ᐃᐱᓯᒥᐅᓄᑦ 1
1
ᐱᒋᐊᕈᑎᑦ
1 #
ᐋᐴᓯᑕᓖᑦ 18:19-21; 19:1. ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ; ᐃᑦᔪᕐᖕᓁᑎᑕᐅᓯᒪᔪᓄᑦ ᐃᐱᓲᓯᒥᐅᓄᑦ, ᐅᒃᐱᕐᖕᓂᖃᑦᓯᐊᖅᑐᓄᑦ ᔩᓱᓯ ᙭ᔅᑑᓯᒥ:
2ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᖕᓂᕐᖕᒥᓄᑦ ᐱᔪᓐᓇᖅᑎᑦᓯᓂᒥᓂᒃ ᓮᒻᒪᖅᑎᑦᓯᓂᕐᖕᒥᓂᒡᓗ ᑐᓂᓯᕕᒋᓕᓯ.
ᐊᓂᕐᖕᓂᒃᑯᑦ ᓮᒻᒪᖅᑎᑕᐅᓂᖅ ᙭ᔅᑑᓯᒥ
3ᓂᖅᑐᖅᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᖕᓂᒃᑯᑦ ᓮᒻᒪᖅᑎᑕᐅᔪᑕᐅᔪᓐᓇᖅᑐᓂ ᑕᒤᓐᓂᒃ ᐱᑎᓚᐅᖅᐹᑎᒍᑦ, ᕿᓚᖕᒥᐅᑍᑦ ᓇᔪᖅᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ. 4ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᖅᑎᓐᓇᒍ ᒎᑎᐅᑉ ᓂᕈᐊᓚᐅᖅᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᖕᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᖕᒥᒍᑦ. 5ᐃᓱᒪᑖᕇᖅᓯᒪᓚᐅᖅᐳᖅ ᐃᕐᖕᓂᖅᑖᕆᔪᒪᓪᓗᑕ ᔩᓱᓯ ᙭ᔅᑑᓯᒃᑯᑦ, ᑕᒪᓐᓇ ᑕᕝᕙ ᖁᕕᐊᒋᓪᓗᒍ ᐱᔪᒪᔭᕆᓚᐅᖅᑕᖓ. 6ᒎᑎ ᓂᖅᑐᓚᐅᕐᓚᕗᑦ ᓂᖅᑐᕐᖕᓇᕐᖕᓂᕐᔪᐊᒥᒍᑦ ᐱᑦᓯᐊᕐᖕᓂᖓᑕ ᐱᔪᓐᓇᖅᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᖕᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ. 7#ᑯᓘᓯ 1:14.ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᖕᒪᑎᒍᑦ, ᐊᔪᕐᖕᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᖕᓂᒥᒍᑦ ᐱᔪᓐᓇᖅᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ, 8ᑕᒪᑐᒥᖓ ᐊᖏᔪᕐᔪᐊᒥᒃ ᑐᓂᓯᕕᒋᓚᐅᕐᖕᒪᑎᒍᑦ ᓯᓚᑐᓂᕐᔪᐊᒥᒍᑦ ᖃᐅᔨᒪᓂᕐᔪᐊᒥᒍᓪᓗ. 9ᖃᐅᔨᑎᓚᐅᖅᐹᑎᒍᑦ ᓇᓗᓇᖅᑐᒥᒃ ᐃᓱᒪᒋᔭᒥᓂᒃ ᑍᒫᒃ ᖁᕕᐊᒋᔭᒥᒍᑦ ᐱᒋᐊᖅᑎᓚᐅᖅᑕᖓ ᙭ᔅᑑᓯᒃᑯᑦ. 10ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᖅᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᖕᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.
11ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᖅᑎᓪᓗᒍ ᓱᓇᓕᒫᓂᒃ ᐱᓇᓱᐊᖅᓯᒪᔫᑉ ᐱᔪᒪᔭᖓ ᒪᓕᒃᓗᒍ. 12ᑍᒤᒻᒪᑦ, ᐅᕙᒍᑦ ᓂᕆᐅᒋᔭᒃᓴᖃᖅᑳᖅᓯᒪᔪᒍᑦ ᙭ᔅᑑᓯᒥ ᑍᒤᑎᑕᐅᓯᒪᕗᒍᑦ ᑎᓕᔭᐅᓪᓗᑕ ᐃᓅᖁᓪᓗᑕ ᒎᑎᐅᑉ ᐱᓐᓇᕐᖕᓇᕐᖕᓂᕐᔪᐊᖓᑕ ᓂᖅᑐᖅᑕᐅᓂᒃᓴᖓᓄᑦ.
13ᑖᑦᓱᒨᓇ ᐃᓕᑦᓯᑦᑕᐅᖅ ᑍᒤᒃᑭᕗᓯ, ᓱᓕᔫᑉ ᐅᖃᐅᓯᐅᓂᖓᓂᒃ ᑐᓴᖅᓯᒪᔪᓯ, ᐅᖃᐅᓯᕐᖕᓄᑦ ᑐᓴᕈᒥᓇᖅᑐᓄᑦ ᐱᐅᓕᔭᐅᕕᒃᓴᖅᑖᑎᑕᐅᓯᒪᕗᓯ, ᑖᑦᓱᒧᖓᓗ ᐅᒃᐱᓕᕋᑦᓯ, ᑕᕝᕙ ᒎᑎᐅᑉ ᓇᓗᓁᒃᑯᓯᓚᐅᖅᐹᓯ ᐊᓂᕐᖕᓂᕐᖕᒥᒃ ᐃᑦᔪᕐᖕᓁᑦᑐᒥᒃ ᐊᖏᕈᑕᐅᓯᒪᔪᒥᒃ. 14ᑖᓐᓇ ᖁᓚᕐᖕᓇᖏᑦᑐᒥᒃ ᓇᓗᓁᒃᑯᑕᐅᕗᖅ ᑭᖑᕐᖑᑎᔭᒃᓴᑦᑎᓐᓂᒃ ᐱᑎᑕᐅᓂᐊᕐᓂᑦᑎᓐᓂᒃ ᐃᓄᖁᑎᑖᕆᔭᐅᓂᕐᖕᒥᒃ, ᑖᑦᓱᒪ ᐱᓐᓇᕐᖕᓇᕐᖕᓂᕐᔪᐊᖓ ᓂᖅᑐᖅᑕᐅᖁᓪᓗᒍ.
ᐸᐅᓗᓯᐅᑉ ᑐᒃᓯᐊᕐᖕᓂᖓ
15ᑕᒪᓐᓇ ᐱᑦᔪᑎᒋᓪᓗᒍ, ᑐᓴᖅᓯᒪᓂᓐᓂᑦ ᐅᒃᐱᕐᖕᓂᑦᓯᓐᓂᒃ ᐊᑕᓂᑦᑎᓐᓄᑦ ᔩᓱᓯᒧᑦ ᒎᑎᐅᓪᓗ ᐃᓄᖁᑎᖏᓐᓂᒃ ᓇᒡᓕᒍᓱᖕᓂᑦᓯᓐᓂᒃ, 16ᒎᑎᒧᑦ ᖁᔭᓕᑦᔪᑎᒌᓐᓇᓕᖅᐸᑦᓯ, ᑐᒃᓯᐊᓕᕌᖓᒪᓗ ᐃᖅᑲᐅᒪᖃᑦᑕᖅᐸᑦᓯ, 17ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᖕᓇᕐᖕᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᖅᐸᕋ, ᑐᓂᓯᕕᐅᖁᓪᓗᓯ ᐊᓂᕐᖕᓂᕐᖕᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ. 18ᐆᒻᒪᑎᓯᒍᑦ ᑕᑯᔪᓐᓇᖅᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ, 19ᐱᔪᓐᓇᕐᖕᓂᕐᔪᐊᖓᑕᓗ ᐱᓇᓱᐊᕐᖕᓂᖓᓂᒃ ᐅᕙᑦᑎᓐᓂ ᐅᒃᐱᖅᑐᓂ, ᐱᔪᓐᓇᕐᖕᓂᕐᔪᐊᒥᒍᑦ ᐱᓇᓱᐊᖅᓯᒪᓂᖓ ᑐᓐᖓᕕᒋᓪᓗᒍ. 20#ᐃᓐᖏᕈᑦ 110:1.ᑕᒪᓐᓇᓗ ᐱᔪᓐᓇᕐᖕᓂᕐᔪᐊᓂ ᐊᑐᕐᓗᓂᐅᒃ ᙭ᔅᑑᓯ ᒪᑭᑎᓚᐅᖅᐹ ᑐᖁᖓᔪᓂᑦ ᑕᓕᖅᐱᖕᒥᓂᓗ ᐃᖏᑎᓚᐅᖅᐹ ᕿᓚᖕᒥ. 21ᑕᕝᕙᓂ ᙭ᔅᑑᓯ ᐊᐅᓚᑦᓯᑎᑉᐹ ᕿᓚᖕᒥᐅᑦ ᐊᐅᓚᑦᓯᔨᖏᓐᓂᑦ ᑕᒤᓐᓂᑦ ᐊᔪᖏᓐᓂᖅᓴᕐᔪᐊᖑᑎᓪᓗᒍ, ᐱᔪᓐᓇᖅᑎᑕᐅᔪᓂᑦ, ᐱᔪᓐᓇᕐᖕᓂᕐᖕᓂᑦ, ᐊᑕᓂᐅᓂᓪᓗ; ᐊᖓᔪᖅᑲᐅᓂᖓᑕᓗ ᑍᔭᐅᑦᔪᑎᖓ ᐊᖏᓂᖅᐸᐅᕗᖅ ᓯᓚᕐᔪᐊᕐᖕᒥ ᐊᖓᔪᖅᑲᐅᕙᒃᑐᓕᒫᓂᑦ ᑕᒤᓐᓂᑦ, ᐱᔪᒫᖅᑐᒥᓗᑦᑕᐅᖅ. 22#ᐃᓐᖏᕈᑦ 8:6.#ᑯᓘᓯ 1:18.ᑕᒤᑕᕐᔪᐊᓪᓗ ᑖᑦᓱᒪ ᐃᑎᒐᖏᑕ ᐊᑖᓄᑦ ᐱᑎᓚᐅᖅᐰᑦ, ᑕᒤᓐᓄᓪᓗ ᓂᐊᖁᕆᔭᐅᑎᑉᐹ ᐅᒃᐱᖅᑑᖃᑎᒌᓄᑦ. 23ᐅᒃᐱᖅᑑᖃᑎᒌᑦ ᑎᒥᒋᖕᒪᒋᑦ, ᑖᑦᓱᒪᓗ ᐊᑕᖏᐅᒪᑦᓯᐊᕐᖕᓂᖓᑕ ᐃᓗᒻᒥᖅᑎᑉᐰᑦ ᑕᒪᕐᖕᒥᒃ ᓱᓇᓕᒫᑦ ᑕᒤᓐᓂ.
Currently Selected:
ᐃᐱᓯᒥᐅᓄᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.