ᕉᒪᒥᐅᓄᑦ 14

ᐅᒃᐱᕐᑑᖃᑎᖕᓂᕐ ᓴᐱᓕᕐᑎᑦᓯᓂᐊᕐᓇᒃ

1 # ᑯᓘᓯ 2:16. ᐅᒃᐱᕐᓂᕐᒥ ᓴᓐᖐᑦᑐᖅ ᑐᓐᖓᓱᒃᑎᓯᐅᒃ, ᐃᖅᑲᕐᑐᖏᓪᓗᒍ ᐂᕙᖃᑎᒋᓇᓱᐊᕐᓇᒍᓗ ᐃᓱᒪᒋᔭᖏᓐᓂᒃ. 2ᐅᒃᐱᕐᑐᖅ ᓱᓇᑐᐃᓐᓇᕐᒥᒃ ᓂᕆᔪᓐᓇᕋᓗᐊᕐᐳᖅ, ᐅᒃᐱᕐᓂᕐᒥᓕ ᓴᓐᖐᑦᑐᖅ ᐱᕈᕐᑐᕕᓂᕐᓂᒃ ᑭᓯᐊᓂ ᓂᕆᕗᖅ. 3ᓱᓇᑐᐃᓐᓇᕐᓂᒃ ᓂᕆᕙᒃᑑᑉ ᑖᓐᓇ ᑍᒤᖏᑦᑐᖅ ᓇᕐᕈᒋᑦᑍᓕᓕᐅᒃ, ᓱᓇᑐᐃᓐᓇᕐᓂᒃ ᓂᕆᕙᖏᑦᑑᑉ ᑕᒤᓐᓂᒃ ᓂᕆᕙᒃᑐᖅ ᐃᖅᑲᕐᑐᒐᒃᓴᕆᓐᖏᓛ; ᒎᑎᐅᑉ ᑐᓐᖓᓱᒃᑎᓯᒪᖕᒪᒍ. 4ᖃᓄᐃᑦᑑᒐᕕᓪᓕ ᐃᖅᑲᕐᑐᐃᔪᓐᓇᕐᐲᑦ ᐊᓯᕕᑦ ᐱᔨᖓᓂᒃ? ᐱᔨ ᐊᖓᔪᖅᑳᒥᓄᑦ ᒪᑭᑕᑎᑕᐅᖕᒪᑦ ᐱᔪᓐᓁᓕᑎᑕᐅᔪᓐᓇᕐᓗᓂᓘᓐᓃᑦ. ᑖᓐᓇ ᒪᑭᑕᓂᐊᕐᐳᖅ, ᐊᑕᓂᐅᑉ ᐱᔪᓐᓇᕐᑎᒻᒪᒍ.

5ᐃᓅᑉ ᐃᓚᖓᑦᑕ ᐅᓪᓗᐃᑦ ᐃᓚᖏᑦ ᐱᓪᓚᕆᐅᓂᕐᓴᐅᓇᓱᒋᕔᑦ ᐊᓯᖏᓐᓂᑦ; ᐊᓯᐊᑕ ᐅᓪᓗᐃᑦ ᐊᑦᔨᒌᒐᓱᒋᕔᑦ. ᑕᒪᕐᒥᒡᓕ ᐊᑐᓂᑦ ᖁᓚᖏᑦᓯᐊᕐᓗᑎᒃ ᐃᓱᒪᒥᒍᑦ ᑐᓐᖓᕕᖃᕐᑐᒃᓴᐅᕗᑦ. 6ᐅᓪᓗᒥᒃ ᓇᓪᓕᐊᓐᓂᒃ ᐱᓪᓚᕆᐅᓂᕐᓴᐅᓇᓱᒋᒃᓯᕐᑐᖅ, ᐊᑕᓂᖅ ᐅᐱᒋᓗᒍ ᑍᒤᑦᑐᒃᓴᐅᕗᖅ. ᓂᕆᔪᖅ, ᐊᑕᓂᖅ ᐅᐱᒋᓗᒍ ᓂᕆᔪᒃᓴᐅᕗᖅ, ᒎᑎᒧᑦ ᖁᔭᓕᑦᔪᑎᒋᖕᒪᒋᑦ; ᓂᕆᖏᑦᑐᕐᓗ, ᐊᑕᓂᖅ ᐅᐱᒋᓗᒍ ᓂᕆᔪᒃᓴᐅᓐᖏᓚᖅ ᒎᑎᒧᓪᓗ ᖁᔭᓕᓗᓂ. 7ᑕᒪᑦᑕ ᐃᓅᖏᓐᓇᑦᑕ ᓇᖕᒥᓂᑦᑎᓐᓄᑦ, ᑕᒪᑦᑕᑦᑕᐅᖅ ᓇᖕᒥᓂᖅ ᐱᑦᔪᑎᒋᓗᑕ ᑐᖁᓂᐊᖏᓐᓂᕗᒍᑦ. 8ᐃᓅᒍᑦᑕ, ᐊᑕᓂᕐᒧᑦ ᐃᓅᕗᒍᑦ, ᑐᖁᒍᑦᑕᓗ, ᐊᑕᓂᕐᒧᑦ ᑐᖁᕗᒍᑦ; ᑍᒤᒻᒪᑦ ᐃᓅᒍᑦᑕᓘᓐᓃᑦ ᑐᖁᒍᑦᑕᓘᓐᓃᑦ, ᐊᑕᓂᐅᑉ ᐱᒋᕚᑎᒍᑦ. 9ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᑐᖁᓚᐅᕐᐳᖅ ᒪᑭᓪᓗᓂᓗ, ᐊᑕᓂᐅᖁᓪᓗᒍ ᐃᓅᔪᓄᑦ ᑐᖁᖓᔪᓄᓪᓗ. 10#2 ᑯᕆᓐᑎ 5:10.ᓱᖕᒪᑦ ᐅᒃᐱᕐᑑᖃᑏᑦ ᐃᖅᑲᕐᑐᕐᐱᐅᒃ? ᐅᕝᕙᓗ ᓱᖕᒪᑦ ᐅᒃᐱᕐᑑᖃᑏᑦ ᓇᕐᕈᒋᕕᐅᒃ? ᑕᒪᑦᑕ ᓇᖏᕈᒫᕐᐳᒍᑦ ᒎᑎᐅᑉ ᐃᖅᑲᕐᑐᐃᕕᐊᑕ ᓵᖓᓂ; 11#ᐂᓮᐊᓯ 45:23.ᐊᒡᓚᒡᓯᒪᔪᖃᕐᒪᑦ,

“ᐊᑕᓂᖅ ᐅᖃᕐᐳᖅ, ᐃᓅᒐᒪ, ᓰᖅᑯᐃᑦ ᑕᒪᕐᒥᒃ ᐅᕙᓐᓄᑦ ᓰᖅᑯᕈᒫᕐᐳᑦ,

ᐅᕾᓪᓗ ᑕᒪᕐᒥᒃ ᒎᑎᒥᒃ ᓂᕐᑐᐃᔪᒫᕐᓗᑎᒃ.”

12ᑍᒤᒻᒪᑦ ᓇᓗᓁᔭᕈᑎᒋᔪᒫᕐᐳᒍᑦ ᐅᕙᑦᑎᓐᓂᒃ ᒎᑎᒧᑦ.

ᖃᑕᓐᖑᑏᑦ ᑲᑕᒃᑎᓐᓂᐊᕐᓇᒍ

13ᑍᒤᒻᒪᑦ ᐃᖅᑲᕐᑐᖃᑦᑕᐅᑎᔪᓐᓃᕐᑕ ᐅᕙᑦᑎᓐᓄᑦ, ᐃᓱᒪᑖᓕᕆᑦᓯ ᐅᒃᐱᕐᑑᖃᑎᑦᑎᓐᓄᑦ ᐹᓪᓚᒡᕕᒃᓴᒥᒃ ᐊᐳᕐᕕᒡᓴᒥᒡᓘᓐᓃᑦ ᐊᖅᑯᑖᓄᑦ ᐃᓕᓯᓚᐅᕐᓯᒪᔪᒪᖏᓪᓗᑕ. 14ᐊᑕᓂᕐᒥᒃ ᔩᓱᓯᒥᒃ ᐊᑕᐅᓯᐅᖃᑎᖃᕐᓂᓐᓄᑦ ᖁᓚᖏᑦᓯᐊᕐᐳᖓ ᓱᓇᓕᒫᑦ ᐃᒻᒥᓂᒃ ᓴᓗᒤᑦᑑᖏᒻᒪᑕ; ᓴᓗᒤᑦᑑᓇᓱᒋᒃᓯᔪᒧᑦ ᑭᓯᐊᓂ ᓇᓪᓕᐊᓐᓄᑦ ᓴᓗᒤᑦᑑᓕᕐᑎᑕᐅᖕᒪᑕ. 15ᐅᒃᐱᕐᑑᖃᑏᓪᓕ ᓂᕆᔭᕐᓄᑦ ᖁᕕᐊᓱᒍᓐᓃᕐᑎᒃᑯᕕᐅᒃ, ᑕᕝᕙ ᓇᒡᓕᖕᓂᒃᑰᖏᑦᑐᒥᒃ ᐱᓂᐊᕐᓂᖃᓕᕐᐳᑎᑦ. ᓂᕆᓂᕐᓄᑦ ᐅᒃᐱᕐᑑᖃᑏᑦ ᐊᓯᕈᕐᑎᓐᓂᐊᕐᓇᒍ ᙭ᔅᑑᓯᐅᑉ ᑐᖁᑦᔪᑎᒋᓯᒪᔭᖓ. 16ᐱᐅᓇᓱᒋᔧᑦ ᐱᐅᖏᑦᑑᓂᕋᕐᑕᐅᓗᓂ ᐅᖃᐅᓯᐅᕕᒃᓴᖃᓕᕐᑎᑦᑍᓕᒍᒃ. 17ᒎᑎᐅᑉ ᐊᑕᓂᐅᕕᖓ ᓂᕆᓂᕐᒥᒃ ᐃᒥᕐᓂᕐᒥᒡᓘᓐᓃᑦ ᐱᑦᔪᑎᖃᖏᒻᒪᑦ; ᐱᑦᔪᑎᖃᕐᐳᕐᓕ ᐃᓗᐊᕐᓯᑎᑕᐅᓂᕐᒥᒃ ᐃᓱᒪᔮᖏᓐᓂᕐᒥᒃ ᖁᕕᐊᓱᖕᓂᕐᒥᒡᓗ ᐊᓂᕐᓂᕐᒥ ᐃᑦᔪᕐᓁᑦᑐᒥ, 18ᑍᒫᒃ ᙭ᔅᑑᓯᒥᒃ ᐱᔨᑦᓯᕐᑐᖃᕐᐸᑦ, ᑖᓐᓇ ᒎᑎᒧᑦ ᖁᕕᐊᒋᔭᐅᕗᖅ ᐃᓄᖕᓂᓪᓗ ᓈᒻᒪᒋᔭᐅᓪᓗᓂ.

19ᑍᒤᒻᒪᑦ ᐊᒃᓱᕈᕐᓗᑕ ᐱᓇᓱᐊᓚᐅᕐᑕ ᐃᓱᒫᓘᑕᐅᓇᖏᑦᑐᓂᒃ ᑕᓯᐅᕐᓯᓂᕐᒥᒃ ᑕᒤᓐᓄᑦ ᐱᕈᕐᐸᓪᓕᐊᑦᔪᑕᐅᔪᓐᓇᕐᑐᓂᒃ. 20ᑍᒤᒻᒪᑦ, ᓂᖀᑦ ᐱᑦᔪᑎᒋᓗᒋᑦ, ᒎᑎᐅᑉ ᐱᓇᓱᐊᕐᓂᖓ ᐊᓯᕈᕐᓂᐊᕋᓯᐅᒃ. ᓂᕿᓕᒫᑦ ᓴᓗᒤᑦᑑᖏᒻᒪᑕ, ᑭᓯᐊᓂᓕ ᑕᒻᒪᕐᓂᐅᕗᖅ ᐃᓄᒃ ᓂᕆᒃᐸᑦ ᐊᓯᐊᑕ ᐊᔪᕐᑐᓕᑦᔪᑎᒋᓂᐊᕐᑕᖓᓂᒃ; 21ᐱᐅᓂᕐᓴᐅᕗᖅ ᓂᕿᒥᒃ ᓂᕆᖏᒃᑯᕕᒃ ᐅᐂᓂᒥᒡᓘᓐᓃᑦ ᐃᒥᖏᒃᑯᕕᑦ ᐊᓯᖏᓐᓂᒡᓘᓐᓃᑦ ᐅᒃᐱᕐᑑᖃᑎᕕᑦ ᑲᑕᒍᑎᒋᒐᔭᕐᑕᖓᓂᒃ. 22ᐅᒃᐱᕐᓂᕆᔧᑦ, ᒎᑎᒧᑦ ᐃᓕᖕᓄᓪᓗ ᑭᓯᐊᓂ ᑍᒤᓕᖓᔪᒃᓴᐅᕗᖅ; ᓮᒪᓇᕐᑐᒦᐳᖅ ᐃᓄᒃ ᐸᓯᔭᒃᓴᓐᖑᕐᑎᖏᑦᑐᖅ ᐃᒻᒥᓂᒃ ᓈᒻᒪᒋᔭᒥᒍᑦ. 23ᐃᓄᒡᓕ ᖁᓚᕐᑐᖅ ᑖᓐᓇ ᐸᓯᔭᒃᓴᓐᖑᕐᐳᖅ ᒎᑎᒧᑦ, ᓂᕆᓂᖓ ᐅᒃᐱᕐᓂᕐᒥᑦ ᐱᖏᒻᒪᑦ; ᓱᓇᑐᐃᓐᓁᑦ ᐅᒃᐱᕐᓂᕐᒥᑦ ᐱᖏᑦᑐᑦ ᐊᔪᕐᓂᐅᕗᑦ.

Currently Selected:

ᕉᒪᒥᐅᓄᑦ 14: EAIB

Highlight

Copy

Compare