ᕉᒪᒥᐅᓄᑦ 16

ᑕᕝᕙᐅᕗᑏᕐᓯᓃᑦ

1ᑕᑯᖅᑯᑎᑦᓯᐊᕐᑕᕋ ᐃᓕᑦᓯᓐᓄ ᑎᓕᕙᕋ ᓇᔭᕗᑦ ᐲᐱ, ᑕᓯᐅᕐᑎᐅᔪᖅ ᐅᒃᐱᕐᑑᖃᑎᒌᓂ ᑭᓐᑯᕆᐊᒥᐅᓂ. 2ᑖᓐᓇ ᐃᓚᓕᐅᕐᓯᐅᒃ ᐊᑕᓂᕐᒥ ᒎᑎᐅᑉ ᐃᓄᖁᑎᖏᑕ ᐱᐅᓯᖏᑎᑐᑦ, ᐃᑲᔪᕐᓗᒍᓗ ᐃᓕᑦᓯᓐᓂᑦ ᐃᑲᔪᕐᑕᐅᔭᕆᐊᖃᕐᐸᑦ, ᐃᓄᖕᓂᒃ ᐊᒥᓱᓂᒃ ᐃᑲᔪᕐᓯᒪᖕᒪᑦ ᐅᕙᓐᓂᒡᓗ ᐊᒡᓛᑦ.

3 # ᐋᐴᓯᑕᓖᑦ 18:2. ᑕᕝᕙᐅᕗᑏᕐᑎᑉᐹᒃᑲᒃ ᐳᕆᓯᓚ ᐊᑯᐃᓚᓗ, ᐱᓇᓱᐊᖃᑏᒃᑲᒃ ᙭ᔅᑑᓯ ᔩᓱᓯᒥ, 4ᑖᒃᑯᐊᒃ ᐃᓅᓯᕐᒥᖕᓂ ᑲᑉᐱᐊᓇᕐᑐᒃᑰᓚᐅᕐᒪᑎᒃ ᐅᕙᖓ ᐱᑦᔪᑎᒋᓪᓗᖓ, ᐅᕙᖓᑑᖏᑦᑐᖅ ᐅᒃᐱᕐᑑᖃᑎᒌᓪᓗᑦᑕᐅᖅ ᔫᑎᐅᖏᑦᑐᑦ ᑖᒃᑯᖕᓂᖓ ᖁᔭᓕᖃᑎᒌᒃᐳᒍᑦ; 5ᑕᕝᕙᐅᕗᑏᕐᑎᒃᑭᕙᒃᑲ ᐅᒃᐱᕐᑑᖃᑎᒌᑦ ᑖᒃᑯᐊ ᐃᒡᓗᖓᓐᓂ ᑲᑎᒪᕙᒃᑐᑦ.

ᑕᕝᕙᐅᕗᑏᕆᕙᕋ ᐃᓚᓐᓇᕆᔭᕋ ᐃᐰᓂᑕᔅ, ᑖᓐᓇ ᐂᓯᐊᒥᐅᓂᑦ ᓯᕗᓪᓕᕐᐹᖑᓪᓗᓂ ᙭ᔅᑑᓯᒧᑦ ᓵᒋᐊᓚᐅᕐᒪᑦ. 6ᑕᕝᕙᐅᕗᑏᕐᐸᕋ ᒥᐊᕆ, ᐱᓇᓱᐊᕐᓯᒪᔪᖅ ᐊᒃᓱᕈᕐᓗᓂ ᐃᓕᑦᓯᓐᓂ. 7ᑕᕝᕙᐅᕗᑏᕐᐸᕋ ᐋᓐᑐᕈᓁᑯᔅ ᔫᓂᐊᓗ, ᑖᒃᑯᐊᒃ ᑎᒥᒃᑯᑦ ᐃᓚᒋᔮᒃᑲᒃ ᑎᒍᔭᐅᓯᒪᖃᑎᒋᓚᐅᕐᑖᒃᑲᒡᓗ ᐊᑕᓂᕐᒥ; ᑖᒃᑯᐊᒃ ᐋᐴᓯᑕᓕᖕᓂᑦ ᐊᒃᓱᕈᖃᑕᐅᓂᕐᐹᖑᓯᒪᖕᒪᑎᒃ, ᙭ᔅᑑᓯᒧᓪᓗ ᓵᒋᐊᕐᓯᒪᓕᓚᐅᕐᒪᑎᒃ ᓵᒋᐊᓚᐅᕐᑎᓐᓇᖓ.

8ᑕᕝᕙᐅᕗᑏᕐᐸᕋ ᐊᒻᐸᓔᐊᑐᔅ, ᑖᓐᓇ ᐊᑕᓂᕐᒥ ᓇᒡᓕᒋᔭᕋ. 9ᑕᕝᕙᐅᕗᑏᕆᕙᕋ ᐅᕐᐹᓄᓯ, ᐱᓇᓱᐊᖃᑎᕗᑦ ᙭ᔅᑑᓯᒥ, ᐃᓚᓐᓈᕆᔭᕋᓗ ᓯᑕᑭᓯ. 10ᑕᕝᕙᐅᕗᑏᕆᕙᕋ ᐊᐱᓕᔅ, ᐆᒃᑐᕐᑕᐅᓯᒪᔪᖅ ᐊᒃᓱᕈᕐᑐᕐᓗ ᙭ᔅᑑᓯᒥ. ᑕᕝᕙᐅᕗᑏᕐᐸᒃᑲᓗ ᐊᕆᔅᑐᐴᓗᓯᐅᑉ ᐃᒡᓗᒥᐅᖃᑎᖏᑦ. 11ᑕᕝᕙᐅᕗᑏᕆᕙᕋ ᐃᕉᑎᐅᓂ ᑎᒥᒃᑯᑦ ᐃᓚᒋᔭᕋ, ᑕᕝᕙᐅᕗᑏᕐᐸᒃᑲᓗ ᓈᑭᓴᓯᐅᑉ ᐃᒡᓗᒥᐅᖃᑎᖏᑦ ᐊᑕᓂᕐᒥ ᐅᒃᐱᖃᑎᕗᑦ.

12ᑕᕝᕙᐅᕗᑏᕐᐸᒃᑲ ᑐᕅᐲᓇ ᑐᕅᐴᓴᓗ, ᑖᒃᑯᐊᒃ ᐊᕐᓈᒃ ᐱᓇᓱᐊᕐᑑᒃ ᐊᑕᓂᕐᒥ. ᓇᒡᓕᖕᓇᕐᑐᕐᓗ ᐳᕐᓯᓯ, ᑖᓐᓇᑦᑕᐅᖅ ᐊᕐᓇᐅᓪᓗᓂ ᐊᓱᕈᒻᒪᕆᒃᓯᒪᔪᖅ ᐊᑕᓂᕐᒥ. 13#ᒫᑯᓯ 15:21.ᑕᕝᕙᐅᕗᑏᕐᐸᕋ ᕉᕙᓯ, ᐊᑕᓂᐅᑉ ᓂᕈᐊᕐᓯᒪᔭᖓ, ᐊᓈᓇᖓᓗ, ᑖᑦᓱᒪ ᐃᕐᓂᕐᒥᑐᑦ ᐱᖃᑦᑕᓚᐅᕐᒪᖓ. 14ᑕᕝᕙᐅᕗᑏᕐᐸᒃᑲ ᐊᓯᓐᑯᕅᑕᓯ, ᐱᓕᒑᓐᓗ, ᕼᐊᕐᒥᓯ, ᐸᑐᕉᐸᓯ, ᕼᐊᕐᒪᓯᓗ, ᐅᒃᐱᕐᑑᖃᑎᒌᓕᒫᓪᓗ ᓇᔪᕐᑎᖏᑦ. 15ᑕᕝᕙᐅᕗᑎᕐᐸᕋ ᐱᓘᓗᒐᓯ, ᔫᓕᐊ, ᓂᕆᐊᓯ ᓇᔭᖓᓗ, ᐅᓔᒻᐸᓯᓗ ᒎᑎᐅᓪᓗ ᐃᓄᖁᑎᓕᒫᖏᑦ ᓇᔪᕐᑎᒋᔭᖏᑦ.

16ᑕᕝᕙᐅᕗᑏᖃᑎᒌᒋᑦᓯ ᐅᒃᐱᖃᑎᒌᖕᓂᕐᒥ ᑯᓂᒡᓗᓯ ᐃᑦᔪᕐᓁᑦᑐᒧᑦ. ᙭ᔅᑑᓯᐅᑉ ᐅᒃᐱᕐᑐᖁᑎᓕᒫᖏᑦ ᑕᕝᕙᐅᕗᑏᕐᐳᑦ ᐃᓕᑦᓯᓐᓂᒃ.

ᑭᖑᓪᓕᕐᐹᒥᒃ ᐅᖃᐅᓯᒃᓮᑦ

17ᐃᓅᖃᑎᒃᑲ ᐃᓇᑉᐸᑦᓯ, ᐅᑦᔨᕐᑐᑦᓯᐊᕐᓯᐅᒃ ᐃᓅᖃᑎᒌᖕᓂᕐᒥᒃ ᐊᕕᑎᑦᓯᕙᒃᑐᑦ, ᐅᒃᐱᕐᓂᑦᓯ ᑐᓐᖓᕕᒋᔭᖏᓐᓂᒃ ᓯᖁᑎᕆᓇᓱᒃᑏᑦ, ᐱᓇᓱᐊᕐᑐᓪᓗ ᐊᔪᕆᕐᑐᕐᑕᐅᑦᔪᑎᒋᓚᐅᕐᑕᑦᓯ ᐊᓯᐊᒎᕐᑐᓂᒃ; ᑖᒃᑯᐊ ᐃᓚᒋᓂᐊᕋᓯᒋᒃ. 18ᑍᒤᑦᑐᑦ ᐊᑕᓂᑦᑎᓐᓂᒃ ᙭ᔅᑑᓯᒥᒃ ᑭᒡᒐᕐᑐᖏᒻᒪᑕ, ᓈᒻᒪᒃᓯᑎᑦᓯᓇᓱᑐᐃᓐᓇᕐᒪᑕ ᐱᔪᒪᓂᕐᒥᖕᓂᒃ ᐱᑦᔪᑎᑐᐊᖃᕐᓗᑎᒃ, ᐅᖃᐅᓯᕐᒥᖕᓄᑦ ᐅᖃᓪᓚᒃᑲᐅᓂᕐᒥᖕᓄᓪᓗ ᓯᓔᕐᕆᒃᓯᕙᒃᐳᑦ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ. 19ᓇᑭᑐᐃᓐᓇᕐᓕ ᑐᓴᐅᒪᔭᐅᕗᓯ ᓈᓚᑦᓯᐊᕐᓂᕋᕐᑕᐅᑎᓪᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᑍᒤᒻᒪᑦ ᐊᖏᔪᒥᒃ ᖁᕕᐊᓲᑎᒋᕙᑦᓯ, ᓯᓚᑐᔫᖁᕙᑦᓯᓕ ᐱᐅᔪᒧᑦ ᐸᓯᔭᒃᓴᐅᖁᓇᓯᓗ ᐱᐅᖏᑦᑐᒧᑦ. 20ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ.

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

21 # ᐋᐴᓯᑕᓖᑦ 16:1. ᑎᒧᑎᐅᑉ, ᐱᓇᓱᐊᖃᑎᒪ ᑕᕝᕙᐅᕗᑏᕐᐹᓯ; ᓗᓯᐅᓯᐅᓪᓗ, ᔧᓴᐅᓪᓗ ᓱᓯᐹᑕᕆᐅᓪᓗ, ᑎᒥᒃᑯᑦ ᐃᓚᒋᔭᒪ.

22ᐅᕙᖓ ᑑᕐᑎᐅᓯ, ᐅᑯᓂᖓ ᑎᑎᕋᕐᑐᖓ, ᑕᕝᕙᐅᕗᑏᕐᐸᑦᓯ ᐊᑕᓂᕐᒥ.

23 # ᐋᐴᓯᑕᓖᑦ 19:29; 1 ᑯᕆᓐᑎ 1:14; 2 ᑎᒧᑎ 4:20. ᒊᐊᓯᐅᑉ ᑐᔪᕐᒥᕕᖕᒪ, ᐅᒃᐱᕐᑑᖃᑎᒌᓪᓗ ᑲᑎᒪᕕᒋᕙᒃᑕᖓᑦᑕ, ᑕᕝᕙᐅᕗᑏᕐᐸᓯ. ᐃᕌᔅᑕᓯᐅᑉ, ᓄᓇᓕᒡᔪᐊᓂ ᑮᓇᐅᔭᓕᕆᔨᐅᔫᑉ, ᐅᒃᐱᕐᑑᖃᑎᑦᑕᓗ ᑯᐊᕐᑕᓯᐅᑉ ᑕᕝᕙᐅᕗᑏᕐᐹᓯ.

[ 24ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ ᑕᒪᑦᓯ. ᐋᒥᓐ.]#16:24 ᐃᑦᔪᔪᑐᖃᐃᑦ ᐃᓚᖏᓐᓂ ᐱᑕᖃᖏᓪᓗᓂ ᐃᓚᖏᓐᓂ ᐃᓕᔭᐅᓯᒪᓪᓗᓂ

ᑭᖑᓪᓕᕐᐹᖅ ᓂᕐᑐᐃᓂᖅ ᑐᒃᓯᐊᕐᓂᕐᓗ

25ᐃᓕᑦᓯᓐᓂᒡᓕ ᓲᖑᑎᑦᓯᔪᓐᓇᕐᑐᖅ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐅᖃᐅᓯᕆᔭᓐᓄᑦ, ᔩᓱᓯ ᙭ᔅᑑᓯᒥᒡᓗ ᐅᖃᐅᓯᖃᕐᓂᓐᓄᑦ, ᓇᓗᓇᕐᑑᑉ ᓇᓗᓇᕈᓐᓃᕐᑎᑕᐅᓂᖓᓄᑦ ᐊᕐᕌᒍᒐᓴᖕᓂ ᐊᓂᒍᕐᑐᓂ ᐃᔨᑦᓯᒪᓚᐅᕐᑐᓂᒃ, 26ᒫᓐᓇᓕ ᓇᓗᓇᕈᓐᓃᕐᑎᑕᐅᖕᒪᑕ ᓇᓚᐅᑦᑍᔪᑦ ᑎᑎᖅᑲᖏᓐᓄᑦ ᐃᓅᖃᑎᒌᒡᔪᐊᓄᑦ, ᒎᑎᐅᑉ ᐃᓱᖃᖏᑦᑑᑉ ᐱᖁᔨᓂᖓᓄᑦ, ᐅᒃᐱᕐᑐᑦ ᓈᓚᒍᓐᓇᕐᓯᖁᓪᓗᒋᑦ ᑖᑦᓱᒥᖓ.

27ᑖᓐᓇ ᓯᓚᑐᔪᑑᔪᖅ ᒎᑎ, ᓂᕐᑐᕐᑕᐅᓕ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ! ᐋᒥᓐ.

Currently Selected:

ᕉᒪᒥᐅᓄᑦ 16: EAIB

Highlight

Copy

Compare