ᔪᐊᓇᓯᐅᑉ ᑕᑯᑎᑕᐅᓂᖏᑦ 18

ᐹᐱᓘᓂᐅᑉ ᓄᖑᑎᑕᐅᓂᖓ

1ᑕᒪᑐᒪ ᑭᖑᕐᖓᒍᑦ ᐂᖏᓕᒥᒃ ᑕᑯᒋᕗᖓ ᕿᓚᖕᒥᑦ ᐊᖅᑲᕐᑐᒥᒃ, ᐱᔪᓐᓇᕐᑎᑕᐅᓂᕐᔪᐊᖃᕐᑐᒥᒃ; ᓄᓇᕐᔪᐊᕐᓗ ᖃᐅᒻᒪᒃᑎᑕᐅᕗᖅ ᑖᑦᓱᒪ ᖃᐅᒪᓂᕐᔪᐊᖓᓄᑦ. 2#ᐂᓮᐊᓯ 21:9; ᔨᕆᒤᐊ 51:8; ᑕᑯᑎ 14:8; ᐂᓮᐊᓯ 13:21; ᔨᕆᒤᐊ 50:39.ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ ᐊᓂᕐᓂᕐᓗᖕᓄᑦ ᓵᑖᓇᓯᒥᓐᖔᕐᑐᓄᑦ ᐃᓂᒋᔭᐅᓕᕐᐳᖅ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᖃᓄᐃᑦᑐᑐᐃᓐᓇᕐᓄᑦ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᐆᒥᓇᕐᑐᓄᓪᓗ ᑎᖕᒥᐊᓄᑦ ᐃᓂᒋᔭᐅᓕᕐᐳᖅ; 3#ᐂᓮᐊᓯ 23:17; ᔨᕆᒤᐊ 51:7.ᐃᓄᒐᓴᒡᔪᐊᓕᒫᑦ ᐃᒥᕐᓯᒪᖕᒪᑕ ᐅᐂᓂᖁᑎᖓᓂᒃ ᐃᒃᓯᒎᕐᓂᖓᑕ ᓴᓐᖏᓂᖓᓂᒃ, ᓄᓇᕐᔪᐊᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒥᖓ ᐊᕐᓇᕐᓂᐊᓚᐅᕐᐳᑦ, ᓄᓇᕐᔪᐊᕐᒥᐅᓪᓗ ᑮᓇᐅᔭᓕᐅᕋᓱᐊᕐᑐᖁᑎᖏᑦ ᐊᔪᕐᓴᕈᓐᓃᓚᐅᕐᐳᑦ ᐃᒃᓯᒎᕐᓂᖓᑕ ᓄᖅᑲᕈᓐᓇᖏᓐᓂᖓᓄᑦ.” 4#ᐂᓮᐊᓯ 48:20; ᔨᕆᒤᐊ 50:8; 51:6,45.ᑕᕝᕙ ᑐᓴᕆᕗᖓ ᓂᐱᒥᒃ ᕿᓚᖕᒥᑦ ᐅᖃᕐᑐᒥᒃ:

“ᐃᓄᖁᑎᒃᑲ, ᑖᑦᓱᒪᓐᖓᑦ ᐊᓂᒋᑦᓯ,

ᑖᑦᓱᒪ ᐊᔪᕐᑐᓕᓂᖏᓐᓂᒃ ᐃᓚᖏᐅᑎᖁᓇᓯ,

ᑲᑉᐱᐊᓱᒃᑎᑕᐅᓂᒃᓴᖓᓂᒡᓗ ᐱᖃᑕᐅᖁᓇᓯ;

5 # ᒨᓯᓯ ᓯᕗᓪᓖᑦ 18:20,21; ᔨᕆᒤᐊ 51:9. ᑖᑦᓱᒪ ᐊᔪᕐᑐᓕᓂᖏᑕ ᐊᖏᓂᖏᑦ ᕿᓚᖕᒧᑦ ᑎᑭᓯᒪᓕᕐᒪᑕ,

ᒎᑎᐅᓪᓗ ᐳᐃᒍᕐᓂᐊᓐᖏᓔᑦ ᑖᑦᓱᒪ ᐊᔪᕐᑐᓕᓂᖏᑦ.

6 # ᐃᓐᖏᕈᑦ 137:8; ᔨᕆᒤᐊ 50:29. ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᒪᓕᒡᓗᒍ ᐱᓂᐊᕐᕕᒋᓯᐅᒃ,

ᐱᓂᐊᕐᓂᕆᓚᐅᕐᑕᖏᓪᓗ ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᓗᒍ,

ᖃᓪᓗᑎᖓ ᐃᒻᒥᕐᑕᐅᓕ ᒪᕐᕈᐃᕐᑐᓪᓗᐊᕐᓗᓂ ᓴᓐᖏᓂᕐᓴᒥᒃ ᐃᓕᑦᓯᓐᓂᒃ ᐃᒥᕐᑎᑦᓯᓯᒪᓂᖓᓂᑦ.

7 # ᐂᓮᐊᓯ 47:7-9. ᐃᒻᒥᓂᒃ ᓂᕐᑐᕐᓇᕐᑎᓚᐅᕐᒪᑦ ᐊᔪᕐᓴᖏᑦᑐᕐᔪᐊᖑᓕᕐᓗᓂᓗ,

ᑍᒫᒃᑕᐅᖅ ᐅᖁᒤᑦᑐᒧᑦ ᐋᓐᓂᐊᑎᑕᐅᓂᕐᒧᑦ ᕿᒃᓵᖕᓇᕐᑐᒧᐊᕐᑕᐅᓕᕐᓕ.

ᐆᒻᒪᑎᒥᒍᑦ ᐃᓱᒪᕙᖕᒪᑦ, ‘ᐃᒃᓯᕙᕗᖓ ᐊᖓᔪᖅᑳᕐᔪᐊᖑᕕᖕᒥ

ᐅᐃᒡᒐᕐᓂᐅᖏᓐᓇᒪ, ᕿᒃᓵᖕᓇᕐᑐᒥᒃ ᖃᐅᔨᓚᐅᕐᓯᒪᓂᐊᓐᖏᓚᖓ.’

8ᑍᒤᒻᒪᑦ ᑲᑉᐱᐊᓱᒃᑎᑕᐅᓂᖏᑦ ᐅᓪᓗᒥ ᐊᑕᐅᓯᕐᒥ ᑎᑭᑦᓱᒫᕐᐳᑦ,

ᐋᓐᓂᐊᓇᕐᑐᑦ ᕿᒃᓵᖕᓇᕐᑐᑦ ᑳᖕᓇᕐᑐᓪᓗ,

ᐃᑯᒪᒧᓪᓗ ᐃᑭᑕᐅᔪᒫᕐᐳᖅ;

ᐊᑕᓂᖅ ᒎᑎ ᑖᑦᓱᒪ ᐃᖅᑲᕐᑐᐃᔨᖓ ᐊᔪᒐᖃᖏᑦᑐᕐᔪᐊᖑᖕᒪᑦ.”

9 # ᐃᓯᑭᐊᓕ 26:16,17. ᓄᓇᕐᔪᐊᕐᒥᓗ ᐊᖓᔪᖅᑳᕐᔪᐊᑦ ᐊᕐᓇᕐᓂᐊᖃᑦᑕᓚᐅᕐᑐᑦ ᐃᒃᓯᒎᕐᓂᕐᔪᐊᖃᓚᐅᕐᑐᓪᓗ ᑖᑦᓱᒥᖓ, ᑕᑯᓕᕈᑎᒃ ᐃᑯᐊᓚᓂᖓᑕ ᐳᔪᖓᓂᒃ ᕿᐊᑦᔪᑎᒋᔪᒫᕐᐹᑦ ᐅᒡᒍᐊᕈᑎᒋᓗᒍᓗ; 10ᐅᖓᓯᒋᔮᓂ ᓇᖏᕐᓗᑎᒃ ᑕᑯᓐᓇᕈᒫᕐᐹᑦ, ᐋᓐᓂᐊᑎᑕᐅᓂᖓᓄᑦ ᐱᖃᓯᐅᑦᔭᐅᔪᒪᖏᓐᓂᕐᒧᑦ, ᐅᖃᕐᓗᑎᒡᓗ, “ᑲᑉᐱᐊᓐᓇᒦᒃ! ᑲᑉᐱᐊᓐᓇᒦᒃ! ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ! ᐃᑲᕐᕋᕐᒥᒃ ᐊᑕᐅᓯᕐᒥᒃ ᐃᖅᑲᕐᑐᕐᑕᐅᖕᒪᑦ ᓄᖑᑎᑕᐅᓪᓗᓂᓗ.”

11 # ᐃᓯᑭᐊᓕ 27:31,36. ᓄᓇᕐᔪᐊᕐᒥᓗ ᑮᓇᐅᔭᓕᐅᕋᓱᐊᕐᑏᑦ ᕿᐊᑦᔪᑎᒋᒋᕚᑦ ᐅᒡᒍᐊᕆᓪᓗᒍ, ᓂᐅᕕᐊᒃᓴᖁᑎᖏᑦ ᓂᐅᕕᕐᑕᐅᓂᐊᕈᓐᓃᕐᒪᑕ, 12#ᐃᓯᑭᐊᓕ 27:12,13,22.ᓂᐅᕕᐊᒃᓴᖁᑎᖃᕐᒪᑕ ᒎᓗᓂᒃ, ᓯᐅᓪᕕᕆᓂᒃ, ᐅᔭᕋᖕᓂᒡᓗ ᐱᐅᓴᐅᑎᓂᒃ, ᓴᐸᖓᕐᓂᒡᓗ, ᖃᓪᓗᓈᕐᑕᑦᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ, ᐱᐊᒃᑐᓂᒡᓗ, ᐊᑭᑐᔪᒃᓴᔭᓂᒡᓗ ᐊᐅᐸᕐᑐᓂᒃ, ᕿᔪᖕᓂᒡᓗ ᐊᑦᔨᒌᖏᑦᑐᓂᒃ ᕿᔪᓯᐊᕙᖕᓂᒃ, ᑑᒑᕐᓂᒡᓗ ᓴᓇᓯᒪᔪᓂᒃ ᐊᒥᓱᓂᒃ, ᕿᔪᖕᓂᒡᓗ ᐊᑭᑐᔪᒃᓴᔭᓂᒃ ᓴᓇᓯᒪᔪᓂᒃ, ᑲᓐᓄᔭᓂᒃ, ᓴᕕᕋᔭᖕᓂᒃ, ᐅᔭᕋᖕᓂᒡᓗ ᒫᕐᐳᓂᒃ. 13ᓯᓂᒪᓂᒡᓗ, ᓂᕿᒧᓪᓗ ᐃᓚᒃᓴᓂᒃ ᐆᓇᕐᑐᓂᒃ, ᐳᔫᕐᑎᑕᒃᓴᓂᒃ ᑎᐱᑦᓯᐊᕆᒃᑐᓂᒃ, ᑎᐱᑦᓯᐊᕆᒃᓴᐅᑏᓪᓗ ᒨᕐ, ᕗᕌᖕᑭᓐᓯᓐᓯ, ᐅᐂᓃᑦ, ᐅᕐᓱᒃᓴᓂᒡᓗ, ᓂᐊᖂᔭᓴᓂᒡᓗ ᐸᓚᐅᒑᒃᓴᓂᒡᓗ, ᐃᒻᒧᒃᓯᐅᒊᑦ ᓰᐲᓪᓗ, ᕿᒻᒥᕐᔪᐊᑦ ᑲᓕᒐᖏᓪᓗ ᐊᒃᓴᓗᐊᓖᑦ, ᓯᐊᓛᓪᓗ ᓂᐅᕕᐊᖑᓯᒪᔪᑦ, ᑕᕝᕙ ᐃᓄᐃᑦ ᑕᕐᓂᖏᑦ. 14ᑮᓇᐅᔭᓕᐅᕋᓱᐊᕐᑏᑦ ᐅᖃᕈᒫᕐᐳᑦ, “ᓂᐅᕕᐊᒃᓮᑦ ᐱᒋᔪᒪᔭᓕᒫᑎᑦ ᓄᖑᑉᐳᑦ, ᐊᔪᕐᓴᖏᓐᓂᕐᔪᐊᑦ ᑕᑯᒥᓇᕐᓃᓪᓗ ᑕᒪᕐᒥᒃ ᓄᖑᑉᐳᑦ, ᐅᑎᕐᓂᐊᕈᓐᓃᕐᓗᑎᒡᓗ!” 15#ᐃᓯᑭᐊᓕ 27:31,36.ᑮᓇᐅᔭᓕᐅᕋᓱᐊᕐᑏᑦ, ᐊᔪᕐᓴᕈᓐᓃᕐᓯᒪᔪᖅ ᓂᐅᕐᕈᑎᖃᖃᑦᑕᕐᓂᕐᒧᑦ ᐃᒡᓗᒐᓴᒡᔪᐊᓂ ᑖᒃᑯᓇᓂ, ᐅᖓᓯᒋᔮᓂ ᓇᖏᕈᒫᕐᐳᑦ, ᐊᓯᕈᕐᑕᐅᓂᖓᓄᑦ ᐱᖃᓯᐅᑎᔭᐅᔪᒪᖏᓪᓗᑎᒃ, ᕿᐊᓗᑎᒃ ᐅᒡᒍᐊᕐᓗᑎᒡᓗ ᓂᓪᓕᐊᔪᒫᕐᐳᑦ, 16ᐅᖃᕐᓗᑎᒃ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᓐᓄᕌᕐᓯᒪᕙᓚᐅᕐᐳᑦ ᐊᓐᓄᕌᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ ᐊᐅᑉᐸᕆᒃᑐᓂᒡᓗ ᐱᐅᓴᐅᑎᖃᕐᓗᓂ, ᒎᓗᓂᒃ ᐅᔭᕋᖕᓂᒡᓗ ᐱᐅᔪᓂᒃ, ᓴᐸᖓᓂᒡᓗ ᖄᒥᐅᑕᓕᖕᓂᒃ! 17#ᐂᓮᐊᓯ 23:14; ᐃᓯᑭᐊᓕ 27:26-30.ᐃᑲᕐᕋᒥᒃ ᐊᑕᐅᓯᕐᒥᒃ ᐊᔪᕐᓴᖏᑦᔪᑎᖏᑦ ᓄᖑᑉᐳᑦ.”

ᐅᒥᐊᕐᔪᐊᓂᓗ ᐊᖓᔪᖅᑳᓕᒫᑦ ᐅᒥᐊᕐᑐᕐᑏᓪᓗ, ᐅᒥᐊᕐᔪᐊᓂᓗ ᓴᓇᔩᑦ ᐊᓯᖏᓪᓗ ᐅᒥᐊᕐᔪᐊᕐᑎᒎᕐᑐᓂᒃ ᐃᓅᑦᔪᑎᒃᓴᓕᐅᕐᐸᒃᑐᑦ, ᐅᖓᓯᒋᔮᓂ ᓇᖏᕐᐳᑦ, 18#ᐃᓯᑭᐊᓕ 27:32.ᐅᖃᕐᓗᑎᒃ, ᐃᑯᐊᓚᓂᖓᑕ ᐳᔪᖓᓂᒃ ᑕᑯᓐᓇᓕᕋᒥᒃ, “ᑖᒃᑯᑎᑐᓇᖅ ᐊᔪᖏᑦᑐᕐᔪᐊᖑᑎᒋᔪᓂᒃ ᐃᒡᓗᒐᓴᒡᔪᐊᕐᑕᖃᓚᐅᕐᓯᒪᓐᖏᓚᖅ!” 19#ᐃᓯᑭᐊᓕ 27:30-34.ᓂᐊᖁᑎᒡᓗ ᓴᓂᕐᒥᒃ ᑲᑕᒑᕕᒋᓪᓗᒋᑦ, ᕿᐊᕗᑦ ᐅᒡᒍᐊᕐᓗᑎᒡᓗ, ᐅᖃᕐᐳᑦ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᔪᕐᓴᕈᓐᓃᕐᕕᐅᓯᒪᕗᑦ ᐅᒥᐊᕐᑐᕐᑎᓄᑦ! ᐃᑲᕐᕋᒥᒃ ᐊᑕᐅᓯᕐᒥᒃ ᓄᖑᑉᐳᖅ.

20 # ᒨᓯᓯ ᑕᓪᓕᒪᖏᑦ 32:43; ᔨᕆᒤᐊ 51:48. “ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

21 # ᔨᕆᒤᐊ 51:63,64; ᐃᓯᑭᐊᓕ 26:21. ᐂᖏᓕᓗ ᓲᖑᔪᕐᔪᐊᖅ ᐅᔭᕋᒃᔪᐊᕐᒥᒃ ᑭᕕᒃᓯᓪᓗᓂ ᓯᖃᓪᓕᓯᕕᐅᑉ ᐅᔭᕌᓗᒃᑕᖓᑐᑦ ᐊᖏᑎᒋᔪᒥᒃ ᑖᓐᓇ ᐃᒪᕐᔪᐊᕐᒧᑦ ᐃᒋᑉᐹ, ᐅᖃᕐᓗᓂᓗ, “ᑍᒫᒃ ᑕᕝᕙ ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ ᓂᑲᒋᔭᐅᖏᓪᓗᑎᒃ ᐃᒋᑕᐅᔪᒫᕐᐳᑦ ᑕᑯᔭᐅᒃᑲᓐᓂᕐᓂᐊᕈᓐᓃᕐᓗᑎᒡᓗ; 22#ᐃᓯᑭᐊᓕ 26:13; ᐂᓮᐊᓯ 24:8.#ᔨᕆᒤᐊ 7:34; 25:10.ᑯᑭᑦᑕᐸᐅᑎᕐᔪᐊᑦ ᐃᓐᖏᕐᐸᓗᒃᑐᓪᓗ, ᓱᐴᒐᕐᑏᓪᓗ ᑎᑦᑐᓚᐅᓯᔭᕐᑏᓪᓗ, ᑐᓴᕐᑕᐅᒃᑲᓐᓂᕐᓂᐊᕈᓐᓃᕐᐳᑦ ᑖᑦᓱᒪᓂ; ᓴᓇᔩᓪᓗ ᓱᓇᑐᐃᓐᓇᕐᓂᒃ ᓴᓇᔪᑦ ᐃᓕᑦᓯᓐᓂ ᑕᑯᒃᓴᐅᒃᑲᓐᓂᕐᓂᐊᕈᓐᓃᕐᐳᑦ; ᓯᖃᓪᓕᓯᕕᖕᒥᓗ ᓯᖃᓪᓕᓯᕙᓗᒃᑐᓂᒃ ᐃᓕᑦᓯᓐᓂ ᑐᓴᕐᓴᐅᔪᖃᕐᓂᐊᕈᓐᓃᕆᕗᑦ; 23ᖃᐅᒻᒪᖅᑯᑎᐅᓪᓗ ᐃᑯᒪᖓ ᐃᓕᑦᓯᓐᓂ ᑕᑯᔭᐅᒃᑲᓐᓂᕐᓂᐊᕈᓐᓃᕐᐳᖅ; ᑲᑎᑎᑕᐅᕋᑖᕐᑐᓪᓗ ᓂᐱᖏᑦ ᑐᓴᕐᑕᐅᒃᑲᓐᓂᕐᓂᐊᕈᓐᓃᕐᐳᑦ; ᑮᓇᐅᔭᓕᐅᕋᓱᐊᕐᑎᖁᑎᓯᓗ ᐱᔪᓐᓇᕐᓂᖃᕐᓂᕐᐹᖑᓚᐅᕐᑐᑦ ᓄᓇᕐᔪᐊᕐᒥ, ᐊᖓᒃᑰᓐᖑᐊᕐᓂᑦᓯᒍᓪᓗ ᐅᐃᕕᕆᒃᓯᓚᐅᕐᐳᓯ ᐃᓅᖃᑎᒌᒡᔪᐊᓕᒫᓂᒃ.”

24 # ᔨᕆᒤᐊ 51:49. ᐹᐱᓘᓂ ᓱᒋᐊᕐᑕᐅᓚᐅᕐᐳᖅ ᓇᓚᐅᑦᑍᔪᑦ ᐃᑦᔪᕐᓁᑎᑕᐅᓯᒪᔪᓪᓗ ᐊᐅᖏᑦ ᑕᑯᔭᐅᓚᐅᕐᒪᑕ ᑕᕝᕙᓂ, ᑐᖁᕋᕐᑕᐅᓯᒪᔪᑦ ᓄᓇᕐᔪᐊᕐᒥ.

Currently Selected:

ᔪᐊᓇᓯᐅᑉ ᑕᑯᑎᑕᐅᓂᖏᑦ 18: EAIB

Highlight

Copy