ mʉnya mɨlɨmo ʉdu. 14Yesʉ wɨkaaɨla, ʉnene ingɨ nɨmʉdɨmi nʉmʉza. Niilɨngile inkolo yane, ninkolo yane inɨngile, 15anga ʉ Tata nʉnɨngile, nʉnene nɨnʉmʉlɨngile ʉ Tata. Ʉnene nihambile kʉsha kʉnsoko ankolo. 16Ʉnene nkete nkolo nzʉya nɨshanga yitando ɨlɨ, nizo ntakiwe niilete pankolɨ. Nizo yʉkija ʉlʉli lane, yʉkʉtula nidale lɨng’wɨ nʉmʉdɨmi ʉng’wɨ.
17Yesʉ wɨkalʉnga, “Nʉndoewe ʉ Tata wane, ingɨ kʉnsoko kʉʉpumya ʉpanga wane nɨhume kʉʉhola hangɨ. 18Kʉtilɨ anga mʉntʉ nʉʉkʉnihegelya ʉpanga wane, ʉnene nʉʉpumilye nakanda. Nkete ʉhumi nʉwa kʉʉpumya hangɨ nkete nʉʉhumi nʉwakʉʉhola hangɨ. Itɨ ʉʉgwa Tata aʉndagɨɨye nitʉme.”
19Ayahudi naɨija nkani izi niyang’wa Yesʉ ikatulilea ɨenso. 20Nɨang’wɨ ɨkalʉnga, “Ʉyʉ ʉkete hɨng’wɨ, hangi wahaile. Nɨkɨ mʉkʉmʉtegeelya?”
21Nɨang’wɨ ɨkalʉnga, “Nkani izi shanga yakʉtambʉla nʉmʉntʉ nʉkete ʉhɨng’wɨ. Itɨgwa, ʉhɨng’wɨ ʉhumilene kʉmʉkomya miho amʉpoku?”
Ayahudi akʉmʉhita ʉ Yesʉ
22Matungo nanso kʉ Yelusalemu aɨlɨkolɨ iloeelya kʉnsoko akelya hangi Nyʉmba ang’wi Itunda kʉnsoko ang’wi Itunda. Itungo nɨlanso aɨmpepo amalila. 23Yesʉ nʉyo aɨʉkʉgenda pa Nyʉmba ang’wi Itunda mʉkɨanda kang’wa Solomoni. 24Ayahudi ɨkamʉpilimɨlya, ɨkamʉkolya, “Ʉkʉʉɨka mʉkɨsɨgɨɨla nʉkikolya mʉnkolo yitʉ kʉpikɨɨla nalɨ? Angaɨze ʉewe wɨ Kilisito, kʉtambʉɨle kʉlɨnge.”
25Yesʉ wɨkaasʉkɨɨlya, “Nakondya kʉmʉɨla, ingɨ ʉnyenye shanga mʉhʉɨɨe. Mɨlɨmo nɨkitʉma kʉʉhumi wang’wa Tata wane yayo akʉntambʉɨlya. 26Ingɨ ʉnyenye shanga mʉnihʉɨɨe kʉnsoko shanga mɨnkolo yane. 27Anga inkolo nɨyija ʉlʉli lamʉdɨmi wao, nɨantʉ ane anɨngile nɨkʉtambʉla. nʉnene anɨngile, nɨenso akʉtula amanyisigwa ane. 28Ʉnene nɨipeza ʉpanga nʉwamahikʉ ɨhi nɨmagila mpelo, shanga akʉlimansɨɨla kwee hangɨ kʉtilɨ anga mʉntʉ wɨhi nʉhumile kʉaheja mʉmɨkono ane. 29Tata wane nʉmpee ɨantʉ awa ingɨ mʉkʉlʉ kʉkɨla ɨhi, hangɨ kʉtilɨ mʉntʉ nʉhumile kʉaheja mʉmɨkono ane. 30Ʉnene nʉ Tata wane kɨpalʉng’wɨ.”
31Naɨwatambʉla itɨ, papo Ayahudi ɨkahoeela hangɨ magwe amʉkʉe. 32Ingɨ Yesʉ wɨkaaɨla, “Nʉmʉlagɨɨe ilɨngasɨɨlyo idʉ kʉpuma kʉng’wa Tata. Kɨlɨngasɨɨlyo kɨgwa mʉizi nɨntendile nɨmʉtakile kʉnkʉa magwe?”
33Ayahudi ɨkamʉsʉkɨɨlya, “Shanga kʉʉkʉkʉa magwe kʉnsoko amakani nɨmaza nʉwitʉmile, ingɨ kʉnsoko akʉmʉtʉkɨla Itunda, kʉnsoko ʉewe wɨ mʉntʉ ʉdu ʉkitendisa kɨna wɨhangaa Itunda.”
34Yesʉ wɨkaasʉkɨɨlya, “Itɨɨ, shanga yɨandɨkilwene Mʉʉandɨkwa kɨna, ‘Ʉnene ntambʉe, ʉnyenye mɨmpyanigwe ni Itunda?’ 35Anga ɨze awo Itunda naɨapewe ʉlʉkani lakwe aɨʉitangile impyanigwe nʉng’wenso, itɨgwa Ʉandɨkwa wang’wi Itunda watai mahikʉ ɨhi. 36Itɨɨ, mʉhumileʉlɨ kʉlʉnga kɨna ʉkʉtʉkɨlana, ʉyo Tata nʉmʉpumilye kʉ mʉlɨmo wakwe, nʉkʉmʉtʉma mʉʉnkumbigʉlʉ, kʉnsoko nʉngile, Ʉnene nɨ Ng’wana wang’wi Itunda?” 37Anga ize shanga kitʉma mɨlɨmo ang’wa Tata, leki kʉnihʉɨɨli. 38Ingɨ angaitule nitʉmaa mɨlɨmo ang’wa Tata, nɨitɨga shanga mʉnihʉɨɨe, hʉɨɨligwa ɨmɨlɨmo nanso, mʉhume kʉlɨnga nʉkʉmanya kɨna ʉ Tata ʉkolɨ mʉng’wane, nʉnene nkolɨ mʉng’wakwe.”
39Ɨkagema hangɨ kʉmʉamba, Yesʉ wɨkaatiga mʉmɨkono.
40Yesʉ wɨkalongola hangɨ kitʉmbɨ la mongo nʉwa Yolidani, apo nʉ Yohana aɨʉbadisɨɨye ɨantʉ, wɨkishiɨ kʉko. 41Antʉ ɨdʉ ɨkamʉhanga ɨkalʉnga, “Yohana shanga aɨwitʉmile kɨlɨngasɨɨlyo kɨhi, “Ingɨ ayo ɨhi Yohana naɨʉtambʉe kʉ mʉntʉ ʉyʉ ingɨ tai lʉkʉlʉ.” 42Antʉ ɨdʉ kʉng’wanso ɨkamʉhʉɨɨla ʉ Yesʉ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved