ᑯᕆᓐᑎᐊᒥᐅᓄᑦ ᓯᕗᓪᓖᑦ 1

ᐱᒋᐊᕈᑎᖏᑦ

1ᐸᐅᓗᓯᒥᑦ, ᕾᖁᔭᐅᓯᒪᔪᒥᑦ ᐋᐴᓯᑕᓕᐅᖁᓪᓗᒍ ᙭ᔅᑑᓯ ᔩᓱᓯᒧᑦ, ᒎᑎᐅᑉ ᐱᖁᔨᓂᖓᒍᑦ, ᐅᒃᐱᕐᑑᖃᑎᑦᑎᓐᓂᓪᓗ ᓲᔅᑎᓃᓯᒥᑦ.

2 # ᐋᐴᓯᑕᓖᑦ 18:1. ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᐃᑦᔪᕐᓁᑎᑕᐅᓯᒪᔪᓄᑦ ᔩᓱᓯ ᙭ᔅᑑᓯᒃᑯᑦ, ᐃᑦᔪᕐᓁᑎᑕᐅᖁᓪᓗᒋᑦ ᕾᖁᔭᐅᓯᒪᔪᓕᒫᓄᑦ ᑐᒃᓯᐊᕐᐸᒃᑐᓄᓪᓗ ᐊᑕᓂᐅᑉ ᔩᓱᓯ ᙭ᔅᑑᓯᐅᑉ ᐊᑎᖓᓄᑦ, ᐊᑕᓂᕆᔭᒥᖕᓄᑦ ᐊᑕᓂᕆᔭᑦᑎᓐᓄᓪᓗ.

3ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᓮᒻᒪᕐᑎᑦᓯᓂᕐᒥᓄᓪᓗ ᒎᑎᐅᑉ ᐊᑖᑕᑦᑕ ᐊᑕᓂᐅᓪᓗ ᔩᓱᓯ ᙭ᔅᑑᓯᐅᑉ ᐃᓚᒋᓕᓯ.

ᓮᒻᒪᕐᑎᑕᐅᓂᖅ ᙭ᔅᑑᓯᒥ

4ᑍᒪᓐᖓᓕᒫᖅ ᒎᑎ ᖁᔭᒋᕙᒃᐸᕋ ᐱᑦᔪᑎᒋᓪᓗᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑐᓂᔭᐅᓚᐅᕐᒪᑦ ᙭ᔅᑑᓯ ᔩᓱᓯᒃᑯᑦ. 5ᑖᑦᓱᒨᓇ ᐊᔪᕐᓴᓐᖏᑎᑕᐅᒐᑦᓯ ᖃᓄᓕᒫᖅ ᐅᖃᓪᓚᖕᓂᑦᓯᒍᑦ ᖃᐅᔨᒪᓂᑦᓯᒍᓪᓗ. 6᙭ᔅᑑᓯᒥᒃ ᐊᔪᕆᕐᑐᐃᑦᔪᑕᐅᓯᒪᔪᑦ ᐃᓕᑦᓯᓐᓄᑦ ᑐᓐᖓᕕᖃᑦᓯᐊᓕᕐᒪᑕ ᐃᓕᑦᓯᓐᓂ. 7ᑍᒤᒻᒪᑦ ᐅᒃᐱᕐᓂᒃᑯᑦ ᑐᓂᕐᕈᓯᐊᖃᕐᓂᕐᒥᒃ ᖃᓄᓕᒫᖅ ᐊᔪᕐᓴᓐᖏᓚᓯ, ᕿᓚᓈᕐᓗᓯᓗ ᐅᑕᖅᑭᓪᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᑦᓱᒫᕐᓂᖓᓂᒃ. 8ᑖᑦᓱᒪ ᓱᖁᓯᔪᐃᑎᓐᓂᐊᕐᐹᓯ ᓯᓚᕐᔫᑉ ᐃᓱᐊᓄᑦ, ᐸᓯᔭᒃᓴᐅᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐅᓪᓗᖓᓂ. 9ᒎᑎ ᓱᖁᓯᔪᐃᑦᑑᖕᒪᑦ, ᕾᖁᔨᓯᒪᔪᖅ ᐃᓕᑦᓯᓐᓂᒃ ᐃᓅᖃᑎᖃᖁᔨᓪᓗᓂ ᐃᕐᓂᖓᓂᒃ, ᔩᓱᓯ ᙭ᔅᑑᓯᒥᒃ ᐊᑕᓂᕐᒥᒃ.

ᐅᒃᐱᕐᑑᖃᑎᒌᑦ ᐊᕕᒃᓯᒪᓂᖏᑦ

10ᐱᖁᒻᒪᕆᒃᐸᑦᓯ ᐃᓅᖃᑎᒃᑲ, ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᐊᖏᖃᑎᒌᑦᓯᐊᖁᓪᓗᓯ ᐅᖃᐅᓯᑦᓯᒍᑦ ᐃᓕᑦᓯᓐᓄᓪᓗ ᐊᕕᓯᒪᖁᓇᓯ, ᑲᑎᓐᖓᑦᓯᐊᕐᓗᓯᓕ ᐊᑕᐅᓯᐅᖁᓪᓗᓯ ᐃᓱᒪᑦᓯᒍᑦ ᐱᓂᐊᕐᓂᑦᓯᒍᓪᓗ. 11ᑯᓗᐃᒃᑯᑦ ᐃᒡᓗᒥᐅᖃᑎᖏᓐᓂᑦ ᑐᓴᕐᑎᑕᐅᓚᐅᕋᒪ, ᐃᓚᒃᑳ, ᐂᕙᖃᑦᑕᕐᓂᑦᓯᓐᓂᒃ. 12#ᐋᐴᓯᑕᓖᑦ 18:24.ᐃᒫᒃ ᓇᓗᓁᕐᓯᓚᐅᕐᓚᖓ ᐃᓚᓯ ᐃᓚᖓᑦ ᐅᖃᕐᐳᖅ, “ᐸᐅᓗᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “ᐊᐴᓗᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “ᓰᐸᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “᙭ᔅᑑᓯᒧᑦ ᒪᓕᒃᑎᐅᕗᖓ.” 13᙭ᔅᑑᓯ ᐊᒡᒍᕐᓯᒪᕚ? ᐸᐅᓗᓯ ᓴᓐᓂᖓᔪᓕᖕᒧᑦ ᐱᓪᓗᓯ ᑭᑭᐊᒃᑐᕐᑕᐅᓚᐅᕐᐹ? ᐅᕝᕙᓗ ᐸᐅᓗᓯᒧᑦ ᐃᓕᓐᓂᐊᕐᑎᐅᖁᓪᓗᓯ ᐹᑉᑎᑕᐅᓚᐅᕐᐱᓰ?

14 # ᐋᐴᓯᑕᓖᑦ 18:8; ᐋᐴᓯᑕᓖᑦ 19:29; ᕉᒪᒥᐅᓄᑦ 16:23. ᒎᑎ ᖁᔭᒋᕙᕋ ᓇᓕᑦᓯᓐᓂᒃ ᐹᑉᑎᑦᓯᓚᐅᖏᓐᓇᒪ ᑯᕆᔅᐸᓯᐅᑉ ᒊᐊᓯᐅᓪᓗ ᐊᓯᖏᓐᓂᒃ, 15ᓇᓕᕐᓯ ᐅᖃᕈᓐᓇᖁᓇᒍ ᐅᕙᓐᖓ ᐊᑎᖓᓂ ᐹᑉᑎᑕᐅᓯᒪᓂᕋᕐᓗᓂ. 16#1 ᑯᕆᓐᑎ 16:15.(ᐃᓛᒃ, ᐹᑉᑎᑦᓯᓚᐅᕆᕗᖓ ᓯᑎᐹᓇᓯᒥᒃ ᐃᒡᓗᒥᐅᖃᑎᖏᓐᓂᒡᓗ. ᐊᓯᖏᓐᓂᒡᓕ, ᐹᑉᑎᑦᓯᓚᐅᕐᒪᖔᕐᒪ ᐃᖅᑲᐅᒪᓐᖏᓚᖓ.) 17᙭ᔅᑑᓯᐅᑉ ᑎᓕᓚᐅᖏᒻᒪᖓ ᐹᑉᑎᓯᔭᕐᑐᖁᓗᖓ ᐅᖃᐅᓰᓪᓕ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑕᐅᖁᓪᓗᒋᑦ ᑎᓕᔭᐅᓯᒪᕗᖓ, ᐃᓄᐃᑦ ᓯᓚᑐᓂᖓ ᒪᓕᒡᓗᒍ ᐊᔪᕆᕐᑐᐃᖁᓇᖓ, ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓚᐅᕐᓂᖓᑕ ᐱᔪᓐᓇᕐᓂᖓ ᓴᓐᖐᓕᑎᑕᐅᖁᓇᒍ.

᙭ᔅᑑᓯ ᐱᔪᓐᓇᕐᓂᐅᕗᖅ ᓯᓚᑐᓂᐅᓪᓗᓂᓗ ᒎᑎᒥᑦ ᐱᔪᖅ

18᙭ᔅᑑᓯᐅᑉ ᓴᓐᓂᖓᔪᓕᖕᒥ ᑭᑭᐊᒃᑐᕐᑕᐅᓂᖓᑕ ᐊᔪᕆᕐᑑᑕᐅᓂᖓ ᓯᓔᑦᑑᕗᖅ ᐊᓯᐅᔪᒪᕐᑐᓄᑦ; ᐅᕙᑦᑎᓐᓄᓪᓕ ᐱᐅᓕᔭᓯᒪᔪᓄᑦ ᐱᔪᓐᓇᕐᓂᐅᕗᖅ ᒎᑎᒥ. 19#ᐂᓮᐊᓯ 29:14.ᐊᒡᓚᖕᓂ ᑎᑎᕋᕐᓯᒪᖕᒪᑦ,

“ᓯᓚᑐᔪᑦ ᓯᓚᑐᓂᖓᑦ ᐊᓯᕈᕐᓂᐊᕐᐸᕋ,

ᐃᓕᓯᒪᔪᓪᓗ ᑐᑭᓯᓯᒪᓂᖓᑦ ᐊᑐᕈᓐᓃᕐᑎᓐᓂᐊᕐᐸᕋ.”

20 # ᔫᐱ 12:17; ᐂᓮᐊᓯ 19:12; 33:18; ᐂᓮᐊᓯ 44:25. ᓇᐅᒡᓕ ᓯᓚᑐᔪᑦ? ᓇᐅᒡᓕ ᐊᒡᓚᓂᒃ ᐃᓕᓯᒪᔪᑦ? ᓇᐅᒃᓕ ᐅᓪᓗᒥ ᐃᓅᔪᓂᒃ ᖃᐅᔨᒪᓇᓱᐊᕐᑎ? ᒎᑎᐅᓪᓕ ᓯᓚᕐᔪᐊᕐᒥᐅᑦ ᓯᓚᑐᓂᖏᑦ ᓯᓔᓐᓂᓐᖑᕐᑎᓚᐅᓐᖏᓔᑦ?

21ᒎᑎᐅᑉ ᓯᓚᑐᓂᕐᒥᓄᑦ ᓯᓚᕐᔪᐊᕐᒥᐅᑦ ᓇᖕᒥᓂᖅ ᓯᓚᑐᓂᕐᒥᒃᑎᒍᑦ ᑐᑭᓯᔪᓐᓇᕐᑎᓐᖏᓔᑦ ᒎᑎᒥᒃ. ᒎᑎᓕ ᐊᑲᐅᒃᓴᕐᐳᖅ ᑖᒃᑯᐊ ᓯᓔᓐᓇᓱᒋᔭᖏᑎᒍᑦ ᐅᖃᐅᓯᕆᔭᑦᑎᒍᑦ ᐅᒃᐱᕈᓱᒃᑐᑦ ᐱᐅᓕᔪᒪᓪᓗᒋᑦ. 22ᔫᑎᑦ ᑲᒪᓇᕐᑐᓂᒃ ᑕᑯᔪᒪᕗᑦ ᒍᕇᑭᓪᓗ ᓯᓚᑐᓂᕐᒥᒃ ᕿᓂᕐᓗᑎᒃ, 23ᐅᕙᒍᓪᓕ ᐊᔪᕆᕐᑐᐃᑦᔪᑎᖃᕐᐳᒍᑦ ᙭ᔅᑑᓯᒥᒃ ᑭᑭᐊᒃᑐᕐᑕᐅᓚᐅᕐᑐᒥᒃ, ᔫᑎᓄᑦ ᐅᒃᐱᕈᒪᖏᑦᔪᑕᐅᔪᒥᒃ, ᔫᑎᐅᖏᑦᑐᓄᓪᓗ ᓯᓔᓐᓂᐅᓇᓱᒋᔭᐅᓪᓗᓂ; 24ᒎᑎᐅᓪᓕ ᕾᖁᓯᒪᔭᖏᓐᓄᑦ, ᑕᒤᓐᓄᑦ ᔫᑎᓄᑦ ᒍᕇᑭᓄᓪᓗ, ᙭ᔅᑑᓯ ᒎᑎᒧᑦ ᐱᔪᓐᓇᕐᓂᐅᕗᖅ ᓯᓚᑐᓂᐅᓪᓗᓂᓗ ᒎᑎᒧᑦ. 25ᒎᑎᐅᑉ ᓯᓔᑦᑑᔮᕐᓂᖓ ᓯᓚᑐᓂᕐᓴᐅᖕᒪᑦ ᐃᓄᖕᓂᑦ, ᒎᑎᐅᓪᓗ ᓴᓐᖐᑦᑑᔮᕐᓂᖓ ᓴᓐᖏᓂᕐᓴᐅᓪᓗᓂ ᐃᓄᖕᓂᑦ.

26ᐃᓅᖃᑎᒃᑲ, ᐃᖅᑲᐅᒪᓕᕆᑦᓯ ᖃᓄᐃᑦᑐᓚᐅᕐᒪᖔᑦᓯ ᒎᑎᒧᑦ ᕾᖁᔭᐅᑎᓪᓗᓯ. ᐃᓚᖏᑦ ᐃᓄᐃᑦ ᐃᓕᖅᑯᓯᖓ ᒪᓕᒡᓗᒍ ᓯᓚᑐᔫᓚᐅᕐᐳᑉ, ᐃᓛᖏᓪᓗ ᐱᓪᓚᕆᐅᓚᐅᕐᐳᑦ, ᐃᓛᓯᒍᓪᓗ ᐃᕐᓂᐊᖑᓯᒪᓚᐅᕐᐳᑦ ᐊᖓᔪᖅᑳᑎᒍᑦ. 27ᒎᑎᓕ ᓂᕈᐊᓚᐅᕐᐳᖅ ᓯᓚᕐᔪᐊᕐᒥᐅᓄᑦ ᓯᓔᓐᓇᓱᒋᔭᐅᔪᑦ ᐊᑐᕐᓗᒋᑦ ᓯᓚᑐᔪᑦ ᑲᓐᖑᓱᒃᑎᑦᓱᒪᓪᓗᒋᑦ, ᓯᓚᕐᔪᐊᕐᒥᐅᓂᓪᓗ ᓴᓐᖐᓐᓇᓱᒋᔭᐅᔪᓂᒃ ᒎᑎ ᓂᕈᐊᓚᐅᕐᐳᖅ ᓯᓚᕐᔪᐊᕐᒥ ᓴᓐᖏᔪᑦ ᑲᓐᖑᓱᒃᑎᑦᓱᒪᓪᓗᒋᑦ. 28ᓯᓚᕐᔪᐊᕐᒥᐅᓄᑦ ᒥᑭᓐᓂᕐᐸᐅᓇᓱᒋᔭᐅᔪᑦ ᓱᓇᑐᐃᓐᓁᑦ ᓇᕐᕈᓇᕐᑐᓪᓗ ᓱᓇᐅᖏᑦᑐᓪᓗ ᓂᕈᐊᕆᓚᐅᕐᐰᑦ, ᓯᓚᕐᔪᐊᕐᒥᐅᓄᑦ ᐊᑐᕐᓇᕐᑑᓇᓱᒋᔭᐅᔪᑦ ᓱᓇᐅᔪᓐᓃᖁᓪᓗᒋᑦ. 29ᓇᓪᓕᐊᑦ ᑖᑦᓱᒪ ᓵᖓᓂ ᐃᒻᒥᓂᒃ ᓂᕐᑐᕈᑎᒃᓴᖃᖁᓇᒍ. 30ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ; 31#ᔨᕆᒤᐊ 9:24.ᑍᒤᒻᒪᑦ, ᐊᒡᓚᖕᓂ ᑎᑎᕋᕐᓯᒪᕗᖅ, “ᐃᒻᒥᓂᒃ ᓂᕐᑑᑎᔪᒪᔫᑉ ᐊᑕᓂᖅ ᓂᕐᑐᕈᑎᒋᓕᐅᒃ.”

Currently Selected:

ᑯᕆᓐᑎᐊᒥᐅᓄᑦ ᓯᕗᓪᓖᑦ 1: EAIB

Highlight

Copy

Compare