ᐃᓐᖏᕈᑎᑦ 60
60
ᑐᒃᓯᐊᕐᓂᖅ ᒎᑎᒧᑦ ᖁᕕᐊᒋᔭᐅᓂᕐᒧᑦ ᐅᑎᕐᑎᑕᐅᔪᒪᓂᖅ
ᑍᕕᑎᐅᑉ ᐃᓐᖏᕈᑖ
1ᒎᑏ, ᖁᔭᓈᕐᓯᒪᒐᑦᑎᒍᑦ; ᓯᖁᒥᓯᒪᒐᑦᑎᒍᓪᓗ,
ᓂᓐᖓᓚᐅᕋᕕᑦ, ᐅᑎᕐᑎᓚᐅᕐᒥᑎᒍᑦ!
2ᓄᓇ ᓴᔪᒃᐱᓗᒃᑎᓚᐅᕐᐸᑦ, ᓱᕋᒃᑎᕐᓗᒍᓗ;
ᓯᖁᒥᓯᒪᓂᖏᑦ ᐋᖅᑭᒃᓱᓚᐅᒃᑭᑦ, ᓴᔪᒃᑐᐊᓘᓕᕐᒪᑦ.
3ᐃᓄᖁᑎᑎᑦ ᐅᖁᒤᑦᑐᐊᓗᖕᓂᒃ ᑎᑭᑕᐅᑎᒃᑲᕕᒋᑦ,
ᐃᒥᕐᑎᓚᐅᕋᑦᑎᒍᑦ ᕔᓂᒥᒃ ᓇᓗᓕᕐᓇᕐᑐᒥᒃ.
4ᐃᓕᖕᓂᒡᓕ ᓯᕘᕋᔪᑦ ᓮᒻᒪᑎᒥᒃ ᑐᓂᓯᕕᒋᕙᑎᑦ,
ᑕᑯᒃᓴᐅᓂᐊᕐᐳᕐᓗ ᓱᓕᑦᓯᐊᕐᓃᑦ ᐱᓪᓗᒍ. ᓰᓚ
5ᓵᓚᖃᕐᑎᑎᒍᑦ ᐊᒡᒐᖕᓄᑦ ᑕᓕᕐᐱᖕᓄᑦ ᑭᐅᓗᑕᓗ!
ᓇᒡᓕᒋᔭᑎᑦ ᓴᐳᑎᔭᐅᖁᓪᓗᒋᑦ.
6ᒎᑎ ᐃᑦᔪᕐᓁᑦᑐᕕᖕᒥᓂᑦ ᐅᖃᕐᒪᑦ:
“ᖁᕕᐊᓱᒡᓗᖓ, ᓯᑭᒻ ᐊᕕᒃᑐᕐᓗᒍ ᑐᓂᐅᖅᑲᐅᑎᒋᓂᐊᕐᐸᕋ,
ᓇᕐᓴᖅ ᓴᑰᑎ ᑐᓂᐅᖅᑲᐅᑎᒋᓂᐊᕐᐸᕋ ᐃᓄᖁᑎᓐᓄᑦ.
7ᒋᓕᐊᑎ ᐱᒋᕙᕋ; ᒫᓇᓯᓗ ᐱᒋᕙᕋ;
ᐃᕗᕅᒥ ᓇᓴᕆᕙᕋ; ᔫᑕᓗ ᐱᖁᔭᓐᓂᒃ ᑎᒃᑯᐊᕐᓯᑦᔪᑎᒋᕙᕋ.
8ᒧᐊᐱ ᐅᐊᓴᕐᕕᖁᑎᒋᕙᕋ; ᐄᑐᒥᓗ ᐃᑎᒐᒍᑎᓐᓂᒃ ᐃᒋᑦᓯᕕᒋᕙᕋ;
ᐱᓕᔅᑎᐊ ᓵᓚᖃᕐᓂᕐᒥᒃ ᕾᒐᓛᕐᓗᖓ ᓂᓪᓕᐊᕕᒋᕙᕋ.”
9ᑭᐊ ᐃᒡᓗᒐᓴᒡᔪᐊᓄᑦ ᐊᕙᓗᕐᔪᐊᖃᕐᑐᓄᑦ ᐱᑎᓐᓂᐊᕐᐹᖓ?
ᑭᐊ ᐄᑐᒥᒧᑦ ᑕᓯᐅᕐᓂᐊᕐᐹᖓ?
10ᒎᑏ, ᐃᒋᓯᒪᓐᖏᓚᑦᑎᒎᑦ?
ᒎᑏ, ᐅᓇᑕᕆᐊᕐᑎᓪᓗᑕ ᐃᓚᒋᓚᐅᓐᖏᓚᑦᑎᒎᑦ?
11ᐃᑲᔪᓚᐅᕐᑎᒍᑦ ᐅᖁᒤᑦᑐᓕᕆᓂᑦᑎᓐᓂᒃ,
ᐃᓅᑉ ᐃᑲᔪᕐᓂᖓ ᓱᓇᐅᖏᒻᒪᑦ.
12ᒎᑎ ᐃᓚᒋᓗᒍ ᓵᓚᖃᕐᓂᐊᕐᐳᒍᑦ;
ᐊᑭᕋᑦᑕᓗ ᖄᖏᑎᒍᑦ ᐱᓱᖕᓂᐊᕐᐳᖅ.
Currently Selected:
ᐃᓐᖏᕈᑎᑦ 60: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
