ᐃᓐᖏᕈᑎᑦ 64
64
ᐱᐅᖏᑦᑐᓕᔪᓄᑦ ᐊᑭᕋᕐᑐᕐᑕᐅᓂᖅ ᐊᑕᓂᕐᒥᓗ ᖁᕕᐊᓱᖕᓂᖅ
ᑍᕕᑎᐅᑉ ᐃᓐᖏᕈᑖ
1ᒎᑏ ᓂᐱᒐ ᑐᓴᓚᐅᕈᒃ, ᐃᓱᐊᕆᓐᖏᑕᓐᓂᒃ ᓂᓪᓕᐊᑦᔪᑎᖃᕐᑎᓪᓗᖓ;
ᓴᐳᑎᓗᖓᓗ ᐊᑭᕋᕐᑐᕐᑎᒪ ᑲᑉᐱᐊᓇᕋᓱᐊᕐᓂᖏᓐᓂᑦ,
2ᐃᔨᕐᓯᒪᓚᐅᓐᖓ ᐱᐅᖏᑦᑐᓕᔪᑦ ᐃᓱᒪᓕᐅᖃᑎᒌᖕᓂᖏᓐᓂᑦ,
ᐱᐅᖏᑦᑐᒥᒃ ᐱᓇᓱᐊᕐᑎᑦ ᐊᑭᕋᕐᑐᕋᓱᐊᕐᓂᖏᓐᓂᑦ.
3ᐅᖃᕐᒥᖕᓂᒃ ᐃᐱᒃᓮᕗᑦ ᓴᕕᒡᔪᐊᑎᑐᑦ,
ᐅᖃᐅᓯᕐᒥᖕᓂᒃ ᐋᖅᑭᒃᓱᐃᕗᑦ ᐱᑎᒃᓯᒧᑦ ᑐᕌᕐᑎᑎᕐᑐᑎᑐᑦ,
4ᐱᑎᒃᓯᔪᒪᓪᓗᑎᒃ ᐸᓯᔭᒃᓴᐅᖏᑦᑐᓂᒃ ᖃᐅᔨᔭᐅᖏᓪᓗᑎᒃ;
ᐱᑎᒃᓯᒧᑦ ᑖᑦᓱᒥᖓ ᐱᑎᒋᐊᑲᓪᓚᒃᐳᑦ ᑲᑉᐱᐊᓱᒐᑎᒡᓗ.
5ᓯᕘᕋᔪᓐᓃᕐᑎᖃᑦᑕᐅᑎᕗᑦ ᐱᐅᖏᑦᑐᒥᒃ ᐱᓇᓱᐊᕈᒪᓪᓗᑎᒃ;
ᐅᖃᖃᑎᒌᒃᐳᑦ ᓄᓗᐊᓂᒃ ᐃᔨᕐᓯᒪᔪᓂᒃ ᐃᓕᓯᔪᒪᓪᓗᑎᒃ;
ᐅᖃᕐᓗᑎᒃ, “ᑕᑯᓐᓇᕐᑕᐅᑦᔮᓐᖏᓚᒍᑦ.”
6ᐃᓱᒪᓕᐅᖃᑎᒌᒃᐳᑦ ᐱᐅᖏᑦᑐᒥᒃ ᐅᖃᕐᓗᑎᒃ,
“ᖃᐅᔨᔭᐅᓂᐊᖏᑦᑐᒥᒃ ᓈᒻᒪᒃᑐᒥᒃ ᐱᕋᔭᒍᑎᒃᓴᒥᒃ ᐋᖅᑭᕗᒍᑦ.”
ᐃᓛᒃ ᐃᓅᑉ ᐃᓱᒪᖓ ᐆᒻᒪᑎᒥᐅᑕᖏᓪᓗ ᐅᐃᕕᕆᒃᓯᓂᐅᖕᒪᑕ.
7ᒎᑎᐅᓪᓕ ᖃᕐᔪᓄᑦ ᐱᑎᒋᐊᕈᒫᕐᐰᑦ;
ᑕᕝᕔᓐᓇᕐᓗ ᐃᑭᖃᓕᕐᓗᑎᒃ.
8ᓵᑕᐅᑎᑦᓱᒫᕐᐰᓪᓗ ᓇᖕᒥᓂᖅ ᐅᖃᐅᓯᖏᓐᓄᑦ;
ᐊᔪᓕᕐᑎᓪᓗᒋᓪᓗ, ᑖᒃᑯᓂᖓᓗ ᑕᑯᔪᑦ ᕿᒫᔪᒫᕐᐳᑦ.
9ᐃᓄᓕᒫᑦ ᑕᕝᕙ ᓯᕘᕋᓕᕈᒫᕐᐳᑦ,
ᒎᑎᐅᓪᓗ ᐱᓂᐊᕐᓂᖏᓐᓂᒃ ᐅᖃᐅᓯᖃᓕᕐᓗᑎᒃ;
ᐃᓱᒪᒃᓴᕐᓯᐅᕈᑎᒋᓕᕐᓗᒋᓪᓗ ᐱᓂᐊᕐᓂᖏᑦ.
10ᐃᓱᐊᕐᑐᓪᓕ ᖁᕕᐊᓲᑎᖃᕐᓕᑦ ᐊᑕᓂᕐᒥᒃ, ᕿᒫᕝᕕᒋᓗᒍᓗ!
ᐃᓅᑦᓯᐊᕋᓱᒃᑐᓕᒫᑦ ᐆᒻᒪᑎᒥᒍᑦ ᓂᕐᑐᐃᓕᕐᓕᑦ.
Currently Selected:
ᐃᓐᖏᕈᑎᑦ 64: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
