ᐃᓐᖏᕈᑎᑦ 90
90
ᐅᖃᓕᒫᒊᑦ ᓯᑕᒪᖏᑦ
ᐃᓐᖏᕈᑎᑦ 90ᒥᑦ—106ᒧᑦ
ᒎᑎᐅᑉ ᐃᓱᖃᖏᓐᓂᖓ ᐃᓅᓪᓗ ᐃᓱᖃᕐᓂᖓ
ᒨᓯᓯᐅᑉ ᑐᒃᓯᐊᕐᓂᖓ ᒎᑎᐅᑉ ᐃᓄᖁᑎᖓᑕ
1ᐊᑕᓃᖅ, ᐃᓂᒃᓴᕆᑦᓮᓐᓇᕐᐸᑦᑎᒋᑦ ᑭᖑᕚᕇᖑᔪᓕᒫᓂ.
2ᖃᖅᑬᑦ ᓴᖅᑭᓚᐅᖅᑳᕐᑎᓐᓇᒋᑦ,
ᐅᕝᕙᓗ ᓄᓇᕐᔪᐊᖅ ᓯᓚᕐᔪᐊᕐᓗ ᐱᓐᖑᕐᑎᑕᐅᓚᐅᖅᑳᕐᑎᓐᓇᒋᑦ,
ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᒎᑏ ᒎᑎᐅᕗᑎᑦ.
3ᐃᓄᒃ ᓄᓇᒧᑦ ᐅᑎᕐᑎᓐᓇᕕᐅᒃ ᓴᓂᓐᖑᕐᒪᑦ,
ᐅᖃᓚᐅᕐᐳᑎᑦ, “ᐅᑎᓕᕆᑦᓯ, ᐃᓄᐃᑦ ᕿᑐᕐᖓᖏᑦ!”
4 #
2 ᐲᑦᑐᕉᓯ 3:8. ᐊᕐᕌᒍᑦ 1,000 ᐃᕝᕕᑦ ᓵᖓᓂ ᐃᑉᐸᒃᓴᑎᑐᑦ
ᐊᓂᒍᓚᐅᕐᑐᑎᑐᑦ ᑍᒤᑉᐳᑦ, ᐅᕝᕙᓗ ᐅᓐᓄᐊᑐᑦ ᐊᑕᐅᓯᕐᑐᑦ.
5ᐃᓄᐃᑦ ᓴᕐᕙᐅᑎᑉᐸᑎᑦ ᐃᒪᕐᒧᑦ ᐅᓗᑦᔭᐅᔪᑎᑐᑦ;
ᓯᓐᓇᒃᑐᑐᐃᓐᓇᕐᑎᑐᑦ, ᐃᕕᒃᓱᒐᕐᑎᑐᑦ ᐅᓪᓛᒃᑯᑦ ᒪᑭᑉᐸᓪᓕᐊᔪᑎᑐᑦ:
6ᐅᓪᓛᒃᑯᑦ ᒪᑐᐃᕐᐳᖅ ᒪᑭᓕᕐᓗᑎᒡᓗ;
ᐅᓐᓄᖕᒪᓪᓕ ᒪᑐᓕᕆᕗᑦ ᑐᖁᓕᓪᓗᑎᒡᓗ.
7ᓂᓐᖓᖕᓂᕐᓄᑦ ᓄᑮᕐᑎᑕᐅᕗᒍᑦ;
ᓂᓐᖓᐅᒪᓂᕐᓄᓪᓗ ᓱᒃᑯᑕᐅᕗᒍᑦ ᑲᑉᐱᐊᓱᖕᓂᕐᒧᑦ.
8ᐊᔪᕐᑐᓕᓂᕗᑦ ᓵᖕᓄᑦ ᐱᑎᑉᐸᑎᑦ,
ᐊᔪᕐᓂᕗᓪᓗ ᐃᔨᕐᓯᒪᔭᕗᑦ ᑮᓇᕐᐱᑦ ᖃᐅᒻᒪᒃᑎᑉᐰᑦ.
9ᐅᓪᓗᕗᑦ ᑕᒪᕐᒥᒃ ᓄᖑᓕᕐᐳᑦ ᓂᓐᖓᐅᒪᓂᕐᓄᑦ,
ᐊᕐᕌᒍᕗᑦ ᐃᓱᓕᓕᕐᐳᑦ ᐅᓂᒃᑳᕐᑐᐊᑎᑐᑦ.
10ᐃᓅᓯᑦᑕ ᓯᕕᑐᓂᖓ 70ᓂᒃ ᐊᕐᕌᒍᖃᑐᐃᓐᓇᕐᐳᑦ;
ᓲᖑᓂᖃᑦᓯᐊᕐᐸᑕᓕ 80ᓂᒃ ᐊᕐᕌᒍᖃᕈᓐᓇᕋᓗᐊᕐᐳᑦ,
ᐱᔪᓐᓇᑦᓯᐊᕐᓂᑐᐊᖏᓐᓂᓕ ᐋᓐᓂᐊᓂᕐᒦᑉᐳᑦ ᐊᑲᐅᓐᖏᓕᐅᕈᑎᖃᕐᓗᑎᒡᓗ;
ᑕᕝᕙ ᐊᓂᒍᓕᕇᕐᐳᑦ, ᖃᖓᑦᑕᓕᕐᐳᒍᑦ ᐅᑎᕈᓐᓃᕐᓗᑕᓗ.
11ᑭᓇ ᓂᓐᖓᖕᓂᕕᑦ ᓲᖑᓂᖓᓂᒃ ᖃᐅᔨᔪᓐᓇᕐᐸ?
ᑭᓇᓗ ᓂᓐᖓᐅᒪᓂᕐᓂᒃ ᓯᕘᕋᒋᔭᖃᕈᓐᓇᕐᐹ?
12ᑍᒤᒻᒪᑦ ᐊᔪᕆᕐᑐᕐᑎᒍᑦ ᐃᓅᓂᑦᑎᓐᓂ
ᐅᓪᓗᑦᑎᓐᓂᒃ ᐊᑐᑦᓯᐊᕈᓐᓇᖁᓪᓗᑕ,
ᓯᓚᑐᓂᒃᑯᑦ ᐆᒻᒪᑎᑦᑎᓐᓂᒃ ᐊᑐᕈᓐᓇᖁᓪᓗᑕ.
13ᐊᑕᓃᖅ ᐅᑎᓚᐅᕆᑦ! ᖃᓄᖅ ᐊᑯᓂᐅᑎᒋᓂᐊᕐᐱᑦ?
ᐱᔨᑎᑦ ᓇᒡᓕᒋᓚᐅᒃᑭᑦ!
14ᐅᓪᓛᒃᑯᑦ ᓇᒡᓕᒍᓱᖕᓂᕐᓄᑦ ᐱᔪᒪᔭᑦᑎᓐᓂᒃ ᓈᒻᒪᒃᓯᑎᓚᐅᕐᑎᒍᑦ,
ᖁᔭᓕᔪᓐᓇᕐᓯᖁᓪᓗᑕ ᖁᕕᐊᓱᒍᓐᓇᕐᓯᖁᓪᓗᑕᓗ ᐃᓅᓯᕗᑦ ᓈᓗᒋᑦ.
15ᖁᕕᐊᓱᒃᑎᓚᐅᕐᒥᑎᒍᑦ ᐋᓐᓂᐊᓇᕐᑐᒦᑎᑦᓯᓂᕆᓚᐅᕐᑕᑎᑦ
ᐅᓪᓗᐃᑦ ᐅᓄᕐᓂᖏᑦ ᐊᑭᓕᕐᓗᒋᑦ,
ᐊᕐᕌᒍᓂᒃ ᐅᓄᕐᑐᓂᒃ ᐱᐅᖏᑦᑐᓂᒃ ᑕᑯᖃᑦᑕᕐᓯᒪᓕᕋᑦᑕ.
16ᐱᓇᓱᐊᕐᓂᑎᑦ ᑕᑯᔭᐅᑎᓚᐅᒃᑭᑦ ᐱᔨᖕᓄᑦ,
ᐱᔪᓐᓇᕐᓂᕐᐱᓪᓗ ᓂᕐᑐᕐᓇᕐᓂᖓ ᐱᔨᕕᑦ ᕿᑐᕐᖓᖏᓐᓄᑦ.
17ᐊᑕᓂᐅᓪᓗ ᒎᑎᑦᑕ ᖁᕕᐊᒋᔭᖃᕐᓂᖓᑕ ᓇᔪᓕᕐᓕᑎᒍᑦ,
ᐱᓇᓱᐊᕐᓂᕆᓯᒪᔭᕗᓪᓗ ᐱᔭᕇᑦᓯᐊᕐᑎᓚᐅᒃᑭᑦ;
ᐄᓛᒃ, ᐱᓇᓱᐊᕐᓂᕆᓯᒪᔭᕗᑦ ᐱᔭᕇᕐᑎᑦᓯᐊᓚᐅᒃᑭᑦ.
Currently Selected:
ᐃᓐᖏᕈᑎᑦ 90: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
