ᔪᐊᓇᓯᐅᑉ ᑕᑯᑎᑕᐅᓂᖏᑦ 19
19
1ᑕᒪᑐᒪ ᑭᖑᕐᖓᒍᑦ ᑐᓴᕐᐳᖓ ᐃᓄᒋᐊᒃᑐᕐᔪᐊᓄᑦ ᓂᐱᒋᔭᐅᔮᕐᑐᓂᒃ ᓂᐱᖅᑯᕐᑐᓪᓗᑎᒃ ᐅᖃᕐᑐᓂᒃ, “ᐋᓕᓘᔭ! ᐱᐅᓕᔭᐅᓂᖅ ᐱᓐᓇᕐᓇᕐᓂᕐᓗ ᐱᔪᓐᓇᕐᓂᕐᓗ ᒎᑎᑦᑕ ᐱᒋᕔᑦ; 2#ᒨᓯᓯ ᑕᓪᓕᒪᖏᑦ 32:43; ᐊᑕᓃᑦ ᐂᑉᐸᖏᑦ 9:7.ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.” 3#ᐂᓮᐊᓯ 34:10.ᓱᓕ ᐅᖃᒃᑲᓐᓂᕆᕗᑦ, “ᐋᓕᓘᔭ! ᐃᒡᓗᒐᓴᒡᔪᐊᑦ ᐃᑯᐊᓚᓂᖏᑕ ᐳᔪᖓ ᖁᒻᒧᐊᑦᓮᓐᓇᕐᓂᐊᕐᐳᖅ ᐃᓱᖃᖏᑦᑐᒧᑦ.” 4ᐊᖓᔪᖅᑳᓪᓗ 24 ᐆᒪᔪᐃᓪᓗ ᓯᑕᒪᑦ ᐹᒻᒪᒡᓗᑎᒃ ᒎᑎ ᐅᐱᒋᕚᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ, ᐅᖃᕐᓗᑎᒃ, “ᐋᒥᓐ ᐋᓕᓘᔭ!”
ᓄᕐᕋᐅᔭᐅᑉ ᑲᑎᑎᑕᐅᓂᖓᑕ ᓂᕆᕕᒡᔪᐊᕈᑕᐅᓂᖓ
5 #
ᐃᓐᖏᕈᑦ 115:13. ᐃᒃᓯᕙᐅᑕᕐᔪᐊᕐᒥᓪᓗ ᓂᓪᓕᕐᑐᖃᕐᐳᖅ, ᐅᖃᕐᓗᓂ, “ᒎᑎᕗᑦ ᓂᕐᑐᕐᓯᐅᒃ, ᑖᑦᓱᒧᖓ ᐱᔨᐅᔪᓯ ᑕᒪᑦᓯ, ᑖᑦᓱᒥᖓ ᐅᐱᒍᓱᒃᑐᓯ, ᓴᓐᖐᑦᑐᑦ ᓴᓐᖏᔪᓪᓗ.” 6#ᐃᓯᑭᐊᓕ 1:24; ᐃᓐᖏᕈᑦ 93:1; 97:1; 99:1.ᑕᕝᕙ ᑐᓴᕐᐳᖓ ᐃᓄᒋᐊᒃᑐᕐᔪᐊᓄᑦ ᓂᐱᒋᔭᐅᔮᕐᑐᓂᒃ, ᐃᒪᕐᔪᐊᓪᓗ ᐃᒃᑑᓕᔮᕐᓂᕆᔮᕐᑕᖏᓐᓂᒃ ᑲᓪᓘᓪᓗ ᐃᒃᑐᓚᐅᕐᓂᖓᑐᑦ#19:6 ᓂᐸᓗᖕᓂᖓᑐᑦ ᑕᒤᑦᑑᔮᕐᑐᓂᒃ, ᐅᖃᕐᑐᓂᒃ, “ᐋᓕᓘᔭ! ᐊᑕᓂᖅ ᒎᑎᕗᑦ ᐊᔪᒐᖃᖏᑦᑐᖅ ᐊᖓᔪᖅᑳᕐᔪᐊᖑᕗᖅ. 7ᖁᕕᐊᓱᒡᓗᑕ ᐊᖏᒡᓕᑎᕐᓚᕗᑦ ᓂᕐᑐᕐᓗᒍᓗ, ᓄᕐᕋᐅᔭᐅᑉ ᑲᑎᑎᑕᐅᕕᒃᓴᖓ ᓇᓪᓕᐅᑎᖕᒪᑦ, ᓄᓕᐊᒃᓴᖓᓗ ᐊᑐᐃᓐᓇᕈᕐᓗᓂ ᑖᑦᓱᒧᖓ. 8ᐊᓐᓄᕌᕈᓐᓇᕐᑎᑕᐅᕗᖅ ᓵᑦᑐᒥᒃ, ᑕᑯᒥᓇᕐᑐᒥᒃ ᓴᓗᒻᒪᑦᓯᐊᕐᑐᒥᒃ.” ᐊᓐᓄᕌᖅ ᑖᓐᓇ ᓵᑦᑐᖅ ᐊᓐᓄᕌᒃᓴᐅᕗᖅ ᐃᑦᔪᕐᓁᑦᑐᓄᑦ ᐃᓗᐊᕐᑐᒥᒃ ᐃᓅᓯᖃᕐᓗᑎᒃ ᐱᓇᓱᐊᓚᐅᕐᑐᓄᑦ.#19:8 ᑖᒃᑯᐊ ᐅᖃᐅᓰᑦ ᑭᖑᓪᓖᑦ ᑭᖑᓂᖓᒍᑦ ᐃᓚᓕᐅᑎᔭᐅᓂᑰᔪᕆᔭᐅᔪᑦ
9 #
ᒫᑎᐅᓯ 22:2,3. ᐂᖏᓕᐅᓪᓗ ᐅᖃᐅᑎᕚᖓ, “ᐅᓇ ᑎᑎᕋᕈᒃ: ᓮᒪᕐᑎᑕᐅᓯᒪᕗᑦ ᓄᕐᕋᐅᔭᐅᑉ ᑲᑎᑎᑕᐅᓂᖓᑕ ᓂᕆᕕᒡᔪᐊᕈᑕᐅᓂᐊᕐᓂᖓᓄᑦ ᕾᖁᔭᐅᔪᑦ.” ᐂᖏᓕᓗ ᐅᖃᒃᑲᓐᓂᕐᐳᖅ, “ᑕᒪᒃᑯᐊ ᓱᓕᔪᒥᒃ ᒎᑎᐅᑉ ᐅᖃᐅᓯᕆᕔᑦ.”
10ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.”
ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.
ᕿᒻᒥᕐᔪᐊᒥ ᖃᑯᕐᑕᒥ ᐃᑭᒪᔪᖅ
11 #
ᐃᓯᑭᐊᓕ 1:1;
ᐃᓐᖏᕈᑦ 96:13; ᐂᓮᐊᓯ 11:4. ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ. 12#ᑖᓂᐊᓕ 10:6.ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑉᐴᒃ, ᓂᐊᖂᑎᖃᕐᐳᕐᓗ ᐊᖓᔪᖅᑳᐅᓂᖓᑕ ᓇᓗᓁᒃᑯᑕᖏᓐᓂᒃ ᐊᒥᓱᓂᒃ; ᐊᑎᖓᓗ ᑕᕝᕙᓂ ᑎᑎᕋᕐᓯᒪᕗᖅ ᑭᓇᒧᓪᓘᓃᑦ ᖃᐅᔨᔭᐅᔪᓐᓇᖏᑦᑐᖅ ᑖᑦᓱᒪ ᑭᓯᒥ ᖃᐅᔨᒪᔭᑐᐊᕆᕚ. 13ᐅᓕᒡᔪᐊᖓᓗ ᐊᑐᕐᑕᖓ ᐊᐅᖕᒥᒃ ᐃᑦᓴᒃᓯᒪᕗᖅ, ᐊᑎᖃᕐᑎᑕᐅᕗᕐᓗ, ᒎᑎᐅᑉ ᐅᖃᐅᓯᖓᓂᒃ. 14ᕿᓚᖕᒥᐅᓪᓗ ᐅᓇᑕᕐᑐᒃᓴᖁᑎᖏᑕ ᒪᓕᒃᐹᑦ, ᕿᒻᒥᕐᔪᐊᖃᕐᓗᑎᒃ ᖃᑯᕐᑕᓂᒃ, ᐊᓐᓄᕌᕐᓯᒪᓪᓗᑎᒡᓗ ᓵᑦᑐᓂᒃ ᓴᓗᒪᔪᓂᒃ ᖃᑯᕐᑕᓂᖅ. 15#ᐃᓐᖏᕈᑦ 2:9; ᐂᓮᐊᓯ 63:3; ᔪᐃᓕ 3:13; ᑕᑯᑎ 14:20.ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ. 16ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”
17 #
ᐃᓯᑭᐊᓕ 39:17-20. ᑕᕝᕙ ᐂᖏᓕᒥᒃ ᑕᑯᒋᕗᖓ ᓯᕿᓂᕐᒥ ᓇᖏᕐᑐᒥᒃ, ᓂᐱᖅᑯᕐᑐᓪᓗᓂᓗ ᑎᖕᒥᐊᓄᑦ ᖃᖓᑕᔪᓄᑦ ᐅᖃᕐᐳᖅ, “ᕾᒋᑦᓯ, ᑲᑎᓕᕐᑕ ᒎᑎᐅᑉ ᓂᕆᕕᒡᔪᐊᕐᕕᖓᓄᑦ, 18ᓂᕆᓕᕐᑕ ᐊᖓᔪᖅᑳᕐᔪᐊᑦ ᑎᒥᖏᓐᓂᒃ, ᐅᓇᑕᕐᑎᖁᑎᖏᑕᓪᓗ ᐊᖓᔪᖅᑳᖁᑎᖏᓐᓂᒃ, ᐅᓇᑕᕐᑐᒃᓴᖁᑎᖏᑕᓗ ᐊᔪᖏᑦᑐᕐᔪᐊᑦ ᑎᒥᖏᓐᓂᒃ, ᕿᒻᒥᕐᔪᐊᓂᒃ ᑕᕝᕙᓂᓗ ᐃᑭᒪᔪᑦ ᑎᒥᖏᓐᓂᒃ, ᐃᓅᓕᒫᓪᓗ ᑎᒥᖏᓐᓂᒃ, ᓯᐊᓛᓂᑦ ᓯᐊᓛᖑᖏᑦᑐᓂᓗ, ᒥᑭᔪᓂ ᐊᖏᔪᓂᒡᓗ.”
19ᑕᑯᓕᕆᕗᖓ ᐆᒪᔪᐊᓗᖕᒥᒃ ᓄᓇᕐᔪᐊᓪᓗ ᐊᖓᔪᖅᑳᕐᔪᐊᖏᓐᓂᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᑲᑎᓕᕐᑐᓂᒃ ᐅᓇᑕᕆᐊᕈᒪᓪᓗᒍ ᕿᒻᒥᕐᔪᐊᕐᒥ ᐃᑭᒪᔪᖅ ᐅᓇᑕᕐᑎᖁᑎᖏᓐᓂᓪᓗ. 20#ᑕᑯᑎ 13:1-18.ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ. 21ᐊᓯᖏᓪᓗ ᐅᓇᑕᕐᑐᒃᓴᖁᑎᖏᑦ ᓴᕕᒡᔪᐊᒧᑦ ᑐᖁᑕᐅᕗᑦ ᑖᑦᓱᒪ ᕿᒻᒥᕐᔪᐊᕐᒥ ᐃᑭᒪᔫᑉ ᖃᓂᖓᓂᑦ ᐊᓂᓯᒪᔪᒧᑦ; ᑎᖕᒥᐊᓕᒫᓄᓪᓗ ᑎᒥᕕᓂᖏᑦ ᓂᕆᔭᐅᕗᑦ.
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 19: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
