ᐃᓐᖏᕈᑎᑦ 66
66
ᒎᑎᒥᒃ ᓂᕐᑐᐃᓂᖅ ᑲᒪᓇᕐᑐᓕᓂᖏᑦ ᐱᓪᓗᒋᑦ
ᐃᓐᖏᕈᑦ
1ᖁᕕᐊᓱᖕᓂᕐᒧᑦ ᕾᒐᓛᕆᑦᓯ ᒎᑎᒧᑦ, ᓄᓇᕐᔪᐊᕐᒥᐅᓕᒫᖑᔪᓯ!
2ᐃᓐᖏᕆᑦᓯ ᐊᑎᖓ ᐅᐱᒋᓗᒍ; ᓂᕐᑐᕐᓇᕐᓂᖓ ᑲᑦᔮᕐᓇᕐᑎᓯᐅᒃ.
3ᒎᑎᒧᓪᓗ ᐅᖃᕐᓗᓯ, “ᓴᓇᓯᒪᔭᑎᑦ ᑲᒪᓇᕐᑐᐊᓘᕗᑦ!
ᐊᔪᒐᖃᖏᓐᓂᕕᑦ ᐊᖏᔪᕐᔪᐊᖑᓂᖓᓄᑦ ᐊᑭᕋᕐᑐᕐᑎᑎᑦ ᐹᒻᒫᒃᑎᕐᐳᑦ ᐃᓕᖕᓄᑦ.
4ᓄᓇᕐᔪᐊᕐᒥᐅᓕᒫᑦ ᐅᐱᒋᔪᒫᕐᐹᑎᑦ;
ᐃᓐᖏᕐᓗᑎᒡᓗ ᓂᕐᑐᕈᒫᕐᐹᑎᑦ,
ᐊᑎᕐᓂᒃ ᓂᕐᑐᐃᓗᑎᒃ ᐃᓐᖏᕈᒫᕐᐳᑦ.” ᓰᓚ
5ᕾᒋᑦᓯ ᑕᑯᔭᕐᑐᕐᓗᓯ ᒎᑎᐅᒃ ᐱᓂᐊᕐᓯᒪᔭᖏᓐᓂᒃ;
ᑲᒪᓇᕐᑐᐊᓗᖕᓂᒃ ᐱᓂᐊᕐᓯᒪᖕᒪᑦ ᐃᓄᖕᓄᑦ.
6 #
ᒨᓯᓯ ᐂᑉᐸᖏᑦ 14:21;
ᔮᓱᐊ 3:14-17. ᐃᒪᕐᔪᐊᖅ ᓄᓇᓐᖑᕐᑎᓚᐅᕐᐹ ᓴᓗᐊᒪᓕᕐᓗᓂ;
ᐃᓄᐃᑦ ᐱᓱᒡᓗᑎᒃ ᑰᖕᒥᒃ ᐃᑳᓚᐅᕐᐳᑦ.
ᑍᑲᓂ ᖁᕕᓱᖃᑎᒌᒍᑎᒋᕙᕗᑦ ᐱᓇᓱᐊᕐᓯᒪᓂᖓ ᐱᓪᓗᒍ.
7ᐊᐅᓚᑦᓯᕗᖅ ᐱᔪᓐᓇᕐᓂᕐᔪᐊᒥᓄᑦ ᐃᓱᖃᖏᑦᑐᒧᑦ,
ᐃᔨᒥᓄᑦ ᑕᑯᓐᓈᕐᐳᖅ ᐃᓅᖃᑎᒌᒡᔪᐊᓂᒃ—
ᐊᑭᕋᕐᑐᕐᑏᑦ ᒪᑭᓐᓂᐊᓐᖏᓚᑦ ᐊᑭᕋᕐᑐᕐᓗᑎᒃ ᑖᑦᓱᒧᖓ. ᓰᓚ
8ᒎᑎᕗᑦ ᓂᕐᑐᕐᓚᕗᑦ, ᐃᓅᖃᑎᒌᒡᔪᐊᖑᔪᓯ!
ᑖᑦᓱᒪ ᓂᕐᑐᕐᑕᐅᓂᖓᑕ ᓂᐱᖏᑦ ᑐᓴᕐᑕᐅᓕᑦ,
9ᑕᕐᓂᕗᑦ ᐃᓅᔪᑦ ᐃᓂᖓᓃᑎᒻᒪᒋᑦ,
ᐃᑎᒐᕗᓪᓗ ᖁᐃᔭᕿᑎᓚᐅᖏᒻᒪᒋᑦ.
10ᒎᑏ ᐃᕝᕕᑦ ᐆᒃᑐᕋᕐᓯᒪᒐᑦᑎᒍᑦ,
ᓴᓗᒻᒪᕐᓴᕐᓯᒪᕙᑦᑎᒍᑦ ᓯᐅᓪᕕᕆᐅᑉ ᓴᓗᒻᒪᕐᓴᕐᑕᐅᑦᔪᓯᖓᑐᑦ.
11ᐊᓄᓪᓚᒃᓯᕐᑕᐅᕕᖕᒧᑦ ᐱᑎᓚᐅᕋᑦᑎᒍᑦ;
ᐅᖁᒤᑦᑐᓂᒃ ᐊᒡᔭᕐᓯᑎᓚᐅᕐᐸᑦᑎᒍᑦ;
12ᐃᓄᐃᑦ ᐃᖏᕐᕋᑎᑉᐸᑎᑦ ᓂᐊᖁᑦᑕ ᖁᓛᒍᑦ;
ᐃᑯᒪᒃᑰᓚᐅᕐᐳᒍᑦ ᐃᒪᒃᑰᕐᓗᑕᓗ;
ᑎᑭᑎᓚᐅᕐᐸᑦᑎᒍᓪᓕ ᐃᓂᒃᓴᒧᑦ ᐊᒥᒐᕐᓯᓇᖏᑦᑐᒧᑦ.
13ᑐᒃᓯᐊᕐᕕᒃᔪᐊᖁᑎᖕᓄᑦ ᐂᓂᐊᕐᐳᖓ ᐆᑕᒃᓴᓂᒃ ᑐᓂᕐᕈᓯᕆᐊᕐᑐᕐᓗᖓ;
ᐊᑭᓕᕈᒪᕙᒋᑦ ᐊᖏᒻᒪᕆᒍᑎᒋᓯᒪᔭᓐᓂᒃ.
14ᖃᓂᓐᓄᑦ ᓂᓪᓕᐊᑦᔪᑎᒋᓯᒪᔭᓐᓂᒃ
ᐊᖏᕈᑎᒋᓚᐅᕐᑕᓐᓂᒡᓗ ᐅᖁᒤᑦᑐᒦᑎᓪᓗᖓ.
15ᑐᓂᕐᕈᓯᕐᕕᒋᔪᒪᕙᒋᑦ ᐆᑕᒃᓴᓂᒃ ᐆᒪᔪᕕᓂᕐᓂᒃ ᖁᐃᓂᔪᓂᒃ,
ᓰᐲᑦ ᐊᖑᓴᓪᓗᖏᓐᓂᒃ ᑎᐱᑦᓯᐊᕆᒃᑐᓂᒃ;
ᑐᓂᕐᕈᓯᕐᓗᖓᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖏᓐᓂᒃ ᒎᑦᓯᓂᒡᓗ. ᓰᓚ
16ᕾᒋᑦᓯ ᑐᓵᔭᕐᑐᕐᓗᓯ, ᑕᒪᑦᓯ ᒎᑎᒥᒃ ᓯᕘᕋᔪᓯ,
ᐅᖃᐅᑎᓂᐊᕋᑦᓯ ᖃᓄᖅ ᑕᕐᓂᓐᓂᒃ ᐱᓯᒪᖕᒪᖔᑦ.
17ᕾᒐᓛᕐᕕᒋᓚᐅᕐᐸᕋ ᖃᓂᓐᓄᑦ;
ᐅᖃᓐᓄᓪᓗ ᓂᕐᑐᕐᓚᐅᕐᐸᕋ.
18ᐆᒻᒪᑎᒃᑯᑦ ᐱᐅᖏᑦᑐᓕᓂᕐᒥᒃ ᐊᓐᓂᕆᔭᖃᕈᒪ,
ᐊᑕᓂᐅᑉ ᑐᓴᕐᓂᐊᓐᖏᓛᖓ.
19ᓇᓗᓇᖏᑦᑐᒥᒡᓕ ᒎᑎᐅᑉ ᑐᓴᓚᐅᕐᐹᖓ;
ᓈᓚᓚᐅᕐᐳᕐᓗ ᑐᒃᓯᐊᕐᓂᕐᒪ ᓂᐱᖓᓂᒃ.
20ᓂᕐᑐᕐᑕᐅᓕ ᒎᑎ, ᑐᒃᓯᐊᕐᓂᓐᓂᒃ ᓇᕐᕈᓚᐅᖏᒻᒪᑦ
ᐲᕐᓯᓚᐅᕋᓂᓗ ᓇᒡᓕᖕᓂᕐᒥᓂᒃ ᓱᖁᓯᔪᐃᑦᑐᒥᒃ ᐅᕙᓐᓄᑦ.
Currently Selected:
ᐃᓐᖏᕈᑎᑦ 66: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
