ᐃᓐᖏᕈᑎᑦ 77
77
ᓮᒻᒪᕐᑎᑕᐅᓂᖅ ᐊᒃᓱᕈᕐᓇᕐᑐᖃᕐᑎᓪᓗᒍ ᔨᑐᑕᓐᑯᓐᓄᑦ
ᐊᓴᐸᐅᑉ ᐃᓐᖏᕈᑖ
1ᓂᐱᖅᑯᕐᑐᓪᓗᖓ ᒎᑎᒧᑦ ᓂᓪᓕᐊᓚᐅᕐᐳᖓ,
ᒎᑎᒧᑦ ᓂᐱᖃᕐᓗᖓ, ᑖᑦᓱᒧᖓ ᑐᓴᕐᑕᐅᔪᒪᓪᓗᖓ.
2ᐅᖁᒤᒃᓴᕐᓂᕐᒪ ᓇᓪᓕᐅᓐᓂᖓᓂ ᐊᑕᓂᖅ ᕿᓂᓚᐅᕐᐸᕋ;
ᐊᒡᒐᒃᑲ ᐃᓵᖓᑎᓚᐅᕐᐸᒃᑲ ᐅᓐᓄᐊᒃᑯᑦ ᓄᖅᑲᓚᐅᕐᓇᖓ;
ᑕᕐᓂᕋ ᓮᒻᒪᕐᓴᕐᑕᐅᔪᒪᓚᐅᓐᖏᓚᕐᓘᓐᓃᑦ.
3ᒎᑎ ᐃᖅᑲᓚᐅᕐᐸᕋ, ᕿᒃᓵᒃᑎᓪᓗᖓ;
ᐃᓱᒪᒃᓴᕐᓯᐅᕐᑎᓪᓗᖓ, ᐊᓂᕐᓂᕋ ᓴᓐᖐᓕᓚᐅᕐᐳᖅ. ᓰᓚ
4ᐃᔩᒃᑲᒃ ᐅᐃᑕᑎᓚᐅᕐᐹᒃᑭᒃ ᓯᓂᒍᓐᓇᕐᓇᖓ;
ᐃᓱᒪᔮᓗᐊᒧᑦ ᓂᓪᓕᕈᓐᓁᓪᓕᓚᐅᕐᐳᖓᓘᓐᓃᑦ.
5ᐃᓱᒪᒃᓴᕐᓯᐅᕈᑎᒋᓚᐅᕐᐸᒃᑲ ᐅᓪᓗᐃᑦ ᑍᑦᓱᒪᓂᐊᓗᒃ ᐊᑐᓚᐅᕐᑐᑦ,
ᐊᕐᕌᒍᐃᑦ ᑍᑦᓱᒪᓂᐊᓗᒃ ᐊᑐᓚᐅᕐᑐᕕᓃᑦ ᐃᖅᑲᐅᒪᓚᐅᕐᐸᒃᑲ.
6ᐃᓐᖏᐅᑎᒋᕙᓚᐅᕐᑕᒃᑲ ᐃᖅᑲᕐᐸᒃᑲ ᐅᓐᓄᐊᒥ;
ᐃᓱᒪᒃᓴᕐᓯᐅᕈᑎᒋᓚᐅᕐᐸᒃᑲ, ᐊᓂᕐᓂᕋᓗ ᕿᓂᕐᓗᓂ.
7ᐊᑕᓂᐅᑉ ᑲᒪᒋᓂᐊᕈᓐᓃᕐᐹᑎᒍᑦ ᐃᓱᖃᖏᑦᑐᒧᑦ?
ᖃᖓᓕᒫᕐᓗ ᐱᐅᒃᓴᕐᓂᐊᕈᓐᓃᕐᐹ ᐅᕙᑦᑎᓐᓂᒃ?
8ᓇᒡᓕᖕᓂᖓ ᓱᖁᓯᔪᐃᑦᑐᖅ ᓄᖅᑲᖓᓕᕐᐹ ᐃᓱᖃᖏᑦᑐᒧᑦ?
ᐊᖏᕈᑎᒋᓚᐅᕐᑕᖏᓪᓗ ᐊᑐᕐᓂᐊᕈᓐᓃᕐᐹᑦ ᐃᓱᖃᖏᑦᑐᒧᑦ?
9ᒎᑎ ᓂᑲᒍᓱᒋᐊᒃᓴᖅ ᐳᐃᒍᕐᓯᒪᓕᕐᐹ?
ᓂᓐᖓᐅᒪᓂᕐᒥᓄᑦ ᓇᒡᓕᒍᓱᖕᓂᓂ ᓄᖅᑲᕐᑎᓯᒪᓕᕐᐸᐅᒃ? ᓰᓚ
10ᑕᕝᕙ ᐅᖃᓚᐅᕐᐳᖓ, “ᑕᒪᓐᓇ ᑕᕝᕙ ᐃᓱᒪᔮᕈᑎᒐ
ᖁᑦᓯᖕᓂᕐᐹᑉ ᑕᓕᕐᐱᖕᒥᓄᑦ ᐱᓂᐊᕐᓂᖏᑦ ᐊᓯᑦᔨᕐᓯᒪᓕᕐᐳᑦ.”
11ᐊᑕᓂᐅᑉ ᐱᓂᐊᕐᓂᕆᓯᒪᔭᖏᑦ ᐳᐃᒍᕐᓂᐊᓐᖏᓚᒃᑲ;
ᐃᓛᒃ, ᑍᑦᓱᒪᓂᐊᓗᒃ ᑲᒪᓇᕐᑐᓕᓂᑎᑦ ᐃᖅᑲᐅᒪᔪᒪᕙᒃᑲ.
12ᐃᓱᒪᒃᓴᕐᓯᐅᕈᑎᒋᔪᒪᕙᒃᑲ ᐱᓂᐊᕐᓂᕕᓂᓕᒫᑎᑦ,
ᐱᓇᓱᐊᕐᓯᒪᔭᑎᓪᓗ ᑲᒪᓇᕐᑐᑦ ᐃᓱᒪᒋᔪᒪᓪᓗᒋᑦ.
13ᒎᑏ, ᐊᖅᑯᑎᑎᑦ ᐃᑦᔪᕐᓁᑦᑑᕗᑦ;
ᑭᓇ ᒎᑎᑦᑎᑐᑦ ᐊᔪᖏᑦᑐᕐᔪᐊᖑᑎᒋᓪᓗᓂ ᒎᑎᐅᕚ?
14ᒎᑎᐅᕗᑎᑦ ᑲᒪᓇᕐᑐᓂᒃ ᐱᓇᓱᐊᕐᑎᐅᓪᓗᑎᑦ;
ᓴᓐᖏᔫᓃᑦ ᓴᖅᑭᑎᓯᒪᕙᑦ ᐃᓄᐃᑦ ᐊᑯᕐᖓᓐᓂ.
15ᐃᓄᖁᑎᑎᑦ ᑕᓕᕐᓄᑦ ᐱᓇᓱᐊᕐᓗᑎᑦ ᐱᐅᓕᓯᒪᕙᑎᑦ,
ᔧᑰᑉ ᔫᓯᐱᐅᓪᓗ ᑭᖑᕚᖏᑦ. ᓰᓚ
16ᐃᒪᕐᔪᐊᑦ ᒎᑏ, ᑕᑯᒐᒥᑎᑦ;
ᐃᒪᕐᔪᐊᑦ ᑕᑯᒐᒥᑎᑦ, ᓯᕘᕋᓕᓚᐅᕐᐳᑦ;
ᐃᑎᓂᕐᔪᐃᓪᓗ ᐊᒡᓛᑦ ᓴᔪᓕᓚᐅᕐᐳᑦ.
17ᓄᕗᔧᑦ ᐃᒥᕐᒥᒃ ᑯᕕᓯᓚᐅᕐᐳᑦ;
ᕿᓔᓪᓗ ᓂᓪᓕᐊᓚᐅᕐᐳᑦ ᐃᒃᑐᓚᐅᕐᑎᑦᓯᓪᓗᑎᒃ;
ᖃᕐᔪᑎᓪᓗ ᖃᐅᒻᒪᓪᓛᓚᐅᕐᐳᑦ ᓇᐅᒃᑯᑐᐃᓐᓇᖅ.
18ᐃᒃᑐᓚᐅᖁᑎᕕᑦ ᓂᐱᖓ ᐊᓄᕆᒥ ᐅᓚᔪᔨᕋᕐᒦᑉᐳᖅ;
ᖃᐅᒻᒪᓪᓛᔪᖁᑎᕕᓪᓗ ᓄᓇᕐᔪᐊᖅ ᖃᐅᒻᒪᒃᑎᑉᐹᑦ;
ᑕᕝᕙ ᓄᓇᕐᔪᐊᖅ ᓴᔪᓕᕐᐳᖅ ᐊᐅᓚᓕᕐᓗᓂᓗ.
19ᐊᖅᑯᑎᑎᑦ ᐃᒪᕕᒃᑰᖓᓚᐅᕐᐳᑦ,
ᐊᖅᑯᓯᓂᑎᓪᓗ ᐃᒪᕐᔪᐊᑎᒎᖓᓪᓗᑎᒃ,
ᑭᓯᐊᓂᓕ ᑐᒥᑎᑦ ᑕᑯᔭᐅᓯᒪᓐᖏᓚᑦ.
20ᐃᓄᖁᑎᑎᑦ ᓰᐱᑎᑐᑦ ᑲᑎᓐᖓᔪᑎᑐᑦ ᑕᓯᐅᓚᐅᕐᐸᑎᑦ
ᒨᓯᓯᐅᑉ ᐂᕉᓂᐅᓪᓗ ᐊᐅᓚᑦᓯᓂᖏᑦ ᐊᑐᕐᓗᒋᑦ.
Currently Selected:
ᐃᓐᖏᕈᑎᑦ 77: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
