ᐃᐱᓯᒥᐅᓄᑦ 1
1
ᐱᒋᐊᕈᑎᑦ
1 #
ᐋᐴᓯᑕᓖᑦ 18:19-21; 19:1. ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ; ᐃᑦᔪᕐᓁᑎᑕᐅᓯᒪᔪᓄᑦ ᐃᐱᓲᓯᒥᐅᓄᑦ, ᐅᒃᐱᕐᓂᖃᑦᓯᐊᕐᑐᓄᑦ ᔩᓱᓯ ᙭ᔅᑑᓯᒥ:
2ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᕐᒥᓄᑦ ᐱᔪᓐᓇᕐᑎᑦᓯᓂᒥᓂᒃ ᓮᒻᒪᕐᑎᑦᓯᓂᕐᒥᓂᒡᓗ ᑐᓂᓯᕕᒋᓕᓯ.
ᐊᓂᕐᓂᒃᑯᑦ ᓮᒻᒪᕐᑎᑕᐅᓂᖅ ᙭ᔅᑑᓯᒥ
3ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ. 4ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ. 5ᐃᓱᒪᑖᕇᕐᓯᒪᓚᐅᕐᐳᖅ ᐃᕐᓂᕐᑖᕆᔪᒪᓪᓗᑕ ᔩᓱᓯ ᙭ᔅᑑᓯᒃᑯᑦ, ᑕᒪᓐᓇ ᑕᕝᕙ ᖁᕕᐊᒋᓪᓗᒍ ᐱᔪᒪᔭᕆᓚᐅᕐᑕᖓ. 6ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ. 7#ᑯᓘᓯ 1:14.ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ, 8ᑕᒪᑐᒥᖓ ᐊᖏᔪᕐᔪᐊᒥᒃ ᑐᓂᓯᕕᒋᓚᐅᕐᒪᑎᒍᑦ ᓯᓚᑐᓂᕐᔪᐊᒥᒍᑦ ᖃᐅᔨᒪᓂᕐᔪᐊᒥᒍᓪᓗ. 9ᖃᐅᔨᑎᓚᐅᕐᐹᑎᒍᑦ ᓇᓗᓇᕐᑐᒥᒃ ᐃᓱᒪᒋᔭᒥᓂᒃ ᑍᒫᒃ ᖁᕕᐊᒋᔭᒥᒍᑦ ᐱᒋᐊᕐᑎᓚᐅᕐᑕᖓ ᙭ᔅᑑᓯᒃᑯᑦ. 10ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.
11ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ. 12ᑍᒤᒻᒪᑦ, ᐅᕙᒍᑦ ᓂᕆᐅᒋᔭᒃᓴᖃᖅᑳᕐᓯᒪᔪᒍᑦ ᙭ᔅᑑᓯᒥ ᑍᒤᑎᑕᐅᓯᒪᕗᒍᑦ ᑎᓕᔭᐅᓪᓗᑕ ᐃᓅᖁᓪᓗᑕ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᑕ ᓂᕐᑐᕐᑕᐅᓂᒃᓴᖓᓄᑦ.
13ᑖᑦᓱᒨᓇ ᐃᓕᑦᓯᑦᑕᐅᖅ ᑍᒤᒃᑭᕗᓯ, ᓱᓕᔫᑉ ᐅᖃᐅᓯᐅᓂᖓᓂᒃ ᑐᓴᕐᓯᒪᔪᓯ, ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐱᐅᓕᔭᐅᕕᒃᓴᕐᑖᑎᑕᐅᓯᒪᕗᓯ, ᑖᑦᓱᒧᖓᓗ ᐅᒃᐱᓕᕋᑦᓯ, ᑕᕝᕙ ᒎᑎᐅᑉ ᓇᓗᓁᒃᑯᓯᓚᐅᕐᐹᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐊᖏᕈᑕᐅᓯᒪᔪᒥᒃ. 14ᑖᓐᓇ ᖁᓚᕐᓇᖏᑦᑐᒥᒃ ᓇᓗᓁᒃᑯᑕᐅᕗᖅ ᑭᖑᕐᖑᑎᔭᒃᓴᑦᑎᓐᓂᒃ ᐱᑎᑕᐅᓂᐊᕐᓂᑦᑎᓐᓂᒃ ᐃᓄᖁᑎᑖᕆᔭᐅᓂᕐᒥᒃ, ᑖᑦᓱᒪ ᐱᓐᓇᕐᓇᕐᓂᕐᔪᐊᖓ ᓂᕐᑐᕐᑕᐅᖁᓪᓗᒍ.
ᐸᐅᓗᓯᐅᑉ ᑐᒃᓯᐊᕐᓂᖓ
15ᑕᒪᓐᓇ ᐱᑦᔪᑎᒋᓪᓗᒍ, ᑐᓴᕐᓯᒪᓂᓐᓂᑦ ᐅᒃᐱᕐᓂᑦᓯᓐᓂᒃ ᐊᑕᓂᑦᑎᓐᓄᑦ ᔩᓱᓯᒧᑦ ᒎᑎᐅᓪᓗ ᐃᓄᖁᑎᖏᓐᓂᒃ ᓇᒡᓕᒍᓱᖕᓂᑦᓯᓐᓂᒃ, 16ᒎᑎᒧᑦ ᖁᔭᓕᑦᔪᑎᒌᓐᓇᓕᕐᐸᑦᓯ, ᑐᒃᓯᐊᓕᕌᖓᒪᓗ ᐃᖅᑲᐅᒪᖃᑦᑕᕐᐸᑦᓯ, 17ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ. 18ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ, 19ᐱᔪᓐᓇᕐᓂᕐᔪᐊᖓᑕᓗ ᐱᓇᓱᐊᕐᓂᖓᓂᒃ ᐅᕙᑦᑎᓐᓂ ᐅᒃᐱᕐᑐᓂ, ᐱᔪᓐᓇᕐᓂᕐᔪᐊᒥᒍᑦ ᐱᓇᓱᐊᕐᓯᒪᓂᖓ ᑐᓐᖓᕕᒋᓪᓗᒍ. 20#ᐃᓐᖏᕈᑦ 110:1.ᑕᒪᓐᓇᓗ ᐱᔪᓐᓇᕐᓂᕐᔪᐊᓂ ᐊᑐᕐᓗᓂᐅᒃ ᙭ᔅᑑᓯ ᒪᑭᑎᓚᐅᕐᐹ ᑐᖁᖓᔪᓂᑦ ᑕᓕᕐᐱᖕᒥᓂᓗ ᐃᖏᑎᓚᐅᕐᐹ ᕿᓚᖕᒥ. 21ᑕᕝᕙᓂ ᙭ᔅᑑᓯ ᐊᐅᓚᑦᓯᑎᑉᐹ ᕿᓚᖕᒥᐅᑦ ᐊᐅᓚᑦᓯᔨᖏᓐᓂᑦ ᑕᒤᓐᓂᑦ ᐊᔪᖏᓐᓂᕐᓴᕐᔪᐊᖑᑎᓪᓗᒍ, ᐱᔪᓐᓇᕐᑎᑕᐅᔪᓂᑦ, ᐱᔪᓐᓇᕐᓂᕐᓂᑦ, ᐊᑕᓂᐅᓂᓪᓗ; ᐊᖓᔪᖅᑲᐅᓂᖓᑕᓗ ᑍᔭᐅᑦᔪᑎᖓ ᐊᖏᓂᕐᐸᐅᕗᖅ ᓯᓚᕐᔪᐊᕐᒥ ᐊᖓᔪᖅᑲᐅᕙᒃᑐᓕᒫᓂᑦ ᑕᒤᓐᓂᑦ, ᐱᔪᒫᕐᑐᒥᓗᑦᑕᐅᖅ. 22#ᐃᓐᖏᕈᑦ 8:6.#ᑯᓘᓯ 1:18.ᑕᒤᑕᕐᔪᐊᓪᓗ ᑖᑦᓱᒪ ᐃᑎᒐᖏᑕ ᐊᑖᓄᑦ ᐱᑎᓚᐅᕐᐰᑦ, ᑕᒤᓐᓄᓪᓗ ᓂᐊᖁᕆᔭᐅᑎᑉᐹ ᐅᒃᐱᕐᑑᖃᑎᒌᓄᑦ. 23ᐅᒃᐱᕐᑑᖃᑎᒌᑦ ᑎᒥᒋᖕᒪᒋᑦ, ᑖᑦᓱᒪᓗ ᐊᑕᖏᐅᒪᑦᓯᐊᕐᓂᖓᑕ ᐃᓗᒻᒥᕐᑎᑉᐰᑦ ᑕᒪᕐᒥᒃ ᓱᓇᓕᒫᑦ ᑕᒤᓐᓂ.
Currently Selected:
ᐃᐱᓯᒥᐅᓄᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
